Botir Zaripov

Botir Zaripov Buxoro viloyati hokimi Botir Zaripovning rasmiy sahifasi
t.me/buxorouz_official

t.me/BotirZaripov

t.me/ZaripovBotir

https://t.me/buxoroisharifuz

30/05/2026

Buxoroliklarga davlat mukofotlari tantanali ravishda topshirildi (video)

Buxoroliklarga davlat mukofotlari tantanali ravishda topshirildiInson qadri ulugʻlangan yurtda hech narsa beiz ketmaydi....
29/05/2026

Buxoroliklarga davlat mukofotlari tantanali ravishda topshirildi

Inson qadri ulugʻlangan yurtda hech narsa beiz ketmaydi. Har bir harakat, qobiliyat, isteʼdod va ixtiro munosib ragʻbatlantiriladi. Shu jihatdan, mamlakatimizda keyingi yillarda boshqa sohalar qatori ilm-fan fidoyilari, sanʼat va madaniyat, adabiyot sohasi vakillarining mehnati eʼtirofga loyiq koʻrib kelinayotgani diqqatga sazovordir.

Jumladan, davlatimiz rahbarining “Madaniyat, sanʼat va adabiyot sohalari xodimlaridan bir guruhini mukofotlash toʻgʻrisida”gi Farmoniga muvofiq bir guruh yurtdoshlarimiz davlat mukofotlari bilan taqdirlandi. Ular orasida Buxoro viloyatining 5 nafar vakili ham bor.

Bugun viloyat hokimligida mukofot sohiblarini taqdirlash marosimi oʻtkazildi. Tantanali tadbirda viloyat huquqni muhofaza qiluvchi idoralar, davlat va jamoat tashkilotlari rahbarlari, madaniyat va sanʼat sohasi xodimlari, viloyat faollari, jamoatchilik vakillari, yoshlar qatnashdi.

Viloyat hokimi Botir Zaripov mukofotga sazovor boʻlgan viloyat vakillarining har biri erishgan yutuqlarga alohida-alohida toʻxtalib, el-yurt oldidagi mehnatlarini eʼtirof etdi.

Soʻnggi yillarda madaniyat muassasalarini zamonaviylashtirish, ularning moddiy-texnik bazasini mustahkamlash, soha xodimlari uchun munosib shart-sharoitlar yaratish borasida amalga oshirilgan ishlar bugun oʻz samarasini bermoqda. Xususan, faqatgina 2017-2025-yillar davomida viloyatdagi 13 ta madaniyat markazlari taʼmirlandi, Olot, Gʻijduvon, Jondor tumanlarimizda madaniyat boʻlimlarining yangi binolari qurib foydalanishga topshirildi.

Birgina 2025-yil davomida respublika va mahalliy byudjet mablagʻlari hisobidan 37 mlrd soʻm mablagʻ sarflandi.

Tadbirda davlat mukofotlari oʻz egalariga tantanali ravishda topshirildi.

Tadbirda soʻzga chiqqan mukofot sohiblari koʻrsatilayotgan yuksak eʼtibor va eʼtirof uchun davlatimiz rahbariga samimiy minnatdorlik izhor etdilar.

Kogon tumanida ham g‘alla o‘rim-yig‘im mavsumiga tayyorgarlik ishlari qizg‘in davom etmoqda. Mirishkor dehqon va fer...
29/05/2026





Kogon tumanida ham g‘alla o‘rim-yig‘im mavsumiga tayyorgarlik ishlari qizg‘in davom etmoqda. Mirishkor dehqon va fermerlar tomonidan yetishtirilgan bug‘doy hosilini nest-nobud qilmasdan yig‘ib olish uchun barcha kuch va imkoniyatlar safarbar etilgan.

Ma’lumotlarga ko‘ra, joriy yilda tumandagi 230 ta fermer xo‘jaligi tomonidan 4 ming 511 gektar maydonda g‘alla parvarish qilingan.

