Maktabgacha va maktab ta’limi vazirligi

Maktabgacha va maktab ta’limi vazirligi O‘zbekiston Respublikasi Maktabgacha va maktab ta'limi vazirligi rasmiy sahifasi
Rasmiy telegram sahifasi: https://t.me/uzedu

✅ Xabaringiz bor, joriy yilning iyun-iyul oylarida oʻtkaziladigan futbol boʻyicha jahon chempionatida yurtimiz sharafin...
04/06/2026



✅ Xabaringiz bor, joriy yilning iyun-iyul oylarida oʻtkaziladigan futbol boʻyicha jahon chempionatida yurtimiz sharafini himoya qiladigan futbolchilarimizni qoʻllab-quvvatlash maqsadida joylardagi umumtaʼlim maktablarida “Muxlislar maydoni” loyihasi tashkil etilmoqda.

🔹 Mamlakatimizning 208 ta tuman (shahar)da belgilangan mazkur maktablar roʻyxati bilan quyida tanishishingiz mumkin.

➖ Futbol tomoshalari uchun barcha qulayliklarga ega boʻlgan mazkur maktablarda barcha oʻquvchilar, ota-onalar va boshqa yurtdoshlarimiz katta ekranlar orqali jahon chempionatidagi futbolchilarimiz oʻyinlarini jonli efirda tomosha qilishlari mumkin.

👉 Maʼlumot uchun: Oʻzbekiston terma jamoasining jahon chempionatidagi guruh bosqich oʻyinlari jadvali (Toshkent shahri vaqti bilan)

➖ Oʻzbekiston — Kolumbiya (18-iyun, soat 7:00);

➖ Oʻzbekiston — Portugaliya (23-iyun, soat 22:00);

➖ Oʻzbekiston — Kongo (28-iyun, soat 4:30).

✅ Bugun Maktabgacha va maktab ta’limi vaziri E’zoza Karimova Respublika “Kelajak” markazi hamda hududiy markazlar rahb...
02/06/2026



✅ Bugun Maktabgacha va maktab ta’limi vaziri E’zoza Karimova Respublika “Kelajak” markazi hamda hududiy markazlar rahbarlari bilan uchrashdi.

Unda vazirlik markaziy apparati bo‘linmalari rahbarlari ham ishtirok etdi.

🔰 Muloqot davomida yozgi ta’til davrida bolalarning bo‘sh vaqtini mazmunli o‘tkazish, oromgohlar va to’garaklar faoliyatini tashkil etish yo‘nalishida amalga oshirilayotgan ishlar yuzasidan taqdimot qilindi.

Ma’lumot uchun, ayni damda “Kelajak” markazlarida jami 8 240 ta to‘garak mavjud. Shundan, 4 961 ta to‘garak yozgi mavsum davomida faoliyat olib borib, 132 942 nafar bolani qamrab olishi kutilmoqda.

📊 Shuningdek, ta’lim muassasalarida 1 242 ta sog‘lomlashtirish maydonchalari bepul tashkil etiladi va ularda 156 475 nafar bolalar dam oldirilishi rejalashtirilgan.

⏰ Mazkur maydonchalarda yozgi ta’tilni maroqli tashkil etish uchun 11 ming nafardan ortiq pedagog jalb qilinadi.

Bundan tashqari, yozgi sog‘lomlashtirish ishlari doirasida 50 ta “Kelajak” markazi negizida ham sog‘lomlashtirish maydonchalari tashkil etilgan.

➖ Uchrashuvda ta’til davrida bolalarning qiziqishlarini qo‘llab-quvvatlash, ularni kasbga yo‘naltirish borasidagi ishlari samaradorligini oshirish hamda yozgi oromgohlarga jalb etish yuzasidan mas’ullarga tegishli topshiriqlar berildi.

✅ Kuni kecha Davlatimiz rahbari boshchiligida madaniyat va san’at xodimlari bilan sohani yanada rivojlantirish bo‘yicha ...
02/06/2026

✅ Kuni kecha Davlatimiz rahbari boshchiligida madaniyat va san’at xodimlari bilan sohani yanada rivojlantirish bo‘yicha kelgusidagi ustuvor vazifalarga bag‘ishlangan uchrashuv bo‘lib o‘tgan edi.

Mazkur yig‘ilishda belgilab berilgan topshiriqlar ijrosi yuzasidan bugun Maktabgacha va maktab ta’limi vazirligi va Respublika Ma’naviyat va ma’rifat markazi o‘rtasida yig’ilish bo’lib o‘tdi.

🔰 Unda vazir E’zoza Karimova, Markaz rahbari Otabek Xasanov va mas’ullar ishtirok etdi.

Muloqot davomida hamkorlikdagi ishlar muhokama qilinib, istiqboldagi vazifalar belgilab olindi.

