09/23/2026
Qodobada ugu muhiimsan khudbadii Madaxweynaha Iran ee QMM
Madaxweynaha Iran, Masoud Pezeshkian, ayaa khudbad ka jeediyay Golaha Guud ee Qaramada Midoobay ee 81-aad oo lagu qabtay magaalada New York.
Kuwani waa qodobbadii ugu muhiimsanaa ee khudbaddiisa:
1- Wuxuu sheegay in Iiraaniyiintu “ay dhibbanayaal u noqdeen argagixisada,” isagoo tusaale u soo qaatay dilka hoggaamiyaha sare iyo weerarkii Maraykanka ee lagu qaaday dugsiga hoose ee Minab, isaga oo gacanta ku hayay sawirrada dadkii ku waxyeelloobay.
2- Wuxuu Maraykanka ku eedeeyay inuu weeraray “jaamacadahayaga, xarumaha caafimaadka iyo iskuulladayada.”
3-Madaxweynaha Iran wuxuu sheegay in Tehran “aysan weerarin dadka rayidka ah” xilli ay ka jawaabaysay weerarrada Maraykanka.
4- Wuxuu beeniyay in Iran ay doonayso hub nukliyeer ah, balse wuxuu ku adkaystay in Iran aysan ka tanaasuli doonin “xuquuqdeeda dabiiciga ah” ee ah inay si nabad ah u isticmaasho tignoolajiyadda nukliyeerka.
5- Wuxuu sheegay in cunaqabataynta Maraykanku ay saameyneyso “dadka saboolka ah iyo kuwa ugu nugul bulshada.”
6- Wuxuu isbarbardhigay hubka nukliyeerka Israel oo aan kormeer caalami ah lagu samayn iyo kormeerayaasha loo diro Iran, isagoo yiri: “Iyagu israel way difaacayaan, annagana waa nala cunaqabateeyaa, waana nala ciqaabaa.”
7- Arrinta Falastiin, wuxuu Gaza ku tilmaamay “astaan muujinaysa fashilka hababka caalamiga ah ee looga hortagi lahaa dhibaatada dadka rayidka ah.”
8- Pezeshkian wuxuu khudbaddiisa ku soo gabagabeeyay isagoo si toos ah ula hadlay Madaxweynaha Maraykanka Donald Trump, wuxuuna yiri: “Marnaba madaxa hoos uma dhigi doonno, mana jilba-jabsan doonno. Ee waa is difaaci dooonaaa Sida aan Horey isugu difaacnay”
