11/18/2019
Jawar Mohammed filannoo bara dhufu geggeeffamurratti akka hirmaatu beeksise. Paartii kam jalatti, bifa kamiin fi sadarkaa kamitti akka hirmaatu yeroo dhiyootti akka ifoomsu dubbatee jira. Haasaa Minisootaatti halkan kana taasiseen;
~
"Oromummaan ittiin saalfannu hin jiru, Oromiyaan dabarsinee kenninus hin jiru. Seenaa boonsaa qabna. Dharatu nurratti hojjetame malee dhara namarratti hin hojjenne. Daangaatu nutti darbame malee nuti daangaa namatti hin darbine. Dhugaa keenyatu awwaalame malee kan ormaa hin tuqne. Dhugaa Oromoo, fedhii Oromoo, dantaa Oromoo, kaayyoo Oromoo, dhugaa qabsaawota Oromoo waltajjii kamirrattuu, afaan kamiinuu, abbaa fedhe fuuldurattuu falmachuu qabna. Wanti waadaa isiniif gallu; filannoo dhufurratti korojoon Oromoo hin hatamu, dhugaan Oromoo hin awwaalamu, seenaan Oromoos hin xuraa'u. Oromiyaarratti nama Oromoon filate malee kan korojoo hatu, kan alagaan ergatu, kan alagaa shelleqatu hin filatamu. Kanaaf tarsimoo lafa kaawwanneerra, ittis qophoofneerra. Filannoo kanattis akka 'gulliitii' shunkurtaatti qoqqoodamnee hin seennu. Dr Mararaanis, Daawud Ibsaas, Kamaal Galchuus kanarratti ejjennoo wal fakkaataa qabu. Shakkiin hin jiru" jedheera.
