Buganda Kingdom

Call Directions Website Contact the organization

Buganda Kingdom This is the official page of Buganda Kingdom.

Okutumbula Ebyobulimi: Katikkiro Alambudde YPA.Bya Arthur KalumbaKatikkiro wa Buganda Charles Peter Mayiga alambudde aba...
06/10/2026

Okutumbula Ebyobulimi: Katikkiro Alambudde YPA.

Bya Arthur Kalumba

Katikkiro wa Buganda Charles Peter Mayiga alambudde abavubuka abeegattira mu kibiina ki Youth Platform Africa (YPA) e Nakitembe, mu Gombolola ye Maddu mu Ssaza Gomba.

Katikkiro alambudde faamu z’embuzi , ebyuma ebikozesebwa mukulima kko n'ebintu ebirala.

Nga ayogerako eri abe Gomba, Kamalabyonna, asoose kwennyamira olw’abavubuka abaagala ebirungi kyokka nga ate tebaagala kubikolerera.

Katikkiro awadde abavubuka amagezi okuba abamalirivu, obutakoowa singa baba batandiseewo emirimu, okulondoola, kko n’okutereeza ebyo ebiba bisobye mu bizinensi zaabwe.

Mukuuma ddamula yewuunyizza abavubuka abaagala obugagga , Kyokka nga ate obudde bwabwe bwonna babumalira mu masinzizo kati ssente banazijjawa?

Ben Obed ssenkulu wa YPA yeebazizza Katikkiro olw’okubazaamu essuubi nga abavubuka, kino kibayambyeko okwezuula nokwongera omutindo ku byebakola.

Minisita w’ebyobulimi mu bwakaba bwa Buganda Owek Hajji Amisi Kakomo yebazizza abantu olw'okugoberera enteekateeka za Buganda ez’ebyobulimi n’obulunzi.

Katikkiro yawerekeddwako minisita w’ebyamawulire n’okukunga, Omwami w’essaza Gomba Kitunzi, nabaami ba Kabaka abalala bangi.

Minisita w'Obuwangwa Ennono n'obulambuzi, Oweek. Dr. Anthony Wamala asisinkanye Olukiiko olukulembeze olw'Ekika ky'Engab...
06/10/2026

Minisita w'Obuwangwa Ennono n'obulambuzi, Oweek. Dr. Anthony Wamala asisinkanye Olukiiko olukulembeze olw'Ekika ky'Engabi Ensamba ku Bulange e Mmengo. Abasambaganyi bakulembeddwamu Omutaka Nsamba Aloysius Magandaazi Lubega.

Mu kwogera kwe, Oweek. Wamala yeebazizza nnyo Omutaka Nsamba n'olukiiko lwe olw'okumwaniriza lwe yabakyalira e Buwanda.

Minisita abasabye okuteekateeka n'okunyweza obukulembeze ku mitendera gyonna mu Kika kyabwe, okukunga n'okwagazisa abazzukulu ensonga ze kika, okukuuma eby'obugagga bye e
Kika n'okukola emirimu egivaamu ensimbi okusobola okuyimirizaawo ekika kyabwe.

Mu alipoota y'ekika eyanjuddwa Katikkiro w’Ekika kino, Omw. Yiga Balironda, Omutaka Nsamba alaze obuwanguzi obw'enjawulo Ekika kye butuuseeko n'akikaatiriza nti buvudde mu kunyweza n'okukolera awamu. Yeebazizza nnyo bazzukulu be olw'obuwagizi eri ekika kyabwe n'abasaba obutakoowa naddala mu nteekateeka ze balina okulaba nga Ekika kyabwe kyekuumira Ku ntikko.

Ab'e Boston bakuzizza olunaku lwa Buganda olw'omwaka 2026. Olunaku luno lukuzibwa buli mwaka okujaguza ennono n’obuwangw...
06/10/2026

Ab'e Boston bakuzizza olunaku lwa Buganda olw'omwaka 2026.

Olunaku luno lukuzibwa buli mwaka okujaguza ennono n’obuwangwa bw'Abaganda, okujjukira ameefuga ga Buganda, n'amatikkira ga Ssaabasajja Kabaka. Enteekateeka z'omulundi guno ziwoomeddwamu omutwe aba Ggwanga Mujje Boston Chapter, ekibiina ekigatta bannayuganda mu Ssaza New England USA.

Olunaku lwa Buganda gwe gumu ku mikolo emikulu ena, Ggwanga Mujje Boston gy’etegeka buli mwaka. Olunaku luno, abantu ba Ssaabasajja Kabaka basisinkana nga ab'oluganda, nebajjukiza abaana abakulidde ebweru wa Buganda okumanya ensibuko y'abwe.

Ebimu ku byakoleddwa ku mukolo guno, ke kanyomero k’ebibuuzo ebikwata ku Luganda, Buganda, ennono n’obuwangwa, akaakubiriziddwa Dr. Ssebuwufu William Kamirante, Omuwala Serena Nakazibwe, ow’e Nnyonyi Nakinsige, ye yawangudde engule bwe yasinze okumanya ebifa ku Buganda mu ttuluba ly’abato.

