Давлат хизматини ривожлантириш агентлиги

Давлат хизматини ривожлантириш агентлиги Boshqaruv samaradorligi agentligi

Hududlarni kompleks rivojlantirish va mavjud imkoniyatlardan samarali foydalanish masalalari o‘rganilmoqdaO‘zbekiston Re...
26/05/2026

Hududlarni kompleks rivojlantirish va mavjud imkoniyatlardan samarali foydalanish masalalari o‘rganilmoqda

O‘zbekiston Respublikasi Prezidenti tomonidan hududlarni kompleks rivojlantirish, kambag‘allikni qisqartirish, mahallabay ishlash tizimini kuchaytirish hamda boshqaruv samaradorligini oshirish bo‘yicha belgilangan vazifalar ijrosi doirasida
O‘zbekiston Respublikasi Prezidenti huzuridagi Boshqaruv samaradorligi agentligi Namangan viloyati filiali tomonidan o‘tkazilgan o‘rganishlar hududlarda islohotlarning amaliy natijadorligini tahlil qilish, mavjud imkoniyatlar va “o‘sish nuqtalari”ni aniqlashga qaratildi.

“Tagijar” mahallasida “mahalla yettiligi” faoliyati, aholi murojaatlari bilan ishlash, bandlikni ta’minlash, ijtimoiy himoya hamda infratuzilma masalalari o‘rganildi. Mahalla uchun budjetdan ajratilgan mablag‘ doirasida piyodalar yo‘laklari, ko‘cha yoritish tizimi, bolalar maydonchalari va “Salomatlik yo‘lagi” tashkil etilishi — mahallalarda “inson qadri” tamoyili asosida yangi yashash muhiti shakllanayotganining amaliy ifodasidir.

Shuningdek, Kosonsoy tumanidagi “Namuna” kichik sanoat zonasida faoliyat yuritayotgan “Terry Jar” MCHJ korxonasi faoliyati ham tahlil qilindi.

Bugungi k***a 4 mingdan ortiq fuqaroni doimiy ish o‘rni bilan ta’minlagan mazkur korxona hudud iqtisodiy faolligini oshirish, xotin-qizlar va yoshlar bandligini ta’minlashda muhim “o‘sish nuqtasi” bo'lib xizmat qilmoqda.

Tahlillar shuni ko‘rsatmoqdaki, hududlarda mahalla infratuzilmasini yaxshilash bilan bir qatorda sanoat korxonalarini qo‘llab-quvvatlash, yangi investitsiyalarni jalb qilish va ishlab chiqarish quvvatlarini kengaytirish aholining real daromadlarini oshirish hamda kambag‘allikni qisqartirishda muhim omildir.

Hududlarda boshqaruv samaradorligini oshirish, mavjud ichki imkoniyatlarni safarbar etish, drayver sohalarni qo'llab-quvvatlash va aholi uchun munosib turmush sharoitlarini yaratishga qaratilgan tizimli ishlar davom ettirilmoqda.

O‘zbekistonda gender tengligi va korrupsiyaga qarshi kurash masalalari muhokama qilindiKorrupsiyaga qarshi kurashish age...
26/05/2026

O‘zbekistonda gender tengligi va korrupsiyaga qarshi kurash masalalari muhokama qilindi

Korrupsiyaga qarshi kurashish agentligi tomonidan BMT Taraqqiyot dasturi hamkorligida hamda Yevropa Ittifoqi moliyaviy ko‘magida “O‘zbekistonda gender va korrupsiya: tub o‘zgarishlar sari” mavzusida davra muhokamasi tashkil etildi.

Мaqsad — korrupsiyaga qarshi kurashish sohasidagi milliy siyosatga genderga oid taʼsirchan indikatorlarni integratsiya qilishning amaliy mexanizmlarini muhokama qilish, shuningdek, mazkur yo‘nalishdagi qonunchilik va institutsional bazani takomillashtirish bo‘yicha asoslangan taklif va tavsiyalar ishlab chiqishdan iborat bo‘ldi.

Mazkur tadbirda Prezident huzuridagi Boshqaruv samaradorligi agentligi vakillari ham ishtirok etdi. Muhokamalar davomida Agentlik tomonidan davlat xizmatida gender tengligini ta’minlash, inson resurslarini boshqarish tizimini raqamlashtirish, ochiq va kompetensiyaga asoslangan tanlov mexanizmlarini joriy etish bo‘yicha amalga oshirilayotgan islohotlar haqida ma’lumot berildi.

