O'zbekiston Respublikasi Prezidenti huzuridagi Biznes ombudsman

O'zbekiston Respublikasi Prezidenti huzuridagi Biznes ombudsman Tadbirkorlik subʼektlarining huquqlari va qonuniy manfaatlarini himoya qilish boʼyicha vakil

Бизнес-омбудсман институти 2017 йилда Президент Шавкат Мирзиёевнинг ташаббуси билан ташкил этилган. Бизнес-омбудсман ўз ваколатларини мустақил равишда амалга ошириб, ўз фаолиятида Ўзбекистон Республикаси Президентига ҳисобот беради.

Бизнес-омбудсман қуйидаги ваколатларга эга:
- тадбиркорлик субъектларининг ҳуқуқлари ва қонуний манфаатларига риоя этилишига доир қонунчиликнинг давлат органлари томо

нидан оғишмай ижро этилишини ўрганиш;
- тадбиркорларнинг фаолиятидаги текширувларнинг қонунийлиги мониторингини амалга ошириш;
- тадбиркорларнинг ҳуқуқлари ва қонуний манфаатларига риоя этилишига доир қонунчиликнинг бузилишига йўл қўйилмаслиги тўғрисида давлат органларининг ҳамда бошқа ташкилотларнинг мансабдор шахсларига ёзма равишда огоҳлантиришлар эълон қилиш;
- аниқланган қонунбузилишларни бартараф этиш тўғрисида давлат органларининг ва бошқа ташкилотларнинг раҳбарларига бажарилиши мажбурий бўлган тақдимномалар киритиш;
- тадбиркорларнинг манфаатларида аризалар, даъволар ва шикоятлар билан судларга давлат божи тўламасдан мурожаат этиш;
- давлат даромадига ундиришни назарда тутувчи ижро ҳужжатлари бўйича ижрони қарздор тадбиркорлик субъектларининг манфаатларини кўзлаб кечиктириш ёки бўлиб-бўлиб ижро этиш тўғрисидаги ариза билан ижро ҳужжатини берган судга ёки бошқа органга мурожаат қилиш;
- маъмурий ҳуқуқбузарликлар тўғрисида баённомалар тузиш.


Боғланиш учун
Тел.: 71 202-08-97
Э-почта: [email protected]


Ижтимоий тармоқлардаги саҳифалар
Вебсайт: http://www.biznesvakil.uz
Телеграм: https://t.me/biznes_ombudsman
Инстаграм: http://instagram.com/biznes_ombudsman
Youtube: https://www.youtube.com/channel/UCI9e4XZYtGq8txTgix02Ojw

Biznes-ombudsman va “BMT Ayollar” tuzilmasi hamkorligida ayollar tadbirkorligini qo‘llab-quvvatlash bo‘yicha choralar be...
03/06/2026

Biznes-ombudsman va “BMT Ayollar” tuzilmasi hamkorligida ayollar tadbirkorligini qo‘llab-quvvatlash bo‘yicha choralar belgilab olindi

Bugun, 3-iyun kuni Biznes-ombudsman Abdumannop Buriyev “BMT Ayollar” tashkilotining Markaziy Osiyo bo‘yicha vakolatxonasi rahbari Cheren Gyuven Gyuresh xonim bilan uchrashdi.

Uchrashuvdan ko‘zlangan asosiy maqsad – mamlakatimizda xotin-qizlar tadbirkorligini qo‘llab-quvvatlash, ularning iqtisodiy imkoniyatlari va huquqiy savodxonligini kengaytirish bo‘yicha istiqbolli hamkorlik yo‘nalishlarini muhokama qilishdan iborat bo‘ldi.

Muloqot davomida Biznes-ombudsman va “BMT Ayollar” tuzilmasi hamkorligida ayollar tadbirkorligini qo‘llab-quvvatlash bo‘yicha choralar belgilab olindi.

“Xotin-qizlar mamlakatimiz iqtisodiyotini yanada rivojlantirish uchun muhim resurs hisoblanadi. Ularning tadbirkorlik salohiyatini ro‘yobga chiqarish nafaqat ijtimoiy adolat masalasi, balki barqaror iqtisodiy o‘sishning muhim omilidir”, – deya ta’kidladi Abdumannop Buriyev.

