Namangan viloyati maktabgacha va maktab ta'limi boshqarmasi, Namangan viloyati, Namangan (2026)

13/03/2026

O‘ZBEKISTON TA’LIM TIZIMIDA TARIXIY VOQEA!

Al-Beruniy xalqaro maktab-internati O‘zbekiston va Markaziy Osiyoda davlat tasarrufidagi IB Diploma dasturini amalda joriy etgan birinchi maktab sifatida o‘z o‘rnini egalladi.

Al-Beruniy nomidagi xalqaro maktab-internati (https://t.me/piimauz/27116)O‘zbekiston ta’lim tarixida mutlaqo yangi sahifa ochdi.

Shavkat Mirziyoyevning 2025-yil 15-maydagi PF–86-son Farmoniga muvofiq tashkil etilgan Al-Beruniy nomidagi xalqaro maktab-internati qisqa muddatda xalqaro natijaga erishdi.

✔️International Baccalaureate (IB) tomonidan rasmiy ravishda Al-Beruniy nomidagi xalqaro maktab-internatiga IB Diploma Programme (IBDP) bo‘yicha IB Jahon maktabi maqomi berildi.

✅️ALOHIDA TA’KIDLASH JOIZ: IB tashkilotining 58 yillik faoliyati davomida, dunyo bo‘ylab 5 800 dan ortiq IB maktablar orasida
ilk bor davlat maktabi atigi 4 oy ichida akkreditatsiyadan muvaffaqiyatli o‘tdi.

➡️Bu — Yangi O‘zbekiston ta’lim salohiyatining jahon miqyosida tan olinishidir.

✉️ IB tashkiloti o‘z rasmiy murojaatida:
— maktabda yaratilgan ta’lim muhiti,
— boshqaruv tizimi,
— ustozlar, o‘quvchilar va ota-onalarning mas’uliyatli yondashuvini alohida e’tirof etdi.

📌Al-Beruniy nomidagi xalqaro maktab-internatida IBDP dasturining joriy etilishi orqali o‘quvchilarni Harvard, MIT, Oxford, Cambridge, Stanford, Columbia kabi dunyoning yetakchi universitetlariga to‘liq grant asosida maqsadli tayyorlash imkoniyati yaratildi.

Mazkur yuksak natijalar mamlakatimizda ta’lim sohasida olib borilayotgan izchil islohotlar, davlat rahbarining ta’limga bo‘lgan ustuvor e’tibori va strategik qarashlarining amaliy samarasidir.

Bizni kuzatib boring
❤ Telegram (https://t.me/uzedu) 🌐 Facebook (https://www.facebook.com/uzedu1/?locale=ru_RU)
🌐 Youtube (http://bit.ly/2PYbkOx) 🌐 Instagram (https://www.instagram.com/mmtv_uz/)
🔎 Veb-sayt (https://gov.uz/oz/uzedu) 😄 Linkedin (https://www.linkedin.com/company/uzeduuz/)

13/03/2026

Prezidentimiz “O‘zbekiston Respublikasi Fanlar akademiyasi faoliyatini takomillashtirish chora-tadbirlari to‘g‘risida”gi qarorni imzoladi.

Ushbu muhim, tarixiy hujjat bilan Fanlar akademiyasining asosiy maqsad va ustuvor yo‘nalishlari belgilandi. Fanlar akademiyasida 2030-yilga qadar belgilangan ustuvor yo‘nalishlar bo‘yicha ilmiy tadqiqotlar yo‘lga qo‘yiladi. 2030-yilga qadar FA va uning tizim tashkilotlarida yangi ilmiy ishlanmalar soni va tijoratlashtirishdan olinadigan mablag‘lar hajmi 3 baravarga; ilmiy xodimlar tarkibida yoshlar ulushi 60 foizgacha; nufuzli xalqaro ilmiy nashrlarda chop etilgan maqolalar soni 4 baravarga; akademiklar va professorlarning ta’lim jarayonidagi ishtiroki 5 baravarga; xalqaro hamkorlikda amalga oshirilgan ilmiy tadqiqotlar soni 3 baravarga oshiriladi.

Xorijiy mamlakatlarda faoliyat ko‘rsatayotgan ilmiy diasporani O‘zbekiston ilm-faniga reintegratsiya qilinib, FA ilmiy muassasalarini raqobat tamoyili asosida moliyalashtirish tizimiga o‘tadi, yoshlarning akademik fanlarda ishtirokini kuchaytirish uchun ularni rag‘batlantirish tizimini yaratiladi.