Shuningdek, “Rahbar ayollar maktabi” dasturi doirasida amalga oshirilgan ishlar alohida ta’kidlandi. Xususan, bugungi kunga qadar 235 nafar ayol dasturda tahsil olgani, 65 nafar bitiruvchi rahbarlik lavozimlariga tayinlangani hamda 48 nafar ishtirokchi Fransiya, Latviya, Vengriya va Xitoyda xalqaro stajirovkalarni o‘tagani qayd etildi.

Tadbir davomida genderga sezgir yondashuvlarni korrupsiyaga qarshi siyosat va qonunchilikka integratsiya qilish, davlat xizmatlarida shaffoflikni oshirish hamda ayollarning davlat boshqaruvidagi ishtirokini oshirish masalalari yuzasidan fikr almashildi

Samarali boshqaruv: Hududiy imkoniyatlar va xalqaro tajriba integratsiyasiBMT Oziq-ovqat va qishloq xo‘jaligi tashkiloti...
21/05/2026

Samarali boshqaruv: Hududiy imkoniyatlar va xalqaro tajriba integratsiyasi

BMT Oziq-ovqat va qishloq xo‘jaligi tashkiloti (FAO) bilan hamkorlikda amalga oshirilayotgan “Bir mamlakat — bir ustuvor mahsulot” (OCOP) tashabbusi doirasida Namangan shahrida Yevropa va Markaziy Osiyo uchun OCOP tashabbusi bo‘yicha mintaqaviy seminar va trening o‘tkazildi.

Unda 65 nafar ishtirokchi, jumladan davlat organlari vakillari, mintaqadagi 10 ta OCOP mamlakati vakillari, fermerlar, xususiy sektor vakillari, tadqiqotchilar hamda qiymat zanjiri bo‘yicha xorijiy ekspertlar qatnashdi.

Maqsad — O‘zbekistonning giloschilik sohasida barqaror qiymat zanjirini rivojlantirish orqali yuqori natijadorlikka erishish va aholi daromadini oshirishga ko'maklashish, fermerlar, tadqiqotchilar, xususiy sektor vakillari, institutlar, xorijiy ekspertlar o‘rtasidagi amaliy hamkorlikni qo‘llab-quvvatlash.

Seminarda:

➡️ mintaqada OCOP tashabbusini amalga oshirish istiqbollari ko‘rib chiqildi;

➡️barqaror ishlab chiqarish tizimlari, innovatsion texnologiyalarni joriy etish va bozorni rivojlantirish masalalariga e'tibor qaratildi;

➡️ekspertlar O‘zbekistonda gilos yetishtirish, saqlash, qayta ishlash va standartlashtirilgan ko‘chat tizimlarini qo‘llab-quvvatlashga qaratilgan amaliy tajriba va ilg‘or texnologiyalar bilan o‘rtoqlashdi;

➡️Ozarbayjon, Gruziya, Qozog‘iston, Qirg‘iziston, Moldova Respublikasi, Serbiya, Tojikiston va Turkiyaning sohaga oid tajriba amaliyotlari taqdim etildi.

Loyiha ko‘magida O‘zbekiston gilos qiymat zanjirining barcha bosqichlari — ishlab chiqarish va hosildan keyingi ishlov berishdan tortib, qayta ishlash, marketing hamda xalqaro bozorlarga chiqish imkoniyatlarini kengaytirishgacha bo‘lgan jarayonlarni mustahkamlash rejalashtirilgan.

O‘zbekistonda har yili 180 ming tonnagacha gilos yetishtiriladi. Qulay iqlim sharoiti, nisbatan past ishlab chiqarish xarajatlari, rivojlangan transport va sovutgichli saqlash tarmoqlari ushbu mahsulotga eksport bozorlarida kuchli raqobat ustunligini beradi hamda gilosni qishloq aholisi daromadlari va iqtisodiy o‘sishning muhim omiliga aylantiradi.

Dastur doirasida Chust tumanidagi Varzik qishlog‘ida joylashgan gilos bog‘i hamda To‘raqo‘rg‘on tumanidagi ilg‘or logistika kompaniyasi faoliyati bilan tanishuv ishtirokchilarga gilos qiymat zanjiri bo‘ylab innovatsion amaliyotlar bilan bevosita tanishish imkonini berdi.

