Qishloq xo‘jaligi vazirligi

Qishloq xo‘jaligi vazirligi O‘zbekiston Respublikasi Qishloq xo‘jaligi vazirligi
Ishonch raqami: 1243

https://taplink.cc/uzagroministry

Sabzavotchilik sohasi vakillari uchun ilmiy-amaliy seminar-trening tashkil etildiSabzavot, poliz ekinlari va kartoshkach...
06/06/2026

Sabzavotchilik sohasi vakillari uchun ilmiy-amaliy seminar-trening tashkil etildi

Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy-tajriba stansiyasida “Janubiy iqlim sharoitida stress omillarga chidamli sabzavot, poliz va kartoshka ekinlarining nav va duragaylarini yaratish istiqbollari, muammolari va yechimlari” mavzusida ilmiy-amaliy seminar-trening tashkil etildi.

Tadbirda Qishloq xo‘jaligi vazirligi Ilm-fan, innovatsiyalar va ta’limni rivojlantirish boshqarmasi boshlig‘i Tohir Ataqulov, Sabzavot, poliz ekinlari va kartoshkachilik ilmiy-tadqiqot instituti direktori Bahrom Ibrohimov, Surxondaryo viloyati agroxizmatlar markazi direktori Anvar Abduraxmonov, shuningdek, Termiz davlat muhandislik va agrotexnologiyalar universiteti professor-o‘qituvchilari, institut tizimidagi ilmiy-tajriba stansiyalari rahbarlari va ilmiy xodimlari, fermer hamda dehqon xo‘jaliklari vakillari, talaba-yoshlar ishtirok etdi.

Seminar davomida iqlim o‘zgarishi sharoitida qurg‘oqchilik, yuqori harorat va boshqa stress omillariga chidamli sabzavot, poliz va kartoshka navlarini yaratish, seleksiya ishlari samaradorligini oshirish hamda sohaning dolzarb muammolari va ularning yechimlari yuzasidan fikr almashildi.

Tadbir ishtirokchilari tomonidan ilmiy ishlanmalarni amaliyotga keng joriy etish, mahalliy sharoitlarga mos, yuqori hosilli va raqobatbardosh nav hamda duragaylarni yaratish bo‘yicha amalga oshirilayotgan ishlar va kelgusidagi vazifalar muhokama qilindi.

Seminar yakunida ishtirokchilarga Sabzavot, poliz ekinlari va kartoshkachilik ilmiy-tadqiqot instituti hamda Surxondaryo ilmiy-tajriba stansiyasida olib borilayotgan ilmiy-tadqiqot ishlari, dala tajribalari, innovatsion agrotexnologiyalar va yangi ishlanmalar namoyish etildi.
Bu esa ilm-fan yutuqlarini ishlab chiqarish bilan uyg‘unlashtirish va soha rivojiga xizmat qiladigan innovatsion yechimlarni ommalashtirishda muhim maydon vazifasini o‘tadi.

O‘simliklar hayotida fosforning ahamiyatiFosforning oksidlangan birikmalari so‘zsiz hamma tirik organizmlar uchun zarur....
06/06/2026

O‘simliklar hayotida fosforning ahamiyati

Fosforning oksidlangan birikmalari so‘zsiz hamma tirik organizmlar uchun zarur. Fosfat kislotasiz bironta tirik hujayra mavjud bo‘la olmaydi.

Nukleoproteidlar hujayra yadrolarining eng asosiy moddalari bo‘lib, o‘z tarkibida fosfat kislota tutadi. Nukleoproteidlar oqsillarning nuklein kislotalari bilan hosil qilgan birikmalaridir.

Fosfor, shuningdek, o‘simliklarning boshqa organik moddalari, xususan, fitin, lesitin, shakarfosfat va boshqalar tarkibida uchraydi.

Qishloq xo‘jaligi ekinlarining generativ organlarida vegetativ organlariga nisbatan fosforning miqdori ko‘proq bo‘ladi.

Fitinning miqdori dukkakli va moyli ekinlarning urug‘larida ularning vazniga nisbatan 1-2%, g‘allasimonlar urug‘ida, esa 0,5-1% ni tashkil etadi.

