A.Avloniy nomidagi MTI

03/06/2026

Vazir jamgʻarmasi hisobidan ustama toʻlanadigan pedagoglarni aniqlash uchun oʻtkazilayotgan saralash sinovlarining 2-bosqich suhbat jarayonlarida ishtirokchi ustozlar fikri bilan qiziqdik.

Suhbat jarayonlari 2026-yil 2–6-iyun kunlari A.Avloniy nomidagi pedagogik mahorat milliy instituti hamda hududiy pedagogik mahorat markazlari mas’ulligida o‘tkazilmoqda.

02/06/2026

Yakuniy sinovdagi taqdimot mavzuingizni dolzarbligi nimada?

Kursning yakuniy imtihonlari to‘g‘risida fikringiz?

Yuqoridagi kabi savollar bilan menejerlik o‘quv kurs tinglovchilariga yuzlandik. Video lavhada tinglovchilar fikrlarini kuzatishingiz mumkin.

02/06/2026

Bitiruvchilarning xalqaro grant va stipendiya dasturlarida ishtirokini qo‘llab-quvvatlash tizimini rivojlantirishda nimalarga ahamiyat qaratish lozim?

O‘quvchi, ota-ona va o‘qituvchi o‘rtasidagi muloqotni mustahkamlashda “Maktab maslahatchisi”ning o‘rni qanday?
Bugun institutda may oyida tashkil etilgan menejerlik o‘quv kursi tinglovchilarining yakuniy sinovlari o‘tkazilmoqda.

Yakuniy sinovlarning amaliy topshiriqlarida tinglovchilar yuqoridagi kabi savollarga yechim topadigan mavzularda tadqiqot ishini himoya qilmoqdalar.

02/06/2026

Bugun Maktabgacha va maktab taʼlimi vaziri jamgʻarmasi hisobidan ustama toʻlanadigan pedagoglarni aniqlash uchun oʻtkaziladigan saralash sinovlari 2-bosqichi – kasbiy mahoratni baholash boʻyicha suhbat oʻtkazish jarayonlari boshlandi.

➖ Bunda nomzodlar tasodifiy tanlangan 4 ta savol boʻyicha maksimal 20 ballik tizim asosida, har bir nomzod baholash mezonlarining har bir bandi boʻyicha alohida-alohida baholanadi.

➖ Har bir nomzod bilan suhbat oʻtkazish uchun 12 daqiqa vaqt ajratiladi.

Eslatma: suhbat jarayonlari quyidagi manzillarda oʻtkazilmoqda.

01/06/2026

1-iyun — Xalqaro bolalarni himoya qilish kuni muborak bo‘lsin!

Inson umrining eng beg‘ubor, baxtli xotiralari aks etadigan davri bolalikdir.

Siz, biz, barchamiz albatta o‘sha shirin bolalikka bir zum bo‘lsa-da qaytishni istaymiz. Bolaligimizni iliq xotiralar bilan eslaymiz. Bugun esa biz kattalar farzandlarimiz, kelajak avlodimiz uchun ham ana shunday shirin bolalik davrini yaratishimiz lozim.

Ko‘zimiz quvonchi, ertamiz egalari bo‘lgan bolajonlarni asrab-avaylash, ularga munosib ta’lim-tarbiya berish har bir ota-ona, har bir pedagog va ustozning, ya’ni barchamizning burchimizdir.

Bolalarni himoya qilish, ularning ta’lim olish samaradorligini oshirish va kamoloti uchun qulay muhit yaratishda tizimdagi har birimiz mas’ulmiz. Bu esa davlat taraqqiyotini belgilovchi eng muhim omillardan sanaladi.

Hurmatli ustozlarimizga yurt kelajagi, bolalarning ta’lim-tarbiyasidek mas’uliyatli va sharafli faoliyatida kuch-g‘ayrat tilaymiz.

Yurtimizdagi barcha bolajonlarni 1-iyun — Xalqaro bolalarni himoya qilish kuni bilan samimiy qutlaymiz!

Bugungi imkoniyatlardan unumli foydalanib, ta’lim-tarbiya olishsin, doimo ota-onalari bag‘rida mehr va muhabbatga to‘yib ulg‘ayishsin. Davlat himoyasini har dam his etib, ko‘zlari doimo baxtdan yonib turishsin.

Bayram muborak bo‘lsin, aziz bolajonlar!

