Toshkent mintaqaviy temir yo'l uzeli

11/01/2024

“Тошкент минтақавий темир йўл узели” УК нинг темир йўл участкаларида меҳнат муҳофазаси муҳандислари томонидан ўқув техник машғулотлар ўтказилди.
Темир йўл участкаларида ишчи ходимлар билан учрашувлар ташкил қилиш, уларнинг шарт шароитларини кўздан кечириб, муаммо ва камчиликларини ўрганиш, уларни бартараф қилиш чораларини кўриш, билим ва тажрибаларини янада ошириб бориш, поездлар ҳаракат хавфсизлигини таъминлашда ўзининг ижобий самарасини беради.
Темир йўл тармоғида анъанавий тарзда ўтказиб келинаётган “Ҳаракат хавфсизлиги куни”да Узелнинг меҳнат муҳофазаси бўлими ходимлари ва корхоналар бош муҳандислари ҳамда меҳнат муҳофазаси муҳандислари томонидан жойларда ўқув техник машғулотлар ўтказилди.
10 январь куни, ана шундай машғулотлар Узелнинг меҳнат муҳофазаси бўлими бошлиғи Ш. Очилов бошчилигидаги ишчи гуруҳ томонидан Сирдарё, Бахт, Оқ олтин ва Гулистон станцияларида ва уларнинг оралиғида фаолият олиб бораётган, Узелга қарашли ПЧ-4, ЭЧ-2 ва ШЧ-3 корхона ишчи ходимлари иштирокида ташкил қилинди.
Эътиборли томони шундаки, ўқув техник машғулотларнинг аксарияти ишчи ходимларнинг иш фаолияти жараёнида ўтказилди. Учрашувларда меҳнат муҳофазаси ва техника хавфсизлиги қоидаларига риоя қилиш, поездлар ҳаракат хавфсизлигини таъминлашда учрайдиган нуқсонлар ва уларнинг олдини олиш чора тадбирлари борасида атрофлича сўз юритилди ва тушунтириш ишлари олиб борилди.
Ишчи гуруҳ томонидан, ПЧ-4 корхонасига қарашли 3446 км ПК-1 да жойлашган темир йўл кесишмаси ва ЭЧ-2 корхонасига қарашли ЭЧК-7 бўлинмаларида меҳнат муҳофазаси қоидаларига риоя қилиш ва яратилган шароитлар кўздан кечирилди.
Шунингдек, ўқув техник машғулотлар, Меҳнат муҳофазаси муҳандиси А.Фармонов томонидан Келес, Назарбек, Далагузар станцияларига қарашли темир йўл участкаларида, Узелга қарашли Салар темир йўл масофаси корхонаси йўл усталари, йўл бригадирлари ва йўл созловчилари иштирокида ташкил қилинди. Унда поездлар ҳаракат жадваллари, меҳнат муҳофазаси ва техника хавфсизлиги ҳамда ҳаракат хавфсизлиги бўйича тушунтириш ишлари олиб борилди. Техник машғулотлар амалий тарзда ўтказилган жараёнда, ишчи ходимларга Меҳнат муҳофазаси муҳандиси томонидан камчиликлар кўрсатилиб, уни барартараф қилиш чоралари ҳақида маълумотлар берилди.

11/01/2024

16/12/2023

Joriy yilning 13 dekabr kuni "O‘zbekiston" lokomotiv deposida 1-N buyrug‘i asosida “Harakat xavfsizligi kuni” doirasida anʼanaviy tarzda o‘tkazib kelinadigan yig‘ilishga Toshkent mintaqaviy temir yo‘l uzeli boshlig‘i O.N.Xudoyqulov, yagona dispetcherlik markazi boshqarmasi boshlig‘i o‘rinbosari N.M.Hamdamov tashrif buyurishdi. Yig‘ilish oldidan O.N. Xudoyqulov va korxona boshlig‘i F.E. Maxamatov birgalikda korxonada amalga oshirilgan qurilish, xo‘jalik va ishchi-xodimlarga yaratilgan sharoitlarni ko‘zdan kechirishdi.

“Harakat xavfsizligi kuni” doirasida o‘tkazilgan yig‘ilish davomida, lokomotiv brigadalar va murabbiylar tomonidan harakat xavfsizligini ta’minlashga oid, dolzarb bo‘lgan bir qator taklif va savollar berildi. Yig‘ilish yakunida Toshkent MTU boshlig‘i O.N. Xudoyqulov, lokomotiv brigadalar tomonidan kelib tushgan savollarga yechim topish bo‘yicha mutassadilarga topshiriqlar berdi.