Jahon bankining 2026-yilgi “Ayollar, biznes va qonun” indeksi hisobotida O‘zbekiston o‘z o‘rnini 43 pog‘onaga yaxshilab, 190 ta davlat orasida 48-o‘rinni egalladi. Mamlakatimiz ayollarning iqtisodiy faoliyatini qo‘llab-quvvatlash yo‘nalishida top-5 davlat qatoridan joy oldi.

Biznes-ombudsman tomonidan tadbirkor xotin-qizlardan kelib tushgan 1100 ta murojaat atroflicha ko‘rib chiqildi. Ularning 548 tasi ijobiy hal etilgan bo‘lsa, qolgan 552 tasi bo‘yicha tadbirkorlik faoliyatiga oid masalalarda tegishli huquqiy tushuntirishlar berildi.

Uchrashuv yakunida tomonlar belgilangan loyihalarni hayotga tatbiq etish orqali hududlardagi xotin-qizlar uchun yangi imkoniyatlar yaratish va ularning barqaror daromad manbalarini shakllantirishga kelishib oldilar.

Tadbirkorlar bilan ochiq muloqot boshlandi Ayni vaqtda Sirdaryo viloyati Guliston shahrida joylashgan “Tadbirkorlar va H...
03/06/2026

Tadbirkorlar bilan ochiq muloqot boshlandi

Ayni vaqtda Sirdaryo viloyati Guliston shahrida joylashgan “Tadbirkorlar va Hunarmandalar” markazi binosida kichik va o‘rta biznes subyektlari ishtirokida navbatdagi ochiq muloqot bo‘lib o‘tmoqda.

Tadbirda Biznes-ombudsman devoni, Savdo-sanoat palatasi hamda Sirdaryo viloyati hokimligi vakillari ishtirok etmoqda.

📞Tadbirkorlar 1100 yoki 1094 qisqa raqamlariga qo‘ng‘iroq qilib yoki orqali murojaat qilishlari mumkin!

TOP-10: O‘zbekistonning eng yirik savdo hamkor davlatlariMilliy statistika qo‘mitasi ma’lumotlariga ko‘ra, 2026-yilning ...
03/06/2026

TOP-10: O‘zbekistonning eng yirik savdo hamkor davlatlari

Milliy statistika qo‘mitasi ma’lumotlariga ko‘ra, 2026-yilning yanvar-aprel oylarida O‘zbekistonning tashqi savdo aylanmasi 26,3 mlrd AQSh dollarini tashkil etdi.

Mazkur davrda O‘zbekiston tashqi savdo aylanmasidagi TOP-10 davlatlar:

Xitoy – 6,2 mlrd AQSh dollari;

Rossiya Federatsiyasi – 4,5 mlrd AQSh dollari;

Qozog‘iston – 1,8 mlrd AQSh dollari;

Turkiya – 920,6 mln AQSh dollari;

Afg‘oniston – 728,2 mln AQSh dollari;

Koreya Respublikasi – 638,3 mln AQSh dollari;

BAA – 626,7 mln AQSh dollari;

Fransiya – 618,1 mln AQSh dollari;

Germaniya – 411,6 mln AQSh dollari;

Hindiston – 406,4 mln AQSh dollari.

Noqonuniy undirilgan mablag‘lar tadbirkorga qaytarildi Andijon viloyatida faoliyat yurituvchi “U.” ishlab chiqarish koop...
03/06/2026

Noqonuniy undirilgan mablag‘lar tadbirkorga qaytarildi

Andijon viloyatida faoliyat yurituvchi “U.” ishlab chiqarish kooperativi rahbari bank tomonidan o‘z hisob raqamidan mablag‘lar noqonuniy va ortiqcha yechib olinganidan norozi bo‘lib Biznes-ombudsmanga murojaat qildi.

Aniqlanishicha, Andijon bank xizmatlari ofisi va “U.” ishlab chiqarish kooperativi o‘rtasida tuzilgan kredit shartnomasiga asosan, yillik 21 foiz ustama to‘lash sharti bilan 60 oy muddatga quyon va quyon qafaslari sotib olish maqsadida 200 million so‘m kredit mablag‘i ajratilgan.