Omubaka wa Ssaabasajja mu Ssaza New England USA, Oweek. Henry Matovu
Ndawula, asinzidde ku mukolo guno neyeebaza abantu ba Ssaabasajja Kabaka okwenyigira mu mirimu gy’Obwakabaka n’okugiwagira okusinziira buli omu ku busobozi bwe.

Mu bubaka bwe obwayisiddwa ku mutimbagano, Minisita wa Gavumenti ez’Ebitundu okulambula kwa Kabaka n'ensonga za Buganda ebweru, Oweek Joseph Kawuki, akulisizza ab'e Sssza New England USA, okutuuka ku lunaku luno kwe bakungaanira nebeewunaganya ku bikwata ku buwangwa bwabwe, wabula n'abajjukiza nti obwakabaka bulumbibwa nnyo abasekeeterezi ab'omunda n'abe bbali era nga bakozesa emitimbagano okuwebuula Beene, n'Obwakabaka, wano w'asinzidde n'abasaba okwewala ebyo ebiyinza okuleetawo enjawukana, omuli; eddiini, eby’obufuzi, n'ebiringa ebyo.

Mu ngeri y'emu Oweek Kawuki akubirizza abantu ba Ssaabassajja Kabaka mu Boston okuwagira enteekateeka y'okusonda ensimbi z'okugula eddwaliro ly’okumazzi erinaayamba abantu b’oku bizinga by’e Ssese ne Buvuma okufuna obujjanjjabi obwannamaddala. Anokoddeyo ezimu ku nteekateeka Ssaabasajja Kabaka zaakoze mu kusitula omutindo gw'embeera z’Abantu be; amasomero ga nassale 20, amalwaliro 5, enzizi z’amazzi amayonjo ezisukka mu 1000. Okumanya enteekateeka z'obwakabaka nga bwezitambula, Oweek. Joseph Kawuki abasabye bettanire emikutu gy'Obwakabaka emitongole okuli; Gambuuze.ug, CBS, BBS, n'egy'obwakabaka.

Minisita w'Enkulaakulana y'abantu ne woofiisi ya Nnabagereka Oweek Choltilda Nakate Kikomeko asisinkanye abakulu okuva m...
06/10/2026

Minisita w'Enkulaakulana y'abantu ne woofiisi ya Nnabagereka Oweek Choltilda Nakate Kikomeko asisinkanye abakulu okuva mu kitongole kya UNAIDS ne People Living with HIV ku Bulange e Mmengo, abakulembeddwamu Dr Maggie Kigozi okuteesa ku nsonga y'okuzimba ekkeberezo lya Mukenenya ery'etongodde mu ggwanga.

Bano baagala Obwakabaka bubafunire ettaka yiika 2, era n'Abantu ba Buganda beenyigire mu kaweefube w'okusonda ensimbi ezinaakozesebwa mu kuzimba ekkeberezo.

Oweekitiibwa Choltilda Nakate Kikomeko,
agamba nti ekintu kya mukenenya kikwata ku buli muntu, abamu balina abalwadde ate abalala be balwadde, n'olwekyo abantu bonna basaanidde okuteeka ettoffaali ku nteekateeka y'okuzimba ekkeberezo lino kisobozese aba Nafophanu ne UNAIDS okutuuka ku balwadde ba mukenenya abeetaaga okubudaabudibwa, okumira eddagala, olwo 2030 wanatuukira nga mukenenya tumulinnye ku nfeete.

Ekiriwo kati;Katikkiro ayolekedde Maddu mu Ssaza Gomba, gy'agenze okulambula ennimiro n'eddundiro ly'e mbuzi eriddukanyi...
06/10/2026

Ekiriwo kati;

Katikkiro ayolekedde Maddu mu Ssaza Gomba, gy'agenze okulambula ennimiro n'eddundiro ly'e mbuzi eriddukanyizibwa ekibiina kya Youth Platform Africa, okubaako amagezi gaafunayo agaleetere obuganda busobole okwekulaakulanya bugobe obwavu ng'emu ku nkola y'okusitula omutindo mu bulimi n'obulunzi.

Oweek Hajji Amisi Kakomo Mukasa, Oweek Israel Kazibwe Kitooke, Kitunzi Oweek Frederick Williams Mugabi, bawerekeddeko Katikkiro.

Okulagajjalira obulamu bwo nga ovuga ekidduka ku kkubo kya bulabe nnyo, tulina okufaayo ku b'Enganda zaffe, n'olwekyo tw...
05/10/2026

Okulagajjalira obulamu bwo nga ovuga ekidduka ku kkubo kya bulabe nnyo, tulina okufaayo ku b'Enganda zaffe, n'olwekyo twewale okuvuga endiima, tusibe enkoba, tukomye okunywa omwenge ate ne tuvuga.

