Quvasoy shahar hokimligi, Kuvasay (2026)

27/04/2022

🌱“Uz-segang” бир ўқ билан икки қуённи урмоқчи

Шаҳар ҳокими З.Тўрақулов томонидан қишлоқ хўжалигининг турли соҳаларида олиб борилаётган ишлар жойида бориб ўрганилиб келинмоқда.

Ҳусусан “Uz-segang” фермер хўжалиги томонидан Арсиф адирликларидаги 1600 гектар ҳудудда томчилатиб суғориш усулида интенцив гилос боғларини ташкил этиш бўйича олиб борилаётган кенг кўламли ишлар ўрганилди.

Бундан ташқари “Uz-segang” тадбиркорлари томонидан томчилатиш натижасида намланган ердан янада самарали фойдаланиш мақсадида гилос кўчатлари остига ловия уруғини экиб бугунги кунда яна бир яхшигина сармоя келтирилиши кутилаётган маҳсулотни етиштириб келмоқдалар.

27/04/2022

Respublikamiz ta’lim-tarbiya tizimining bugungi kundagi asosiy vazifasi o‘sib kelayotgan yosh avlod, o‘quvchilarning ilmiy dunyoqarashini, mantiqiy fikrlay olish qobiliyatini, aqliy rivojlanishini, o‘z-o‘zini anglash salohiyatini shakllantirish va o‘stirish, ularda milliy va umuminsoniy qadriyatlarni tarkib toptirish, ma’naviy barkamol inson bo‘lib yetishishlari, jamiyatda o‘z munosib o‘rnini egallashga qodir bo‘lgan, komillikka intiladigan barkamol avlodni voyaga yetkazishda amaliy fanlarning o‘rni beqiyosdir.
Bugun Quvasoy shahar Xalq ta’limi bo‘limi tasarrufidagi 16-umumiy o‘rta ta’lim maktabida aprel - “Amaliy fanlari oyligi” munosanati bilan ma’naviy-ma’rifiy tadbir o‘tkazildi.

Quvasoy shahar hokimligi
Axborot xizmati

27/04/2022

Қувасой шаҳридаги экспортёрлар томонидан Россияга биринчи гилос экспортга чиқарилди

"KUVASAY EXPORT INVEST" МЧЖ ва Россия Федерациясининг ООО "ФТЛ" корхоналари ўртасида 2022 йил 14 апрел кунги UZ-05 сонли шартнома тузилган.
Вилоят хокимлиги ва вилоят Божхона бошқармасининг кўмаги билан жорий йил 20 апрел куни 21840 рубллик илк гилос маҳсулоти Россия давлатига экспорти амалга оширилди.

27/04/2022

Quvasoy shahar Xalq ta'limi bo'limi tasarrufidagi 27-umumiy o‘rta ta‘lim maktabida "Favqulotda vaziyatlarni oldini olish va fuqaro muhofazasi oyligi" doirasida "Yong‘in bilan olishuv va bartaraf etish" tadbiri bo‘lib o‘tdi.

Quvasoy shahar hokimligi
Axborot xizmati

27/04/2022

ҚУВАСОЙДА “КИТОБСЕВАР МИЛЛАТ” ШИОРИ ОСТИДА II РЕСПУБЛИКА “КИТОБХОНЛИК ҲАФТАЛИГИ” ЎТКАЗИЛДИ

Қувасой шаҳар марказида “Китобсевар миллат” шиори остида II Республика “Китобхонлик ҳафталиги” доирасида бир қатор маънавий-маърифий тадбирлар ўтказилди.

Мазкур ҳафталик давомида шаҳар Ахборот кутубхона марказида турли ёзувчи ва шоирлар билан учрашувлар, уларнинг ҳаёти ва ижодига бағишланган адабий, мусиқий кечалар, давра суҳбатлари, китоб тақдимотлари, заковат ўйинлари, иншолар танлови, турли кўрик-танловлар ташкил этилди.

Бугун ўтказилган “Китобхонлик ҳафталиги” тадбирининг тантанали ёпилиш маросимида барча таълим муассасалари, маҳалла фуқаролари, мактабгача таълим ташкилотлари ходимлари, барча ҳамшаҳарларимиз, шаҳримиз мехмонлари, корхона, ташкилот, муассаса раҳбарлари ва тадбиркорлар, аҳолининг барча қатламларидан иборат 1000 нафардан ортиқ фуқаролар иштирок этдилар. Тадбирда республика ва вилоят нашриётлари, китоб дўконлари иштирокида китоб ярмаркалари ташкил этилди. Турли хил асарлар саҳналаштирилиб, йиғилганлар жонли асарлардан баҳраманд бўлдилар.