Ilm-ta’lim-amaliyot uyg‘unligi: tomorqagacha yetib borgan bilim va tajribaQishloq xo‘jaligi vazirligi, Surxondaryo viloy...
05/06/2026

Ilm-ta’lim-amaliyot uyg‘unligi: tomorqagacha yetib borgan bilim va tajriba

Qishloq xo‘jaligi vazirligi, Surxondaryo viloyati hokimligi hamda Kambag‘allikni qisqartirish va bandlik vazirligining Surxondaryo viloyat hududiy boshqarmasi mas’ullari Davlatimiz rahbari tashabbusi bilan Termiz shahrida tashkil etilgan “Tomorqa maktabi” faoliyati bilan tanishdi.

O‘rganishlar davomida mazkur maskanning aholi tomorqalaridan samarali foydalanish, hosildorlikni oshirish va daromad manbalarini ko‘paytirishdagi ahamiyati atroflicha muhokama qilindi.

Mutaxassislar ishtirokida tomorqadan yil davomida 5 marotaba hosil olish texnologiyasini keng joriy etish, tomorqa egalari, agronomlar va tadbirkorlar uchun o‘quv dasturlari, amaliy seminarlar hamda ko‘rgazmali master-klasslarni tizimli tashkil etish masalalari ko‘rib chiqildi.

Shuningdek, “Tomorqa maktabi” o‘quv kurslariga ishsiz fuqarolar, o‘zini o‘zi band qilgan tomorqa egalari, agronomlar va tadbirkorlarni keng jalb etish bo‘yicha takliflar bildirildi. Ularga zamonaviy agrotexnologiyalar, intensiv tomorqachilik, ekinlarni almashlab ekish, hosildorlikni oshirish va mahsulot yetishtirishning samarali usullari bo‘yicha nazariy hamda amaliy bilimlar berish tizimini yanada takomillashtirish yuzasidan fikr almashildi.

Muhokamalar davomida “Tomorqa maktabi”ni ilm-fan, ta’lim va amaliyotni birlashtiruvchi samarali platforma sifatida rivojlantirish, aholining bilim va ko‘nikmalarini oshirish orqali bandlik va daromad manbalarini kengaytirish masalalariga alohida e’tibor qaratildi.

Yakuniy tahlillar asosida tizim faoliyatini yanada takomillashtirish bo‘yicha aniq taklif va tavsiyalar ishlab chiqildi. Xususan, ushbu tajribani boshqa hududlarda ham keng joriy etish, ta’lim jarayonlarida innovatsion va amaliy yondashuvlarni kuchaytirish, shuningdek, ilmiy-tadqiqot muassasalari bilan hamkorlikni kengaytirish muhim vazifa sifatida belgilandi.

Kartoshkachilikda yangi bosqich: ilm, innovatsiya va amaliyot uyg'unligiSamarqand agroinnovatsiyalar va tadqiqotlar inst...
05/06/2026

Kartoshkachilikda yangi bosqich: ilm, innovatsiya va amaliyot uyg'unligi

Samarqand agroinnovatsiyalar va tadqiqotlar instituti (SamATI)da Qishloq xo‘jaligi vaziri o‘rinbosari Jamshidjon Abduzuxurov rahbarligida urug‘lik kartoshka yetishtiruvchilar, fermerlar va soha mutaxassislari uchun salohiyatni oshirishga qaratilgan seminar tashkil etildi.

Unda kartoshkachilik tarmog‘ini rivojlantirish, sifatli urug‘lik bazasini mustahkamlash, mahalliy tuproq-iqlim sharoitlariga mos navlarni ko‘paytirish hamda ilg‘or xalqaro tajribalarni amaliyotga keng joriy etish masalalari muhokama qilindi.

Seminarning nazariy qismida O‘zbekiston–Koreya kartoshka urug‘chiligi markazi mutaxassislari tomonidan urug‘lik kartoshka yetishtirishning zamonaviy usullari, sohaning rivojlanish istiqbollari va yangi texnologik yechimlar yuzasidan taqdimotlar o‘tkazildi. Ishtirokchilarga hosildorlikni oshirish, mahsulot sifatini yaxshilash hamda agrotexnik tadbirlarni samarali tashkil etish bo‘yicha amaliy tavsiyalar berildi.

Muloqotlar davomida kartoshkachilikda uchraydigan kasallik va zararkunandalar, ularning hosildorlikka ta’siri hamda ularga qarshi kurashning samarali usullari yuzasidan fikr almashildi.