Korxona tomonidan olingan kredit majburiyatlarini qaytarish grafigiga asosan mablag‘lar o‘z vaqtida to‘lanmagani sababli, bank qarzdorlikni undirish bo‘yicha sudga da’vo arizasi kiritgan. Bo‘ston tumanlararo iqtisodiy sudining hal qiluv qarori bilan bankning da’vo talabi qanoatlantirilgan. Biroq bank tomonidan sud qarori chiqqanidan keyin ham asossiz ravishda foiz hisoblash davom ettirilgan.

Biznes-ombudsman xodimlari tomonidan ko‘rilgan choralar natijasida, sud qarori chiqarilgan sanadan boshlab kredit uchun noqonuniy hisoblangan hamda ortiqcha undirilgan 16 million so‘mdan ziyod pul mablag‘lari tadbirkorga to‘liq qaytarilishi ta’minlandi va murojaat ijobiy hal etildi.

Ozodlikdan mahrum etilgan tadbirkorga qo‘llanilgan jarimalar bekor qilindi Jizzax viloyatida faoliyat yurituvchi “A.A.” ...
02/06/2026

Ozodlikdan mahrum etilgan tadbirkorga qo‘llanilgan jarimalar bekor qilindi

Jizzax viloyatida faoliyat yurituvchi “A.A.” MChJ rahbari “S.B.” soliq organining ma’muriy jazo qo‘llash haqidagi qarorlaridan norozi bo‘lib, Biznes-ombudsmanga murojaat qildi.

Aniqlanishicha, Jinoyat ishlari bo‘yicha Mirzacho‘l tuman sudining 24.07.2024-yildagi hukmi bilan “S.B.”ga nisbatan ozodlikdan mahrum qilish jazosi tayinlangan. Shunga qaramay, Sharof Rashidov tuman soliq inspeksiyasi tomonidan tadbirkor jazoni o‘tayotgan davrda (2024–2025-yillarnig turli davrlarida) soliq hisobotlarini o‘z vaqtida taqdim etmaganlikda ayblanib, MJtKning 175-moddasi 2-qismi bilan jami 27 ta ma’muriy jarima qo‘llanilgan.

Biznes-ombudsman devoni xodimlari tomonidan mazkur holat o‘rganib chiqilganda, jazoni ijro etish muassasasida bo‘lgan tadbirkorga nisbatan hisobot topshirmaganlik uchun jarima solish qonunchilikka zid ekanligi aniqlandi.

Biznes-ombudsman tomonidan Jizzax viloyat soliq boshqarmasiga maʼmuriy huquqbuzarlik hodisasi yoki alomati yoʻqligi sababli O‘zbekistin Respublikasi MJTKning 271-moddasi 1-bandiga asoslanib Xulosalar kiritildi. Natijada Sharof Rashidov tuman soliq inspeksiyasi tomonidan qabul qilgan jami 27 ta qarorlar bekor qilinib, tadbirkorga asossiz qo‘llanilgan 95 million so‘mlik jarimalar bekor qilinishi ta’minlandi.

Biznes-ombudsman yordamida tadbirkorning 4 yillik muammosi hal etildi Namangan viloyatida faoliyat yurituvchi “A.O.M.S” ...
02/06/2026

Biznes-ombudsman yordamida tadbirkorning 4 yillik muammosi hal etildi

Namangan viloyatida faoliyat yurituvchi “A.O.M.S” MChJ rahbari Biznes-ombudsmanga murojaati qildi.

Aniqlanishicha, jamiyat tomonidan avtomobillarga yoqilg‘i quyish shahobchasi (AYOQSh) qurilishini yakunlash va uni ishga tushirish uchun vakolatli organ tomonidan texnik shartlar muddatini uzaytirib berish ishlari bir necha yillardan buyon kechiktirib kelingan.

Vakil devoni holatni o‘rganishi natijasida tadbirkorning qonuniy huquqlari tiklandi. AYOQSH faoliyatini yuritish uchun tegishli tartibda rasmiylashtirilgan texnik shartlar muddati uzaytirilib, qurilishni yakunlashga to‘siq bo‘layotgan holatlar bartaraf qilindi.

Muammoning ijobiy yechim topishi natijasida hududda aholining yoqilg‘iga bo‘lgan ehtiyojini ta’minlash yaxshilanishi bilan birga, 10 dan ortiq yangi ish o‘rinlari yaratilishiga erishildi.