Ma'lumot uchun, bugungi k***a Yevropa va Markaziy Osiyoning 11 mamlakati OCOP tashabbusida ishtirok etmoqda. Ushbu tashabbus FAOga a’zo davlatlarga o‘ziga xos maxsus qishloq xo‘jaligi mahsulotlarini ilgari surishda ko‘maklashadi. 15 ta davlat Yevropa va Markaziy Osiyo mintaqasini ifodalovchi global OCOP tajriba mamlakatlari sifatida tanlangan.

Ludovika universiteti bilan suv resurslari boshqaruvi va akademik almashinuv bo‘yicha hamkorlik kengaytirilmoqdaVengriya...
21/05/2026

Ludovika universiteti bilan suv resurslari boshqaruvi va akademik almashinuv bo‘yicha hamkorlik kengaytirilmoqda

Vengriyaning Ludovika davlat xizmati universiteti Xalqaro aloqalarni rivojlantirish bo‘yicha koordinatori F***y Felvinczi boshchiligidagi delegatsiya O‘zbekistonga tashrif buyurdi.

Maqsad suv resurslarini boshqarish, suv diplomatiyasi, davlat boshqaruvi va barqaror rivojlanish yo‘nalishlarida hamkorlikni kengaytirish, qo‘shma ilmiy va ta’lim loyihalarini yo‘lga qo‘yishdan iborat bo‘ldi.

Tashrif dasturi doirasida delegatsiya vakillari Toshkent irrigatsiya va qishloq xo‘jaligini mexanizatsiyalash muhandislari instituti hamda Buxoro davlat universitetida uchrashuv va seminarlar o‘tkazdi.

Toshkent irrigatsiya va qishloq xo‘jaligini mexanizatsiyalash muhandislari instituti bilan uchrashuvlar davomida:

▫️Markaziy Osiyodagi transchegaraviy suv resurslari;

▫️Amudaryo va Sirdaryo havzalari boshqaruvi;

▫️ xalqaro suv huquqi;

▫️suv xavfsizligi va iqlim o‘zgarishiga moslashish masalalari yuzasidan fikr almashildi.

Tomonlar suv diplomatiyasi va “Integrated water resource management” yo‘nalishlarida qo‘shma ilmiy tadqiqotlar olib borish, professor-o‘qituvchilar almashinuvi hamda qisqa muddatli o‘quv kurslarini tashkil etish bo‘yicha dastlabki kelishuvlarga erishdilar.

Buxoro davlat universitetida bo‘lib o‘tgan uchrashuvlarda esa hamkorlikning ta’lim va akademik almashinuv yo‘nalishlariga alohida e’tibor qaratildi.

Xususan:
▫️“Siyosatshunoslik” hamda ochilishi rejalashtirilayotgan “Xalqaro munosabatlar” yo‘nalishlari uchun Ludovika universitetining ta’lim dasturlari va metodik materiallarini joriy etish;

▫️“Yurisprudensiya” yo‘nalishi talabalari uchun xorijiy professorlar ishtirokida muntazam onlayn ma’ruzalar va master-klasslarni tashkil qilish;

▫️Ludovika universiteti huzuridagi Turkiy davlatlar tadqiqot markazida o‘zbek tilini o‘qitishni yo‘lga qo‘yish;

▫️Buxoro viloyati hamda boshqa hududlar davlat xizmatchilari uchun zamonaviy boshqaruv, xalqaro munosabatlar va kommunikatsiya yo‘nalishlarida onlayn va oflayn trening kurslarini ishlab chiqish masalalari muhokama qilindi.

Uchrashuvlar yakunida tomonlar suv diplomatiyasi, davlat boshqaruvi, ekologiya, barqaror rivojlanish va oliy ta’lim sohalaridagi hamkorlikni tizimli ravishda rivojlantirish bo‘yicha kelishuvlarga erishdilar.

Ma'lumot uchun, 2025-yil dekabr oyida Ishchi guruhning Vengriyaga xizmat safari doirasida Budapesht shahrida bo‘lib o‘tgan ilk uchrashuvda O‘zbekiston davlat xizmatchilari uchun Vengriyada stajirovka dasturlarini tashkil etish, vengriyalik ekspertlarni jalb qilish hamda Buxoro davlat universiteti bilan suv resurslarini boshqarish bo‘yicha qo‘shma ta’lim dasturini yo‘lga qo‘yish bo‘yicha dastlabki kelishuvlarga erishilgandi.