Tadbir doirasida qatnashchilar O‘zbekiston–Koreya kartoshka urug‘chiligi markazi faoliyati bilan yaqindan tanishdi. Ularga "in-vitro" laboratoriyasi, gidroponik issiqxonalar, urug‘lik kartoshka saqlash omborlari va zamonaviy issiqxona majmualarida amalga oshirilayotgan ishlar namoyish etildi.

Shuningdek, markazda olib borilayotgan ilmiy-tadqiqot ishlari, viruslardan xoli urug‘lik materiallarini yaratish texnologiyalari hamda mahalliy sharoitlarga mos istiqbolli kartoshka navlari haqida batafsil ma’lumot berildi.

Aytish kerak bu kabi seminarlar ilmiy yondashuvlarni amaliyot bilan uyg‘unlashtirish, ilg‘or tajribalarni ommalashtirish hamda fermer va mutaxassislar o‘rtasidagi hamkorlikni mustahkamlashga xizmat qildi.

FAO bilan hamkorlikning ustuvor yo‘nalishlari muhokama qilindiSamarqand shahrida bo‘lib o'tayotgan Global ekologik jamg‘...
05/06/2026

FAO bilan hamkorlikning ustuvor yo‘nalishlari muhokama qilindi

Samarqand shahrida bo‘lib o'tayotgan Global ekologik jamg‘arma (GEF) Assambleyasi doirasida qishloq xo‘jaligi vaziri o‘rinbosari Alisher Shukurov hamda BMTning Oziq-ovqat va qishloq xo‘jaligi tashkiloti (FAO) Bosh direktori o‘rinbosari Godfrey Magvenzi o‘rtasida uchrashuv bo‘lib o‘tdi.

Muloqot davomida tomonlar O‘zbekiston va FAO o‘rtasidagi hamkorlikning bugungi holati hamda uni yanada rivojlantirish istiqbollarini atroflicha muhokama qildilar.

Xususan, qishloq xo‘jaligida innovatsion yondashuvlarni keng joriy etish, oziq-ovqat xavfsizligini mustahkamlash, iqlim o‘zgarishlariga moslashuvchan qishloq xo‘jaligini rivojlantirish, suv va yer resurslaridan samarali foydalanish hamda agrar sohada xalqaro tajribalarni tatbiq etish masalalari yuzasidan fikr almashildi.

Shuningdek, uchrashuv davomida O‘zbekiston Respublikasi Qishloq xo‘jaligi vazirligi va FAO o‘rtasida imzolangan stajirovka dasturining amalga oshirilish jarayoni muhokama qilindi.

Uchrashuv yakunida tomonlar mavjud hamkorlik natijalarini yuqori baholab, qo‘shma tashabbuslar va loyihalarni kengaytirish hamda qishloq xo‘jaligini barqaror rivojlantirish yo‘nalishlarida hamkorlikni yanada mustahkamlashga tayyor ekanliklarini bildirdilar.

Agrosanoatni raqamlashtirish markazi – 5 yillik faoliyat sarhisobi va yangi marralar Bugun poytaxtimiz Toshkentda Qishlo...
05/06/2026

Agrosanoatni raqamlashtirish markazi – 5 yillik faoliyat sarhisobi va yangi marralar

Bugun poytaxtimiz Toshkentda Qishloq xo‘jaligi vazirligi huzuridagi "Agrosanoatni raqamlashtirish markazi" MChJning tashkil etilganiga 5 yil to‘lishi munosabati bilan xalqaro konferensiya bo‘lib o‘tdi.

Unda O‘zbekiston Respublikasi Oliy Majlisi Senati va Qonunchilik palatasi, O‘zbekiston Respublikasi Prezidenti Administratsiyasi, Vazirlar Mahkamasi, vazirlik va idoralar, xalqaro tashkilotlar, IT sohasi vakillari, ekspertlar hamda agrar soha mutaxassislari ishtirok etdilar.

Tadbir davomida so‘nggi besh yil ichida mamlakat qishloq xo‘jaligini raqamlashtirish yo‘nalishida amalga oshirilgan ishlar sarhisob qilindi. Ta’kidlanganidek, bugun raqamli texnologiyalar agrar sohaning ajralmas qismiga aylanib bormoqda. Ilgari katta vaqt va mehnat talab qilgan ko‘plab jarayonlar raqamli platformalar orqali tez, shaffof va samarali amalga oshirilmoqda.

