Ministry of itaukei Affairs

08/28/2026

Ni sa bula vinaka.

Sa tabaki tiko ena siga ni kua Vakarauwai na ika 29 ni Okosita ena Fiji Times kei Fiji Sun na EOI ni kena railesuvi na Matabose ni Qele Maroroi.

Ke dua nomuni vakatataro ena rawa ni veitaratara ena Tabana ni Fiji Procurement Office Support.

Vinaka.

08/27/2026

MATASERE NI TABACAKACAKA ITAUKEI

Sa vakavinavinaka vakalevu na Tabacakacaka iTaukei vua na marama Daunisere o Tirisa Sautu ena nona solia nona gauna me rawa ni mai vulici ka lagati rawa na sere e rua ena solevu ni lagalagasere, 2026. Sega tale ga ni guilecavi na Daunisere sa mai vakacegu o Waisake Vueti okoya ka bulia na sere erua ka ra lagata o ira na ivakalesilesi ni Tabacakacaka iTaukei.

08/26/2026

SOLEVU NI LAGASERE NI LOTU WESELE- BOSEKOVITI 2026

Era vakaitavi na nomuni vakalesilesi ni Tabacakacaka iTaukei ena lagasere ka vakayacori tiko ena vodafone arena, ena ikatolu ni siga ni Bose Ko Viti.

Na Tabacakacaka era lagata e rua na sere nei Waisake Vueti, ka veivakatavulici kina o Tirisa Sautu. Qo edua na gauna edau vakalagilagi, ka dau vakacaucautaki kina na yacai Jiova ena vuku ni nona loloma tawa yalani, ena lagalaga sere.

Era vakaitavi na veitabana vakamatanitu ena siga nikua (26/08/2026). Na soqo ni lagasere oqo e na mai vakacavari tiko ena siga Vakaraubuka ga oqo.

Same 96:1

“Dou sere vei Jiova ena sere vou; dou sere vei Jiova, na vuravura taucoko.”

08/25/2026

Wishing all our children and families a happy, safe and meaningful school holiday!

08/24/2026

SIGA NI ITAUKEINIVANUA E VURAVURA - 2026

Ulutaga - 'Na dokai ni yalewavuku, maroroi ni bula, kei na tiko sautu'

Vakayacori ena koro o Lutu, Tikina o Lutu, ena yasana o Naitasiri ena ika14 ni siga ni Vula o Okosita, 2026.

08/21/2026

ERA SIKOVA MAI NA TABACAKACAKA ITAUKEI NA GONENIVULI NI IMMACULATE CONCEPTION COLLEGE

E kani marau ena valenivolavola ni Tabacakacaka iTaukei ena nodra veisiko mai na gonenivuli mai na Immaculate Conception College mai Solevu, Bua ena siga nikua (21/08/2026). Oqo o ira na gonenivuli era mai vaka itavi ena qito na netball.

Ena nodra veisiko, era a sikova na Tabana ni Veitarogivanua kei na Wainiqoliqoli, na Tabana ni Vosa kei na iTovo, ka vaka kina na Tabana ni Koporate. Era vakararamataki ena veiqaravi duidui era veiqaravi kina na ivakalesilesi, ka vakabibi ena kena maroroi na veitukutuku eso baleti keda na kawaitaukei.

E dua na ka bibi vei ira na gonevuli na nodra mai sarava ka vakadinadinataka eso na itukutuku era dau rogo italanotaka tu ga. Sa vakanuinui ni veika era sa mai vulica, ena veivakauqeti me ra na lai vakataroga na veika e baleti ira, na nodra itovo, na nodra vosa, kei na veika e kilai tani kina na nodra vanua.

Sa vakanuinui vinaka na Tabacakacaka iTaukei vei ira na gonevuli ni Immaculate Conception College, ka vaka tale ga kina vei ira kece na luveda ena kena marautaki tiko na sereki ni vuli, ka vaka kina na noda yadrayadravaki tiko na itubutubu vei ira na luveda ena gauna ni sereki oqo.

08/20/2026

VEIVAKARARAMATAKI NI VALENIVOLAVOLA NI VEITAROGIVANUA - TIKINA O BATIKI, LOMAIVITI

E veitalevi na Valenivolavola ni Veitarogivanua kina Tikina o Batiki ena vuku ni veivakararamataki me baleta na veiqaravi ni Valenivolavola ni Veitarogivanua kei na vica tale na ulutaga bibi ena noda tiko vaka vanua.

E sikovi kina na kena koro e va(4) kei na kena walu na Yavusa.

Na veivakararamataki oqo e talemuria lesu na veitalevi ka sa qaravi taumada ena kena laki vakadeitaki na vei itutu vakaturaga eso ena loma ni tikina, ka ciqomi vata kaya na kerekere mai Vanua me laki vakamatatataki eso na tikina ni noda bula vaka vanua.

Era veitokoni talega ena veitalevi oqo na Valenivolavola ni Yasana o Lomaiviti ka ra bau lewe ni lakolako voli tu na Roko Veiqaravi e Gau, Batiki kei Nairai.

08/18/2026

08/18/2026

IINDIGENOUS KNOWLEDGE MUST HELP SHAPE DECISIONS

Indigenous and local knowledge must have a meaningful place in decisions that affect communities, their land, resources and future. This was highlighted by the Minister for iTaukei Affairs, Hon. Ifereimi Vasu, at the Local Communities and Indigenous Peoples Platform (LCIPP) Regional Gathering for the Pacific, currently underway at Denarau, Nadi.

The LCIPP brings together Indigenous Peoples, local communities and other stakeholders to strengthen the sharing and integration of traditional knowledge in addressing climate change. Hon. Vasu stressed that combining traditional knowledge, built through generations of experience and understanding of place, with modern science can strengthen practical responses in areas such as coastal protection, mangrove restoration, sustainable fisheries, food security and disaster preparedness. He also emphasised that when community knowledge is shared beyond its traditional setting, it must be treated with respect, recognition and protection. The regional gathering concludes on Friday, 21 August 2026.

08/17/2026

SA MAI SEVU SERE NA MATASERE NI TABACAKACAKA ITAUKEI

Sa mai sevu sere ena siga nikua (17/08/2026) na matasere cokovata ni Tabacakacaka iTaukei kei na Matabose ni Veika Vakaitaukei vei iratou na veiliutaki. Era veiliutaki ena kena vulici na sere o Tirisa Sautu.

Era a mai vakaitavi kina na iTalatala ni Tabacakacaka o Raiwaqa, na iTalatala Kameli Bola Waqalevu.

Na masu kei na vakanuinui vinaka ena kena cabeti na vatavata ni Solevu kei na lagalaga sere vakayabaki ni Lotu Wesele e Viti kei Rotuma, 2026.

Same 96:1-2 'Dou seretaka vei Jiova na sere vou: Dou sere vei Jiova na vuravura kecega. Dou sere vei Jiova, dou vakavinavinaka kina yacana; Dou tukuna voli e veisiga kece ni sa dauia na veivakabulai ko koya.'