Farg'ona viloyati soliq boshqarmasi

04/06/2026

| 04.06.2026

Soliq tizimida kadrlar siyosati

04/06/2026

2026-yil 1-iyundan 2030-yil 1-yanvarga qadar qoʻshilgan qiymat soligʻi boʻyicha soddalashtirilgan tartib joriy etildi

04/06/2026

Soliq qonunchiligidagi o‘zgarishlar yuzasidan tadbirkorlar bilan uchrashuvlar o‘tkazilmoqda

Prezidentimizning PF-95-sonli hamda PF-100-sonli farmonlari mazmun-mohiyati, ularning tadbirkorlik faoliyatini rivojlantirishdagi ahamiyatini batafsil tushuntirish maqsadida Farg‘ona viloyati soliq boshqarmasi mas’ul xodimlari ishtirokida ochiq muloqotlar o‘tkazilmoda.

Dastlabki uchrashuvlar Farg‘ona, Qo‘qon, Quvasoy shaharlari hamda Dang‘ara tumanida bo‘lib o‘tdi.

Tadbirlarda umumiy ovqatlanish, savdo va xizmat ko‘rsatish korxonalari uchun QQSni hisoblashning soddalashtirilgan tartibi joriy etilganligi, unga ko‘ra QQS 12 foiz emas, 6 foiz, foyda solig‘i stavkasi esa 0 foiz etib belgilanganligi tadbirkorlar uchun katta imkoniyat ekanligi ta’kidlandi.

Ochiq muloqot tarzida o‘tgan uchrashuvlarda tadbirkorlarni qiziqtirgan savollarga mutaxassislar tomonidan batafsil javoblar berilib, ularning taklif va mulohazalari tinglandi.

03/06/2026

📸 KUN FOTOSI

Kuchli jamoa — kuchli tizim poydevori.

Soliq qo‘mitasi va hududiy soliq organlarining HR mutaxassislari ishtirokidagi treningda zamonaviy kadrlar siyosati, iste’dodlarni saralash, xodimlar salohiyatini rivojlantirish hamda rahbar kadrlar zaxirasini shakllantirish masalalari muhokama qilindi.

Maqsad bitta — inson kapitaliga tayanadigan samarali va zamonaviy soliq tizimini barpo etish.

02/06/2026

Fargʻonada soliq organlarida inson resurslarini boshqarish tizimini takomillashtirishga bagʻishlangan seminar-trening birinchi kuni o’z nihoyasiga yetdi.

👉Batafsil videoda

02/06/2026

Bugun Fargʻonada soliq organlarida inson resurslarini boshqarish tizimini takomillashtirishga bagʻishlangan seminar-trening o‘z ishini boshladi

Soliq qoʻmitasi Inson resurslarini rivojlantirish va boshqarish boshqarmasi boshligʻi Toʻrabek Toʻrayev hamda Fargʻona viloyati soliq boshqarmasi boshligʻi Maqsud Mamatxanov tadbirni ochib berdi.

Taʼkidlanganidek, har qanday tashkilotning eng katta boyligi – inson kapitali hisoblanadi. Davlat boshqaruvining samaradorligi xodimlarning bilim va koʻnikmalari, kasbiy salohiyati, masʼuliyati hamda tashabbuskorligiga bevosita bogʻliq.

Bugungi k***a tizim oldida yuqori malakali mutaxassislarni saralashning zamonaviy mexanizmlarini joriy etish, mehnat natijalarini xolis baholash, xodimlarning kasbiy salohiyatini rivojlantirish, motivatsiya tizimini takomillashtirish va faoliyat samaradorligini oshirish kabi muhim vazifalar turibdi.

Shuningdek, yosh mutaxassislarni rahbarlik lavozimlariga tayyorlash, kadrlar zaxirasini shakllantirish hamda bilim va tajriba uzviyligini taʼminlaydigan “ustoz – shogird” institutini yanada rivojlantirish masalalariga alohida eʼtibor qaratilmoqda.

