Maqsadli jamg‘arma

Maqsadli jamg‘arma Contact information, map and directions, contact form, opening hours, services, ratings, photos, videos and announcements from Maqsadli jamg‘arma, Government Organization, Qoratosh ko'chasi, 1-uy, Tashkent.

O‘zbekiston Respublikasi Kambag‘allikni qisqartirish davlat maqsadli jamg‘armasi
——————————
Государственный целевой фонд по сокращению бедности Республики Узбекистан

01/06/2026

✨ Barcha bolajonlarni bayram bilan tabriklaymiz!

Har biringiz mehr-muhabbat, g‘amxo‘rlik va e’tibor og‘ushida voyaga yetishingizni, sog‘lom, baxtli va bilimli bo‘lib ulg‘ayishingizni tilaymiz. 😊

Zero, bolalar – hayotimizning davomchilari, jamiyatimizning eng katta boyligi va Vatanimiz kelajagining bunyodkorlaridir.

Bayramingiz muborak bo‘lsin! 🎉

🌙 Kambagʻallikni qisqartirish davlat maqsadli jamgʻarmasi jamoasi Qurbon hayiti bilan tabriklaydi! Ushbu ulug' ayyom me...
27/05/2026

🌙 Kambagʻallikni qisqartirish davlat maqsadli jamgʻarmasi jamoasi Qurbon hayiti bilan tabriklaydi!

Ushbu ulug' ayyom mehr-oqibat, saxovat hamda insonparvarlik qadriyatlarini yanada yuksaltirib, qalblarimizni ezgu niyatlar bilan to'ldirsin!✨

🎉 Bayramning fayzi va shukuhi yil davomida yurtimizni va har bir xonadonni tark etmasin.

Ayyomni oila davrasida xush kayfiyatda o‘tkazishingizni tilaymiz! 😊

📢 FOIZSIZ SSUDA KIMLARGA BERILADI?Kambagʻallikni qisqartirish davlat maqsadli jamgʻarmasi hisobidan foizsiz ssudalar quy...
27/05/2026

📢 FOIZSIZ SSUDA KIMLARGA BERILADI?

Kambagʻallikni qisqartirish davlat maqsadli jamgʻarmasi hisobidan foizsiz ssudalar quyidagi toifadagi fuqarolarga ajratiladi 👇

🔹 “Ijtimoiy reyestr”ga kiritilgan oila a’zolari:
Kasb-hunarini daromad manbaiga aylantirmoqchi bo‘lgan fuqarolar tikuv mashinasi, payvandlash uskunasi, sartaroshlik jihozlari, pazandachilik anjomlari va boshqa kerakli asbob-uskunalarni xarid qilish uchun ssuda olishlari mumkin.

🔹 “Ijtimoiy reyestr”dagi oilalar:
Tomorqadan samarali foydalanish maqsadida quduq qazish, suv nasosi o‘rnatish, tomchilatib sug‘orish tizimini tashkil etish hamda elektr tarmoqlari tortish uchun ssuda ajratiladi.

🔹 Pilla yetishtiruvchi kasanachilar:
Ipak qurti parvarishi bilan shug‘ullanuvchi fuqarolar zarur asbob-uskunalarni xarid qilish uchun ssuda olish imkoniyatiga ega.

🔹 Tadbirkorlik subyektlari:
Kamida 10 nafar ishsiz yoki “Ijtimoiy reyestr”dagi fuqarolarni kasanachi sifatida ish bilan ta’minlagan tadbirkorlarga aylanma mablag‘larini to‘ldirish uchun ssuda beriladi.

📌 Muhim ma’lumot:
Ssuda mablag‘lari naqd pul ko‘rinishida berilmaydi. Kerakli uskuna va jihozlar davlat, fuqaro va yetkazib beruvchi o‘rtasidagi 3 tomonlama shartnoma asosida xarid qilib beriladi.

📝 Murojaat qilish uchun:
O'zingiz yashab turgan mahalladagi hokim yordamchisiga murojaat qilasiz va "Onlayn-mahalla.uz" elektron platformasi orqali onlayn ariza yuborishingiz mumkin.

