Markaziy harbiy okrug

30/01/2023

⚡️Jizzax viloyati harbiy ma'muriy sektori hamda Markaziy harbiy okrug qo'mondonligining tashabbusi bilan Jizzax garnizonidagi harbiy qismda 100 nafar yoshlar uchun 10 kunlik "Jasorat maktabi" o'quv yig'ini bo‘lib o‘tmoqda.

Send a message to learn more

08/12/2022

Мудофаа вазирлигининг дала ўқув майдонларида муқобил энергия манбалари ўрнатилмоқда

08/12/2022

Konstitutsiya – taraqqiyotimizning huquqiy kafolati

Mana 30 yildirki mamlakatimiz va xalqimiz hayotidagi muhim va tarixiy sana 8 dekabr - Konstitusiya qabul qilingan kun katta bayram sifatida nishonlanib kelinadi. Konstitusiyamizning 30 yilligini harbiy xizmatchilar ham ko‘tarinki ruhda qarshi oldilar.

Xususan, Markaziy harbiy okrugining ma’naviyat va ma’rifat markazida O‘zbekiston Respublikasi Konstitusiyasi qabul qilinganligining 30 yilligi munosabati bilan bayram tadbiri bo‘lib o‘tdi. Tadbir davlatimiz madhiyasi ostida boshlandi.

Tadbirda so‘z olganlar qutlug‘ sana bilan tadbir ishtirokchilarini qutlar ekan, mustaqil O‘zbekiston Konstitusiyasi xalqimiz irodasi, millat g‘ururi, erki va ozodligini, ijtimoiy ong va madaniyatini o‘zida aks ettirgan asosiy qonun ekanini, bugungi k***a bosh qomusimizda belgilab qo‘yilgan tamoyillar asosida aholining turmush darajasi yanada yaxshilanayotgani, albatta, bu borada olib borilayotgan islohotlar fuqarolarda ertangi kunga bo‘lgan ishonch hissini yanada orttirishini, yurtimizning yanada rivojlanib jahon hamjamiyatidagi o‘rni va nufuzi tobora ortib borayotganini barchaga g‘urur va iftixor bag‘ishlashini ta’kidlashdi.

Shundan so’ng, bir qator harbiy xizmatchilar hamda Qurolli Kuchlar xizmatchilari bugungi sana munosabati bilan "O‘zbekiston Konstitutsiyasining 30 yilligi" estalik nishonlari, navbatdagi harbiy unvonlar, faxriy yorliqlar, pul mukofotlari hamda qimmatbaho sovg’alar bilan taqdirlandilar.

15/11/2022

“Ma’naviyat karvoni” Jizzax garnizonidagi harbiy qismda

Markaziy harbiy okrugining Jizzax garnizonidagi harbiy qismda Respublika Ma’naviyat va marifat markazi va Jizzax viloyati bo‘limi hamda O‘zbekiston yoshlar ittifoqi viloyat Kengashi bilan hamkorlikda O‘zbekiston Respublikasi Davlat bayrog‘i qabul qilinganligining o‘ttiz bir yilligi munosabati bilan “Yangi O‘zbekistonda el aziz, inson aziz” shiori ostida madaniy-ma’rifiy, ijodiy uchrashuvlar va konsert dasurlari tashkil qilindi.

Tadbirda respublika ma’naviyat va marifat targ‘ibot guruhi, yozuvchilar uyushmasi vakillari, O‘zbekistonda xizmat ko‘rsatgan aktyor va aktrisalar hamda honandalar ishtirok etib harbiy xizmatchilar va yoshlar qalbida Vatanga muhabbat va sadoqat tuyg'ularini kamol toptirish, bugungi tinch va erkin hayotni qadrlab shukronalik tuyg'usi bilan yashashga, inson qadrini ulug'lashga davat etish bo'yicha o‘z fikrlarini bildirib o‘tdilar.

Shuningdek, Bayrog‘imiz o‘zida butun O‘zbekiston xalqining asriy orzu-istaklari, g‘ayrati va shijoatini, xalqimizga xos mehmondo‘stlikni mujassam etayotganini takidlab, turli bayram va tantanalarda, mamlakatimiz vakillari qatnashayotgan xalqaro miqyosdagi siyosiy, madaniy-ma’rifiy tadbirlarda, nufuzli sport musobaqalarida Vatanimizning sha‘ni, xalqimizning g‘ururini yorqin aks ettiraverishini tilashdi.

Tadbir davomida halq artistlari Dilfuza Rahimova va Shaxnoza Otaboyevalar tomonidan Ona Vatanni va tinchlikni madh etuvchi kuy-qo‘shiqlari ishtirokchilarga o‘zgacha zavq bag‘ishladi.

“Ma’naviyat festivali” doirasida Respublika ixtisoslashtirilgan onkologiya va radiologiya ilmiy-amaliy tibbiyot markazi Jizzax filialida “Mehr-muruvvat va saxovat” loyihasi bo‘lib o‘tkazildi.

Unda “Ma’rifat” targ‘ibotchilari va harbiy xizmatchilar tibbiyot muassasasida davolanayotgan bemorlar holidan xabar olib, bemorlarni bo'sh vaqtlarini mazmunli o’tkazishlari uchun badiiy adabiyotlar to’plamini sovg‘a qilishdi.

Elimiz suygan san’atkorlarning jonli ijrodagi kuy-qo‘shiqlari esa, yurtdoshlarimizning dardlaridan forig‘ bo‘lishlariga turtki bo‘ldi desak mubolag‘a bo’lmaydi.

Markaziy harbiy okrug matbuot xizmati

11/11/2022

Musobaqa g‘olibi bo‘lgan harbiy xizmatchimiz tantanali ravishda kutib olindi