01/06/2026
📆 1 июнь — Халқаро болаларни ҳимоя қилиш куни
✅ Ўзбек халқи азал-азалдан болажон халқ. Барча орзу-ҳавасларимиз, ҳаётимиз мазмуни — фарзандларимиз келажаги билан боғлиқ.
🔺 Шу боис Янги Ўзбекистонда она ва бола саломатлигини асраш, уларга замонавий ва сифатли тиббий ёрдам кўрсатиш йўлида қатор ишлар амалга оширилмоқда.
➡️ Хусусан, Республика ихтисослаштирилган она ва бола саломатлиги илмий-амалий тиббиёт маркази ташкил этилиб, барча шаҳар (туман)ларда энг замонавий даволаш-диагностика ускуналари билан жиҳозланган туғуруқ мажмуалари тармоғи яратилди.
🟡 Болаларга ихтисослаштирилган тиббий ёрдам кўрсатиш бўйича Республика ихтисослаштирилган педиатрия илмий-амалий тиббиёт маркази ва 13 та ҳудудий болалар кўп тармоқли тиббиёт марказидан иборат ягона тузилма йўлга қўйилди.
👶 Жами 0-18 ёшдаги болаларга 2300 дан зиёд оилавий поликлиникалар, 209 та кўп тармоқли марказий поликлиника, 13,3 мингта ўринга эга 200 дан зиёд педиатрия, 9 та республика муассасалари тиббий хизмат кўрсатиб келмоқда.
🏥 Айтиш лозимки, Республика ихтисослаштирилган педиатрия илмий-амалий тиббиёт маркази бу йўналишда катта ютуқларга эришмоқда.
🖇 Хусусан, эшитиш қобилиятида нуқсон бўлган жажжи беморларда кохлеар имплантация, юз нервининг пластик микрохирургик операцияси, янги туғилган гўдакларда аудио-скрининг, рақамли эшитиш мосламалари ёрдамида реабилитация тадбирлари муваффақиятли амалга оширилиб келинмоқда.
🔎 Шу билан бирга, молекуляр-генетик лабораторияда чақалоқларда орфан касалликларига эрта ташхис қўйиш бўйича скрининг текширувлари олиб бориляпти.
📌 Шунингдек, мамлакатимизда болалар учун ихтисослаштирилган юқори технологияли тиббий ёрдам кўрсатиш тизими ривожланмоқда. Тиббий салоҳияти ва техник имконияти жиҳатдан ноёб ҳисобланган 4-даражали муассаса — Болалар миллий тиббиёт маркази биринчилардан бўлиб Ўзбекистонда халқаро даражадаги JCI сертификатини олган.
📋Президентимизнинг тегишли қарори билан ушбу марказнинг Оролбўйи минтақаси касалликлари бўйича тиббиёт клиникаси ташкил этилди.
🩺Қолаверса, мазкур муассасада болаларда буйрак ва жигар кўчириб ўтказишдек мураккаб амалиётлар муваффақиятли бажарилмоқда.
📎 Маълумки, бу йил Муборак Қурбон ҳайити муносабати билан Президентимизнинг тегишли қарори қабул қилиниб, унга кўра, оғир ва ногиронликни келтириб чиқарувчи касалликларга чалинган 10 минг нафар болада жарроҳлик амалиётлари ўтказиляпти.
💉Бундан ташқари, Ўзбекистонда Миллий профилактик эмлаш календари доирасида болалар 13 турдаги юқумли касалликларга қарши мунтазам эмланади.
🟢 Режага кўра, 2026 йил 600 минг нафардан ортиқ болани эшитишга скрининг қилиш ва 3 мингдан ортиқ ўғил-қизларда чуқурлаштирилган текширувлар ўтказиш режалаштирилган.
🔎 Кохлеар имплантация дастурига мувофиқ, жорий йилда эшитиш нуқсони бўлган болаларда 500 дан ортиқ операция ўтказиш кўзда тутилган.
‼️Шунингдек, юртимизда муковисцидозни замонавий нишонли даволаш (CFTR-модулятор) йўлга қўйилади.
🚑 Соғлиқни сақлаш вазирлиги
Матбуот хизмати.