Akademiyaning yangi ishlanmalarini tijoratlashtirish tizimini tubdan takomillashtirish maqsadida Fan va sanoat integratsiyasi kengashi tashkil etiladi va uning tarkibi O‘zbekiston Respublikasi Prezidenti Administratsiyasi rahbari tomonidan tasdiqlanadi.

Shuningdek, hujjat bilan FA faoliyatini takomillashtirish bo‘yicha chora-tadbirlar dasturi, 2030-yilgacha maqsadli ko‘rsatkichlari, ilmiy xodimlari sonini bosqichma-bosqich oshirish rejasi tasdiqlandi.

Fanlar akademiyasi boshqaruv apparati xodimlarining umumiy cheklangan soni 50 nafar etib belgilandi. Oliy ta’lim, fan va innovatsiyalar vazirligi huzuridagi Ilg‘or texnologiyalar markazi hamda Innovasion rivojlanish agentligining Xalqaro molekulyar allergologiya markazi Fanlar akademiyasi tizimiga o‘tkaziladi.

Namangan, Samarqand va Termiz shaharlarida Fanlar akademiyasining hududiy bo‘limlari tashkil etiladi.
Xalqaro ilm-fan kengashining Markaziy Osiyo mintaqaviy ofisi tashkil etiladi.

Yana bir muhim yangilik – ilmiy tadqiqotlarni qo‘llab-quvvatlash, yosh olimlarni jalb qilish va strategik ahamiyatga ega ilmiy yo‘nalishlarni barqaror moliyalashtirish maqsadida Fanlar akademiyasi jamg‘armasi tashkil etiladi va davlat byudjetidan har yili 80 milliard so‘m miqdoridagi mablag‘ ajratiladi.

Endi tizim oldida turgan eng muhim vazifa – mazkur qaror ijrosini samarali tashkil etish, belgilangan vazifa, marralarni bajarish. Davlatimiz rahbari tomonidan sharoit yaratilmoqda, imkoniyat berildi undan foydalanish, birgalikda mamlakat ilm-fani kuchini yuqori darajaga olib chiqishimiz lozim!

13/03/2026

👉 2030-yil 1-yanvarga qadar:

➖ nodavlat maktabgacha va umumiy oʻrta taʼlim tashkilotlari barcha turdagi soliq (bundan ijtimoiy soliq mustasno) va yigʻimlardan ozod qilinadi; (https://t.me/hilola_umarova/1972)

➖ bolalar uchun moʻljallangan kontentlar yaratishdan olgan daromadi jami yillik daromadining kamida 80 foizini tashkil etgan yuridik shaxslar foyda soligʻi toʻlashdan ozod qilinadi; (https://t.me/uzedu/34557)

🌍🌍🌍🌍🌍🌍

Bizni kuzating
❤ Telegram (https://t.me/uzedu) 🌐 Facebook (https://www.facebook.com/uzedu1/?locale=ru_RU)
🌐 Youtube (http://bit.ly/2PYbkOx) 🌐 Instagram (https://www.instagram.com/mmtv_uz/)
🔎 Veb-sayt (https://gov.uz/oz/uzedu) 😄 Linkedin (https://www.linkedin.com/company/uzeduuz/)

13/03/2026

✈️"Kelajak uchun xorijiy til": loyihada eng yaxshi natija qayd etgan maktab jamoasi XORIJ SAYOHATIga yuboriladi!

✅ Bugun O’zbekiston Respublikasi Prezidenti Administratsiyasi rahbari o‘rinbosari Hilola Umarova boshchiligida poytaxtimizdagi maktab direktorlari bilan muloqot tadbiri tashkil etildi.

🔰 Unda Maktabgacha va maktab ta’limi vaziri E’zoza Karimova, mas’ullar, tuman MMT bo‘limi rahbarlari va 300 nafardan ortiq maktab direktori qatnashdi.

➖ Muloqot davomida “Kelajak uchun xorijiy til” loyihasidan kutilayotgan natijalar, o‘quvchilar uchun tashkil etilgan 3 kunlik test jarayonlari tahlili va kelgusidagi vazifalar haqida so‘z yuritildi. Shuningdek, ishtirokchilarning fikr-mulohazalariga quloq tutildi.