Mavsumni uyushqoqlik bilan o‘tkazish maqsadida qishloq xo‘jaligi texnikalari, xususan, o‘rim kombaynlari tuman mashina-traktor parkiga jamlanib, texnik ko‘rikdan o‘tkazilmoqda. Mexanik va mexanizatorlar tomonidan aniqlangan kamchiliklarni bartaraf etish, agregatlarni sozlash hamda ehtiyot qismlar zaxirasini yaratish ishlari olib borilmoqda.

Ta’mirlash jarayonlariga fermer xo‘jaliklari vakillari, mexanizatorlar, shuningdek, tokar, payvandlovchi, temirchi va boshqa mutaxassis ustalar jalb etilgan. Asosiy maqsad — hosilni qisqa muddatda, sifatli va yo‘qotishsiz yig‘ib olib, don saqlash maskanlariga yetkazishdan iborat.

Mavsum davomida tumanda 16 ta zamonaviy "Case" rusumli g‘alla o‘rish kombaynidan foydalanish rejalashtirilgan. Hozirda ularning texnik sozlash ishlari yakunlanish arafasida. Bundan tashqari, 16 ta o‘rim-yig‘im otryadi tashkil etilib, ularga 70 ta don tashuvchi transport vositasi, ko‘chma ta’mirlash ustaxonalari va yoqilg‘i tashuvchi avtomashinalar biriktirilmoqda.

Viloyat hokimi Botir Zaripov boshchiligidagi ishchi guruhi Kogon tumanida ham bo‘lib, o‘rimga tayyorgarlik ishlarining borishini o‘rgandi.

Viloyat rahbari mavsumga jalb etiladigan texnikalar, shu jumladan, kombaynlarning texnik holati, o‘rim-yig‘imga tayyorgarlik darajasi va o‘rim-yig‘imni uzluksiz tashkil etish masalalari bilan tanishdi. Mexanizatorlarga yaratilgan sharoitlar bilan qiziqdi. Yoz fasli nisbatan issiq kelishi kutilayotgan yilda katta mehnat evaziga yetishtirilgan boshoqli donni nobud qilmay o‘rib-yig‘ib olish yuzasidan taklif va tavsiyalarini bildirdi.

O‘tgan yilgi dehqonchilik mavsumida Romitan tumanida g‘allachilik yo‘nalishidagi 274 ta fermer xo‘jaligi tomonidan 6...
29/05/2026





O‘tgan yilgi dehqonchilik mavsumida Romitan tumanida g‘allachilik yo‘nalishidagi 274 ta fermer xo‘jaligi tomonidan 6 ming 414 gektar yerda serhosil navlarga mansub sara bug‘doy yetishtirilgan bo‘lib, bu sa’y-harakat tufayli davlat omboriga 18 ming tonnaga yaqin bug‘doy yetkazib berilgan. Davlatga sotilganidan tashqari, saranjomlangan yana shuncha sara bug‘doy xo‘jaliklar moddiy manfaatdorligini ta’minlamoqda.

Joriy yilgi g‘alla mavsumida ham romitanliklar xuddi shuncha yer maydonida bug‘doy yetishtirib, yalpi don xirmonini 32 ming tonnaga yetkazishni reja qilishgan.

Tumanda dolzarb palla — bug‘doy o‘rim-yig‘imiga hozirlik, kombayn va boshqa texnika vositalari shayligi bugun viloyat hokimi Botir Zaripov boshchiligidagi ishchi guruhi tomonidan ko‘zdan kechirildi.

Shu yerda o‘rim-yig‘imga tayyorgarlik masalalari keng muhokama qilindi. Mavjud kamchiliklarni bartaraf etish yuzasidan soha rahbarlari va mas’ullariga tavsiya va topshiriqlar berildi.