🔝 Do'stlaringizga ham bu foydali ma'lumotni ulashing!

Batafsil ma’lumot uchun:
💬 Telegram:
☎️ +998 71 238-6900 (ichki raqam 3359)

📣 “Eng faol hokim yordamchisi” tanlovi yakunlari e’lon qilamiz!Kuni kecha Kambag‘allikni qisqartirish davlat maqsadli ja...
14/05/2026

📣 “Eng faol hokim yordamchisi” tanlovi yakunlari e’lon qilamiz!

Kuni kecha Kambag‘allikni qisqartirish davlat maqsadli jamg‘armasi tashabbusi bilan tashkil etilgan “Eng faol hokim yordamchisi” tanlovi yakuniga yetdi.

Mazkur tanlov kam ta’minlangan oilalarning bandligini ta’minlash, ularni tadbirkorlik faoliyatiga jalb etish hamda hududlarda subsidiya, ssuda va grant ajratish jarayonida faol ishtirok etib kelayotgan, jamoatchilik e’tirofiga sazovor bo‘lgan hokim yordamchilarini aniqlash va rag‘batlantirish maqsadida o‘tkazildi.

🏆 Tanlov natijalariga ko‘ra quyidagi MFY hokim yordamchilari yuqori natijalarni qayd etdilar:

1. Toshkent shahri, Yangihayot tumani, Yorqinhayot MFY.
2. Toshkent shahri, Olmazor tumani, Quyosh MFY.
3. Surxondaryo viloyati, Sariosiyo tumani, Ehtirom MFY.
4. Surxondaryo viloyati, Sariosiyo tumani, Boysunobod MFY.
5. Namangan viloyati, To‘raqo‘rg‘on tumani, Qashqarguzar MFY.
6. Andijon viloyati, Xo‘jaobod tumani, Shaxrixonsoy MFY.
7. Namangan viloyati, To‘raqo‘rg‘on tumani, Bekobod MFY.
8. Farg‘ona viloyati, So‘x tumani, Lenbur MFY.
9. Toshkent shahri, Yashnobod tumani, Donishmand MFY.
10. Surxondaryo viloyati, Uzun tumani, Fayzobod MFY.

Ularning kambag‘allikni qisqartirish, aholi bandligini oshirish hamda tadbirkorlikni rivojlantirish yo‘nalishidagi tashabbuskor va samarali faoliyati alohida e’tirof etiladi.

✨ Kambag‘allikni qisqartirish davlat maqsadli jamg‘armasi jamoasi ikkinchi jahon urushi qatnashchilari, mehnat faxriylar...
09/05/2026

✨ Kambag‘allikni qisqartirish davlat maqsadli jamg‘armasi jamoasi ikkinchi jahon urushi qatnashchilari, mehnat faxriylari hamda yurtdoshlarimizni 9-may Xotira va qadrlash kuni bilan tabriklaydi!

Insoniyat tarixidagi dahshatli urush va front ortida jasorat ko'rsatgan, bugungi osoyishta kunlarimiz sababchisi bo'lgan ota-bobolarimizga, ularning yorqin xotirasiga chuqur hurmat va ehtirom bildiramiz!

🇺🇿 Yangi O‘zbekistonimizda tinchlik va osoyishtalikning umri boqiy bo‘lsin!

🐛 Ipak qurtini parvarish qilish uchun zarur asbob-uskunalarni xarid qilishda foizsiz ssuda olish imkoniyati mavjud.Bunin...
06/05/2026

🐛 Ipak qurtini parvarish qilish uchun zarur asbob-uskunalarni xarid qilishda foizsiz ssuda olish imkoniyati mavjud.

Buning uchun hokim yordamchisiga murojaat qilib Online-mahalla.uz platformasi orqali ariza topshirishingiz kifoya.

💰 Ssuda shartlari qanday?
• Miqdori – bazaviy hisoblash miqdorining 50 baravarigacha.
• Muddati – 3 yilgacha (ssudani qaytarish sharti bilan).
• Foiz stavkasi – 0%.