15/12/2023

“Toshkent mintaqaviy temir yo‘l uzeli” unitar korxonasining barcha temir yo‘l uchastkalarida tunu kun nazorat ishlari olib borilmoqda
Ayni k***a mamlakatimizda qishning sovuq kunlari hukmronlik qilmoqda. Bunday ob-havo sharoitida poyezdlar harakat xavfsizligini ta’minlab, yuk va yo‘lovchilarni o‘z manziliga yetkazib qo‘yish maqsadida temir yo‘lchilar tomonidan tunu-kun ishlar olib borilmoqda.
Uzel rahbariyati hamda bo‘limlar, stansiyalar va korxonalar boshliqlari, yo‘l, aloqa, energiya ta’minot xo‘jaliklari rahbar va xodimlari, shuningdek, Texnik va texnologik nazorat boshqarmasining Toshkent mintaqaviy temir yo‘l uzeli bo‘yicha katta noziri hamda barcha nozirlari “Harkat xavfsizligi kunida” temir yo‘l uchastkalarida nazorat ishlarini olib bordilar.
Temir yo‘l kesishmalarining tozaligi, svetaforlar, shlagbaumlar, o‘tkazgichli strelkalarning holati, aloqa, elektr tarmoqlarining sozligi birma bir ko‘zdan kechirildi.
Joylarda harakat xavfsizligiga to‘siq bo‘lishi mumkin bo‘lgan kamchiliklar aniqlanib, ularni zudlik bilan joyida bartaraf qilish choralari ko‘rildi.

14/12/2023

Harakat xavfsizligi kuni: “O‘zbekiston lokomotiv deposi”da poezdlar harakat xavfsizligini ta’minlashda uchrayotgan nostandart holatlar, kamchiliklar muhokama qilindi
Bugungi k***a “O‘zbekiston” lokomotiv deposi tarkibida 55 ta manyovr teplovoz hamda yuk va yo‘lovchi poezdlarini tortadigan 80 ta elektrovozlar mavjud bo‘lib, ularda jami 1200 nafarga yaqin lokomotiv brigadalar faoliyat olib boradi.
Poezdlarning xavfsiz harakatini ta’minlash bir mutaxassisning, yoki bir korxonaning ishi emas. Lokomotiv brigadalari elektrovoz yoki teplovozlarni boshqarsa, yo‘l, aloqa, energiya ta’minoti, vagon xo‘jaligi, harbiylashtirilgan qo‘riqlash xizmati qo‘riqchilari esa poezdlarning xavfsiz harakatlanishini ta’minlashda eng asosiy vazifani bajaradilar. “O‘zbekiston” lokomotiv deposida o‘tkazilgan harakat xavfsizligi kuni tadbirida bunga alohida e’tibor qaratildi.
Jamiyatning Yagona dispetcherlik markazi hamda bir qator boshqarmalari, Texnik va texnologik nazorat boshqarmasining Toshkent mintaqaviy temir yo‘l uzeli bo‘yicha katta noziri, Uzel rahbariyati hamda bo‘lim, stansiyalar va korxonalar boshliqlari, yo‘l, aloqa, energiya ta’minot xo‘jaliklari, shuningdek, “O‘zbekiston” lokomotiv deposi rahbariyati hamda lokomotiv brigadalar ishtirok etgan ushbu tadbirda, so‘nggi paytlarda poezdlar harakat xavfsizligini ta’minlashda uchrayotgan nostandart vaziyatlar, nuqsonlar va ularni bartaraf qilish chora tadbirlari haqida atroflicha so‘z yuritildi.
Lokomotiv brigadalar kecha-yu kunduz, har qanday ob-havo sharoitida harakat xavfsizligini ta’minlashga to‘siq bo‘ladigan nuqson va kamchiliklarga guvoh bo‘lishadi dedi, - yig‘ilishda so‘zga chiqqan “Toshkent mintaqaviy temir yo‘l uzeli” unitar korxonasi boshlig‘i Oybek Xudoyqulov. Shu bois, barcha mutaxassislarimiz ular bilan hamkorlikni yanada kuchaytirib, aniqlangan kamchiliklarni zudlik bilan bartaraf qilish choralarini ko‘rib borishlari zarur.
250 nafarga yaqin mutaxassis ishtirok etgan ushbu tadbirda, lokomotiv brigalarning harakat xavfsizligini ta’minlash borasidagi savollariga, Uzel boshlig‘i O.Xudoyqulov, Jamiyatning Yagona dispetcherlik markazi boshlig‘i o‘rinbosari N. Hamdamov, Uzelning bosh muhandisi M.Sodiqov hamda Texnik va texnologik nazorat boshqarmasining Toshkent mintaqaviy temir yo‘l uzeli bo‘yicha katta noziri A.Mahkamov, “O‘zbekiston lokomotiv deposi” boshlig‘i F.Maxamatov va boshqa tegishli mutaxassislar tomonidan javoblar berildi hamda ularning takliflari o‘rganildi.
Uchrashuv so‘nggida, Uzel rahbariyati tomonidan anomal sovuq kunlarda lokomotiv brigadalar hamda yo‘l, aloqa, energiya ta’minot, vagon xo‘jaliklari, shuningdek, stansiya boshliqlariga poezdlar harakat xavfsizligini ta’minlash, elektrovoz hamda teplovozlarning ish samaradorligini yanada oshirish kabi ko‘plab masalalar bo‘yicha topshiriq va ko‘rsatmalar berildi.

