16/11/2023
Omumyuka owookubiri owa Katikkiro ,Omuwanika era Minisita w’okuteekateeka ebyenfuna n’obusizi bw’Ensimbi Oweek.Robert Waggwa Nsibirwa asabye abazadde okulekerawo okutiitibya abaana ab'obulenzi, wabula babagunjule nga bwekikolebwa ku mwana omuwala, nabo basobole okuyiga emirimu baggwemu obwassemugayaavu olwo eggwanga lijja kuba n'ebiseera by'omumaaso ebitangaavu
Ono okogera bino abaddde atikula oluwalo oluvudde mu Ggombolola 3 okuva mu saaza lye Kyaddondo okubadde Mumyuka Nakawa , Mituba esatu Makindye, Mituba mukagga Mukulu wa Kibuga Mengo Lubaga ezikiise mu bimuli bya Bulange mwe bsaleetedde obukadde obusobye 33
Oweek Nsibirwa Asabye abantu okwongera okwekuuma mukenenya n'okulaba ng'abaana bataasibwa naddala mu kiseera kino nga bagenda mu luwummula olugenda okuva oluwanvu ddala.
Ono yebaziza olw'oluwalo lwe baleese, ne yeebaza Abaami olw'omulimu ogw'amaanyi gwebakola okulambula abantu ba Kabaka era n'abasaba buli lwebabatuukirira okubatusaako amawulire agafa embuga ate n'okubafunako agafa ewaabwe, olwo lwebakiise embuga baloope buli nsonga.
Minisita owa Gavumenti ez’Ebitundu ,okulambula kwa Kabaka, n’Ensonga z’abantu ba Buganda ebweru Oweek. Joseph Kawuki, agamba nti abantu ba Beene bategedde nnyo omulamwa gw'okuzza Buganda ku ntikko, era nga kino kyeyolekera mu ngeri emirimu gye gitambuzibwamu mu Masaza, mu magombolola okwetolola Buganda, ate nga Kyaddondo bakolera ddala okwongera okwekuumira ku ntikko, bwatyo n'asaba Abaami okwongera mu amaanyi. Yeebazizza Abaami ba Kabaka ab'eggombolola olw'obujjumize n'okunnyikiza obuweereza mu bantu ba Kabaka.
Ssentebe w'Abavubuka mu saaza lye Kyaddondo Kasozi Lumunye Ronald ku lwa Kaggo, yeebaziza abantu olw'okujjumbira emirimu gya Ssaabasajja ku Ssaza, era n'abasaba okugenda mu maaso batyo. Nga munnamateeka asabye abantu okulwanirira ettaka lya Beene nga beewala okumala gateeka mikono ku biwandiiko byattaka nga bwekyeyokera mu misango egy'enjawulo mu kkooti.
Ate bo abaami be GGombolola okubadde Ssenfuma Timothy Basajjasuubi akulira e Ggombolola Ya Mumyuka Nakawa, saako Bakanogga Mukasa Samuel akulira Mituba mukagga Mukulu wa Kibuga Mengo Lubaga baloppedde katikkiro okusomozebwa kwe basanga nadaala ku ttaaka lyobwakabaka.
Mbeeraze Zacy Mawula, Meeya wa divizoni ya Lubaga aweeeze okulaba nga ennyanja ya kabaka ekumibwa butiribiri