➖ Xususan, bog’cha tarbiyalanuvchilari va maktab o’quvchilarini boy tarix va madaniy merosimizga ruhida tarbiyalash, ularni ma’nan barkamol insonlar qilib voyaga yetkazishda manzilli ishlash yuzasidan keyingi rejalar kelishib olindi.

✅ Bugun Maktabgacha va maktab ta’limi vazirligi huzuridagi Respublika “Kelajak” markazi tomonidan “Kichik yuraklar – Ka...
01/06/2026



✅ Bugun Maktabgacha va maktab ta’limi vazirligi huzuridagi Respublika “Kelajak” markazi tomonidan “Kichik yuraklar – Katta orzular!” nomli xayriya tadbiri tashkil etildi.

Unda vazir E’zoza Karimova ham ishtirok etib, bolajonlarni bayram bilan samimiy tabrikladi.

Tadbir davomida Respublikamizning 14 ta hududida faoliyat yuritayotgan hududiy “Kelajak” markazlari to‘garak a’zolari o‘zlarining ijodiy ishlarini taqdimot qilishdi.

Shuningdek, bolajonlar uchun kvestlar, milliy va sport o‘yinlari, interaktiv loyihalar hamda mo‘jizaviy shoular o‘tkazildi.

Ma’lumot o‘rnida: tadbirdan tushadigan mablag‘lar murakkab teri kasalligi bilan kurashayotgan bolajonlarni qo‘llab-quvvatlovchi “Kapalak bolalar” nodavlat notijorat tashkilotiga yo‘naltiriladi.

✅ Maktabgacha va maktab ta’limi vaziri E’zoza Karimova Qoraqalpog‘iston Respublikasidagi sog‘lomlashtirish oromgohlari ...
01/06/2026



✅ Maktabgacha va maktab ta’limi vaziri E’zoza Karimova Qoraqalpog‘iston Respublikasidagi sog‘lomlashtirish oromgohlari faoliyatini o‘rgandi.

Uchrashuvlar davomida vazir Amudaryo tumani “Do‘rmon” OFY hududida joylashgan “Qaldirg‘och” oromgohida bo‘lib, bu yerda yaratilgan sharoitlar bilan yaqindan tanishdi.

Jumladan, oshxona, kutubxona, to‘garak xonalari hamda dam olish maskanlari ko‘zdan kechirildi.

➖ Ma’lumot o‘rnida: Amudaryo tumani “Do‘rmon” OFY hududidagi 84-sonli maktab binosida faoliyat yurituvchi “Qaldirg‘och” dam olish maskani 2026-yil yoz mavsumiga to‘liq tayyor holga keltirilgan.

🔰Oromgohda yozgi mavsum davomida Sport vazirligi hamda Madaniyat vazirligi bilan hamkorlikda turli ma’naviy-ma’rifiy va sport tadbirlarini tashkil etish rejalashtirilmoqda.

⏰ Birinchi mavsum 3-iyundan 15-iyungacha davom etadi hamda 12 kunlik dam olish jarayonini o‘z ichiga oladi.

📊 Mazkur maskanda har bir smenada 100 nafardan, jami 5 smenada 500 nafar bolani sog‘lomlashtirish ko‘zda tutilgan.

1-iyun — Xalqaro bolalarni himoya qilish kuni muborak bo‘lsin!Bolalik — inson umrining eng sokin, eng beg‘ubor va hech q...
01/06/2026

1-iyun — Xalqaro bolalarni himoya qilish kuni muborak bo‘lsin!

Bolalik — inson umrining eng sokin, eng beg‘ubor va hech qachon ortga qaytmaydigan oltin fasli. Bugungi sana biz kattalar uchun shunchaki bayram emas, balki qalbimizdagi eng muhim savolga javob izlash fursatidir: biz kelajagimiz egalariga qanday dunyo qoldiryapmiz?

Bolalarni himoya qilish — ularni faqatgina tashqi xavf-xatarlardan asrash degani emas. Asl himoya — ularning o‘ziga bo‘lgan ishonchini sindirmaslik, qiziqish va iqtidorini bo‘g‘maslik hamda murg‘ak qalbini tushunishdir.

Davlatimiz rahbari tomonidan yosh avlod ta’lim-tarbiyasiga, ularning har tomonlama sog‘lom, el-yurtga kamarbasta va barkamol bo‘lib voyaga yetishiga eng ustuvor vazifa sifatida e’tibor qaratilmoqda. Farzandlarimizning zamonaviy bilim olishlari hamda o‘z iqtidorlarini to‘laqonli ro‘yobga chiqarishlari uchun yaratilayotgan barcha sharoitlar va keng ko‘lamli islohotlar zamirida xuddi shu oliy maqsad mujassamdir.

Uyda, bog‘chada yoki maktabda bo‘lsin — qayerda bo‘lmasin, bolalarimizni qurshab turgan muhitni mehrga, e’tiborga va samimiyatga to‘ldiraylik. Har lahzada ularning kichik va mo‘jizaviy olamiga quloq tutib, orzulariga qanot, yiqilganida suyanchiq, xatolarida esa to‘g‘ri yo‘l ko‘rsatuvchi mayoq bo‘laylik.