08/12/2023

Bugun — 8-dekabr, O'zbekiston Respublikasi Konstitutsiyasi qabul qilingan kun. Konstitutsiyamiz qabul qilinganiga 31 yil to'ldi.

Mamlakatimizning Bosh qomusi 1992-yilning 8-dekabrida respublika Oliy Kengashida qabul qilingan. Konstitutsiya bilan davlat va jamiyat rivojlanishining demokratik tamoyillari belgilab qo'yilgan.

Konstitutsiya 6 bo'lim, 27 bob va 155 moddadan iborat.

Mamlakatimizda Konstitutsiya qabul qilingan kun bayram va dam olish kuni deb e'lon qilingan.

07/12/2023

“Toshkent mintaqaviy temir yo‘l uzeli” UK boshlig‘i boshchiligidagi ishchi guruh tomonidan “Toshkent-Jizzax” yo‘nalishidagi temir yo‘l uchastkalarida qishning sovuq kunlarida poyezdlar harakat xavfsizligini ta’minlashga ko‘rilgan tayyorgarliklar ko‘zdan kechirildi.

“Toshkent mintaqaviy temir yo‘l uzeli” unitar korxonasi boshlig‘i Oybek Xudoyqulov boshchiligidagi ishchi guruh 6 dekabrь kuni, ya’ni “Harakat xavfsizligi kuni”da “Toshkent-Jizzax” yo‘nalishidagi temir yo‘l uchastkalarini ko‘zdan kechirib, Jizzax stansiyasi hamda ushbu hududdagi ayrim korxonalarga tashrif buyurishdi.
Joriy yil 9-14 dekabrь kunlari yurtimizda havo haroratining keskin pasayishi kutilmoqda. Ishchi guruh tomonidan jamoalarning qish mavsumiga ko‘rgan tayyorgarliklari, harakat xavfsizligini ta’minlash borasida amalga oshirgan ishlari ko‘zdan kechirildi.
Uzel boshlig‘i barcha mas’ul xodimlarga qishning sovuq kunlarida poezdlar harakat xavfsizligini ta’minlash, bino va inshootlarning isitish tizimlarini doimiy ravishda nazorat qilib borish, shuningdek, ishchi xodimlarning salomatligiga e’tiborni yanada kuchaytirish borasida topshiriq va ko‘rsatmalar berdi.
Shu kuni, Uzel boshlig‘i O. Xudoyqulov, “O‘zbekiston temir yo‘llari” AJ boshqaruvi raisining 2023 yil 6 sentabrdagi 692-N-sonli buyrug‘i ijrosini ta’minlash maqsadida, Jizzax stansiyasi hamda ushbu hududdagi korxonalar ishchi xodimlarining attestatsiya topshirish jarayonlarini ham borib ko‘rdi.

