Наманган вилояти хокимлиги

Наманган вилояти хокимлиги Namangan viloyati hokimligi / Хокимият Наманганской области / Namangan Regional Administration

Gʻalla oʻrimiga tayyorgarlik: muhim vazifalar belgilab olindiBugun Namangan viloyati hokimi Shavkatjon Abdurazzoqov Chus...
31/05/2026

Gʻalla oʻrimiga tayyorgarlik: muhim vazifalar belgilab olindi

Bugun Namangan viloyati hokimi Shavkatjon Abdurazzoqov Chust tumanida qishloq xoʻjaligi sohasida amalga oshirilayotgan ishlar bilan tanishdi.

Oʻrganishlar davomida "Oʻzbekiston" MMTP hududidagi “Ravshan”, “Joʻravoy ota Gʻaybullayev” hamda “Chust Bahodir Ergashev” fermer xoʻjaliklarining gʻoʻza, gʻalla maydonlari koʻzdan kechirildi.

Chust tumanida joriy yilda 7406 gektar maydonda yetishtirilgan gʻalla hosilini qisqa muddatlarda va betalafot yigʻib olish maqsadida 12 ta oʻrim otryadi shakllantirilib, ularga 12 ta zamonaviy kombayn hamda 50 dan ortiq yuk tashish texnikasi biriktirilgan.

Oʻrganishlar chogʻida gʻalla oʻrim-yigʻim ishlarini uyushqoqlik bilan tashkil etish, hosilni nes-nobud qilmasdan yigʻishtirib olish, shuningdek, gʻoʻza maydonlarida agrotexnik tadbirlarni oʻz vaqtida bajarish masalalari muhokama qilindi.

Yak***a mutasaddi rahbarlar va soha vakillariga mavjud imkoniyatlardan samarali foydalanib, gʻoʻza parvarishini kuchaytirish, gʻalla oʻrimini yuqori uyushqoqlik bilan tashkil etish boʻyicha tegishli topshiriq va koʻrsatmalar berildi.

Namangan viloyati hokimligi Axborot xizmati.

Begona oʻt — hosil kushandasi! Namangan viloyati hokimi Shavkatjon Abdurazzoqov boshchiligidagi ishchi guruhi Toʻraqoʻrg...
31/05/2026

Begona oʻt — hosil kushandasi!

Namangan viloyati hokimi Shavkatjon Abdurazzoqov boshchiligidagi ishchi guruhi Toʻraqoʻrgʻon tumanidagi bir qator fermer xoʻjaliklarida amalga oshirilayotgan agrotexnik tadbirlar sifatini oʻrgandi.

Jarayonda gʻoʻza parvarishi — zararkunanda hasharotlarga qarshi kurashish, kultivatsiya, chizellash, dorilash va sugʻorish masalalariga alohida eʼtibor qaratildi.

Jumladan, "Quyoshli yurt vodiysi" MMTP hududidagi "Lochinbek, Behruzbek" fermer xoʻjaligining 35 gektar maydonidagi gʻoʻza rivojini koʻzdan kechirildi. Paykallarda begona oʻt koʻpaygani tanqid qilinib, fermer va mutasaddilarga zudlik bilan tegishli choradar koʻrish vazifasi yuklatildi.

Mutaxassislar tomonidan aniqlangan kamchiliklarga barham berish zarurligi, aks holda agrotexnik tadbirlar samarasi sezilmay, gʻoʻza rivojiga toʻsqinlik qilishi tushuntirildi.

Namangan viloyati hokimligi Axborot xizmati.

Dala madaniyati: ekinlar parvarishidan tortib, ishchilarga sharoit yaratishgacha eʼtiborda. Namangan viloyati hokimi Sh...
31/05/2026



Dala madaniyati: ekinlar parvarishidan tortib, ishchilarga sharoit yaratishgacha eʼtiborda.

Namangan viloyati hokimi Shavkatjon Abdurazzoqov boshchiligidagi ishchi guruhi Toʻraqoʻrgʻon tumanida qishloq xoʻjaligi sohasidagi ishlar bilan tanishmoqda.