Namangan viloyatida hududni rivojlantirish imkoniyatlari o‘rganilmoqdaO‘zbekiston Respublikasi Prezidentining “Davlat xi...
19/05/2026

Namangan viloyatida hududni rivojlantirish imkoniyatlari o‘rganilmoqda

O‘zbekiston Respublikasi Prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi Farmoni ijrosini ta’minlash maqsadida Boshqaruv samaradorligi agentligi direktorining o'rinbosari A.Salixov boshchiligidagi Ishchi guruh tomonidan Namangan viloyatida hududlarni kompleks rivojlantirish, “o‘sish nuqtalari” va ishga solinmagan imkoniyatlarni aniqlash bo‘yicha o‘rganish ishlari olib borilmoqda.

Bunda tuman va shaharlarning ijtimoiy-iqtisodiy salohiyati, hududiy drayver sohalar, investitsiya va bandlikni ta'minlash imkoniyatlari, mavjud infratuzilma hamda boshqaruv samaradorligi ko‘rsatkichlari tahlil qilinmoqda.

O‘rganishlar jarayonida tadbirkorlik subyektlari faoliyatida mavjud tizimli muammolarni aniqlash, ularning ishlab chiqarish va xizmat ko‘rsatish faoliyatiga to‘sqinlik qilayotgan omillarni bartaraf etilishiga ko'maklashish, infratuzilma, resurs kabi jarayonlar bilan bog‘liq masalalarga amaliy yechimlar ishlab chiqishga alohida e’tibor qaratilmoqda.

Namangan viloyatini rivojlantirish maqsadida bir qator Loyihalarni amalga oshirish rejalashtirilgan.

▫️https://bsa.uz/oz/news/view/167345

Bugun O‘zbekiston Respublikasi konchilik va metallurgiya sanoati xodimlari kuni!O‘zbekiston Respublikasi Prezidenti huzu...
17/05/2026

Bugun O‘zbekiston Respublikasi konchilik va metallurgiya sanoati xodimlari kuni!

O‘zbekiston Respublikasi Prezidenti huzuridagi Boshqaruv samaradorligi agentligi jamoasi kasb bayrami munosabati bilan konchilik va metallurgiya sanoati sohasida fidokorona mehnat qilayotgan barcha soha vakillarini samimiy muborakbod etadi.

Mamlakatimiz iqtisodiy taraqqiyoti, sanoat salohiyati va strategik resurslar bazasini mustahkamlash yo‘lida olib borayotgan sharafli va mas’uliyatli mehnatingiz yuksak e’tirofga loyiq.

Kasb bayrami munosabati bilan barchangizga mustahkam sog‘liq, xonadonlaringizga fayz va baraka, mas’uliyatli faoliyatingizda ulkan muvaffaqiyatlar tilaymiz.

Namangan futbolida “Ayaks” boshqaruv modeli joriy etiladiPrezidentimizning Namangan viloyatiga tashrifi davomida berilga...
17/05/2026

Namangan futbolida “Ayaks” boshqaruv modeli joriy etiladi

Prezidentimizning Namangan viloyatiga tashrifi davomida berilgan topshiriqqa muvofiq, “Navbahor” futbol maktabini Niderlandiyaning dunyoga mashhur “Ayaks” futbol akademiyasi boshqaruviga berish bo‘yicha muhim kelishuvga erishildi.

Jumladan, berilgan topshiriq ijrosini ta‘minlash maqsadida Amsterdam shahrida O‘zbekiston Respublikasi Prezidenti huzuridagi Boshqaruv samaradorligi agentligining tashkiliy va strategik ko‘magida “Navbahor” professional futbol klubi hamda Niderlandiyaning mashhur “Ayaks” futbol klubi o‘rtasida ikki tomonlama muzokaralar muvaffaqiyatli yakunlanib, hamkorlik memorandumlari imzolandi.

Ushbu hamkorlik milliy sport tizimini institutsional rivojlantirish, sport boshqaruvini xalqaro standartlar asosida modernizatsiya qilish hamda sohada samaradorlikni oshirishda yangi bosqichni boshlab beradi.