Yoshlarga imtiyozli kreditlar ajratiladi “Tadbirkorlik loyihalarini qo‘llab-quvvatlash orqali yoshlar bandligini ta’minl...
02/06/2026

Yoshlarga imtiyozli kreditlar ajratiladi

“Tadbirkorlik loyihalarini qo‘llab-quvvatlash orqali yoshlar bandligini ta’minlashga doir qo‘shimcha chora-tadbirlar to‘g‘risida”gi Prezident qarori (PQ–210-son, 01.06.2026-y.) qabul qilindi.

Qarorga ko‘ra, AT “Aloqabank” tomonidan “Yoshlar biznesi” dasturi doirasida 31 yoshga to‘lmaganlarga asosiy qarzdan 1 yilgacha, foiz to‘lovlaridan 3 oygacha imtiyozli davr bilan 7 yilgacha kreditlar Markaziy bank asosiy stavkasidan 4 foizlik punkt yuqori stavkada ajratiladi:

sug‘urta polisi ta’minoti yoki 3-shaxs kafilligi asosida 100 mln so‘mgacha imtiyozli mikroqarzlarni quyidagi loyihalar bo‘yicha ajratish:

yoshlarning xorijiy til va raqamli texnologiyalarni o‘rganishi hamda zamonaviy kasb-hunarni egallashi bo‘yicha o‘qish xarajatlarini moliyalashtirish uchun – 20 mln so‘mgacha;

zamonaviy kasblar, shu jumladan, ijtimoiy tarmoqlar marketingi, mobilografiya, frilanserlik, internet (onlayn) do‘konlar tashkil etish va o‘zini o‘zi band qilish faoliyat turiga mos loyihalar uchun – 50 mln so‘mgacha;

kasanachilik, to‘qimachilik mahsulotlarini tayyorlash, tikuvchilik va boshqa mahsulotlarni ikkilamchi qayta ishlash va (yoki) sotish, ulardan yangi mahsulotlar tayyorlash loyihalari uchun – 50 mln so‘mgacha;

novvoychilik va shirinliklar tayyorlash hamda sotish loyihalarga – 100 mln so‘mgacha.

Kichik biznes loyihalari moliyaviy qo‘llab-quvvatlanadi“Moliyaviy xizmatlar ommabopligini oshirish, kichik va o‘rta bizn...
02/06/2026

Kichik biznes loyihalari moliyaviy qo‘llab-quvvatlanadi

“Moliyaviy xizmatlar ommabopligini oshirish, kichik va o‘rta biznesni qo‘llab-quvvatlashni kengaytirishga doir navbatdagi chora-tadbirlar to‘g‘risida”gi Prezident qarori (PQ–204-son, 26.05.2026-y.) qabul qilindi.

Qarorga ko‘ra, 2026-yil 1-iyulgacha kredit olish uchun ariza berish hamda ariza bo‘yicha bir nechta banklarning takliflarini olish imkonini beruvchi raqamli moliyaviy platforma ishga tushiriladi.

Tijorat banklari tomonidan mahallalar ixtisoslashuvi va “o‘sish nuqtalari”ni hisobga olib biznes g‘oyalarni ishlab chiqish orqali tadbirkorlikni qo‘llab-quvvatlashga yo‘naltirilgan “AI maslahatchi” dasturi ishga tushiriladi.

2026-yil 1-iyuldan “Kichik biznesni uzluksiz qo‘llab-quvvatlash” kompleks dasturi doirasida:

avval Dastur doirasida mikrokreditdan foydalangan va ijobiy kredit tarixiga ega bo‘lgan tadbirkorlarga mikrokreditning garovsiz qismi 100 mln so‘mdan 200 mln so‘mgacha oshiriladi;

“Tadbirkorlikni rivojlantirish kompaniyasi” AJ tomonidan quyidagilar taqdim etiladi:

kichik tadbirkorlik subyektlariga kredit miqdoridan qat’i nazar, uning 5 mlrd so‘mgacha qismi uchun foiz xarajatlarini qoplash uchun kompensatsiya;

har yili Dastur asosida qo‘llab-quvvatlangan va yuqori ko‘rsatkichga ega 100 ta tadbirkorga faoliyatini raqamlashtirish, xalqaro standartlar va yashil texnologiyalarni joriy etish xarajatlari uchun 300 mln so‘mgacha grant.