Gʻalla o‘rimiga jalb qilinadigan agregat va boshqa mexanizmlar texnik ko‘rikdan o‘tkazilib, hademay o‘rimga tushadigan kombayn operatorlari va mexaniklarga rag‘batlantirish o‘rnida pul va k***alik zarur oziq-ovqat mahsulotlari tarqatildi.

Qayd etish lozimki, yetishtirilgan hosilni kechiktirmasdan, sifatli o‘rib olish maqsadida 25 ta kombayn agregati va yuztaga yaqin tashuvchi yuk avtomashinasi jalb qilinmoqda.

Viloyat hokimi Botir Zaripov boshchiligidagi ishchi guruhi Peshku tumanidagi “Bog‘imuso don qabul qilish maskani”da ...
29/05/2026





Viloyat hokimi Botir Zaripov boshchiligidagi ishchi guruhi Peshku tumanidagi “Bog‘imuso don qabul qilish maskani”da ham bo‘lib, joriy yilgi g‘alla o‘rim-yig‘im mavsumiga tayyorgarlik ishlarini o‘rgandi.

Joriy yilda Peshku tumani hududida 2026-yil g‘alla hosili uchun jami 5 ming 412 gektar maydonda boshoqli don ekinlari ekilib, agrotexnik talablarga muvofiq parvarish qilindi. Tuman g‘allakorlari davlatga 18 ming 379 tonna hosil topshirish rejasini o‘z zimmalariga olishgan.

Gʻalla o‘rim-yig‘im mavsumini tashkil etilgan tarzda va belgilangan muddatlarda samarali o‘tkazish maqsadida tumanda 18 ta g‘alla o‘rim otryadi shakllantirildi. Ushbu otryadlarga 18 ta zamonaviy g‘alla o‘rish kombayni, zarur don tashish avtotransport vositalari biriktirildi. Shuningdek, ishchi-xodimlar uchun zarur shart-sharoitlar yaratildi.

O‘rganishlar doirasida g‘alla o‘rishda ishtirok etuvchi texnikalar holati ko‘zdan kechirildi, ularning tayyorligi baholandi. Mutasaddilar tomonidan o‘rim-yig‘im jarayonlarini tashkil etish, xavfsizlik choralariga rioya etish va mavsum davomida amalga oshirilishi lozim bo‘lgan vazifalar yuzasidan aniq tushuntirishlar berildi.

Tumanda chorvachilik sohasini rivojlantirish, aholini sifatli go‘sht mahsulotlari bilan ta’minlashga alohida e’tibo...
29/05/2026





Tumanda chorvachilik sohasini rivojlantirish, aholini sifatli go‘sht mahsulotlari bilan ta’minlashga alohida e’tibor qaratilmoqda.

Bu borada chorvachilikni rivojlantirish uchun ilg‘or xorijiy tajribani o‘rganish, hududning iqlim sharoitiga mos yuqori mahsuldor chet el chorva zotlarini olib kelib ko‘paytirish, shuningdek, nazariy bilimlar va amaliy tajribani uyg‘unlashtirish yuzasidan zarur choralar ko‘rilmoqda.

Nazar Sa’dulloyev rahbarlik qilayotgan “Sevinch agro invest” MCHJ tomonidan ushbu vazifalar ijrosini ta’minlash maqsadida amaliy ishlar boshlangan.

Jumladan, jamiyat tomonidan Mongoliyadan 400 bosh qo‘y olib kelingan edi. Ularni mahalliy sharoitga moslashtirish, ko‘paytirish va seleksiya ishlarini yo‘lga qo‘yish orqali tumanda chorvachilik salohiyatini yanada oshirish mumkin.

Ayni paytda keltirilgan qo‘ylar maxsus chorva kompleksida veterinariya xizmati nazorati ostida parvarishlanmoqda.