Тадбирни шаҳар ҳокими Зафаржон Тўрақулов очиб бериб, ўз маърузаси сўнгида шаҳар Ахборот-кутубхона марказига 10 мингдан ортиқ бадиий ва турли мазмундаги китоблар тўпламини топширди.

Тадбир давомида шаҳар ҳокими томонидан ҳафталик давомида ўтказилган “Энг яхши китобхон маҳалла”, “Энг яхши китобхон оила”, “Энг яхши китобхон таълим муассасаси”, “Энг яхши китобхон раҳбар» кўрик-танлови ҳамда «Заковат» интелектуал ўйини шаҳар босқичи ғолиблари тақдирландилар.

Бундан ташқари ҳафталик давомида ўтказилган турли тадбирларда фаол қатнашган китобхонлар шаҳар Ахборот-кутубхона маркази ва шаҳар маънавият–маърифат марказининг фахрий ёрлиқлари ва эсдалик совғалари билан тақдирландилар.

Тадбир сўнгида Вилоят ахборот оммавий комуникациялар агентлиги раҳбари Шоҳидбек Аслонов томонидан шаҳар ҳокимлигига эсдалик совғалари топширилди.

Тадбир гўзал куй ва қўшиқларга уланиб кетди.

27/04/2022

Қувасой шаҳрида вилоятда биринчилардан бўлиб “Электрон поликлиника” платформаси яратилди ва ишга туширилди

Мухтарам Президентимизнинг топшириқларига биноан “Рақамлаштирилган тиббиёт” дастур асосида Қувасой шаҳрида вилоятда биринчилардан бўлиб, шаҳар оилавий поликлиникаси “Электрон поликлиника” платформаси яратилди ва 2022 йил 20 апрел куни ишга туширилди.

27/04/2022

Қувасой шахрида экспорт фаолияти билан шуғулланувчи корхоналар сони ошиб бормоқда.

🇺🇿 Мухтарам Президентимиз томонидан экспортёр корхоналарга кенг имкониятлар яратиб берилди.
Қувасой шахрида 2022 йил 1-чорак давомида жами 25 та корхоналар томонидан махсулотлар экспортга чиқарилди. Шундан, 17 та саноат махсулотлари ва 8 та қишлоқ хўжалиги йўналишида.

Қишлоқ хўжалик экспортини кўпайтириш бўйича жорий йил 8 феврал куни "NEW EXIM POWER" МЧЖ ҳамда 29 март куни "MEGA AZIYA EXP" МЧЖ янги экспортёрлар корхоналар рўйҳатдан ўтказилди.
Ушбу корхоналар апрел ойининг ўзида қиймати 760 минг.доллик қишлоқ хўжалиги маҳсулотлари Россия, Афғонистон ва Покистон давлатларига экспортга чиқардилар.

27/04/2022

Қувасой шаҳар ҳокимлиги томонидан “Темир дафтар”, “Аёллар дафтари” ва “Ёшлар дафтари”га киритилган фуқаролар билан манзилли ишлар олиб борилмоқда.

Бугун Лашкар маҳалласида шаҳар ҳокими, 1-сектор раҳбари З.Тўрақулов раҳбарлигида ёшларга оид давлат сиёсатини амалга ошириш, ёшларни таклиф ва ташаббусларини қўллаб-қувватлаш ҳамда мавжуд муаммоларини бартараф қилиш мақсадида “Сектор раҳбари ва ёшлар” учрашуви бўлиб ўтди.

Учрашувда жами 12 нафар ёшлар иштирок этиб, улар томонидан 5 та таклиф ва муаммолар билдирилди. Ёшлар томонидан билдирилган мурожаатларнинг бир қисми ижобий ҳал этилиб, муддат талаб этиладиган мурожаатларга тушунчалар берилиб, тегишли йўл хариталари белгиланди.