Kelishuvga asosan:

▫️O‘zbekiston hududida qo‘shma yoshlar futbol akademiyasi tashkil etiladi;

▫️yosh isteʼdodlarni tayyorlash bo‘yicha dunyoda eʼtirof etilgan Niderlandiya tajribasini joriy etish va sport akademiyasini boshqarishning innovatsion modeli amaliyotga tatbiq etiladi;

▫️"Ayaks" elektron platformasi vositasida iste‘dodlarni aniqlash tizimi joriy etiladi;

▫️Niderlandiyaning mashhur “Ayaks” klubi bilan yo‘lga qo‘yilayotgan hamkorlik doirasida mahalliy mutaxassislar va murabbiylar ilg‘or mashg‘ulot metodikalari, zamonaviy sport analitikasi, seleksiya tizimi hamda iqtidorli yoshlarni aniqlash va rivojlantirish bo‘yicha innovatsion yondashuvlar bilan yaqindan tanishish imkoniga ega bo‘ladi. Bu esa yosh futbolchilarning raqobatbardoshligini sezilarli darajada oshirish, milliy terma jamoalar uchun yuqori salohiyatli va professional tayyorgarlikka ega sportchilar zaxirasini shakllantirishga muhim xizmat qiladi.

▫️Yevropa tajribasiga asoslangan boshqaruv yondashuvlari asosida sport akademiyasi faoliyatida shaffoflik, tizimli nazorat va barqaror rivojlanishni taʼminlash ko‘zda tutilmoqda.

O‘rnatilgan hamkorlik doirasida Namangan viloyati hokimi Sh. Abdurazzoqov Niderlandiyaning "Ayaks" klubi mutaxassislari Raymond Atteveld va Joui Kraaibek bilan uchrashuvda “Navbahor” futbol klubi bilan hamkorlikni kengaytirish, tajriba almashish va yosh futbolchilarni tayyorlash tizimini takomillashtirish masalalari muhokama qilindi.

Ma‘lumot uchun, Boshqaruv samaradorligi agentligi loyiha doirasida sport infratuzilmasida zamonaviy menejment, strategik rejalashtirish va KPI tizimlarini joriy etish orqali natijadorlikni oshirishda ishtirok etadi.

Farg‘onada yoshlar bilan uchrashuv o‘tkazildiO‘zbekiston Respublikasi Prezidentining yoshlar bilan o‘tkazilgan selektor ...
14/05/2026

Farg‘onada yoshlar bilan uchrashuv o‘tkazildi

O‘zbekiston Respublikasi Prezidentining yoshlar bilan o‘tkazilgan selektor yig‘ilishida har payshanba kuni yoshlar bilan uchrashuvlar tashkil etilishi belgilangan.

Ushbu topshiriq ijrosini taʼminlash, yoshlarning ijtimoiy-siyosiy faolligini oshirish, ularning muammolarini bevosita hal etish va tashabbuslarini qo‘llab-quvvatlash maqsadida, O‘zbekiston Respublikasi Prezidenti huzuridagi Boshqaruv samaradorligi agentligi direktori o'rinbosari M. Akramov Farg‘ona viloyati Prezident maktabi bitiruvchilari hamda yuqori sinf o‘quvchilari bilan uchrashdi.

Uchrashuvda o'quvchilarning maqsad va rejalari, taklif va tashabbuslari tinglanib, ularni qiziqtirgan savollarga atroflicha javob berildi.

Muloqot davomida Prezident maktabi bitiruvchilarining iqtidor va salohiyatini qo‘llab-quvvatlash, ularning tashabbuslari asosida loyihalarni o‘rganish hamda amalga oshirish bo‘yicha qator yo‘nalishlar belgilab olindi:

▫️Prezident maktablari o‘quvchilarining hududlardagi drayver soha obyektlariga amaliy tashriflarini tizimli tashkil etish hamda ularda zamonaviy texnologik jarayonlar bo‘yicha birlamchi ko‘nikmalarni shakllantirish;

▫️Prezident maktabi bitiruvchilari va o‘quvchilarini davlat xizmatiga jalb qilish, ularning salohiyatini ro‘yobga chiqarish bo‘yicha uzluksiz monitoring va mentorlik (ustoz-shogird) tizimini joriy etish;

▫️Bitiruvchilarning o‘zlari istiqomat qiladigan hudud rahbarlari (hokimlar) bilan to‘g‘ridan-to‘g‘ri muloqot maydonlarini yaratish orqali ularda ijtimoiy mas’uliyat va hududlarni rivojlantirish dasturlariga daxldorlik hissini shakllantirish.

Ushbu formatdagi muloqotlar yoshlarning kreativ tashabbuslarini rag‘batlantirish bilan birga, ularda mamlakat taraqqiyoti hamda ijtimoiy yuksalish uchun daxldorlik tuyg‘usini shakllantirishda strategik poydevor bo‘lib xizmat qiladi.

