https://www.facebook.com/914396321762599/

Kominikeeshinii Waajjira Poolisii Aanaa Madda Walaabuu

Home
United States
Oregon City, OR
Kominikeeshinii Waajjira Poolisii Aanaa Madda Walaabuu

Contact information, map and directions, contact form, opening hours, services, ratings, photos, videos and announcements from Kominikeeshinii Waajjira Poolisii Aanaa Madda Walaabuu, Public swimming pool, Oromiyaa, Oregon City, OR.

08/17/2026

To'annaa Poolanni Guuyya Wiixaata Kana Fakkaata.
Hagayyaa 11/2018 Waajjira Poolisii Aanaa Madda Walaabuutti hordoofin Poolanni gaggeeffame.

Hordoofin Poolanni kun naamusaa poolisumaa egaanii deemuu fi sa'aatti hojii kabaaju, huccuu seeraa qulquliinaa isa egaanii ufaachuu, naamusaa ofii egaanii deemuu irratti kan xiyyeefaate ta'u isaa It/ Gaafatamaa kutaa bulchiinsa humna nama fi loojiistikii Gar/Insp Jaarsoo Dhadaachaa ibsaan.

08/14/2026

Waajjira Poolisii Aanaa Madda Walaabuu

Qondaaltotaa fi Miseensota Poolisii Aanaa Madda Walaabuuttif Dambii ittin Bulmaataa Komishinii Poolisii Oromiyaa irradeebiin fooyya'e Bahe Lakk 260/ 2018 Bahe Irratti Hundaa'uun Leenjii Gabaabaan Kenaame jira .

Hagayyaa 08/2018 Godina Boorana Bahaa Aanaa Madda Walaabuutti Leenjiin Dhimma Namuusaa fi Dambii ittiin bulmaataa Poolisii Oromiyaa Bakka B/B Hooggaanaa Waajjira Poolisii aanaa madda walaabuu Insp Filiipoos Yilffuu fi Itti Gaafatamaa kutaa Ittisa yakkaa Aanaa Madda Walaabuu Gar/Inspeektara Rashiid Huseen argamaanitti geggeeffame jira.

Leenjii kana kan kennaan Itti Gaafatamaa kutaa bulchiinsa humna nama fi loojiistikii Waajjira Poolisii aanaa madda walaabuu Gar/Inspeektara Jaarsoo Dhadaachaa akka jedhaniti Miseensoonni keenya hojii hojjanu keessatti mirgaa fi dirqaama keenya bahuuf Dambii Ittin bulmaataa Poolisii Oromiyaa Lakk/260/2018 irradeebiin fooyya'e bahe kan sirriiti dubbiisun hojii irra olchuun mirgaa fi dirqaama keessan akka bataan jechuun dhamaan.

08/13/2026

Aanaa Madda Walaabuutti Mariin Gaggeefa me.
Hagayyaa 07/2018 Godina Boorana Bahaa Aanaa Madda Walaabuu Ganda Madda fi N/maddatti Haala Qophii Yaa'ii Sikkoo Mandoo Aanaa Madda Walaabuu Ardaa Jilaa Maddatti Hagayyaa 18 hanga 20 Gaggeeffamu Irratti Mariin Qaamooleen Nageenyaa fi Dargaggoota Waliin Mariyatame Jira.

Marii kana kan gaggeessaan Itti Gaafatamaa kutaa Ittisa yakkaa Aanaa Madda Walaabuu Gar/Inspeektara Rashiid Huseen fi Itti Gaafatamaa bulchiinsa fi Nageenyaa aanaa Madda Walaabuu obboo Awaal Aliiyee yoo ta'an It/Ga/kutaa Ittisa yakkaa Aanaa Madda Walaabuu Gar/Insp Rashiid Huseen akka jedhaniti qaamooleen Nageenyaa keenya rakkoo Nageenyaa kamiiyuu maqsuuf qophii barbaachisu hundaa gochuun sagaantan kun nagaan akka xumuramuf jabaattani akka hojeetan jechuun dhamaaniru.

08/11/2026

Murtii Barsiisoo RTD

Hagayyaa 4/2018 Aanaa Madda Walaabuutti Himataman Amiin H/ Bakar Maliim Huseen jedhamu Yakkaa Hanna Cimaa Raawwate Hidhaan Adabamu Isaa Hooganan Kuuta Qoraana Yakkaa Insp Filiipoos Yilfuu Himan.