Tumanda joriy yilda 3200 gektar maydonda paxta, 4526 gektarda gʻalla yetishtirish va yuqori hosil olish maqsadi bilan mehnat qilinmoqda. Ayni kunlardagi dolzarb vazifalar pishib-etilish pallasiga oʻtgan don hosilini yigʻishtirib olishga tayyorgarlik hamda gʻoʻza nihollariga kompleks ishlov berishdan iborat.

Oʻrganishlar Is’hoqxon toʻra Ibrat MMTPga qarashli "Ibrat fayz tolasi" fermer xoʻjaligidan boshlandi. 76 gektar maydonda dehqonchilik qilinayotgan xoʻjalikda gʻoʻza parvarishi izchil olib borilmoqda.

"Bekobod ilgʻori" fermer xoʻjaligida gʻoʻza parvarishi barobarida dala madaniyatiga amal qilinib, maydon chetlaridan tashqari shiypon oldida ham moʻjazgina tomorqa tashkil etilgan. Atrofi anvoyi gullar bilan oʻralgan ushbu maydonchada fermer xoʻjaligi aʼzolari qozoniga tushadigan zarur oziq-ovqat mahsulotlari, turli sabzavotlar ekilgani eʼtiborga molik.

Viloyat rahbari gʻoʻza maydonlaridagi agrotexnik tadbirlar sifatini koʻzdan kechirib, zararkunanda hasharotlarga qarshi tizimli ish olib borish lozimligini taʼkidladi.

Oʻrganishlar davom etmoqda.

Namangan viloyati hokimligi Axborot xizmati.

Innovatsion gʻoya egasiga qoʻllab-quvvatlov: magistrant loyihasiga amaliy yordam beriladiToshkent davlat transport unive...
29/05/2026

Innovatsion gʻoya egasiga qoʻllab-quvvatlov: magistrant loyihasiga amaliy yordam beriladi

Toshkent davlat transport universiteti magistranti, Yoshlar akademiyasi aʼzosi Oyshaxon Qodirovaning innovatsion tashabbusi davlat rahbari eʼtiboriga havola etilganidan soʻng, loyihani amaliyotga joriy etish borasida amaliy ishlar boshlanmoqda.

Bugun Yangi Namangan tumanida joylashgan “Pahlavon” sport majmuasida Namangan viloyati hokimi Shavkatjon Abdurazzoqov Oyshaxon Qodirova bilan uchrashdi.

Maʼlum qilinishicha, joriy yil 22-may kuni poytaxtda boʻlib oʻtgan “Kelajak uchun” istiqbolli tashabbuslar forumi doirasida yosh tadqiqotchi oʻzining “Bionik koʻchat ekish” nomli innovatsion loyihasini Oʻzbekiston Respublikasi Prezidenti Shavkat Mirziyoyevga bevosita taqdim etgan edi.

Qishloq xoʻjaligi sohasi uchun ishlab chiqilgan mazkur loyiha mehnat unumdorligini oshirish va inson omiliga bogʻliq jarayonlarni avtomatlashtirishga qaratilgani bilan ahamiyatlidir.

Loyiha doirasida yaratilgan mini-traktor avtomatik rejimda yer tekislash, chuqur qazish, oʻgʻit solish, sugʻorish hamda koʻchat ekish kabi bir nechta jarayonlarni bir vaqtning oʻzida bajara oladi. Mutaxassislar fikricha, qurilma xorijiy analoglarga nisbatan ancha arzon boʻlib, koʻchatlarning nobud boʻlish xavfini kamaytiradi, ish samaradorligini 4–5 barobarga oshirish imkonini beradi.

Uchrashuv chogʻida viloyat hokimi mazkur innovatsion gʻoyani qoʻllab-quvvatlash, uni yanada takomillashtirish va amaliyotga joriy etishda amaliy yordam koʻrsatilishini bildirdi.

