Chauk Revolution Army

05/16/2026

ယခုလိုအခက်အခဲများကြားမှ တော်လှန်ရေးအတွက် ထောက်ပံ့လှူဒါန်းပေးသော တော်လှန်ပြည်သူတစ်ယောက်ချင်းစီတိုင်းကို ကျွန်တော်တို့ Chauk Revolution Army (CRA) မှကျေးဇူးအထူးတင်ရှိပါသည် ။
မည်သို့ပင် ခက်ခဲသည်ဖြစ်စေ တော်လှန်ရေးအောင်မြင်သည်အထိ ဆက်လက်တိုက်ပွဲဝင်သွားပါမည်ဟု သစ္စာအဓိဌာန်ပြုပါသည် ။


#ဘဏ္ဍာရေးတာဝန်ခံအဖွဲ့

04/13/2026

04/13/2026

🔺တိုက်ပွဲသတင်းထုတ်ပြန်ချက်

🔺၂၀၂၆ ခုနှစ်၊ ဧပြီလ (၃) ရက်

🔺မကွေးခရိုင် ချောက်မြို့နယ် ကျေးရွာများသို့ တက်လာသော အင်အား (၁၀၀)ခန့်ပါ စကစ ရန်သူ့စစ်ကြောင်းအား တိုက်ခိုက်ခြင်း။

🔺မကွေးခရိုင်၊ ချောက်မြို့နယ် အရှေ့မြောက်ခြမ်း ရှိ ကျေးရွာများသို့ ၂၀၂၆ခုနှစ် မတ်လ ၃၁ ရက်​နေ့က စစ်ကြောင်းထိုးဝင်ရောက်လာခဲ့ပါသည်။
အဆိုပါစစ်ကြောင်းသည် မကွေးတိုင်း မကွေးခရိုင် ချောက်မြို့နယ်မှ ဆင်ကရွာ ကြေးနီရွာ သွေးနက်ရွာ မန္တလေးတိုင်း ညောင်းဦးခရိုင် ညောင်းဦးမြို့နယ် မှ ဗိုလ်ကုန်းရွာများ သို့ စစ်ကြောင်းထိုး စီးနင်းဝင်ရောက်ခဲ့ပြီး ဆင်ကရွာမှ ပြည်သူနေအိမ် ၁ အိမ် သွေးနက်ရွာမှ ပြည်သူနေအိမ် ၁အိမ်နှင့် ဗိုလ်ကုန်း ရွာမှ ပြည်သူ နေအိမ် ၃၀ တို့အား မီးရှို့ဖျက်စီးခဲ့ပါသည်။ အဆိုပါ ရန်သူစစ်ကြောင်းအား ၃၁ ရက် မနက် ၁၀ နာရီ၁၅ မိနစ်မှာ ကြေးနီးရွာ အနီးတွင် တစ်ကြိမ် ညနေ ၃နာရီ အချိန်တွင် ဗိုလ်ကုန်းရွာ အနီးတွင်တစ်ကြိမ် မိမိတို့ မကွေးခရိုင်စစ်ဌာန ကွပ်ကဲမှုအောက်ရှိ မကွေးခရိုင်အမှတ်(၃)တပ်ရင်း ( CRA ) ၊ မကွေးခရိုင် အမှတ်(၁)တပ်ရင်း၊ များ ပူးပေါင်း၍ အနီးကပ်တ်ိုက်ပွဲများဖြစ်ပွားခဲ့ပြီး အကြမ်းဖက်စစ်ခွေး (၅) ဦးထက်မနည်း သေဆုံးပြီး အကြမ်းဖက်စစ်ခွေးများအပြင်းအထန် ဒဏ်ရာများ ရရှိခဲ့သည်။
မိမိတို့ဘက်မှ ရဲဘော်တစ်ဦးလည်း မစိုးရိမ် ထိခိုက်​ဒဏ်ရာရရှိခဲ့ပါသည်။

မကွေးခရိုင်စစ်ဌာနအောက်ရှိ တပ်ရင်း/တပ်ဖွဲ့များ၊ တော်လှန်ရေး အင်အားစုများနှင့်ပူးပေါင်းကာ အာဏာရှင်အမြစ်ဖြတ် တိုက်ပွဲများ အရှိန်မြှင့် ဖော်ဆောင်လျက်ရှိကြောင်း သတင်းထုတ် ပြန်အပ်ပါသည်။