“Yangi O‘zbekistonda biznes uchun yangi imkoniyatlar” forumi bo‘lib o‘tdiForumda umumiy ovqatlanish, mehmonxona, savdo v...
02/06/2026

“Yangi O‘zbekistonda biznes uchun yangi imkoniyatlar” forumi bo‘lib o‘tdi

Forumda umumiy ovqatlanish, mehmonxona, savdo va xizmat ko‘rsatish sohalarida faoliyat yuritayotgan yuzlab tadbirkorlar ishtirok etdi.

Tadbir davomida kichik biznesni rivojlantirishga qaratilgan yangi tashabbuslar, soliq va ma’muriy tartib-taomillarni soddalashtirish choralari hamda tadbirkorlarni qo‘llab-quvvatlashning zamonaviy mexanizmlari muhokama qilindi.

Shuningdek, ishtirokchilar amaliyotga joriy etilayotgan yangiliklarning biznes faoliyatiga ta’siri, mavjud imkoniyatlardan samarali foydalanish masalalari yuzasidan o‘z fikr va takliflari bilan o‘rtoqlashdilar.

Tadbirda tadbirkorlar o‘zlarini qiziqtirayotgan masalalar, amaliyotda uchrayotgan muammolar va ularning yechimlari yuzasidan fikr almashdilar. Shuningdek, Prezidentning PF–100-son Farmonida nazarda tutilgan yangi imkoniyatlar hamda kichik biznesni qo‘llab-quvvatlash choralari bo‘yicha batafsil ma’lumotlar berildi.

Forum davlat organlari va tadbirkorlar o‘rtasidagi ochiq muloqotni mustahkamlab, biznes vakillarining ko‘plab savollariga javob topishiga xizmat qildi.

Suv xo‘jaligi sohasida bozor mexanizmlari keng joriy qilinadi “Suv xo‘jaligi sohasida bozor mexanizmlarini keng joriy qi...
02/06/2026

Suv xo‘jaligi sohasida bozor mexanizmlari keng joriy qilinadi

“Suv xo‘jaligi sohasida bozor mexanizmlarini keng joriy qilish chora-tadbirlari to‘g‘risida”gi Prezident Farmoni (PF–99-son, 26.05.2026 y.) qabul qilindi.

Farmonga ko‘ra, suv fondi yerlarini ijaraga berishda Suv xo‘jaligi vazirligi huzuridagi “Suv xo‘jaligida bozor mexanizmlarini joriy qilish” davlat muassasasi yagona buyurtmachi etib belgilandi.

Daryo va suv xo‘jaligi obyektlari o‘zanlarini tozalashda qirg‘oqlarning yuvilishiga va yaqin hududlarning suv bosishiga sabab bo‘lishi mumkin bo‘lgan hamda suv oqimiga to‘sqinlik qilayotgan qum-shag‘al materiallari qazib olinishiga ruxsat etiladi.

Cuv omborlari va sel-suv omborlari, kanallar, kollektorlar, tabiiy ko‘llar va gidrotexnika inshootlarini tuproq materiallaridan tozalash tadbirlariga tashabbuskor tadbirkorlarning eng yaxshi takliflari asosida to‘g‘ridan-to‘g‘ri shartnoma asosida jalb qilishga ruxsat etiladi.

Cuv omborlari va sel-suv omborlarining suvdan bo‘shagan hamda tuproq namligi saqlangan yerlaridan samarali foydalanish maqsadida ushbu yerlar tashabbuskorlarga qisqa muddatga ekin ekishga Davlat muassasasi tomonidan elektron onlayn auksion savdolari orqali ijaraga beriladi.

Tozalanishi lozim bo‘lgan suv xo‘jaligi obyektining loyiha hujjatlarini ishlab chiqish uchun ushbu sohadagi ixtisoslashgan nufuzli loyiha tashkilotlari jalb etiladi.

Address

Nukus Ko'chasi, 73b
Tashkent
100163

Opening Hours

Monday 09:00 - 18:00
Tuesday 09:00 - 17:00
Wednesday 09:00 - 18:00
Thursday 09:00 - 17:00
Friday 09:00 - 18:00

Telephone

+998712392592

Website

,

Alerts

Be the first to know and let us send you an email when O'zbekiston Respublikasi Prezidenti huzuridagi Biznes ombudsman posts news and promotions. Your email address will not be used for any other purpose, and you can unsubscribe at any time.

Shortcuts

Share

Category