Tadbirning muhim voqealaridan biri sifatida "Agrosanoatni raqamlashtirish markazi" MChJ hamda Qirg‘iziston Respublikasi Qishloq xo‘jaligi, oziq-ovqat sanoati va melioratsiya vazirligi huzuridagi Raqamlashtirish markazi o‘rtasida hamkorlik memorandumi imzolangani bo'ldi. Ushbu hujjat raqamli texnologiyalar sohasida tajriba almashish, qo‘shma tashabbuslarni amalga oshirish va mintaqaviy hamkorlikni mustahkamlashga xizmat qilishi bilan ahamiyatlidir.

Konferensiyaning xalqaro ahamiyatini yanada oshirgan jihatlardan biri unda Markaziy Osiyo davlatlari vakillarining ishtirok etgani bo‘ldi. Xususan, Qirg‘iziston va Tojikistondan tashrif buyurgan agrar soha mutasaddilari o‘z chiqishlarida O‘zbekistonda qishloq xo‘jaligini raqamlashtirish yo‘nalishida so‘nggi yillarda amalga oshirilgan islohotlar va joriy etilgan raqamli yechimlarni yuqori baholadilar.

Tadbir doirasida markazning 5 yillik faoliyati aks ettirilgan taqdimot namoyish etildi. Unda amalga oshirilgan loyihalar, yaratilgan axborot tizimlari va kelgusidagi ustuvor vazifalar haqida ma’lumot berildi.

Besh yil avval o‘z faoliyatini boshlagan Agrosanoatni raqamlashtirish markazi bugungi k***a qishloq xo‘jaligini raqamli boshqarish tizimining muhim bo‘g‘iniga aylandi. Eng muhimi, markazning kelgusi rejalari faqat axborot tizimlarini yaratish bilan cheklanmay, agrar sohada yagona raqamli ekotizimni shakllantirishga qaratilgani bilan ahamiyatlidir.

Qonunchilikdan amaliyotgacha: Surxondaryoda ochiq muloqot maydoni tashkil etildiSurxondaryo viloyatida qishloq xo‘jaligi...
05/06/2026

Qonunchilikdan amaliyotgacha: Surxondaryoda ochiq muloqot maydoni tashkil etildi

Surxondaryo viloyatida qishloq xo‘jaligi va oziq-ovqat xavfsizligi sohasidagi yangi qonunchilik hujjatlarining mazmun-mohiyatini joylarda samarali tatbiq etish maqsadida tuman va shahar hokimliklari mas’ullari ishtirokida o‘quv-amaliy seminar o‘tkazildi.

Video-konferens-aloqa shaklida tashkil etilgan tadbirda Qishloq xo‘jaligi vaziri o‘rinbosari Jamshid Abduzuxurov ishtirok etib, sohada amalga oshirilayotgan islohotlar, davlat tomonidan berilayotgan imkoniyat va imtiyozlardan samarali foydalanish hamda qabul qilinayotgan normativ-huquqiy hujjatlarning ijrosini ta’minlash masalalariga alohida to‘xtaldi.

Seminarda Iqtisodiyot va moliya vazirligi, Soliq qo‘mitasining malakali mutaxassislari, shuningdek agrar soha mutasaddilari ishtirok etib, sohaga oid yangiliklar, moliyaviy va soliq mexanizmlari, tadbirkorlar va fermerlar uchun yaratilgan imkoniyatlar yuzasidan atroflicha ma’lumot berdilar.

Interaktiv muloqot ruhida o‘tgan seminar davomida hokimliklar mas’ullari va soha mutasaddilari o‘zlarini qiziqtirgan savollarga mutaxassislardan batafsil javoblar olib, amaliyotda uchrayotgan masalalar yuzasidan zarur tavsiyalarga ega bo‘ldilar.

Mazkur seminarlar joylarda qonunchilik hujjatlarining samarali ijrosini ta’minlash, mahalliy davlat hokimligi organlari xodimlarining bilim va malakasini oshirish hamda qishloq xo‘jaligi sohasidagi islohotlarning natijadorligini kuchaytirishga xizmat qiladi.

ANORA platformasi: iqlimga mos qishloq xo‘jaligiga investitsiyalarni jalb etishning yangi bosqichiSamarqand shahrida bo‘...
05/06/2026

ANORA platformasi: iqlimga mos qishloq xo‘jaligiga investitsiyalarni jalb etishning yangi bosqichi

Samarqand shahrida bo‘lib o'tayotgan Global ekologik jamg‘arma (GEF) Assambleyasi doirasida tashkil etilgan O‘zbekistonning iqlimga mos agro oziq-ovqat investitsiya platformasi (ANORA) mavzusidagi tadbirda qishloq xo‘jaligi vaziri o‘rinbosari Alisher Shukurov ishtirok etdi.