Prezidentga taqdimotdan soʻng loyihani amaliyotga tatbiq etish boʻyicha aniq vazifalar belgilangan. Umumiy qiymati 500 million soʻm boʻlgan ushbu tashabbus tegishli vazirlik va idoralar bilan hamkorlikda sinovdan oʻtkazilib, kelgusida tijoratlashtirilishi rejalashtirilgan.

Yoshlarning ilm-fan va innovatsiyaga asoslangan tashabbuslarini qoʻllab-quvvatlash mamlakatda yangi texnologiyalar va zamonaviy ishlanmalarni rivojlantirishga xizmat qilayotgani bu kabi loyihalar misolida yana bir bor namoyon boʻlmoqda.

Oʻzbek botirlari III – xalqaro Gran Prix”musobaqasiga start berildiYangi Namangan tumanida joylashgan “Pahlavon” sport m...
29/05/2026

Oʻzbek botirlari III – xalqaro Gran Prix”musobaqasiga start berildi

Yangi Namangan tumanida joylashgan “Pahlavon” sport majmuasida yunon-rum va erkin kurash boʻyicha kattalar oʻrtasidagi nufuzli xalqaro turnir — “Oʻzbek botirlari III – xalqaro Gran Prix” musobaqasi tantanali ravishda boshlandi.

Uchinchi marotaba oʻtkazilayotgan ushbu musobaqa nafaqat sport, balki xalqaro doʻstlik va hamkorlik maydoni sifatida ham alohida ahamiyat kasb etmoqda.

Musobaqada Oʻzbekiston bilan bir qatorda Rossiya, Qozogʻiston, Qirgʻiziston, Turkmaniston, Tojikiston, Moldaviya, Angliya, Xitoy Taypeyi, Iordaniya, Saudiya Arabistoni, Belorussiya va Turkiya kabi davlatlardan kelgan 400 nafarga yaqin polvonlar ishtirok etmoqda.

Bu esa turnirning nufuzi yildan-yilga ortib borayotganini, uning xalqaro sport hamjamiyatida munosib oʻrin egallayotganini koʻrsatadi.

Tadbirda Namangan viloyati hokimi Shavkatjon Abdurazzoqov xalqaro mehmonlar va yosh polvonlarni samimiy qutladi.

Marosimda sportning yoshlar tarbiyasidagi oʻrni, sogʻlom turmush tarzini shakllantirishdagi ahamiyati alohida qayd etildi. Bugungi k***a Namanganda boks, ogʻir atletika, oʻq otish va kurash kabi sport turlarida xalqaro natijalarga erishilayotgani taʼkidlandi.

Tadbirda shuningdek, viloyat prokurori Umirbek Madraximov va Oʻzbekiston sport kurashlari assotsiatsiyasi raisi oʻrinbosari Kris Georgiyevich ham soʻzga chiqib, musobaqa ishtirokchilariga omad tilab, bunday xalqaro turnirlar sportchilar mahoratini oshirish va yangi isteʼdodlarni kashf etishda muhim oʻrin tutishini taʼkidladilar.

“Oʻzbek botirlari III – xalqaro Gran Prix” musobaqasi Namanganda sport anʼanalarini mustahkamlash, xalqaro hamkorlikni kengaytirish va yosh avlodni sportga keng jalb etish yoʻlidagi muhim qadam sifatida baholanmoqda.

Bugun Yangi Namangan tumanida joylashgan “Pahlavon” sport majmuasida Oʻzbekiston Respublikasi Prezidenti farmoniga muvof...
29/05/2026

Bugun Yangi Namangan tumanida joylashgan “Pahlavon” sport majmuasida Oʻzbekiston Respublikasi Prezidenti farmoniga muvofiq fidoyi soha vakiliga davlat mukofotini topshirish marosimi boʻlib oʻtdi.

Tadbirda Oʻzbekiston Respublikasi Prezidenti Shavkat Mirziyoyevning farmoni oʻqib esh*ttirilib, mamlakatimizda madaniyat, maʼnaviyat va ijtimoiy hayot rivojiga qoʻshgan munosib hissasi, koʻp yillik samarali mehnati hamda milliy qadriyatlarni asrash va targʻib etish yoʻlidagi xizmatlari uchun Namangan viloyati madaniy meros boshqarmasi boshligʻi Maxamad Pulatovich Kadirov “Shuhrat” medali bilan taqdirlangani maʼlum qilindi.