Obubaka buno Katikkiro abuweeredde Katabi, Entebbe, gy'agenze okukubagiza munywanyi we Paul Mayinja olw'okufiirwa mukyala we Maria Asumpta mu kabenje, n'ayongera okusaba abavuzi b'e bidduka okugoberera amateeka g'oku mateeka.

Ssentebe w’Olukiiko lw’Obuwangwa n’Ennono mu Bwakabaka, Ssaalongo Luwangula Basajjansolo, alambudde Olubiri lwa Ssekabak...
05/10/2026

Ssentebe w’Olukiiko lw’Obuwangwa n’Ennono mu Bwakabaka, Ssaalongo Luwangula Basajjansolo, alambudde Olubiri lwa Ssekabaka Kateregga e Buteregga olusangibwa e Bakka mu Busiro, n'ekigendererwa eky'okulutaasa ku bannakigwanyizi abeesomye okutwala ettaka kwe lutudde, nga n'abamu bagamba nti baafunako ebyapa ekintu ky'agambye nti kikyamu.

Obukulu bw'okulambula ettaka lino, kwe kutema empenda ku ngeri Obwakabaka gye buyinza okulitaasa ku babbi.

Omulangira Luwangula mwennyamivu olw'okulaba nga embiri zino abantu baziyisaamu amaaso nebatuuka n'okutunda wamu n'okugula ettaka kwe zitudde ekitakkirizibwa.

Abambejja n'abasiige ababeera mu Lubiri luno, nga bakulembeddwamu Omumbejja Nattu bagamba nti Obwakabaka bukoze kyamanyi okulaba nga butaasa ebifo bino era nebongera okusaba Obwakabaka okubataasa okununula Embuga zino zonna.

Obwakabaka bwa Buganda bwegasse ku nsi yonna okukuzza olunaku lw’Abakadde ku mulamwa “Buvunaanyizibwa bwaffe ffena okuss...
05/10/2026

Obwakabaka bwa Buganda bwegasse ku nsi yonna okukuzza olunaku lw’Abakadde ku mulamwa “Buvunaanyizibwa bwaffe ffena okussa ekitiibwa mu Bakadde n’Okusitula Omutindo mu mbeera Zaabwe”

Omukolo guno guyindidde ku Mbuga y’Essaza Bulemeezi e Bbowa nga Katikkiro Charles Peter Mayiga akiikiriddwa Omumyuka w’Omukubiriza w’Olukiiko lwa Buganda Oweek Ahmed Lwasa. Mu bubaka bwe Kamalabyonna asabye abantu okubudaabuda abakadde mu mbeera zonna zebayitamu, obutabacunga, okuwuliriza endowooza zaabwe okusobola okubeerawo nabo mu bulungi.

Eri abakadde, Katikkiro abakubirizza okweyunga ku mitimbagano batambule n'omulembe, bamanye ebitambula mu ggwanga n'Ensi yonna kibayambeko okumanya engeri gye balina okutambuzaamu obulamu bwabwe, era n'asaba gavumenti okufaayo ennyo ku nsonga z'abakadde nabo bawulire okwgalwa.

Omukolo gwetabiddwako; Minisita wa Bulungibwansi, Obutondebwensi, Amazzi n’Ekikula ky’Abantu Oweek Hajjat Mariam Mayanja Nkalubo, Omwami w’essaza Bulemeezi Kangawo Oweek. Dr. Ronald Mulondo, ababaka ba Paalamenti; Hon. Robert Ssekitooleko, ne Hon. James Kakooza.

Omubaka wa Gabunga mu Kyaddondo atuuziddwa David Mubiru y'atuuziddwa ku ky'omubaka omuggya ow'Omutaka Gabunga mu Ssaza ...
05/10/2026

Omubaka wa Gabunga mu Kyaddondo atuuziddwa

David Mubiru y'atuuziddwa ku ky'omubaka omuggya ow'Omutaka Gabunga mu Ssaza Kyaddondo ku mukolo ogukwatiddwa mu Ggombolola Ssaabaddu Kira.

Omutaka Gabunga Mubiru Ziikwa, asibiridde omubaka we entanda, okuba omuwulize eri Kabaka n'Obwakabaka, okukola emirimo egitwala Ekika ky'e Mmamba mu maaso.

Nga atuuzibwa, David Mubiru yeyamye okuweereza Ekika kye era wa kusookera ku kukumaakuma bazzukulu banne mu Kika kino okwagala n'okubunyisa enteekateeka z'Ekika zinnyikire mu bazzukulu ba Gabunga bonna.

Omwami w'Essaza Kyaddondo, Kaggo Hajji Ahmed Magandaazi Matovu asabye abakulu b'Ebika okubeera ekitundu ku buweereza obuli mu masaza kiyambeko mu kubunyisa enjiri y'obukulu bw'Ebika mu bantu ba Kabaka mu Masaza.

Address

Mengo
Kampala
256

Telephone

+256414274738

Website

Alerts

Be the first to know and let us send you an email when Buganda Kingdom posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Buganda Kingdom:

Shortcuts

Share

Category