Farg‘onada hokim o‘rinbosarlari uchun maxsus o‘quv boshlandiFarg‘ona shahrida “Zamonaviy davlat fuqarolik xizmatida faol...
13/05/2026

Farg‘onada hokim o‘rinbosarlari uchun maxsus o‘quv boshlandi

Farg‘ona shahrida “Zamonaviy davlat fuqarolik xizmatida faol yondashuv, samarali ijro va fuqaroga yo‘naltirilgan xizmat ko‘rsatish” mavzusida o‘quv-trening boshlandi.

Trening O‘zbekiston Respublikasi Prezidentining "Davlat xizmatida boshqaruv samaradorligini yanada oshirish chora-tadbirlari toʻgʻrisida"gi Farmoni ijrosini ta’minlash maqsadida tashkil etildi.

Mazkur o'quvda “Yangi O‘zbekiston qiyofasidagi tuman (shahar)” maqomiga ega 33 ta tuman va shahar hokimlarining o‘rinbosarlari ishtirok etmoqda.

Dasturda davlat fuqarolik xizmatini zamonaviy yondashuvlar asosida tashkil etish, professional va natijadorlikka yo‘naltirilgan davlat xizmatchilari korpusini shakllantirish masalalariga alohida e’tibor qaratilmoqda.

Trening mashg‘ulotlarida:

➡️davlat xizmatlarini o‘z vaqtida va sifatli ko‘rsatish;

➡️qaror qabul qilish samaradorligini oshirish; muloqot madaniyatini takomillashtirish;

➡️xizmat ko‘rsatish zanjiridagi muvofiqlashtiruv jarayonlarini yaxshilash;

➡️sun’iy intellekt imkoniyatlaridan samarali foydalanish;

➡️raqamli yechimlarni davlat boshqaruviga keng joriy etish masalalari ko'rib chiqilmoqda.

Uch kunlik Dastur davomida ishtirokchilar Farg‘ona viloyatining o'sish nuqtalari, drayver sohalar va ommalashayotgan ijobiy loyihalar bilan tanishadilar.

Ma'lumot uchun, trening Yevropa Ittifoqi tomonidan moliyalashtirilayotgan hamda Birlashgan Millatlar Tashkiloti Taraqqiyot Dasturi (BMTTD) tomonidan O‘zbekiston Respublikasi Prezidenti huzuridagi Boshqaruv samaradorligi agentligi, Adliya vazirligi bilan hamkorlikda amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil etildi.

Davlat fuqarolik xizmatchisining xorijda o‘qish davrida lavozimi saqlab qolinadi▫️Majlisda “Davlat fuqarolik xizmati to‘...
13/05/2026

Davlat fuqarolik xizmatchisining xorijda o‘qish davrida lavozimi saqlab qolinadi

▫️Majlisda “Davlat fuqarolik xizmati to‘g‘risida”gi O‘zbekiston Respublikasi Qonuniga davlat fuqarolik xizmatchisining kasbiy malakasini oshirish kafolatlarini belgilashga qaratilgan qo‘shimcha kiritish haqida”gi qonun loyihasi birinchi o‘qishda ko‘rib chiqildi.

Qonun loyihasi bilan davlat xizmatchisi nufuzli xorijiy ta’lim muassasasiga magistratura yoki doktoranturaga o‘qish bo‘yicha grant yutganda, ish beruvchining yozma roziligi asosida uning ish o‘rni (lavozimi) saqlanishi taklif etilmoqda.

Ish beruvchi tomonidan rozilik berishda o‘quv dasturining yo‘nalishi ushbu davlat organi faoliyati bilan bevosita bog‘liq bo‘lishini inobatga olish nazarda tutilyapti.

Loyihada o‘quv dasturi yakunlangandan so‘ng davlat fuqarolik xizmatchisi zimmasiga tegishli davlat organi tizimida xorijda tahsil olish davriga teng muddatga ishlab berish majburiyati ham yuklanmoqda.

Shuningdek, davlat fuqarolik xizmatchisining xorijda o‘qish davri uning mehnat stajiga qo‘shib hisoblanishi, ko‘p yillik xizmati uchun har oylik ustama belgilashda inobatga olinishi nazarda tutilmoqda.

Muhokamalardan so‘ng, qonun loyihasi deputatlar tomonidan birinchi o‘qishda qabul qilindi.

Address

Islom Karimov Ko‘chasi, 43-uy, 1-bino
Tashkent

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Website

, ,

Alerts

Be the first to know and let us send you an email when Давлат хизматини ривожлантириш агентлиги posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Давлат хизматини ривожлантириш агентлиги:

Shortcuts

Share

Category