မကွေးခရိုင်အမှတ်(၃)တပ်ရင်း
ပြည်သူ့ကာကွယ်ရေးတပ်မတော်

04/13/2026

တိုက်ပွဲသတင်းထုတ်ပြန်ခြင်း

၂၀၂၆ခုနှစ် ဖေဖော်ဝါရီလ ၈ရက်နေ့ နံနက်၁၀ နာရီ အချိန်ခန့်တွင် ချောက်မြို့နယ် ဆင်ကကျေးရွာမှ ထွက်ခွာလာသော အင်အား၇၀ ပါ စစ်ကြောင်းအား စန်းကန်ကျေးရွာနှင့် ဗိုလ်ကုန်းကျေးရွာ ကြားအရောက်တွင် မိမိတို့ ပူးပေါင်းတပ်များမှ ကြားဖြတ်တိုက်ခိုက်ခဲ့ပါသည်။ တိုက်ပွဲဖြစ်ပွားချိန် မိနစ်၃၀ခန့်ကြာမြင့်ခဲ့ပြီး ရန်သူဘက်မှ ၁၀ဦး သေဆုံး ​ပြီး အများအပြားထိခိုက်ဒဏ်ရာ များရရှိခဲ့သည်။

အဆိုပါတိုက်ခိုက်မှု့အား မိမိတို့ မကွေးခရိုင်တပ်ရင်း ၃ ၊ မကွေးခရိုင် တပ်ရင်း ၁ ၊ ဧရာဒေါင်း ပြည်သူကာကွယ်ရေးအဖွဲ့နှင့် မဟာမိတ်တပ်များ ပူးပေါင်းတိုက်ခိုက်ခဲ့ပါသည်။

ပြည်သူ့ကာကွယ်ရေးတပ်မတော်
မကွေးတိုင်းစစ်ဌာန
မကွေးခရိုင်တပ်ရင်း ( ၃ )

04/13/2026

အသိ​ပေးထုတ်ပြန်ချက်

၂၀၂၆ ခုနှစ်၊ ဇန်နဝါရီလ (၂၇) ရက်

🔴ပြည်သူသို့အသိ​ပေးခြင်း

🔺️ ၁။ မိဘပြည်သူများခင်ဗျား ချောက်မြို့နယ်အတွင်း ကြက်ဝိုင်း၊ ဖဲဝိုင်း၊ ဂျင်ဝိုင်း၊ ခြောက်ကောင်ဝိုင်း စသည့် လောင်းကစားများ ပြုလုပ်နေကြောင်း ကြားသိရပါသည်။
🔺️ ၂။ လောင်းကစားပြုလုပ်ခြင်းသည် ခိုးမှု၊ လုယက်မှု၊ ဖောက်ထွင်းမှု၊ ဓားပြမှု၊ မူးယစ်ဆေးဝါးမှု စသည့် နောက်ဆက်တွဲအမှုအခင်းများ ဖြစ်စေပြီး ပြည်သူများအတွက် အသက်အန္တရာယ်ဖြစ်စေနိုင်ခြင်းနှင့် ရပ်ရွာလုံခြုံရေးနှင့် တည်ငြိမ်အေးချမ်းရေးတို့ကို ထိခိုက်စေနိုင်ခြင်းစသည့် ဆိုးကျိုးများကိုသာ ဖြစ်ပေါ်စေပြီး ရပ်ရွာနှင့် ပြည်သူများအတွက် အဘက်ဘက်က နစ်နာစေပါသည်။

🔺️ ၃။ သို့ဖြစ်၍ မိဘပြည်သူများအနေဖြင့် အဆိုပါလောင်းကစားမှုများ မပြုလုပ်ကြပါရန်နှင့် တွေ့ရှိပါက မိမိတို့တပ်ရင်းကို သတင်းပေးတိုင်ကြားခြင်းဖြင့် ပူးပေါင်းဆောင်ရွက်ပေးကြပါရန် မေတ္တာရပ်ခံတိုက်တွန်းကြောင်းနှင့် မိမိတို့တပ်ရင်းအနေဖြင့် အဆိုပါလောင်းကစားဝိုင်းများကို ဖမ်းဆီးသွားမည်ဖြစ်ကြောင်း လေးစားစွာ အသိပေးအပ်ပါသည်။

မ​ကွေးခရိုင်တပ်ရင်း ( ၃ )
ပြည်သူ့ကာကွယ်​ရေးတပ်မ​တော်

12/09/2025

◼️ ကမ်ပိန်းပြီးဆုံးကြောင်း ကြေငြာခြင်း
_________________________________
ဒီဇင်ဘာလ ၉ ရက်

✅ လက်မှတ် (8100) စောင် ရောင်းရပြီး ✅
💰ငွေသား 405000000 ကျပ် ရရှိပြီး💰

🔥ကမ်ပိန်းတားဂတ်၏ 81% ရောင်းချခဲ့ရပါသည်။

ပါဝင်ကူညီပေးကြသော တော်လှန်ထောက်ပို့ မိဘပြည်သူ များကိုအထူးပင်ကျေးဇူးတင်ရှိပါသည်။

ယနေ့ ၂နာရီ အချိန်တွင် လက်တွဲညီညီ ချောက်မြို့ဆီ page နှင့် Chauk Revolution Army pageတို့တွင် Live လွှင့်၍ မဲဖောက်ပေးသွားမည်ဖြစ်ပါသည်။
#သိန်း၅၀၀၀ကမ်ပိန်း
#ချောက်မြို့နယ်