Ahmad Farg'oniy nomidagi Farg'ona viloyati axborot-kutubxona markazi

Ahmad Farg'oniy nomidagi Farg'ona viloyati axborot-kutubxona markazi ILC Ferghana Ферганский Областной Информационно-Библиотечный центр им. Ахмада Фергани

Farg‘ona viloyatida madaniyat va axborot-kutubxona tizimi faoliyati o‘rganildiO‘zbekiston Respublikasi Prezidenti Admini...
04/06/2026

Farg‘ona viloyatida madaniyat va axborot-kutubxona tizimi faoliyati o‘rganildi

O‘zbekiston Respublikasi Prezidenti Administratsiyasining tegishli topshirig‘iga muvofiq, Farg‘ona viloyatidagi madaniyat va axborot-kutubxona muassasalari faoliyati o‘rganildi.

Jumladan, Farg‘ona viloyati Ko‘zi ojizlar kutubxonasi, Farg‘ona viloyati axborot-kutubxona markazi, shuningdek Farg‘ona, Oltiariq va Buvayda tumanlari hamda Marg‘ilon shahar axborot-kutubxona markazlari faoliyati atroflicha tahlil qilindi.

O‘rganish jarayonlarida O‘zbekiston Milliy kutubxonasi direktori o‘rinbosari Nasiba Xoldorova bevosita ishtirok etib, muassasalar faoliyati bilan yaqindan tanishdi. Shuningdek, kutubxona tizimi samaradorligini oshirish, zamonaviy kutubxona binolarini barpo etish, qurilish ishlari boshlangan hududlardagi loyihalar bilan tanishish maqsadida Marg‘ilon shahar hokimi E. Rustamov, Oltiariq tumani hokimi Sh. Turdaliyev hamda Farg‘ona va Buvayda tumanlari hokimlarining o‘rinbosarlari bilan uchrashuvlar o‘tkazildi.

Uchrashuvlar davomida aniqlangan kamchiliklarni bartaraf etish, mavjud muammolarga yechim topish hamda soha rivojini ta’minlashga qaratilgan tavsiya va takliflar muhokama qilindi.

Bundan tashqari, Oltiariq tumani Ko‘zi ojizlar kutubxonasi faoliyati ham o‘rganildi.

Mazkur o‘rganishlar madaniyat va san’at muassasalari, axborot-kutubxona markazlari hamda ko‘zi ojizlar uchun maxsus kutubxonalar faoliyatini baholash, mavjud muammolarni aniqlash, ularni bartaraf etish bo‘yicha amaliy choralarni belgilash hamda soha faoliyatini yanada takomillashtirish maqsadida amalga oshirilmoqda.

Farg‘ona viloyati axborot-kutubxona markazi faoliyati o‘rganilmoqdaO‘zbekiston Respublikasi Prezidenti Administratsiyasi...
04/06/2026

Farg‘ona viloyati axborot-kutubxona markazi faoliyati o‘rganilmoqda

O‘zbekiston Respublikasi Prezidenti Administratsiyasining tegishli topshirig‘iga muvofiq, Farg‘ona viloyatidagi madaniyat va axborot-kutubxona muassasalari faoliyatini o‘rganish ishlari izchil davom etmoqda.

Navbatdagi o‘rganish jarayonlari Farg‘ona viloyati axborot-kutubxona markazida olib borilmoqda. Jarayon davomida O‘zbekiston Milliy kutubxonasi direktori o‘rinbosari Nasiba Xoldorova tomonidan kutubxona binosining zamonaviy talablarga muvofiqligi, kitobxonlar uchun yaratilgan shart-sharoitlar, o‘quv zallari va xizmat ko‘rsatish bo‘limlari faoliyati, kitob fondining holati hamda uni yangi adabiyotlar bilan muntazam boyitib borish ishlari atroflicha ko‘rib chiqilmoqda.

Shuningdek, axborot-kutubxona markazining moddiy-texnik bazasi, raqamli texnologiyalardan foydalanish darajasi, elektron xizmatlar sifati, kitobxonlikni targ‘ib etish bo‘yicha amalga oshirilayotgan loyihalar va innovatsion yondashuvlar ham o‘rganilmoqda.

Farg‘ona viloyatida madaniyat va kutubxona tizimi faoliyati o‘rganilmoqda O‘zbekiston Respublikasi Prezidenti Administra...
04/06/2026

Farg‘ona viloyatida madaniyat va kutubxona tizimi faoliyati o‘rganilmoqda

O‘zbekiston Respublikasi Prezidenti Administratsiyasining tegishli topshirig‘iga muvofiq, Farg‘ona viloyatidagi madaniyat va axborot-kutubxona muassasalari faoliyatini o‘rganish ishlari davom etmoqda.

