Embassy of the Republic of Azerbaijan in Ukraine

24/08/2026

Warm congratulations to the friendly people and the government of Ukraine on the occasion of National Day.

Happy National Day, Ukraine! 🇦🇿 🇺🇦

Міністерство закордонних справ України / MFA of Ukraine

06/08/2026

🇦🇿🇺🇦 Azərbaycan Respublikasının xarici işlər naziri Ceyhun Bayramovun Ukraynaya rəsmi səfəri çərçivəsində Ukrayna Milli Təhlükəsizlik və Müdafiə Şurasının katibi İhor Klimenko ilə görüşü keçirilib.

Görüş zamanı regionda sülhün, sabitliyin və dayanıqlı inkişafın təmin edilməsinin, qarşılıqlı faydalı əməkdaşlığın və həmrəyliyin davam etdirilməsinin əhəmiyyəti vurğulanıb.

Ukrayna Milli Təhlükəsizlik və Müdafiə Şurasının katibi İhor Klimenko Azərbaycanın Ukraynaya göstərdiyi dəstəyi, o cümlədən bərpa və yenidənqurma prosesinə verdiyi töhfəni yüksək qiymətləndirib.

Tərəflər, həmçinin qarşılıqlı maraq doğuran ikitərəfli və regional məsələlər ətrafında fikir mübadiləsi aparıblar.

06/08/2026

🇦🇿🇺🇦 Azərbaycan və Ukrayna konsulluq sahəsində əməkdaşlığın daha da inkişaf etdirilməsi istiqamətində səylərini davam etdirir.

Azərbaycan Respublikasının xarici işlər naziri Ceyhun Bayramovun Ukraynaya rəsmi səfəri çərçivəsində Ukrayna Xarici İşlər Nazirliyinin Konsulluq Xidməti Departamentinin direktoru Vladislav Kanevski ilə Azərbaycan Respublikası Xarici İşlər Nazirliyinin Konsulluq İdarəsinin rəisi Emil Səfərov arasında işgüzar görüş keçirilib.

Müzakirələr zamanı təhsil sahəsində əməkdaşlığın genişləndirilməsi və humanitar təşəbbüslərin həyata keçirilməsi məsələləri də nəzərdən keçirilib.

Görüşün yekununda tərəflər 2027-ci ildə Kiyevdə Azərbaycan və Ukrayna arasında növbəti ikitərəfli konsulluq məsləhətləşmələrinin keçirilməsi barədə razılığa gəliblər. Bu addımın konsulluq sahəsində praktiki tərəfdaşlığın daha da möhkəmləndirilməsinə mühüm töhfə verəcəyi vurğulanıb.

06/08/2026

🇦🇿🇺🇦 Azərbaycan Respublikasının xarici işlər naziri Ceyhun Bayramovun Ukraynaya rəsmi səfəri çərçivəsində Kiyev şəhərində yerləşən Azərbaycan Respublikasının Ukraynadakı Səfirliyini ziyarət edib.

Nazir səfirliyin əməkdaşları ilə görüş keçirib, diplomatik nümayəndəliyin fəaliyyəti, görülən işlər və qarşıda duran vəzifələr barədə ətraflı məlumatlandırılıb.

06/08/2026

🇦🇿🇺🇦 Azərbaycan Respublikasının xarici işlər naziri Ceyhun Bayramovun Ukraynaya rəsmi səfəri çərçivəsində Ukrayna Prezidenti Volodimir Zelenski tərəfindən qəbul edilib.

Görüş zamanı Azərbaycan–Ukrayna Strateji Tərəfdaşlığının hazırkı vəziyyəti və gələcək inkişaf perspektivləri ətrafında geniş fikir mübadiləsi aparılıb.

Tərəflər gələn il Azərbaycan Respublikası ilə Ukrayna arasında diplomatik münasibətlərin qurulmasının 35 illiyinin qeyd olunacağını nəzərə alaraq, strateji tərəfdaşlığın daha da möhkəmləndirilməsinin əhəmiyyətini vurğulayıblar.

Nazir Ceyhun Bayramov Azərbaycanın Ukraynanın beynəlxalq səviyyədə tanınmış sərhədləri çərçivəsində suverenliyinə və ərazi bütövlüyünə verdiyi ardıcıl dəstəyi bir daha təsdiqləyib.

Prezident Volodimir Zelenski Ukraynaya göstərilən humanitar yardıma görə Azərbaycan Respublikasının Prezidenti İlham Əliyevə və Azərbaycan Hökumətinə minnətdarlığını ifadə edib.

06/08/2026

06/08/2026

🇦🇿🇺🇦Nazir Ceyhun Bayramovun Ukraynaya rəsmi səfərinə dair mətbuat məlumatı

6 avqust tarixində Azərbaycan Respublikasının xarici işlər naziri Ceyhun Bayramovun Ukraynaya rəsmi səfəri başlayıb.

Səfər çərçivəsində Ukraynanın xarici işlər naziri Andriy Sıbiha və digər yüksək səviyyəli rəsmilərlə ikitərəfli görüşlərin keçirib.

18/07/2026

Gəmi kapitanının cənazəsinin ölkəmizə yola salınması barədə mətbuat məlumatı

⬇️⬇️⬇️

https://mfa.gov.az/az/news/no31826

16/07/2026

Odessa sahilləri yaxınlığında hücuma məruz qalmış gəmi kapitanının nəşinin tapılması barədə mətbuat məlumatı

⬇️⬇️⬇️

https://mfa.gov.az/az/news/no31526

16/07/2026

Odessa sahilləri yaxınlığında hücuma məruz qalmış gəmi heyətindəki Azərbaycan vətəndaşlarının ölkəmizə yola salınması barədə mətbuat məlumatı

⬇️⬇️⬇️

https://mfa.gov.az/az/news/no31326