28/05/2026

Maktabgacha va maktab taʼlimi tizimi pedagog-xodimlari Fransiyada malaka oshirmoqda

Fransiyaning Francophonia til markazi bilan tuzilgan oʻzaro anglashuv memorandum doirasida tashkil etilgan malaka oshirish kurslarida Maktabgacha va maktab taʼlimi vazirligi, A.Avloniy nomidagi institut, Maktabgacha va maktab taʼlimi tizimidagi hududiy boshqarmalar va hududiy pedagogik mahorat markazlaridan jami 25 nafar pedagog-xodimlar ishtirok etmoqda.
Fransiyalik professor-o‘qituvchilar tomonidan olib borilayotgan mazkur dastur pedagog va rahbar kadrlarning xalqaro darajadagi kasbiy kompetensiyalarini rivojlantirishga qaratilgan.

Malaka oshirish kurslarida pedagog va rahbar kadrlarning boshqaruv, metodik hamda kommunikativ kompetensiyalarini rivojlantirish, uzluksiz kasbiy rivojlanish (CPD) tizimini xalqaro standartlar asosida takomillashtirish, zamonaviy pedagogik metodologiyalar hamda innovatsion texnologiyalarni ta‘lim jarayoniga joriy etish masalalariga alohida e‘tibor qaratilmoqda.
Shuningdek, kurslar doirasida “Master trainer” va “Formateurs de formateurs” modellari asosida trenerlar tayyorlash tizimini rivojlantirish, sun‘iy intellekt asosidagi raqamli yordamchilarni ta‘lim tizimiga integratsiya qilish hamda O‘zbekiston va Fransiya o‘rtasidagi akademik almashinuv, ilmiy hamkorlikni kengaytirish bo‘yicha amaliy mashg‘ulotlar tashkil etilmoqda.
Ma‘lumot uchun, joriy yilning fevral–mart oylarida ham Francophonia markazida 50 nafar rahbar va pedagog kadrlar uchun malaka oshirish kurslari tashkil etilgan edi.

28/05/2026

Shenyan pedagogika universiteti bilan Institut rahbariyati o‘rtasida onlayn uchrashuv tashkil etildi.

Muloqot davomida ikki tomonlama hamkorlikni rivojlantirish, pedagoglarning uzluksiz kasbiy rivojlanishi boʻyicha ilgʻor tajribalarni o‘rganish hamda zamonaviy yondashuvlarni joriy etish yuzasidan fikr almashildi.

Shuningdek, kelgusidagi hamkorlik rejalari, raqamli ta’lim va sun’iy intellekt texnologiyalarini ta’lim jarayoniga integratsiya qilish, pedagoglarning raqamli kompetensiyalarini rivojlantirish, seminar-trening va workshoplar tashkil etish hamda ushbu yo‘nalishlarda tajriba almashish masalalari ko‘rib chiqildi.

Bundan tashqari, kelgusida Xitoyga amalga oshiriladigan tashrif davomida umumta’lim muassasalari faoliyati, dars jarayonlari hamda ta’limni tashkil etish mexanizmlari bilan yaqindan tanishish bo‘yicha takliflar bildirildi.

Uchrashuv yakunida tomonlar o‘rtasida o’zaro Anglashuv memorandumi (MoU) loyihasini ishlab chiqish hamda istiqbolli qo‘shma loyihalarni amalga oshirish bo‘yicha kelishuvga erishildi.

25/05/2026

Bugun A.Avloniy nomidagi institut rahbariyati va xodimlari ham xizmat avtotransport vositalaridan foydalanmagan holda ish joyiga jamoat transporti hamda boshqa muqobil harakatlanish vositalarida yetib kelib, “Avtomobilsiz kun” aksiyasi tashabbusida faol ishtirok etdilar.

25/05/2026

24/05/2026

A.Avloniy nomidagi institut o‘qituvchisi Xitoyda malaka oshirmoqda

Institutning “Boshlang’ich ta’lim va filologiya fanlari metodikasi” kafedrasi o‘qituvchisi Maftuna Xidirova Xitoyning Pekin shahrida joylashgan Xalqaro Iqtisodiyot va Biznes Universitetida “The future of Tesol/Tefl in Asian countries” mavzusida tashkil etilgan malaka oshirish kursida ishtirok etmoqda.

Kurslarda xorijiy tilni o‘qitishda Xitoy tajribasi, sinfni boshqarish, xorijiy til ko‘nikmalarini baholash usullari va xorijiy til o‘qituvchilarini tayyorlash kabi mavzular doirasida bilim-ko‘nikmalar berilmoqda.