Mutaxassislar ta’kidlashicha, “Bayat” zotli Mongoliya qo‘ylari iqlimga chidamli, go‘sht va jun mahsuldorligi yuqori bo‘lgan zotlar hisoblanadi. Ushbu zotli qo‘ylarning tirik vazni 70-80 kg, qo‘chqorlari 100-120 kg gacha, go‘sht chiqimi esa tirik vazniga nisbatan 60 foizni tashkil etadi.

Tadbirkor yana shu zotdan 1 000 bosh keltirishni reja qilgan. Bu orqali jamiyatning go‘sht ishlab chiqarish hajmi 50 tonnaga yetkaziladi va qo‘shimcha 20 ta ish o‘rni yaratiladi.

Viloyat hokimi Botir Zaripov mazkur jamiyat faoliyati bilan yaqindan tanishdi. Tadbirkor bilan muloqot qildi, chorva bosh sonini yanada ko‘paytirish, ishlab chiqarish hajmini kengaytirish borasidagi takliflari va muammolari bilan qiziqdi. Shunga ko‘ra, mas’ullarga muhim topshiriq va ko‘rsatmalar berdi.

Shofirkon tumanida ham g‘alla o‘rim-yig‘imiga qizg‘in hozirlik ko‘rilmoqda. Mirishkor dehqonlarning bir yillik zahma...
29/05/2026





Shofirkon tumanida ham g‘alla o‘rim-yig‘imiga qizg‘in hozirlik ko‘rilmoqda. Mirishkor dehqonlarning bir yillik zahmati mahsuli bo‘lgan “oltin boshoq”larni o‘z vaqtida va sifatli yig‘ib olish maqsadida tumanda keng ko‘lamli tashkiliy chora-tadbir ko‘rilmoqda.

Tasdiqlangan dislokatsiyaga muvofiq, joriy yilda tumanning 6 ming 600 gektar sug‘oriladigan maydonida yetishtirilgan hosildan jami 20 ming 943 tonnaga yetkazib sara bug‘doy xirmonini bunyod etish maqsad qilingan. Bu hosildan 11 ming 372 tonna hosil davlat resursi uchun xarid qilinadi, 9 ming 572 tonnasi esa vaqtincha saqlashga qabul qilinadi.

Hosil taqdirini belgilovchi mas’ul pallada tumanda o‘rim-yig‘im jarayoniga 20 ta zamonaviy kombayn jalb etiladi va ularda 40 nafar operator-mexanizator tayyorgarlik olib bormoqda. Ayni k***a bu texnikalar va ularga ko‘maklashadigan don tashuvchi transport vositalari mavsumoldi texnik ko‘rikdan o‘tkazilib, nuqson va kamchiliklari tuzatilmoqda.

Viloyat hokimi Botir Zaripov boshchiligidagi ishchi guruhining o‘rganishlari davomida kombaynlarning texnik shayligi, yong‘in xavfsizligi qoidalariga qat’iy rioya qilish, daladagi hosilni nest-nobud qilmasdan o‘rib-yig‘ib olish masalalariga e’tibor qaratildi.

Shuningdek, mavsumda alohida jonbozlik ko‘rsatgan operatorlarni qo‘shimcha ravishda moddiy rag‘batlantirish zarurligi ta’kidlandi.

Albatta, rizq-ro‘zimiz bo‘lgan g‘allani o‘z vaqtida saranjomlab olish nafaqat iqtisodiy, balki aholi turmush farovonligi, dasturxon to‘kinligining muhim omilidir.

O‘rganish ishlari doirasida viloyat hokimi Botir Zaripov Bobur mahallasi Mug‘alon qishlog‘ida tadbirkor Aliyor Axmat...
29/05/2026





O‘rganish ishlari doirasida viloyat hokimi Botir Zaripov Bobur mahallasi Mug‘alon qishlog‘ida tadbirkor Aliyor Axmatov tomonidan barpo etilayotgan chorvachilik kompleksi bilan yaqindan tanishdi. Umumiy maydoni 1,5 gektarni tashkil etuvchi ushbu majmua to‘liq ishga tushirilgach, 2 ming boshdan ortiq chorva mollarini parvarishlash imkonini beradi.