Davlat mukofoti viloyat hokimi Shavkatjon Abdurazzoqov tomonidan tantanali ravishda topshirildi.

Marosimda taʼkidlanishicha, Maxamad Pulatovich Kadirovning koʻp yillik faoliyati viloyatda madaniy merosni asrab-avaylash, tarixiy qadriyatlarni tiklash va sohani rivojlantirishda muhim ahamiyat kasb etmoqda.

Tadbir yakunida mukofot sohibi yurtimizda olib borilayotgan islohotlar va eʼtibor uchun minnatdorlik bildirdi.

Yangiqoʻrgʻonda turizmning yangi davri boshlanmoqda.Yangiqoʻrgʻon tumanida turizm sohasini yangi bosqichga olib chiqish,...
29/05/2026

Yangiqoʻrgʻonda turizmning yangi davri boshlanmoqda.

Yangiqoʻrgʻon tumanida turizm sohasini yangi bosqichga olib chiqish, aholi va sayyohlar uchun zamonaviy va barcha qulayliklarga ega dam olish maskanlarini tashkil etish maqsadida yirik turistik loyihaga start berildi.

Qayroqi mahallasi hududidagi 32 gektar maydonda barpo etiladigan zamonaviy turizm kompleksi tumanning kelgusidagi eng yirik va istiqbolli maskanlaridan biri boʻlishi kutilmoqda.

Bugun Namangan viloyati hokimi Shavkatjon Abdurazzoqov ishtirokida ushbu yirik loyihaning tamal toshi qoʻyildi.

Tadbirda nuroniylar, yoshlar va keng jamoatchilik vakillari ishtirok etib, yurt ravnaqi va ezgu ishlar bardavom boʻlishi tilab duo qilindi.

Master-rejaga koʻra, majmua hududida kanat yoʻli, premium toifadagi dam olish maskanlari, sport maydonlari, kemping hududlari, kapsula shaklidagi mehmonxonalar, selfi zonalar, amfiteatr, 7D sinema, batutlar va motodrom kabi koʻplab zamonaviy xizmat turlari tashkil etiladi.

Yiliga 80 ming nafar mahalliy va xorijiy turistga xizmat koʻrsatish quvvatiga ega mazkur loyiha “Namangan avto kompleks servis” MCHJ tomonidan amalga oshirilmoqda. Natijada 1500 ta yangi ish oʻrni yaratilishi rejalashtirilgan.

Mazkur loyiha tumanda xizmatlar koʻlamini kengaytirish, hududning turistik jozibadorligini oshirishda muhim ahamiyat kasb etadi.

Yangiqoʻrgʻon tumani hokimligi Axborot xizmati

Texnika dalaga qancha koʻp kirsa, natija ham shuncha tez koʻzga tashlanadi. Namangan viloyati hokimi Shavkatjon Abdurazz...
28/05/2026

Texnika dalaga qancha koʻp kirsa, natija ham shuncha tez koʻzga tashlanadi.

Namangan viloyati hokimi Shavkatjon Abdurazzoqov boshchiligidagi Ishchi guruhining oʻrganishlari Namangan tumanida davom etdi.

Joriy mavsumda 4 ming gektarga yaqin maydonga baraka urugʻini qadagan Namangan tumani mirishkorlari shu kunlarda gʻoʻza parvarishida yuqori tashkilotchilik namunasini koʻrsatmoqdalar. Birinchi ishlovdan keyin nihollar rivoji birmuncha koʻzga koʻrinib qoldi.

Ishchi guruhi dastlab, "Gʻayrat" MMTP hududidagi "Abdurahimbobo" fermer xoʻjaligida parvarishlanayotgan 25.6 gektar gʻoʻza maydonidagi nihollar rivojini koʻzdan kechirdilar. Shundan soʻng, "Fayzli qoʻrgʻon tolasi", "Zardoʻst zamin zilol" fermer xoʻjaliklaridagi ish jarayonlari bilan tanishildi.