Tadbir davomida qishloq xo‘jaligida iqlim o‘zgarishi, suv tanqisligi, yer degradatsiyasi va tabiiy resurslardan samarali foydalanish bilan bog‘liq dolzarb masalalar muhokama qilindi. Ta’kidlanganidek, ushbu muammolarga yechim topishda zamonaviy resurs tejovchi texnologiyalarni joriy etish hamda investitsiyalar hajmini kengaytirish muhim ahamiyat kasb etadi.

Tomonlar O‘zbekistonda qishloq xo‘jaligini modernizatsiya qilish, investitsiyalarni kengaytirish hamda sohaning iqlim o‘zgarishlariga chidamliligini oshirish masalalarini muhokama qildi.

Mazkur platforma davlat organlari, xalqaro moliya institutlari, donorlar va xususiy sektor o‘rtasidagi hamkorlikni mustahkamlash, istiqbolli loyihalarga investitsiyalarni jalb qilish hamda qishloq xo‘jaligini iqlim o‘zgarishlariga moslashtirishga xizmat qilishi ta’kidlandi.

Tadbir yakunida ANORA platformasi qishloq xo‘jaligi sohasida barqaror va uzoq muddatli investitsiyalarni rag‘batlantirish, zamonaviy agrotexnologiyalarni joriy etish hamda mamlakatning oziq-ovqat xavfsizligini yanada mustahkamlashga xizmat qilishi qayd etildi.

05/06/2026

Xonqada g‘o‘za va zira uyg‘unligi yuqori natija bermoqda

Xorazm viloyati Xonqa tumanidagi dalalarda g‘o‘za qator oralig‘iga ekilgan zira ekinlari kutilganidek rivojlanmoqda. Mutaxassislarning ta’kidlashicha, ushbu usul yer resurslaridan samarali foydalanish, qo‘shimcha daromad manbaini yaratish hamda ekinlar rentabelligini oshirishga xizmat qiladi.

Mazkur tajribaning bugungi natijalari va dalalardagi holat bilan batafsil ushbu videolavhada tanishishingiz mumkin.

5-iyun — Butunjahon atrof-muhitni muhofaza qilish kuniHar yili 5-iyun sanasida nishonlanadigan Butunjahon atrof-muhitni ...
05/06/2026

5-iyun — Butunjahon atrof-muhitni muhofaza qilish kuni

Har yili 5-iyun sanasida nishonlanadigan Butunjahon atrof-muhitni muhofaza qilish kuni ekologik muammolarga jamoatchilik e’tiborini qaratish, tabiatni asrash va ekologik barqarorlikni ta’minlashga qaratilgan muhim xalqaro sana hisoblanadi.

Mazkur sana 1972-yil 5-iyun kuni Shvetsiyaning Stokgolm shahrida bo‘lib o‘tgan Birlashgan Millatlar Tashkilotining Atrof-muhit bo‘yicha konferensiya rezolyusiyasiga asosan qabul qilingan.

Shundan buyon ushbu kun dunyo mamlakatlarida ekologik madaniyatni yuksaltirish, tabiiy resurslardan oqilona foydalanish hamda atrof-muhitni muhofaza qilishga qaratilgan tashabbuslarni ilgari surish uchun muhim platforma vazifasini o‘tab kelmoqda.

Mutaxassislar ta’kidlashicha, atrof-muhitning ifloslanishi inson salomatligi uchun jiddiy xavf tug‘diradi. Statistik ma’lumotlarga ko‘ra, har yili dunyo bo‘ylab kamida 5,5 million kishi ekologik omillar va atrof-muhit ifloslanishi bilan bog‘liq kasalliklardan aziyat chekadi.

Address

Toshkent Viloyati, Qibray Tumani, Universitet Ko’chasi, 2-uy, , 83, 96, 115, 129 Yo‘nalishli Avtobuslarning «Agrar Universiteti» Bekati, , Ishonch Raqami: 1243
Tashkent
100140

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+998712067030

Website

Alerts

Be the first to know and let us send you an email when Qishloq xo‘jaligi vazirligi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Qishloq xo‘jaligi vazirligi:

Shortcuts

Share

Category