✈️ Uchrashuvda yana bir quvonchli yangilik — loyihada eng yaxshi natija qayd etgan maktab rahbariyati, ushbu maktabdagi xorijiy til fani ustozlari va tuman bo‘limi rahbari XORIJGA yuborilishi e’lon qilindi.

Mazkur tashabbusga ko‘ra, o‘quv yili so’nggida maktablarning natijalari tahlil qilinadi va maxsus yorliqlar beriladi.

🌐 Ma‘lumot o‘rnida: "Kelajak uchun xorijiy" loyihasi doirasidagi mashg‘ulotlar o‘quv yilining 3-choragidan boshlanishi rejalashtirilgan. Darslar xorijlik ustozlar tomonidan olib boriladi.

🌍🌍🌍🌍🌍🌍

Bizni kuzating
❤ Telegram (https://t.me/uzedu) 🌐 Facebook (https://www.facebook.com/uzedu1/?locale=ru_RU)
🌐 Youtube (http://bit.ly/2PYbkOx) 🌐 Instagram (https://www.instagram.com/mmtv_uz/)
🔎 Veb-sayt (https://uzedu.uz/uz) 😄 Linkedin (https://www.linkedin.com/company/uzeduuz/)

13/03/2026

Namanganning eng faol yoshlari eʼtirof etildi

2025-yilda yoshlar siyosatida amalga oshirilgan ishlar sarhisob qilindi. Uning natijalariga ko‘ra, Namangan shahridagi “Maʼrifat maskani”da tantanali taqdirlash marosimi bo‘lib o‘tdi.

Unda viloyatdagi huquqni muxofaza qiluvchi idoralar, Davlat va jamoat tashkilotlari rahbarlari, yoshlar vakillari ishtirok etdilar.

Namangan viloyati hokimi Shavkatjon Abdurazzoqov tabrik so‘zida barchani Yangi yil bilan qutlab, Prezidentimiz boshchiliklarida yoshlar mamlakatimiz taraqqiyoti va kelajagi uchun masʼul avlod sifatida doimo eʼtiborda ekanini taʼkidladi.

Shundan so‘ng viloyatimizning yil davomida yuqori natijalarga erishgan bir qator faol va iqtidorli yoshlari, turli tanlovlar g‘oliblari, mahalla yettiligi vakillari, yoshlar yetakchilari, otaliqqa olingan hamda ishsiz yoshlar bilan ishlashda faollik ko‘rsatgan kuch tuzulmalari hamda masʼul idoralar xodimlari viloyat hokimining “Tashakkurnoma”si hamda esdalik sovg‘alari tantanali ravishda topshirildi.

Namangan viloyati hokimligi Axborot xizmati.

Sayt (http://namangan.uz/) | Telegram (https://t.me/namvilhok) | Instagram (https://www.instagram.com/namangan.gov.uz/) | Facebook (https://www.facebook.com/namangan.uz/) |Twitter (https://twitter.com/twit_namanganuz) | YouTube (https://www.youtube.com/c/namanganuz)

13/03/2026

Iste’dodli va iqtidorli yoshlar-Yangi O‘zbekiston bunyodkorlari!

O‘zbekiston Respublikasi Prezidenti Sh.M. Mirziyoyevning 2025-yil 26-dekabrdagi Oliy Majlis va O‘zbekiston xalqiga MUROJAATNOMASI da Iste’dodli o‘g‘il-qizlarimiz ta’lim, ilm-fan, madaniyat, san’at, sport va boshqa sohalarda erishayotgan katta yutuqlari bilan ham Yangi O‘zbekistonimiz ravnaqiga munosib hissa qo‘shayotgani ta’kidlandi.

O‘quvchi va talabalarimiz joriy yilda xalqaro fan olimpiadalarida 51 ta oltin, 101 ta kumush, 126 ta bronza medalini qo‘lga kiritib, o‘z bilim va salohiyatini butun dunyoga namoyish qildi.

Ma’lumki, O‘zbekiston kelgusi yili 46-Butunjahon shaxmat olimpiadasiga, 2027-yilda 20 yoshgacha bo‘lgan futbolchilar o‘rtasidagi jahon chempionatiga, 2029-yilda esa Yoshlar Osiyo o‘yinlariga mezbonlik qiladi.