Oʻrganishlar davomida "Navbahor" MMTP hududidagi "Jabborov Valijon", "Paxtaobod" MMTP hududidagi "Tepaqoʻrgʻon marjon guli" fermer xoʻjaliklarida olib borilayotgan agrotexnik ishlovlar sifat va samarasi taxlil qilindi.

Viloyat rahbari 2-kompleks ishlov — kultivatsiya, chizel, oʻgʻitlash va sugʻorish ishlarini talab darajasida bajarish, ayniqsa, koʻchat soni kam maydonlarda qoʻshimcha ishlovga eʼtibor qaratish lozimligini taʼkidlab, mutasaddilar oldida turgan dolzarb vazifalarni belgilab berdi.

Namangan viloyati hokimligi Axborot xizmati.

UYCHIDA EKOTURIZM RIVOJLANADIUychi tumani hududidan oqib oʻtuvchi Norin daryosi boʻyida ekoturizmni rivojlantirishga qar...
28/05/2026

UYCHIDA EKOTURIZM RIVOJLANADI

Uychi tumani hududidan oqib oʻtuvchi Norin daryosi boʻyida ekoturizmni rivojlantirishga qaratilgan zamonaviy loyiha asosida qurilish ishlari jadal davom etmoqda.

Bugun viloyat hokimi Shavkatjon Abdurazzoqov ushbu obʼektda amalga oshirilayotgan ishlar bilan tanishdi.

Loyiha tashabbuskori Egamberdi Vahobov bilan muloqot davomida qurilish jarayonlari va ekologik masalalar yuzasidan muhim topshiriqlar berildi.

Maʼlumot uchun:
Ushbu hududda 3,0 mlrd. soʻm mablagʻ evaziga
🔹 10 dan ortiq xizmat koʻrsatish turlari yoʻlga qoʻyiladi
🔹 Ichki turizm rivojlanadi
🔹 Aholi uchun zamonaviy hordiq maskani yaratiladi

Bu loyiha vodiy aholisi uchun yana bir ajoyib dam olish maskaniga aylanishi kutilmoqda.

Namangan viloyati hokimligi Axborot xizmati.

Gʻoʻza shonaladi — endi ishlovni kuchaytirish kerak! Maʼlumki, hozirgi mavsum qishloq xoʻjaligi uchun eng dolzarb palla...
28/05/2026



Gʻoʻza shonaladi — endi ishlovni kuchaytirish kerak!

Maʼlumki, hozirgi mavsum qishloq xoʻjaligi uchun eng dolzarb palla hisoblanadi. Ertangi moʻl hosil shu davrdagi harakatga bogʻliq.

Namangan viloyati hokimi Shavkatjon Abdurazzoqov boshchiligidagi ishchi guruhi Uychi tumanidagi oʻrganishlari davomida Ulugʻbek nomli, "Usmonjon domla", "Birlashgan sohil boʻyi fayz"," Abduxalil ota oʻgʻli Anvar", "Rovot kelajak tolasi" fermer xoʻjaliklarida boʻldi.

Gʻoʻzaning rivojlanish jarayoni, qator oralariga ishlov berish va oziqlantirish ishlari bilan tanishildi.

Viloyat rahbari soha mutaxassislari va fermerlar bilan suhbatlashdi. Bugungi har bir daqiqa ertaga uyuladigan xirmon taqdirini belgilaydigan eng muhim bosqich ekanini taʼkidlab, begona oʻtlarni bartaraf etish, zararkunanda hasharotlarga qarshi tizimli kurashish hamda suv resurslaridan oqilona foydalanish boʻyicha tegishli koʻrsatmalar berdi.

Namangan viloyati hokimligi Axborot xizmati.

Address

57, Istiqlol Street
Namangan
160100

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00
Sunday 09:00 - 18:00

Telephone

+998692270711

Website

Alerts

Be the first to know and let us send you an email when Наманган вилояти хокимлиги posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Наманган вилояти хокимлиги:

Shortcuts

Share

Category