Loyiha to‘liq tadbirkorning o‘z mablag‘lari hisobidan amalga oshirilgan bo‘lib, bugungi kunga qadar qariyb 1,5 milliard so‘m investitsiya yo‘naltirilgan. Hozirda kompleksda 100 boshga yaqin go‘sht yo‘nalishidagi chorva mollari parvarish qilinmoqda. Jumladan, “Simmental” zotli qoramollar hamda go‘sht yetishtirishga ixtisoslashgan zamonaviy naslli chorvalar mavjud.

Kelgusida majmuani yanada kengaytirish maqsadida Rossiya va Xitoy davlatlaridan 2 ming boshdan ortiq yuqori mahsuldor naslli chorva mollari olib kelish rejalashtirilgan. Ayni paytda ular uchun mo‘ljallangan joylar to‘liq tayyor holatga keltirilib, barcha zarur veterinariya va dezinfeksiya tadbirlari amalga oshirilgan.

Shuningdek, chorva mollarini sifatli ozuqa bilan ta’minlash maqsadida 5 tonnadan ortiq silos zaxirasi jamg‘arilgan bo‘lib, bu ularning barqaror parvarishini ta’minlashda muhim omil bo‘lib xizmat qilmoqda.

Mazkur loyiha nafaqat chorvachilikni rivojlantirish, balki hududda yangi ish o‘rinlari yaratish, aholi bandligini ta’minlash hamda bozorni sifatli go‘sht mahsulotlari bilan ta’minlashda muhim ahamiyat kasb etadi.

Viloyat rahbari sohada naslchilikni rivojlantirish aholining go‘sht va sut mahsulotlariga bo‘lgan ehtiyojini qondirishda, ichki bozor narx-navosini barqaror ushlab turishda muhim ahamiyatga ega ekanligiga to‘xtalib, bu boradagi tashabbuslarni qo‘llab-quvvatlash zarurligini ta’kidladi, mutasaddilarga tegishli ko‘rsatmalar berdi.

Shofirkon tumanida investitsiyalarni jalb qilish, yangi ishlab chiqarish quvvatlarini yaratish va eksport salohiyati...
29/05/2026





Shofirkon tumanida investitsiyalarni jalb qilish, yangi ishlab chiqarish quvvatlarini yaratish va eksport salohiyatini oshirish borasida keng ko‘lamli ishlar amalga oshirilmoqda. Ana shunday istiqbolli loyihalardan biri “Boboato” mahallasi hududida tashkil etilgan maxsus sanoat zonasida amalga oshirilmoqda.

Xitoylik investorlar tomonidan amalga oshirilayotgan mazkur tomchilab sug‘orish quvurlarini ishlab chiqarish loyihasi hudud iqtisodiyoti uchun muhim voqea bo‘ldi.

Korxona rahbari, xitoylik investor Zou Long tashabbusi bilan amalga oshirilayotgan ushbu loyihaning umumiy qiymati 7 million AQSH dollarini tashkil etadi. Eng muhimi, korxonaga o‘rnatilayotgan zamonaviy texnologik uskunalar to‘g‘ridan-to‘g‘ri Xitoy davlatidan olib kelingan bo‘lib, ishlab chiqarish jarayonlari xalqaro standartlar asosida tashkil etiladi.

Korxonaning yillik ishlab chiqarish quvvati ham salmoqli, bu yerda 900,0 tonna tomchilab sug‘orish lentasi, 3,0 tonna PVX quvurlari, 800,0 tonna suv quvurlari ishlab chiqariladi.

Mazkur loyiha orqali 70 nafar fuqaro doimiy ish bilan ta’minlanadi. Bu esa hudud aholisi bandligini oshirish, oilalar daromadini ko‘paytirish va farovonlikni mustahkamlashga xizmat qiladi.