📝 Kimlar olishi mumkin va qanday majburiyat bor?
• Pilla klasteri va kasanachilar o‘rtasida shartnoma mavjud bo‘lgan holatda, ushbu imkoniyatdan foydalanishlari mumkin.
• Ssuda olgan shaxs 3 yil davomida pilla yetishtirish majburiyatini oladi.

⚙️ Jarayon qanday kechadi?
• Hokim yordamchisi 3 ish kuni ichida taqdim qilingan maʼlumotlarni oʻrganish uchun skoring tizimiga yuboradi.
• Skoring natijasi Ijobiy bo‘lsa, “Mahalla yettiligi” joyiga chiqib holatni o‘rganadi va qaror qabul qiladi.
• Tasdiqlangach, 15 ish kuni ichida shartnoma tuzilib, uskunalar xarid qilinadi va yetkazib beriladi.

Batafsil ma’lumot uchun:
💬 Telegram: https://t.me/KQDMJ_chatbot
☎️ +998 71 238-6900 (ichki raqam 3359)

🇺🇿 Ipakchilikni yangi tizim asosida rivojlantirish hamda ozuqa bazasini mustahkamlashga doir qo‘shimcha chora-tadbirlar ...
06/05/2026

🇺🇿 Ipakchilikni yangi tizim asosida rivojlantirish hamda ozuqa bazasini mustahkamlashga doir qo‘shimcha chora-tadbirlar to‘g‘risida Prezident qarori (PQ–87, 06.03.2026 y.) qabul qilindi.

✍️ Qarorga muvofiq, 2026-yil, 1-aprelidan boshlab quyidagilar joriy etildi:

💸 Ipak qurti boquvchi va kasanachilarga “Mahalla yettiligi”ning kollegial qarori asosida, pillachilik klasterlari tomonidan yetishtirilgan pilla uchun to‘langan mablag‘larning 35 foizi miqdorida subsidiya ajratiladi.

🌳 O‘rmon va yashil hududlarni ko‘paytirish hamda cho‘llanishga qarshi kurashish agentligi (O‘rmon agentligi) balansidagi yer maydonlarida tashkil etiladigan tutzorlar va pillachilik kooperativlari doirasida kam ta’minlangan oilalarga (bir oilaning bir nafar a’zoga, faqat bir martalik) 4 mln so‘mgacha subsidiya beriladi.

🐛 Ipak qurti parvarishi uchun zarur bo‘lgan asbob-uskunalar va jihozlarni xarid qilish maqsadida kasanachilarga 3 yil muddatga BHMning 50 baravarigacha miqdorda foizsiz ssuda ajratiladi.

🌱 Urug‘chilik korxonalarida ipak qurti urug‘larini tayyorlash jarayoniga jalb etiladigan mavsumiy ishchilarning ish haqi 50 foizgacha, biroq mehnatga haq to‘lashning eng kam miqdorining 2 baravaridan oshmagan qismi kompensatsiya qilinadi.

👉 Rasmiy kanallarimizga obuna bo‘ling va so‘nggi yangiliklardan xabardor bo‘lib boring.

📣 Kambag‘allikni qisqartirish davlat maqsadli jamg‘armasi tomonidan jamoatchilik e’tirofiga sazovor bo‘lgan hokim yordam...
01/05/2026

📣 Kambag‘allikni qisqartirish davlat maqsadli jamg‘armasi tomonidan jamoatchilik e’tirofiga sazovor bo‘lgan hokim yordamchilari uchun ikkinchi tanlov e’lon qilindi.

Tanlov kambag‘al oilalarga ssuda, subsidiya va grant mablag‘larini ajratish hamda shu orqali ularning bandligini ta’minlash yo‘nalishida samarali faoliyat olib borayotgan hokim yordamchilarini aniqlashga qaratilgan.

⌛️ Mazkur tanlov 1-may sanasida boshlanadi va 10-may kuni soat 15:00 ga qadar davom etadi.

📝 Tanlov yakunlariga ko‘ra, eng faol 10 nafar hokim yordamchisi g‘olib deb topiladi.