Ayni paytda Farg‘ona viloyati ko‘zi ojizlar kutubxonasi faoliyati atroflicha tahlil qilinmoqda. O‘rganish jarayonlarida O‘zbekiston Milliy kutubxonasi direktori o‘rinbosari Nasiba Xoldorova bevosita ishtirok etib, muassasa faoliyati bilan yaqindan tanishmoqda hamda tizim samaradorligini oshirish yuzasidan tavsiya va takliflarini bildirmoqda.

Mazkur o‘rganishlar madaniyat va san’at muassasalari, axborot-kutubxona markazlari hamda ko‘zi ojizlar uchun maxsus kutubxonalar faoliyatini baholash, mavjud muammolarni aniqlash va ularni bartaraf etish bo‘yicha amaliy choralarni belgilash, shuningdek, soha faoliyatini yanada takomillashtirish maqsadida amalga oshirilmoqda.

Farg‘ona viloyati axborot-kutubxona markazi mutaxassislari tomonidan Bog‘dod tumani axborot-kutubxona markazi xodimlari ...
04/06/2026

Farg‘ona viloyati axborot-kutubxona markazi mutaxassislari tomonidan Bog‘dod tumani axborot-kutubxona markazi xodimlari uchun metodik-amaliy mashg‘ulotlar tashkil etildi.

Mashg‘ulotlar davomida foydalanuvchilarga xizmat ko‘rsatish jarayonlarini samarali tashkil etish, bo‘lim hujjatlarini yuritish tartibi hamda ko‘chma kutubxona faoliyatiga oid ish hujjatlarini to‘g‘ri rasmiylashtirish masalalari yuzasidan batafsil tushuntirishlar berildi.

Shuningdek, viloyat axborot-kutubxona markazi mutaxassislari tomonidan tuman kutubxonachilariga kasbiy faoliyatni yanada takomillashtirish, xizmatlar sifatini oshirish va ish jarayonlarini samarali yo‘lga qo‘yish bo‘yicha amaliy tavsiyalar hamda metodik ko‘rsatmalar taqdim etildi.

04/06/2026

⁉️ Siz uni shunchaki direktor deb o‘ylaysizmi?

Yo‘q! U — ming yillik ma’naviy meros va zamonaviy taraqqiyot o‘rtasida mustahkam ko‘prik qura olgan fidoyi rahbar.

Bolalikdagi orzular qanday qilib hayotiy maqsadga aylandi?

Bir ayol zimmasidagi ma’rifat mas’uliyati qanchalik ulkan va sharafli ekanini bilasizmi?

Umida Teshaboyeva — kitob va ma’rifatga sadoqat timsolimi, zamonaviy kutubxonachilikning "temir xonimi"mi?

Bu savollarga javobni "El suv ichgan daryolar" ko‘rsatuvida topasiz!

Jurnalistikadan kutubxonachilik sohasigacha bo‘lgan ibratli va mashaqqatli yo‘l...

O‘zbekiston kutubxonashunosligining xalqaro maydondagi yutuqlari va e’tirofi...

Bir ayol qalbiga sig‘gan ulkan ma’naviyat, fidoyilik va ezgu maqsadlar...

"El suv ichgan daryolar" ko‘rsatuvini tomosha qiling va ma’rifat yo‘lida umrini baxshida etgan insonning hayot yo‘li bilan yaqindan tanishing!

Ayni damda kutubxonamizda “TayanchLab Books” kitobxonlar klubining navbatdagi uchrashuvi bo‘lib o‘tmoqda.Bu galgi uchra...
03/06/2026



Ayni damda kutubxonamizda “TayanchLab Books” kitobxonlar klubining navbatdagi uchrashuvi bo‘lib o‘tmoqda.

Bu galgi uchrashuv dunyo miqyosidagi bestseller — Boy ota, kambag‘al ota kitobiga bag‘ishlandi. Mashg‘ulot davomida ishtirokchilar asarda ilgari surilgan moliyaviy savodxonlik, investitsiya, aktiv va passivlar hamda moliyaviy mustaqillikka erishish yo‘llari haqidagi g‘oyalarni birgalikda tahlil qilmoqdalar.

Uchrashuv qizg‘in fikr-mulohazalar, savol-javoblar va kitob yuzasidan munozaralar ruhida davom etmoqda.

Ayni damda kutubxonamizda "Speaking clubi"ning navbatdagi mashg‘uloti bo‘lib o‘tmoqda.Mashg‘ulot davomida ishtirokchil...
03/06/2026




Ayni damda kutubxonamizda "Speaking clubi"ning navbatdagi mashg‘uloti bo‘lib o‘tmoqda.

Mashg‘ulot davomida ishtirokchilar ingliz tilida erkin muloqot qilish, fikr almashish hamda nutqiy ko‘nikmalarini yanada rivojlantirish imkoniyatiga ega bo‘lmoqdalar.