Yana bir e’tiborli jihati shundaki, korxonada ishlab chiqariladigan mahsulotlar nafaqat ichki bozor ehtiyojini qoplaydi, balki Afg‘oniston, Turkmaniston va Qozog‘iston davlatlariga eksport qilinadi. Yiliga 4 million AQSH dollari miqdoridagi eksport hajmi esa tumanning iqtisodiy salohiyatini yanada mustahkamlashga xizmat qiladi.

Viloyat hokimi hududga tashrifi chog‘ida dastlab mazkur sanoat zonasida bo‘lib, amalga oshirilayotgan loyiha bilan yaqindan tanishdi. Viloyat rahbari bu kabi loyihalar Shofirkonning sanoat xaritasida yangi sahifa ochib, tumanni zamonaviy texnologiyalar, investitsiyalar va eksport imkoniyatlari uyg‘unlashgan istiqbolli maskanga aylantirisha ishonch bildirdi.

Joriy yilda Gʻijduvon tumanidagi g‘allachilikka ixtisoslashgan 256 ta fermer xo‘jaliklari tomonidan 5 ming 246 gekta...
29/05/2026





Joriy yilda Gʻijduvon tumanidagi g‘allachilikka ixtisoslashgan 256 ta fermer xo‘jaliklari tomonidan 5 ming 246 gektar maydonga g‘alla ekib parvarishlandi. Qulay ob-havo sharoiti, agrotexnik tadbirlar o‘z vaqtida va belgilangan me’yorlarga muvofiq o‘tkazilishi natijasida mo‘l hosil yaratildi. Ayni k***a rizq-ro‘zimiz bo‘lgan g‘alla pishib yetilmoqda. Yetishtirilgan ana shu g‘allani nobud qilmay yig‘ishtirib olish, g‘alla o‘rim-yig‘im mavsumini uyushqoqlik bilan betalafot o‘tkazish, buning uchun zarur texnikalar shayligini ta’minlash, g‘allani yong‘indan muhofaza qilish, yong‘in xavfsizligi borasidagi ishlarni o‘z muddatida va yuqori saviyada tashkil etish masalalariga alohida e’tibor qaratilmoqda.

Viloyat hokimi Botir Zaripov boshchiligidagi ishchi guruhning o‘rganishlari davomida aynan yetishtirilgan hosilni nest-nobud qilmay yig‘ishtirib olish bo‘yicha ko‘rilgan tayyorgarlik ishlari muhokama qilindi. O‘rim mavsumini uyushqoqlik bilan tashkil qilish uchun tumanda 21 otryad shakllantirilgan. Yuqori unumli 21 ta «Claas», «Keys» kombayni safarbar etilgan. Ularning har biriga g‘alla tashish uchun yuk tashuvchi mashina va boshqa texnik vositalar biriktirilgan.

O‘rganishlar davomida texnikalarning mavsum oldidan texnik ko‘rikdan o‘tkazilgani, yong‘inga qarshi vositalar bilan jihozlangani, otryad a’zolarining favqulodda vaziyatlarda harakatlanish, xavfsizlik bo‘yicha bilim va ko‘nikmalari ko‘rikdan o‘tkazildi.

Shuningdek, o‘rim mavsumiga tayyorgarlik bo‘yicha mavjud kamchiliklar ko‘rsatib o‘tildi. Mutasaddilarga otryadlarni shakllantirish, vazifalar taqsimoti, kombayn operatorlari va haydovchilarga ish haqi ajratish va rag‘batlantirish bo‘yicha topshiriqlar berildi.

Address

Bukhara
200100

Telephone

+998652222222

Website

, , ,

Alerts

Be the first to know and let us send you an email when Botir Zaripov posts news and promotions. Your email address will not be used for any other purpose, and you can unsubscribe at any time.

Shortcuts

Share

Category