04/12/2023

Yashil makon umummilliy loyihasi ijrosi: “Toshkent MTU” UK ga qarashli Toshkent yuk stansiyasi hududida, Uzel bo‘lim boshliqlari va stansiya rahbariyati hamda xodimlari bilan birgalikda mevali va manzarali daraxt ko‘chatlari ekildi.

Ayni k***a, Respublikamiz uzra davom etayotgan “Yashil makon” umumilliy loyihasi ijrosini ta’minlash borasidagi sa’yi harakatlar mamlakatimiz temir yo‘l tarmog‘ida ham qizg‘in olib borilmoqda. Buni birgina Jamiyatga qarashli “Toshkent mintaqaviy temir yo‘l uzeli” unitar korxonasi misolida ham aytishimiz mumkin.
Uzel temir yo‘l uchastkalari va stansiyalari hamda xo‘jaliklari hududlariga 232 ming tup ko‘chatni 2023-2026 yillar mobaynida 724 km masofaga ekish rejlashtirilgan bo‘lib, bugungi kungacha, 73 km masofaga 78 ming tup manzarali, mevali daraxt ko‘chatlari, buta va qalamchalar ekildi.
Shundan Uzel tarkibidagi 50 ta stansiya, 10 ta korxona va tashkilotda, Toshkent-Angren, Toshkent-Jizzax yo‘nalishidagi temir yo‘l uchastkalari yon atrofidagi hududlarda suv ta’minoti yaratilgan jami 3 ta bog‘, xususan, Toshkent viloyatida joylashgan temir yo‘l kesishmasi yaqinida "Yoshlar bog‘i", Sergeli tumani hududida "Mehnat muhofazasi bog‘i" tashkil etildi.
Hozirgi k***a “Toshkent-Jizzax” yo‘nalishidagi temir yo‘l uchastkasining 3600 kilometrida “Temiryo‘l infratuzilma” bog‘ini tashkil qilish borasida ham ishlar olib borilmoqda. Ushbu hududga jami 5000 tupdan ziyod mevali va manzarali daraxt ko‘chatlarini ekish rejalashtirilgan.
Uzelga qarashli “Toshkent yuk stansiyasi” hududida ham Yashil makon umummilliy loyihasi ijrosini ta’minlashga hissa qo‘shish maqsadida, Uzelning bo‘lim boshliqlari, mazkur stansiya rahbariyati va xodimlari birgalikda jami 100 tup daraxt ko‘chatlarini ekdilar.
Xalqimizda yaxshidan bog‘ qoladi, degan yaxshi ibora bor.
Darhaqiqat bugun ekilgan har bir ko‘chat, kelajakda albatta o‘zining mevasini beradi.
Shuni inobatga olgan holda, bu jarayon boshqa hududlarda ham keng ko‘lamda amalga oshirilmoqda.

04/12/2023

Poyezdlar harakat xavfsizligini ta’minlash soha mutaxassislari oldida turgan eng muhim vazifalardan biridir. “O‘zbekiston temir yo‘llari” AJ boshqaruvi raisi o‘rinbosari vazifasini bajaruvchi A.Komiljonov boshchiligida, jamiyatning tegishli boshqarma boshliqlari, “Toshkent MTU” UK, “O‘ztemiryo‘lyo‘lovchi” AJ rahbariyati va stansiyalar, xo‘jaliklar boshliqlari birgalikda Uzelga qarashli barcha temir yo‘l uchastkalarida kuzgi ko‘rik o‘tkazilgan edi. Ko‘rik davomida joylarda harakat xavfsizligini ta’minlashda to‘siq bo‘ladigan hamda kuzgi qishki mavsumga ko‘rilgan tayyorgarliklarda kamchiliklar aniqlanib, ularni zudlik bilan bartaraf qilish borasida topshiriqlar, vazifalar belgilab berilgan edi.
29 noyabr kuni, “Toshkent MTU” UK boshlig‘i Oybek Xudoyqulov boshchiligida , “O‘ztemiryo‘lyo‘lovchi” AJ rahbariyati va Salar temir yo‘l masofasi hamda Toshkent aloqa va signallashtirish korxonalari, stansiya boshliqlari birgalikda “Toshkent-Xojikent” yo‘nalishidagi temir yo‘l uchastkasida kuzgi ko‘rik mobaynida aniqlangan kamchiliklarni bartaraf qilish va qishki mavsumga ko‘rilgan tayyorgarliklarni ko‘zdan kechirdilar.
Uzel rahbari boshchiligidagi ishchi guruh tomonidan safar davomida stansiyalar hududida amalga oshirilayotgan bunyodkorlik ishlari hamda “O‘zbekiston temir yo‘llari” AJ boshqaruvi raisining 2023 yil 16 oktabrdagi 789-N sonli buyrug‘i ijorisini ta’minlash maqsadida “Toshkent-Chirchiq-Xojikent bekatlari bo‘ylab tezyurar elektroPoyezdlar harakatini tashkil etish” loyiihasini amalga oshirish borasida qilinayotgan ishlar nazorat qilib chiqildi.
Shuningdek, harakat xavfsizligini ta’minlash borasida qilinishi lozim bo‘lgan ishlar bo‘yicha mas’ul xodimlarga topshiriqlar, ko‘rsatmalar berildi.