🏆 Tanlov g‘oliblari Kambag‘allikni qisqartirish davlat maqsadli jamg‘armasi direktori tomonidan munosib ravishda taqdirlanadi.

Hokim yordamchilariga ovoz berish:👇
https://t.me/mahallamiz_uchun_bot

📌 Ma’lumot uchun: tanlovning birinchi bosqichida 10 nafar faol hokim yordamchilari munosib taqdirlangan edi.
Havola: https://t.me/maqsadlijamgarma/104

⚡️ Korrupsiyaga qarshi birgalikda kurashamiz!Kambag‘allikni qisqartirish davlat maqsadli jamg‘armasi faoliyatida shaffof...
29/04/2026

⚡️ Korrupsiyaga qarshi birgalikda kurashamiz!

Kambag‘allikni qisqartirish davlat maqsadli jamg‘armasi faoliyatida shaffoflikni ta’minlash hamda korrupsion holatlarning oldini olish maqsadida tashkil etilgan AntiKor Telegram boti doimiy ishchi holatda.

AntiKor botning afzalliklari:
🔹 Murojaatlar 24/7 rejimida qabul qilinadi;
🔹 Shaxsni oshkor qilgan holda yoki butunlay anonim tarzda murojaat qilish mumkin;
🔹 Har bir murojaat Jamg‘arma ma’muriyati tomonidan nazoratga olinadi;
🔹 Hokim yordamchilari tomonidan sodir etilishi mumkin bo‘lgan noqonuniy talablar, manfaatdorlik holatlari yoki korrupsion xatti-harakatlar yuzasidan ham qat’iy choralar ko‘riladi.

❗️ Korrupsiyaga befarq bo‘lmaylik!

Murojaat uchun:
AntiKor Telegram boti 👇
https://t.me/Jamgarma_antikor_bot

☎️ +998 71 2386900 (3359 ichki raqam)

👉 Subsidiya, ssuda va grantni bir-biridan qanday ajratish mumkin?O‘zbekiston Respublikasi Vazirlar Mahkamasining 2025-yi...
21/04/2026

👉 Subsidiya, ssuda va grantni bir-biridan qanday ajratish mumkin?

O‘zbekiston Respublikasi Vazirlar Mahkamasining 2025-yil 11-martdagi "Kambag‘allikni qisqartirish davlat maqsadli jamg‘armasi faoliyatini tashkil etish chora-tadbirlari to‘g‘risida"gi 158 qaroriga asosan:

🔹 Subsidiya – kambag‘allikni qisqartirish, bandlikni rag‘batlantirish va tadbirkorlikka jalb etish uchun Jamg‘arma mablag‘lari hisobidan jismoniy va yuridik shaxslarga qaytarib bermaslik sharti bilan beriladigan foizsiz moliyaviy ko‘mak;

🔹 Ssuda – kambag‘allikni qisqartirish, bandlikni rag‘batlantirish va tadbirkorlikka jalb etish va uni rivojlantirish uchun Jamg‘arma mablag‘lari hisobidan ko‘rsatiladigan jismoniy va yuridik shaxslarga qaytarib berish sharti bilan beriladigan moliyaviy ko‘mak;

🔹 Grant – kambag‘allikni qisqartirish, bandlikni rag‘batlantirish va tadbirkorlikka jalb etish uchun Jamg‘arma mablag‘lari hisobidan pul va natura ko‘rinishida ilmiy tadqiqot va tajriba-konstruktorlik ishlari, o‘qish uchun ko‘rsatiladigan jismoniy va yuridik shaxslarga qaytarib bermaslik sharti bilan beriladigan moliyaviy ko‘mak.

Batafsil ma’lumot uchun:
💬 Telegram:
☎️ +998 71 238-6900 (ichki raqam 3359)

Address

Qoratosh Ko'chasi, 1-uy
Tashkent
100027

Telephone

+998200030990

Website

Alerts

Be the first to know and let us send you an email when Maqsadli jamg‘arma posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Maqsadli jamg‘arma:

Shortcuts

Share

Category