Himatamaan kun Godina Boorana Bahaa aanaa Madda walaabuu, Magaalaa Bidiree bakka addaa buufata konkolaataa jedhaamee Wamaamutti,Gaafa Guyyaa 2/12/2018 guuyya keessaa tilmaamaan Sa'aatii 6:00 irraatti Bakkaa fi iddoo armaan oliitti Caqaasame kanatti midhamtu dhuunfaa Aaddee Nasraa Yuusuf jedhamtu mana ishee seenuun bilbila touch (smart) tilmaaman qarshii 15000 Kuma kudha shan
ta'u jala hattuun yakka harkaaf harkaa raawwachun Eeruun isaa Poolisii qoorataa yakkaa bira akkuma qaqqaaben Poolisii fi abbaan alangaa waliin Galmee Qoraachun himata seera Yakkaa 1996 bahee kewt. 665/1 darbee yakkaa hanna waan Raawwatef, Himata isaani garaa Mana Murtii aanaa Madda walaabuutti dhiyeesani,Mannii Murtiis Galmee kana Qorachuun, Ragaa Bitaaf mirgaan ergaa Qulquullefatee booda dhaddacha gaafa guyyaa 4/12/2018 Oleen, Himatamaa fi Fakkaatoota isaa ni barsiisa kan jedhe hidhaa cimaa waaggaa lama (2) Adabeera.

08/09/2026

Sirni Gaggeessaa Taasifame.

Ajajaa Poolisii Aanaa Madda Walaabuu Insp Geetuu Badhoo fi Itti Gaafatamaa kutaa Ittisa yakkaa Aanaa Madda Walaabuu Insp Isheetuu Magarsaa,G/Insp Gaddisaa Badhaasoo, Sajiin Izbaalam Masfiinif sirni gaggeessaa taasifame.

Hagayyaa 3/2018; Aanaa Madda Walaabuutti ajajaa Waajjira Poolisii aanaa keenyaa kan ta'an Insp. Geetuu Badhoo fi Itti Gaafatamaa kutaa Ittisa yakkaa Aanaa Insp.Isheetuu Magarsaaf, sababa jijjiirraan gara aanoota biroo deemaniif sirni gaggeessaa kabajaa isaaniif taasifame.

Sirni kun bakka miseensotni poolisii aanaa keenyaa fi bulchaa aanaa Madda Walaabuu Obbo Abdulkariim Aadam, Itti Gaafatamtuu Waajjira Paartii Badhaadhinaa damee aanichaa Aaddee Gannat Toleeraa, hoggansa aanaa, fi gandootaa, argamanitti gaggeeffameera.

Inspeektar Geetuun nama cimaa fi hoggansa yeroon barbaadu kan ta'e, uummata isaa keessatti aantummaan hojjatu, nama jaalala Miseensoota isaa fi uummataa isaa qabuu fi yeroo hojiif aanaa Madda Walaabuu turetti hojii bal'aa hojjachaa kan tureedha.

Bulchaa aanaa Madda Walaabuu Obbo Abdulkariim Aadam haasaa taasisaniin Insp Geetuu Badhoo fi Isheetuu Magarsaa, qaamooleen nageenyaa aanaa keenyaa oolantummaa seeraa kabajanii kabachiisuu irrati hojiin isiin hojeechaa turtaanif, galatatu isaaniif mala jechuun dubbatan.

07/28/2026

Ergaa Baga Gammadani
Baga gammaddaan,Baga waliin Gammanne

Qondaltoonni fi Miseensonni Poolisii Akkasumas qaamooleen Nageenyaa Hundii, Hojeetoota Mootuummaa fi Uummanni Godina Boorana Bahaa Baga Gammaddaan Baga Gammannee.

Adoolessa 20 /2018 komishinii Poolisii Oromiyaatti xumura gamaaggama raawwii hojii bara 2018tti sadarkaa Naannoo, Godinaalee, Magaalotaa, Aanaalee, Gandoota baadiyyaatti raawwii hojii gaarii galmeessun godinalee oromiyaa 21 keessaa Godina Boorana Bahaa sadaarkaa 4ffaa bahuun geeba fi Ragaa beekamtii badhaafameera.