27/04/2022

O’zbek xalqi azal-azaldan buyuklar merosiga hurmat va ehtirom bilan qarashadi. Ularning go’zal she’rlari va asarlarini katta ishtiyoq bilan mutolaa qiladilar. Yoshlar qalbida buyuk shoirlarga nisbatan mehr-muhabbat uyg’otish maqsadida Quvasoy shahar axborot – kutubxona markazida O’zbekiston xalq shoiri Muhammad Yusuf tavalludining 68 yilligi munosabati bilan “El ardog’idagi shoir” mavzusida tadbir o’tkazildi. Tadbirga Quvasoy shahar hokim o’rinbosari A.Mamajonov, XTB tasarrufidagi 1, 2-IDUM, 29-umumiy o’rta ta’lim maktablari hamda Muhammad Yusufning yaqin do’sti, kursdoshi M.Matmusayev tashrif buyurdilar. Tadbir davomida axborot – kutubxona markazida tashkillangan “Kitobsevarlar” klubi a’zolari tomonidan Muhammad Yusuf ijodidagi she’rlardan tomoshabinlarga aytib berdilar. Ma’murjon Matmusayev shoirning hayot yo’llari, bolaligi, yozgan she’rlari hamda oila a’zolari haqida o’quvchi yoshlarga ma’lumotlar berib o’tdi. O’quvchilar xursand bo‘ldilar.

Quvasoy shahar hokimligi
Axborot xizmati

|🌏 Facebook |🌐

27/04/2022

Alisher Navoiy nomidagi O‘zbekiston Milliy kutubxonasi direktori Umida Alimdjanovna viloyat axborot-kutubxona markazida viloyat kutubxona xodimlari hamda tuman-shahar axborot-kutubxona markazi xodimlari bilan ochiq muloqat o‘tkazdi. Suhbat davomida kutubxonalar faoliyati, muammolari va istiqboldagi rejalar tahlil qilindi. Umida Alimdjanovna tomonidan kutubxonalar rivojlanish bosqichida ekanligi, endi ularni takomillashtirish bosqichida ekanligi ta’kidlandi. Viloyat, tuman-shahar kutubxona markazlariga soha bo‘yicha vazifalar belgilandi.
Kitobxonlik haftaligi doirasida so‘ngida Quvasoy shahar, Marg‘ilon shahar, Yozyovon, Qo‘shtepa, Farg‘ona, Quva, Toshloq tumani axborot-kutubxona markazlari kitob fondiga O‘zbekiston Milliy kutubxonasi tomonidan kitoblar jamlanmasi taqdim etildi.

Quvasoy shahar hokimligi
Axborot xizmati

|🌏 Facebook |🌐 Telegram |

27/04/2022

Қувасой шаҳридаги маҳалла фуқаролар йиғинларида “Темир дафтар”, “Аёллар дафтари” ва “Ёшлар дафтари”га киритилган фуқаролар билан манзилли ишлар олиб борилмоқда.

Жумладан бугун Қувасой шаҳридаги Халк кабулхонасида шаҳар ҳокими З.Тўрақулов аҳолининг муаммоларини ўрганиш билан бирга навбатдаги шахсий қабулини ўтказди.

Унда 18 нафардан ортиқ фуқаролар иштирок этиб, 10 та мурожаат юзасидан мулоқот бўлди.
Билдирилган мурожаатларнинг бир қисми ижобий ҳал этилиб, муддат талаб этиладиган мурожаатларга тушунчалар берилиб, назорат-режа тузилиб, белгиланган муддатда кўриб чиқилишини таъминлаш учун назоратга олинди.

27/04/2022

"Kitobxonlik haftaligi" Respublikamiz bo‘ylab davom etmoqda. Quvasoy shahar Arsif mahalla fuqarolar yig‘inida joylashgan dam olish oromgohida Quvasoy shahar hokimligi, Yoshlar ishlari agentligi, Quvasoy shahar Axborot-kutubxona markazi, Xalq ta’limi bo‘limi tasarrufidagi 16-17-18-23-28-umumiy o‘rta ta'lim maktablari bilan hamkorlikda "Kitobxon hudud" loyihasi asosida tadbir o‘tkazildi. Tadbirda faol kitobxonlar tomonidan ijro etilgan kuy-qo‘shiqlar, she’rlar tomoshabinlarga manzur bo‘ldi. Shu bilan bir qatorda faol kitobxonlar ishtirokida "Bahru-bayt" bo‘lib o‘tdi. G‘olib deb topilgan 3 nafar kitobxonga Arsif mahalla fuqarolar yig‘ini raisi tomonidan esdalik sovg‘alari topshirildi.

Quvasoy shahar hokimligi
Axborot xizmati

Quvasoy shahar hokimligi

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

27/04/2022

Address

Telephone

Website

Alerts

Contact The Organization

Shortcuts

Share

Category