Shu bilan birga, 2026-yilda yurtimizda ilk bor maktab o‘quvchilari o‘rtasida nufuzli xalqaro kimyo va informatika olimpiadalari, Shanxay hamkorlik tashkilotiga a’zo davlatlar talabalari o‘rtasida muhandislik yo‘nalishlarida, Turkiy davlatlar texnikum o‘quvchilari o‘rtasida kasb yo‘nalishlarida xalqaro olimpiada o‘tkaziladi.

Bunday nufuzli tadbirlar Vatanimizni rivojlangan sport va ilm-fan mamlakatiga aylantirish, uning obro‘-e’tiborini yuksaltirishga xizmat qiladi.

Biz o‘quvchi yoshlarimizning iste’dod, iqtidor hamda salohiyatlarini rivojlantirishlari uchun yaratilayotgan imkoniyatlardan unumli foydalangan xolda ularga shart-sharoitlar yaratib beramiz. Ularda Vatanni sevish, vatanparvarlik kabi xususiyatlarni shakllantirishda bor kuch va salohiyatimizni ayamaymiz.

Z.S.Pattayev

Davlatobod tuman 58-sonli AFCHO‘SM umumiy o‘rta ta’lim maktabi direktori

13/03/2026

📢 Diqqat, diqqat!

"MUBL Bootcamp" uchun arizalar qabuli BOSHLANDI!!🚦

Siz maktab o‘quvchisi bo'lsangiz va g‘oyalaringizni haqiqatga aylantirishni xohlaysizmi❓

MUBL Club o‘zining 6 haftalik intensiv Robototexnika, AI va Muhandislik Bootcamp ga start bermoqda! 🛠🦾

🛠 Dasturda:

🔹Robototexnika va AI: Arduino robotlarini yig‘ish va AI integratsiyasi.
🔹3D Modellashtirish: Fusion 360 da loyihalash va 3D bosib chiqarish.
🔹Strategik rivojlanish: G‘oyadan tayyor loyihagacha bo‘lgan yo‘l.

Bizning mentorlar jamoasi O‘zbekiston,Qozog‘iston,Germaniya,Ozarbayjon va Birlashgan Arab Amirliklarining eng kuchli professorlaridan iborat.

Ular sizga ta’kidlab o‘tilgan yo‘nalishlarda ham offlayn,ham onlayn dars berishadi.Va bularning hammasi mutlaqo bepul!!🆓

📝 Talablar:

🔹 18 yoshgacha bo‘lgan maktab o‘quvchilari.
🔹 Ingliz tili (B2+) va boshlang‘ich C++ bilimlari.
🔹 Motivatsion insho

Agar siz ushbu talablarga mos kelsangiz,va jamoamizning bir qismiga aylanishni xohlasangiz,hoziroq ushbu sayt orqali ro‘yxatdan o‘ting:

Mubl.Bootcamp (https://mubl-bootcamp.vercel.app/) 👈

⏳ Arizalar qabuli 12-yanvargacha davom etadi...

Dasturni muvaffaqiyatli tugatgan har bitta ishtirokchi uchun dastur tugatganlik haqida sertifikat va hamkorlarimizdan loyihangizni davom ettirish support olishingiz mumkin✨

Biz jamoamiz bilan ushbu mash’alni bugun yoqdik va siz o‘zingizni mash’al chirog‘ingizni yoqishni unutmang!⌛

10/03/2026

Dars: “Muqaddas ayol”

Maktabgacha va maktab ta’limi vaziri E’zoza Karimova Namangan viloyati Davlatobod tumanidagi 48-sonli umumiy oʻrta ta’lim maktabi oʻquvchilariga “Muqaddas ayol“ mavzusida “Kelajak soati” darsini oʻtib berdi.

Vazir dars davomida oʻzining muhim va hayotiy tavsiyalari bilan oʻrtoqlashdi, yoshlarga katta motivatsiya berdi. Bundan tashqari E’zoza Karimova oʻquvchilar bilan samimiy muloqot ham qilib, ularning “Kelajak soati” boʻyicha fikr va tavsiyalarini tingladi, faol oʻquvchilarga kitoblar sovgʻa qildi.