Baga Gammaddaan Baga Gammannee !
Ajajaa Qajeelcha Poolisii Godina Boorana Bahaa komaandar Indalkaachoo Tafarraa.

07/25/2026

Hubannoo Sochii Tiraafikaa Kenname jira.

Adoolessa 18/2018 Aanaa Madda Walaabuu Magaalaa Bidireetti Hubannoon Sochii Tiraafikaa Konkolaachiftoota Matooraatiif Kennamee Jira.

Hubannoo kana kan keenan waajjira Poolisii aanaa madda walaabuutti Qindeessaa Nageenya Tiraafikaa Gargaara.Insp.Jamaal Caakkee,
Itti gaafatamaan waajjira daandiif loojistikii aanaa Obbo Abdulbashiir Godaanaa,Itti Gaafatamaa Abbaa Alangaa Aanaa Obbo Ibraahim Muhaammad argaamaniru.

Dhumaaratis konkolaachiftoota matooraa waliin marii bal'aa taasisun xumurame jira.

07/24/2026

Konfiraansiin Nageenyaa Gaggeeffame.

Adoolessa 17/2018 Godina Boorana Bahaa Aanaa Madda Walaabuutti Ganda Wadduummaatti Konfiraasiin Nageenyaa fi Misoomaa Gaggeeffame.

Konfiraasii kana irratti hawaasa waliin dhimoota adda addaa irratti mariyaachun, keessumatu haala Nageenya gandiicha fi daangaan wal qabaatu irratti bali'naan mariyatame jira.

Konfiraasii kana irratti kan argaaman B.B ajajaa, Waajjira Poolisii aanaa Madda walaabuu Insp Isheetuu Magarsaa akka jedhanitti, hawaasni keenya qaamolee Nageenyaa waliin ta'un, Nageenya aanaa keenyaas ta'ee, kan daangaa aanaa keenyaa eeguun sodaa fi rakkoo Nageenyaa kamiiyuu maqsuu akka qaban dhamaaniru.

Marii kana irratti Itti Aanaa Bulchaa fi Itti Gaafatamaa Waajjira Qonnaa, Horsiisee Bulaa fi Lafaa Obbo Muktaar Abdurrahiim, Iti Gaafatamaa Waajjira Nagaa fi Milishaa Aanichaa Obbo Awwal Aliyyee, Itti Gaafatamaa Waajjira Abbaa Alangaa Aanaa Obbo Ibraahim Muhaammad argaamaniru.

Akkasumaas konfiraasii kun hawaasa bal'aa kan hirmaachise yoo ta'u, dhiira 436 dubartoota 115 walii galaa namooni 551 hirmaatani jiru.

07/15/2026

Daldalli Seeraan Alaa To’atame.
Adoolessa 08/11/2018 Aanaa Madda walaabuutti daldalli seeraan alaa Qarshii Mil.15,6,73,500 fi mil.kudha shaniif Kuma dhibba jaha fi kuma torbaatami sadiifi dhibba shaniiti tilmaamamu to'atame.

Godina Boorana Bahaa Aanaa Madda Walaabuutti daldalli seeraan alaa ka'uumsi isaa naannoo sumaalee 05 irra ka'un gara aanaa madda walaabuu ganda karjuul iddoo addaa mazoora waaree fi ganda waduumaa iddoo addaa tubbo citte jedhamutti to'atamu isaa Itti gaafatamaan kutaa ittisa yakkaa Poolisii aanaa Madda walaabuu Insp. Isheetuu Magarsaa himani jiru.
Daldalli seeraan alaa kun meeshaalee akka kiboordii,jipaasi,maashiinafi meeshaa motora goosa adda addaa Eeru hawaasni keenya kenen qaamolee nageenyaatiin to'atame.

Itti Gaafatamaan kutaa ittisa yakkaa waajjira poolisii Aanaa Madda walaabuu inspeektar Asheetuu magarsaa akka ibsanitti meeshaan seeraan alaa kun to'atamuun gumruuka bidiree fi damee magaalaa Nageellee Booranaa galuu ibsani jiru.

Address

Oromiyaa
Oregon City, OR

Website

facebook.com

Alerts

Be the first to know and let us send you an email when Kominikeeshinii Waajjira Poolisii Aanaa Madda Walaabuu posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Oregon City?