28/11/2023

Maqsad ishchi xodimlarning bilim va malakasini oshirish:

“O‘zbekiston temir yo‘llari” AJ boshqaruvi raisining 2023 yil 6 sentyabrdagi 692-N-sonli buyrug‘i ijrosini taʼminlash maqsadida, Jamiyat va Jamiyat tarkibidagi barcha korxona va tashkilotlar hamda aksiyadorlik jamiyatlarida ishchi xodimlarni attestatsiyadan o‘tkazish jarayoni boshlandi

Attestatsiyani, temir yo‘l tarmog‘ining 14 ta hududida o‘tkazish rejalashtirilgan bo‘lib, uni o‘rnatilgan tartibda, to‘g‘ri va qonun doirasida o‘tkazilishini nazorat qilish yuzasidan har bir hududda ishchi guruh aʼzolari tarkibi shakllantirildi va ularning vazifalari belgilab berildi.

“Toshkent MTU” UK ga qarashli 3 ta hududda, yaʼni Toshkent, Jizzax, Xovos hududlarida joriy yil 27 noyabr sanasidan ishchi xodimlar zamonaviy kompyuterlarda attestatsiyasi savollariga javob berib, o‘z bilimlarini sinab ko‘rishmoqda. Eʼtiborli tomoni shundaki, har bir ishchi xodim, hech qanday inson omilisiz, kompyuterda berilgan savollarga o‘zi javoblarni belgilaydi. Ajratilgan vaqt tugashi bilan, javob natijasi kompyuterda ko‘rinadi.

Maʼlumotlarga ko‘ra, o‘tgan ikki kun mobaynida “Toshkent MTU” UK ga qarashli 3 ta hududda jami 1000 nafardan ziyod ishchi xodim attestatsiyadan o‘tkazildi.

27/11/2023

“Toshkent mintaqaviy temir yo‘l uzeli” unitar korxonasiga qarashli Chuqursoy stansiyasi hududida “O‘zbekiston” lokomotiv deposining “Chuqursoy” filiali foydalanishga topshirildi.

Majmuaning ochilish marosimida “O‘zbekiston temiryo‘llari” AJ boshqaruvi raisi o‘rinbosari v/b A.Komiljonov boshchiligida jamiyatning boshqarma boshliqlari, “Temiryo‘linfratuzilma”AJ hamda “Toshkent MTU” UK rahbariyati va bo‘lim boshliqlari, shuningdek, mehnat faxriylari ishtirok etdi.
Shuni alohida ta’kidlash joizki, hozirgi k***a “O‘zbekiston temir yo‘llari” aksiyadorlik jamiyati tarkibida lokomotivlarga texnik xizmat ko‘rsatadigan 20 ga yaqin korxona mavjud. Bugun ularning soni yana bittaga ko‘paydi. “Toshkent mintaqaviy temir yo‘l uzeli” unitar korxonasiga qarashli Chuqursoy stansiyasi hududida “O‘zbekiston” lokomotiv deposining “Chuqursoy” filiali foydalanishga topshirildi.
Mutaxassislarning so‘zlariga ko‘ra, bu korxonaning aynan ushbu hududda bunyod qilinishi bejiz emas. Chuqursoy stansiyasi jamiyat tarkibidagi eng yirik saralash stansiyasi hisoblanadi. Qozog‘istondan yurtimizga kirib keladigan hamda yurtimizdan Qozog‘istonga chiqib ketadigan poezdlar vagonlari aynan ushbu stansiyada saralanib jo‘natiladi. Shu bois, bu stansiyada ko‘p lokomotivlar, elektrovozlardan foydalaniladi.

