20/04/2026
Xalq deputatlari viloyat Kengashining navbatdagi yigirma to'qqizinchi sessiyasi 23-aprel kuni o‘tkaziladi
Bu haqda xalq deputatlari Samarqand viloyati Kengashi raisi Sh.Negmatovning bugun, 20-aprelda qabul qilgan "Xalq deputatlari viloyat Kengashining yettinchi chaqiriq, yigirma to'qqizinchi sessiyasini chaqirish to‘g‘risida"gi Farmoyishida ma’lum qilindi.
Sessiya kun tartibida quyidagi masalalar koʻrib chiqiladi:
1) O‘zbekiston Respublikasi Prezidentining 2025-yil 18-martdagi “Respublikadagi kriminogen vaziyatni kundalik tahlil qilish faoliyatini tashkil etish chora-tadbirlari to‘g‘risida” PQ-111-son qarori ijrosi yuzasidan viloyat Prokurori M.Eshnazarovning 2026-yilning I chorak yakuni bo‘yicha amalga oshirilgan ishlari to‘g‘risidagi axboroti haqida;
2) O‘zbekiston Respublikasi Prezidentining 2025-yil 18-martdagi “Respublikadagi kriminogen vaziyatni kundalik tahlil qilish faoliyatini tashkil etish chora-tadbirlari to‘g‘risida” PQ-111-son qarori ijrosi yuzasidan viloyat Ichki ishlar boshqarmasi boshlig‘i T.Aripovning 2026-yilning I chorak yakuni bo‘yicha amalga oshirilgan ishlari to‘g‘risidagi hisoboti haqida;
3) O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida” PF-71-son Farmoni ijrosini ta’minlash maqsadida Samarqand viloyati Maktabgacha va maktab ta’limi boshqarmasida korrupsiyaga qarshi kurashish borasida amalga oshirilayotgan ishlar to‘g‘risida;
4) viloyatda sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek sog‘liqni saqlashning asosiy ko‘rsatkichlari to‘g‘risida viloyat Sog‘liqni saqlash boshqarmasi boshlig‘i S.Zayniyevning hisoboti haqida;
5) “Davlat mulkini xususiylashtirish to‘g‘risida”gi O‘zbekiston Respublikasi Qonunining viloyatdagi ijrosi yuzasidan amalga oshirilgan ishlar to‘g‘risida Davlat aktivlarini boshqarish agentligining Samarqand viloyati hududiy boshqarmasi boshlig‘i A.Egamovning hisoboti haqida;
6) Samarqand viloyatining Bulung‘ur, Jomboy, Oqdaryo, Ishtixon, Kattaqo‘rg‘on, Qo‘shrabot, Narpay, Payariq, Pastdarg‘om, Paxtachi, Samarqand, Nurobod, Urgut, Toyloq tumanlaridagi shahar, shaharcha va qishloqlar (ma’muriy-hududiy birliklar) chegaralarini belgilash to‘g‘risida;
7) Osiyo infratuzilma investitsiyalari banki ishtirokida amalga oshiriladigan “Respublika bo‘ylab umumta’lim maktablarini qurish va rekonstruksiya qilish” loyiha doirasida qamrov koeffitsiyenti yuqori bo‘lgan maktablarda yangi o‘quv binolar qurish va aholi zich joylashgan hududlarda yangi umumta’lim maktablari barpo etish loyiha konsepsiyasini tasdiqlash to‘g‘risida;
8) Samarqand viloyatida 2026-yilda davlat ko‘chmas mulkidan foydalanganlik uchun ijara to‘lovining eng kam stavkalarini tasdiqlash to‘g‘risida;
9) Samarqand shahridagi jamoat transporti tizimida yo‘lkira haqini to‘lashda elektron to‘lov tizimidan foydalanishni rag‘batlantiruvchi tariflarni joriy etish to‘g‘risida;
10) o‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida;
11) Xalq deputatlari Samarqand viloyati Kengashining 2026-yil 26-fevraldagi “Viloyat mahalliy byudjetining 2026-yil 1-yanvar holatiga shakllangan erkin qoldiq mablag‘laridan foydalanish to‘g‘risida” VII-27-27-7-0-K/26-sonli qaroriga o‘zgartirish kiritish haqida;
12) viloyat mahalliy byudjetining qo‘shimcha manbalaridan foydalanish to‘g‘risida;
13) viloyat mahalliy byudjetining 2026-yil 1-yanvar holatiga shakllangan erkin qoldiq mablag‘laridan foydalanish to‘g‘risida;
14) jamoat ehtiyojlari uchun yer uchastkalarini olib qo‘yilishiga ruxsat berish to‘g‘risida;
15) O‘zbekiston Respublikasi Transport vazirligi huzuridagi Avtomobil yo‘llari qo‘mitasi va xalqaro moliya institutlari va xorijiy hukumat moliya tashkilotlari ishtirokidagi loyiha konsepsiyalarini ko‘rib chiqish to‘g‘risida;
16) Kattaqo‘rg‘on shahridagi birlashtirish va ixchamlashtirishga tushgan mahallalarning chegaralarini belgilash to‘g‘risida;
17) Bulung‘ur tumanidagi birlashtirish va ixchamlashtirishga tushgan mahallalarning chegaralarini belgilash to‘g‘risida;
18) viloyat hududida tadbirkorlik faoliyatini rivojlantirish, yangi ish o‘rinlarini yaratish hamda aholi daromadlarini oshirishga xizmat qiladigan infratuzilma loyihalarini manzilli ro‘yxatini tasdiqlash to‘g‘risida;
19) O‘zbekiston Respublikasi Oliy Majlisi Senati Kengashining 2026-yil 12-martdagi “Qoraqalpog‘iston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining qo‘shimcha manbalarini aniqlash hamda ulardan foydalanishni tartibga solishni takomillashtirish to‘g‘risida” KQ-325-son qarori haqida;
20) Samarqand shahri Nurli yo‘l mahallasida “Tartibga solish qumdoni” maxsus huquqiy rejimi doirasida kompleks qurilish loyihalarini amalga oshirish chora-tadbirlari to‘g‘risida;
21) viloyatda 2026-yilda ipoteka kreditlari bo‘yicha subsidiyalar to‘lashning maqsadli ko‘rsatkichlari doirasida ijobiy xabarnoma berilgan fuqarolarning ro‘yxatini ko‘rib chiqish to‘g‘risida;
22) Xalq deputatlari Samarqand viloyati Kengashi deputatlari tomonidan 2026-yil I chorakda yuborilgan deputatlik so‘rovlarining samaradorligi va natijadorligi to‘g‘risida.