Seminarda mamlakatimizda amalga oshirilayotgan islohotlar va Prezidentning PF–95-son Farmonida belgilangan vazifalar kadrlar salohiyatini yuksaltirish hamda soliq organlari faoliyatiga zamonaviy HR-yondashuvlarini tatbiq etish uchun keng imkoniyatlar yaratayotgani qayd etildi.

Kunning birinchi yarmida seminar ishtirokchilari HR-menejmentning zamonaviy yondashuvlari, tashkilot samaradorligiga erishishda kadrlar strategiyasining oʻrni, shuningdek davlat organlarida KPI tizimini joriy etish boʻyicha xalqaro tajribalarni muhokama qilmoqda.

Tadbir hududiy soliq organlarining inson resurslarini rivojlantirish boʻlinmalari hamda matbuot xizmatlari mutaxassislarini birlashtirib, tajriba almashish, yangi gʻoyalar va inson kapitalini boshqarish sohasidagi ilgʻor amaliyotlarni muhokama qilish maydoniga aylandi.

02/06/2026

01/06/2026

Kadrlar salohiyatini rivojlantirish: Fargʻonada soliq organlari xodimlari uchun HR-seminari oʻtkaziladi

Ertaga, 2-iyun kuni Fargʻona shahrida soliq organlarida inson resurslarini boshqarish tizimini takomillashtirish masalalariga bagʻishlangan "HR: Saralashdan samaragacha" mavzusidagi oʻquv seminari boshlanadi.

Tadbirda Soliq qoʻmitasi hamda hududiy soliq organlari inson resurslarini rivojlantirish tuzilmalari mutaxassislari, shuningdek matbuot xizmatlari xodimlari ishtirok etadi. Spiker sifatida Person Hunters kompaniyasining HR-strategiya va inson resurslarini boshqarish sohasidagi yetakchi ekspertlari jalb etilgan.

Xususan, kadrlar siyosati masalalariga Oʻzbekiston Respublikasi Prezidentining 95-sonli Farmonida alohida eʼtibor qaratilgan. Mazkur hujjatda soliq tizimini yanada rivojlantirish boʻyicha keng koʻlamli vazifalar belgilangan boʻlib, jumladan, Soliq oliy maktabi, Malaka oshirish va kompetensiyalarni rivojlantirish markazi hamda Soliqqa oid tadqiqotlar markazini tashkil etish nazarda tutilgan. Ushbu tashabbuslarni amalga oshirish zamirida albatta, kadrlar salohiyatini shakllantirish, rivojlantirish va baholashga yangicha yondashuvlarni joriy etish kabi muhim jihatlar mujassam.

Seminar doirasida HR-menejmentning zamonaviy vositalari, davlat tuzilmalarida KPI tizimini joriy etish boʻyicha xalqaro tajriba, xodimlarni baholash va kasbiy rivojlantirish masalalari, shuningdek davlat xizmati tizimida gender tenglikni taʼminlash mavzulari muhokama qilinadi.

Ushbu oʻquv seminari o‘zaro tajriba almashish, dolzarb masalalarni muhokama qilish va inson resurslarini boshqarish sohasida samarali yechimlarni ishlab chiqish uchun muhim maydon boʻlib xizmat qiladi.

Seminar yakunida ishtirokchilarning takliflari jamlanib, shuningdek mazkur mavzuga bagʻishlangan alohida jurnalni nashrga tayyorlash rejalashtirilgan.

01/06/2026

📉 QQS 12 foizdan 6 foizgacha tushirilishi mumkin!

❓Xo‘sh, bu imtiyoz kimlar uchun tatbiq etiladi

✔️2026-yil 1-iyundan 2030-yil 1-yanvarga qadar asosiy faoliyat turi umumiy ovqatlanish, savdo yoki xizmat koʻrsatish sohasi boʻlgan tadbirkorlik subyektlariga ixtiyoriy ravishda QQSni hisoblab chiqarish va toʻlashning soddalashtirilgan tartibini tanlash huquqi berildi.

👉PF–100-son, 26.05.2026-y.