Darsning toʻliq varianti: https://youtu.be/F9ikttfowzk?si=wTp4G9VquIDc2Mvi

10/03/2026

NAMANGANLIK O‘QUVCHILAR TOMONIDAN AGRAR SOHA UCHUN INNOVATSION DRON ISHLAB CHIQILDI

10/03/2026

Axborot 24 | "Kelajak" markazlari va maktab maslahatchilariga nomzodlar saralanmoqda

10/03/2026

Hurmatli maktabgacha va maktab ta’limi tizimida faoliyat yuritayotgan aziz opa-singillar, qadrli ustoz-muallimlar!

Bugun mana shunday dilbar, qutlug‘ bahor ayyomi - Xalqaro xotin- qizlar kuni bilan sizlarni chin qalbimdan muborakbod etaman.

Ona, ayol degan soʻz zamirida nozik taʼb, buyuk qalb, nafosatli koʻngil, betakror goʻzallik, fidoyilik, ulugʻvor bir maʼno mujassam.

Yurtboshimiz tomonidan xotin-qizlarga ko‘rsatilayotgan yuksak e’tibor, yaratib berilayotgan imtiyozlar va imkoniyatlar natijasida bugungi k***a barcha sohalarda ayollarimizning faolligi tobora ortib bormoqda.

Ta’lim tizimida ham ko‘plab zahmatkash va fidoyi xotin-qizlar farzandlarimizning yorug‘ kelajagi uchun kamarbastalik bilan mehnat qilib kelishmoqda.

Ushbu bayram munosabati bilan sizlarni yana bir bor nafosat va go‘zallik ayyomi bilan tabriklayman. Sizlarga uzoq umr, sihat-salomatlik, oilaviy tinchlik, xotirjamlik, hayotiy farovonlik tilayman!

A'zamjon Isakov,
Viloyat maktabgacha va maktab ta'limi boshqarmasi boshlig‘i

10/03/2026

Ergashev Sohibjon Ubaydullayevich Namangan viloyati maktabgacha va maktab ta’limi boshqarmasi boshlig‘ining birinchi o‘rinbosari lavozimiga tayinlandi

Sohibjon Ergashev 1971 – yilda Namangan viloyati To‘raqo‘rg’on tumanida tug‘ilgan. 1993 – yil O‘zbekiston davlat jahon tillari universitetini tamomlagan. 1993-1995 –yillarda Namangan davlat universitetining nemis tili fani o‘qituvchisi, 1995-2002 – yillarda To‘raqo‘rg‘on tumanidagi 39-umumiy o‘rta ta’lim maktabining nemis tili fani o‘qituvchisi, 2002-2004 – yillarda To‘raqo‘rg‘on tuman xalq ta’limi bo‘limi ma’naviyat va tarbiyaviy ishlar bo‘yicha metodist, 2004-2005 - yillarda To‘raqo‘rg‘on tuman xalq ta’limi bo‘limi umumiy bo‘lim boshlig‘i, 2005-2006 - viloyat xalq ta’limi boshqarmasi davlat ta’lim standartlari monitoring bo‘limining yetakchi mutaxassisi, 2007-2012 – yillarda To‘raqo‘rg‘on tuman xalq ta’limi bo‘limi mudiri, 2015-2017 – yillarda viloyat xalq ta’limi boshqarmasi davlat ta’lim standartlari monitoringi bo‘limi (kadrlar bo‘yicha) mutaxassisi, 2017-2021 – yillarda viloyat xalq ta’limi boshqarmasi boshlig‘ining birinchi o‘rinbosari, 2021-2023 – yillarda Kosonsoy tuman xalq ta’limi bo‘limi mudiri.

Tayinlovga qadar Kosonsoy tuman maktabgacha va maktab ta’limi bo‘limi boshlig‘i lavozimida ishlab kelgan.

Mazkur tayinlov O‘zbekiston Respublikasi Maktabgacha va maktab ta’limi vazirining buyrug‘i asosida amalga oshirildi.

Namangan viloyati maktabgacha va maktab ta’limi boshqarmasi Axborot xizmati

Namangan viloyati maktabgacha va maktab ta'limi boshqarmasi

13/03/2026

13/03/2026

13/03/2026

13/03/2026

13/03/2026

13/03/2026

13/03/2026

10/03/2026

10/03/2026

10/03/2026

10/03/2026

10/03/2026

Address

Website

Alerts

Contact The Organization

Shortcuts

Share

Category