Qariyib 0.70 gektar joyda bunyod qilingan texnik xizmat ko‘rsatish markazida bir sutkada 15 ga yaqin lokomotiv va elektrovozlarni texnik ko‘rikdan o‘tkazish imkoniyati mavjud deydi,- “O‘zbekiston” lokomotiv deposining elektrovozlarni ta’mirlash bo‘yicha s*x boshlig‘i Jamshid Mirzaraxmedov.
Bu yerda asosan, TEM2, VL60K,O‘zbekiston,O‘z-yo‘lovchi,O‘Z-EI va O‘Z-EIR rusumli lokomotivlariga texnik xizmatlar ko‘rsatiladi. Korxonada ish ikki smenada tashkil etilgan bo‘lib, ya’ni 50 nafar malakali ishchi xizmatchi tunu kun faoliyat ko‘rsatishi rejalashtirilgan. Undan tashqari ishchilarga qulay shart sharoitlar yaratish maqsadida, o‘quv sinfi, ovqatlanish xonalari, faollar zali, navbatchilik hamda tibbiy xizmat ko‘rsatish punktlari ham faoliyat ko‘rsatadi.
Endilikda ushbu stansiya va unga yaqin joylashgan barcha stansiyalardagi, shuningdek, Qozog‘iston Respublikasidan kelayotgan yuk poezdlaridan ajratilgan lokomotivlarni qisqa vaqt mobaynida mazkur markazda texnik ko‘rikdan o‘tkaziladi va tezroq lokomotivlarning texnik holati haqidagi ma’lumotlarga ega bo‘lish imkoniyati yaratiladi. Bu esa, ham elektr energiyani, ham yoqilg‘i moylash mahsulotlarini iqtisod qilish bilan birga, ortiqcha vaqt yo‘qotishni barataraf etadi. Endilikda lokomotivlarni qisqa vaqtda ta’mirlab, ko‘proq vaqt xalq xo‘jaligi yuklarini tashishga zamin yaratiladi.
Mazkur majmuaning ochilish marosimi davomida ushbu hududda “Temiryo‘linfratuzilma bog‘i” ham barpo qilindi.

“Toshkent mintaqaviy temir yo‘l uzeli” unitar korxonasi tomonidan 232 ming tup ko‘chatni 2023-2026 yillar mobaynida 724 km masofaga ekish rejlashtirilgan bo‘lib, bugungi kungacha, 73 km masofaga 78 ming tup manzarali, mevali daraxt ko‘chatlari, buta va qalamchalar ekildi deydi,- “Toshkent MTU” UK hududiy yoshlar yetakchilar Kengashi raisi Saydulla Ergashev.
Shundan Uzel tarkibidagi 50 ta stansiya, 10 ta korxona va tashkilotda, Toshkent-Angren, Toshkent-Jizzax yo‘nalishidagi temir yo‘l uchastkalari yon atrofidagi hududlarda suv ta’minoti yaratilgan jami 3 ta bog‘, xususan, Toshkent viloyatida joylashgan temir yo‘l kesishmasi yaqinida "Yoshlar bog‘i", Sergeli tumani hududida "Mehnat muhofazasi bog‘i" tashkil etildi.
Hozirgi k***a “Toshkent-Jizzax” yo‘nalishidagi temir yo‘l uchastkasining 3600 kilometrida “Temiryo‘l infratuzilma” bog‘ini tashkil qilish borasida ham ishlar olib borilmoqda. Ushbu hududga jami 5000 tupdan ziyod mevali va manzarali daraxt ko‘chatlarini ekish rejalashtirilgan.
Tadbir qatnashchilari jami 300 tupga yaqin manzarali daraxt ko‘chatlarini ekdilar.