Bizni kuzatishda davom eting!

Farg‘ona viloyati axborot-kutubxona markazi hamda Farg‘ona davlat universiteti hamkorligida o‘zbek kinosi va teatrining ...
03/06/2026

Farg‘ona viloyati axborot-kutubxona markazi hamda Farg‘ona davlat universiteti hamkorligida o‘zbek kinosi va teatrining afsonaviy siymosi, hamyurtimiz Lutfixonim Sarimsoqova tavalludining 130 yilligiga bag‘ishlangan “San’at bilan yashagan siymo” nomli davra suhbati bo‘lib o‘tdi.

Tadbir davomida aktrisaning mashaqqatli va sharafli hayot yo‘li aks etgan qiziqarli videorolik namoyish etildi. Shuningdek, kutubxona mutaxassisi tomonidan Farg‘ona zaminidan yetishib chiqqan buyuk siymolarni tanish va ularning merosini o‘rganish naqadar muhim ekani, aktrisaning san’at sohasiga qo‘shgan ulkan hissasi haqida batafsil ma’lumotlar berildi.

Tadbir doirasida kino va teatr san’atiga oid qiziqarli interaktiv o‘yinlar hamda viktorinalar tashkil etildi. Yuqori kayfiyatda o‘tgan ushbu tadbir talabalarning nafaqat tarixiy bilimlarini boyitdi, balki ularda milliy san’atimizga bo‘lgan faxr va iftixor tuyg‘ularini yanada mustahkamladi.

Farg‘ona viloyati axborot-kutubxona markazida Erkin Vohidov nomidagi kitobxonlik klubining navbatdagi mashg‘uloti bo‘li...
03/06/2026



Farg‘ona viloyati axborot-kutubxona markazida Erkin Vohidov nomidagi kitobxonlik klubining navbatdagi mashg‘uloti bo‘lib o‘tdi.

Uchrashuv O‘lmas Umarbekovning “Oyning oltin o‘rog‘i” kitobi muhokamasiga bag‘ishlandi. Mashg‘ulot davomida asarda ilgari surilgan g‘oyalar, qahramonlarning hayotiy kechinmalari, insoniy fazilatlar va ma’naviy qadriyatlar haqida atroflicha fikr almashildi.

Ishtirokchilar o‘z taassurotlari bilan o‘rtoqlashib, asar yuzasidan qiziqarli savol-javoblarda faol ishtirok etdilar. Bahs va munozaralarga boy o‘tgan uchrashuv kitobsevarlarda mutolaa madaniyatini yanada yuksaltirish, badiiy adabiyotga bo‘lgan qiziqishni oshirishga xizmat qildi.

Tadbir yakunida faol ishtirokchilar tomonidan asarning bugungi kun uchun ahamiyati, undagi hayotiy saboqlar va tarbiyaviy jihatlar alohida e’tirof etildi.

Farg‘ona viloyat axborot-kutubxona markazida bayram shukuhi davom etmoqda!1-iyun — Xalqaro bolalarni himoya qilish kuni ...
03/06/2026

Farg‘ona viloyat axborot-kutubxona markazida bayram shukuhi davom etmoqda!

1-iyun — Xalqaro bolalarni himoya qilish kuni munosabati bilan “Ona va bola” klubining navbatdagi mashg‘uloti Qo‘shtepa tumanidagi “Stellar Kids” xususiy maktabgacha ta’lim muassasasida tashkil etildi.

Tadbir davomida bolajonlarimiz o‘zlarining ijodiy chiqishlari bilan barchaga bayramona kayfiyat ulashdilar. Ular she’rlar aytib, qo‘shiqlar kuyladilar, raqsga tushdilar hamda Farg‘ona viloyat axborot-kutubxona markazi mutaxassislari tomonidan tashkil etilgan qiziqarli o‘yinlarda faol ishtirok etdilar.

Ayniqsa, “Kim tez o‘qiydi?” musobaqasi bolalarda katta qiziqish uyg‘otdi. Unda eng faol qatnashgan jajji kitobxonlar kutubxonamizning esdalik sovg‘alari bilan taqdirlandilar.

Mazkur tadbir bolalarga quvonch, shodlik va unutilmas taassurotlar ulashib, ularning kitobga bo‘lgan mehrini yanada mustahkamlashga xizmat qildi.

Address

Fergana

Opening Hours

09:00 - 17:00

Telephone

0(373)-244-00-56

Website

Alerts

Be the first to know and let us send you an email when Ahmad Farg'oniy nomidagi Farg'ona viloyati axborot-kutubxona markazi posts news and promotions. Your email address will not be used for any other purpose, and you can unsubscribe at any time.

Shortcuts

Share