Yurtimizdagi barcha bolajonlarni bugungi shodiyona bilan chin dildan tabriklayman! Osmonimiz doimo musaffo, bolalarimizning kelajagi nurli bo‘lsin. Hech bir xonadondan farzandlarning shodon va beg‘ubor kulgusi arimasin!

Hurmat bilan,
E’zoza Karimova
Maktabgacha va maktab ta’limi vaziri

Аziz yurtdoshlar!✅ Oʻzbekiston milliy terma jamoasi tarixiy natijaga erishib, futbol boʻyicha 2026-yilgi Jahon chempion...
01/06/2026



Аziz yurtdoshlar!

✅ Oʻzbekiston milliy terma jamoasi tarixiy natijaga erishib, futbol boʻyicha 2026-yilgi Jahon chempionatida ishtirok etayotganidan xabaringiz bor.

🔹 Mundialda yurtimiz sharafini himoya qiladigan futbolchilarimizni qoʻllab-quvvatlash maqsadida 208 ta tuman (shahar)lardagi belgilangan umumtaʼlim maktablarida barcha sharoitlarga ega boʻlgan “Muxlislar maydoni” loyihasi tashkil etilmoqda!

➖ Katta ekranlar orqali Oʻzbekiston milliy terma jamoasining jahon chempionatidagi oʻyinlarini jonli efirda tomosha qiling.

Ular maydonda g‘alaba uchun kurash olib boradi — biz esa tribunalarda va “Muxlislar maydoni”da ularni qoʻllab-quvvatlaymiz!

⏰ "Muxlislar maydoni" tashkil etilayotgan 208 ta maktab manzillari haqida qoʻshimcha maʻlumot beriladi.

Olgʻa, Oʻzbekiston!

✅ Buxoro viloyatidagi pedagoglarni yozgi ta’til oldidan mazmunli hordiq chiqarishlarini ta’minlash maqsadida madaniy-ma...
31/05/2026



✅ Buxoro viloyatidagi pedagoglarni yozgi ta’til oldidan mazmunli hordiq chiqarishlarini ta’minlash maqsadida madaniy-ma’rifiy sayohat tadbirlari tashkil etildi.

Unda o‘quv yilini munosib natijalar bilan yakunlagan, ta’lim-tarbiya jarayonida samarali faoliyat olib borgan maktab direktorlari hamda fidoyi pedagoglar ishtirok etdi.

Dastur doirasida dastlab ishtirokchilar uchun Toshkent shahrida madaniy-ma’rifiy bayram dasturi bo‘lib o‘tdi.

🔰 Unda taniqli san’atkorlarning kuy-qo‘shiqlari barchaga ko‘tarinki kayfiyat ulashdi.

📍 Sayohatning ikkinchi kunida ustozlar Islom sivilizatsiya markazi faoliyati bilan yaqindan tanishdilar.

➖ Shuningdek, sayohat dasturi doirasida Maktabgacha va maktab ta’limi vaziri o‘rinbosari Farhod Boqiyev pedagoglar bilan muloqot qildi.

🔹 Unda mamlakatimizda ta’lim sohasida amalga oshirilayotgan islohotlar, pedagoglarni har tomonlama qo‘llab-quvvatlash, ularning kasbiy va shaxsiy rivojlanishi uchun yaratilayotgan imkoniyatlar haqida fikr almashildi.

Hurmatli yurtdoshlar! Aziz hamkasblar!Maktabgacha va maktab ta'limi vazirligi jamoasi barchangizni bugungi mehr-oqibat v...
27/05/2026

Hurmatli yurtdoshlar!
Aziz hamkasblar!

Maktabgacha va maktab ta'limi vazirligi jamoasi barchangizni bugungi mehr-oqibat va shukronalik ayyomi — muborak Qurbon hayiti bayrami bilan samimiy muborakbod etadi.

Ushbu qutlug‘ ayyom barchamizni ezgulikka, inson qadrini ulug‘lashga, o‘zaro hurmat va hamjihatlikni yanada mustahkamlashga chorlaydi.

Ayniqsa, xalqimizga xos mehr-muruvvat, yaxshilik va shukronalik kabi azaliy qadriyatlar bugungi k***a yanada yorqin namoyon bo‘lmoqda.

Mana shunday muborak kunlarda sizlarga mustahkam sog’lik-salomatlik, oilalaringizga qut-baraka va ezgu niyatlaringiz ijobatini tilab qolamiz!

Qurbon hayiti ayyomi barchangizga muborak bo‘lsin!

Address

Navoiy Ko`chasi-2A
Tashkent

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+998712020909

Website

Alerts

Be the first to know and let us send you an email when Maktabgacha va maktab ta’limi vazirligi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Maktabgacha va maktab ta’limi vazirligi:

Shortcuts

Share

Category