21/11/2023

“Korrupsiya – taraqqiyot kushandasi”
Qonun hujjatlarida korrupsiya tushunchasiga quyidagicha ta’rif berilgan: “Korrupsiya – davlat organlari xodimlari moddiy yoki mulkiy yo‘sinda, g‘ayriqonuniy shaxsiy naf ko‘rish maqsadida, o‘z xizmat mavqeidan foydalanishida ifodalanadigan ijtimoiy hodisadir”.
Xalq tilida soddagina qilib - poraxo‘rlik, keng ma’noda korrupsiya, deb ataluvchi hodisa barcha islohotlar ildiziga bolta urarkan, uni keltirib chiqaruvchi sabab va qarshi kurashish choralarini bilishimiz lozim bo‘ladi.
“Toshkent MTU” UK majlislar zalida o‘tkazilgan tadbirda bu haqda atroflicha so‘z yuritildi.
Tadbirda dastlab, Uzel boshlig‘ining birinchi o‘rinbosari Jahongir Tuychiev so‘zga chiqib, “O‘zbekiston temiryo‘llari” AJ boshqaruv raisi v.b. Z.Narzullaevning korrupsiyaga qarshi kurashish borasida berilgan topshiriqlari hamda Uzelda qabul qilingan buyruqlar mazmun-mohiyati, ularning ijrosini ta’minlash yuzasidan amalga oshirilayotgan ishlarga alohida to‘xtalib o‘tdi.
Ma’lumki jamiyat taraqqiyoti ezgu maqsad atrofida jipslik, adolatli va teng huquqli boshqaruv va halollik mezonlarida qurilishini talab etadi. Shu ma’noda davlatchiligimiz umuman har qanday boshqaruv tizimi, siyosiy jarayonlar Korrupsiya va shu kabi illatlarning kelib chiqishi, ularga qarshi kurashish dasturlarining tub negizlari haqida chuqurroq bilimlarni talab etadi. Uzel bo‘lim boshliqlari, Kasaba uyushma hududiy qo‘mitasi hamda stansiyalar va korxonalar vakillari ishtirok etgan ushbu tadbirda,Toshkent davlat yuridik universiteti “Davlat va huquq nazariyasi” kafedrasi mudirasi, yuridik fanlari doktori, professor Feruza Muhitdinova so‘zga chiqib, korrupsiya o‘z tizimli boshqaruviga ega mamlakatlar, ularning rivojlanish yo‘li, qonun va qarorlarning hayotimizga ta’siri haqida batafsil to‘xtalib
Insoniyat tarixida davlatlar shakllangandan buyon korrupsiya ularni ichdan yemiradigan ijtimoiy illat sifatida vujudga keldi, hokimiyat va boylik uchun hirslar ta’sirida rivoj topdi. Hozir avj olib borayotgan globallashuv jarayonida bu dahshatli illatning bir davlat emas, butun bir mintaqa yoki jahon taraqqiyotiga tahdid soluvchi turi - xalqaro korrupsiya paydo bo‘ldi, dedi- professor F. Muhitdinova. U demokratiya va huquq ustuvorligi asoslariga putur yetkazadi, inson huquqlarining qo‘pol ravishda buzilishiga olib keladi, iqtisodiy rivojlanishni izdan chiqaradi, jamiyat va davlat uchun o‘ta xavfli bo‘lgan uyushgan jinoyatchilik va terrorizmning keng yoyilishiga sharoit yaratib beradi.
Korrupsiya so‘zi - lotincha “pora berib sotib olish” ma’nosini anglatib, mansabdor shaxslar tomonidan ularga berilgan huquq va imkoniyatlardan shaxsiy boylik orttirish maqsadida foydalanishni ifodalovchi siyosiy yoki davlat boshqaruvi sohasidagi jinoiy faoliyat tushuniladi.
Pora berish dunyoning barcha dinlari tomonidan ham qoralangan. Jumladan, Qur’onda: “Bir-birlaringizning mulklaringizni nohaq o‘zlashtirib olmanglar va boshqalarning mulkini o‘zlashtirish niyatida qozilarga ribo bermanglar”, - deyilgan.
Korrupsiyaga qarshi kurash borasidagi eng asosiy xalqaro hujjat bu - shubhasiz, BMTning Korrupsiyaga qarshi konvensiyasi hisoblanadi.
O‘zbekiston Respublikasi mazkur xalqaro hujjatga qo‘shilgan.
Xulosa qilib aytganda, mamlakatimizning kelajagini va obro‘-e’tiborini qadrlaydigan har bir vijdonli fuqaro bu tahdidni esda tutmog‘i darkor.
Korrupsiya muammosi va unga qarshi kurash masalasi hozirgi davrning eng dolzarb vazifalaridan biri hisoblanadi. Chunki bu illatning keng quloch yoyishi o‘ta salbiy oqibatlarga olib keladi.