23/11/2024
O‘zbekiston Respublikasi Mudofaa vazirining 2024 yil 24 oktabrdagi 984-sonli Mudofaa vazirligi qoshidagi muddatli harbiy xizmatchilar o‘rtasida “Men g‘olib” shiori ostida o‘tkaziladigan musobaqalarning tantanali yopilish marosimini joriy yilning 22-noyabr kuni Chirchiq okrugi poligonida o‘tkazildi. Ushbu tadbirda Mirzo Ulug‘bek tuman mudofaa ishlari bo‘limi boshlig‘ining T va MIB o‘rinbosari-“Vatan tayanchi” harakatining tuman bo‘linma boshlig‘i zaxiradagi podpolkovnik To‘xtayev Askar Esanovich, tuman tasarrufidagi 171 va 221 –sonli umumta’lim maktablarining “Vatan tayanchi” otryad a’zolari tarkibidan 40 nafar o‘quvchilar,CHQBT fani o‘qituvchilari va musobaqa g‘oliblarining uzoqdan kelgan ota-onalari, qarindosh va maxalladoshlari ishtirok etishdi.
“Vatan tayanchi” otryad a’zolari dastlab Chirchiq dala poligonida taktik maydonlar, otish shaharchalari, vintovkali artilleriya poligoni, qo‘shinlar otish maydonlari, tankodrom, direktrisalar, razvedkachilar yo‘lagi, muhandislik va radiasion, kimyoviy va biologik muhofaza shaharchalarida olib borilayotgan mashg‘ulotlar bilan tanishdilar va bevosita tomosha qildilar.
Shuningdek o‘quvchi yoshlar harbiylarimiz tomonidan tayyorlangan harbiy oshxona taomlari va shirinliklaridan baxramand bo‘ldilar.
Tadbir mobaynida o‘quvchi yoshlar “Innovasion texnologiyalar markazi” tomonidan tayyorlangan zamonaviy harbiy maxsulotlar bilan tanishishdi. So‘ngra esa ishtirok tadbirda etayotgan ekipajlar T-62, T-64, T-72 rusumli tanklarda va BTR-90 jangovar texnikalarda belgilangan yo‘nalish bo‘ylab harakatlanishga kirishdi. Start va finish, estafetani berish va to‘g‘ri chiziq bo‘ylab harakatlanish uchastkalari bilan jihozlangan musobaqa trassasidan ildamlagan ekipajlar suvli to‘siq, qo‘rg‘onlaridan o‘tish harakatlari namoyishini tomosha qilishdi.Osmonda esa zamonaviy vertolyotlarning uchishlari barchani yanada zavqlantirdi.
Kuchli raqobat ruhi ostida kechgan musobaqalar davomida muddatli harbiy xizmatchilar 25 ta mutaxassislik yo‘nalishi bo‘yicha o‘zaro bellashib, g‘oliblar shohsupaning yuqori marrasini egallashdi.
Musobaqaning tanatanali yopilish marosimida g‘olib va sovrindorlarga Mudofaa vazirligining kubog, diplom, esdalik nishonlari va qimmatbaho sovg‘alari tantanali ravishda topshirildi.
Tadbir so‘ngida harbiylarning turli ko‘rinishdagi chiqishlari va Mudofaa vazirligining harbiy san’atkorlari konsert dasturlari namoyish etildi.
Mirzo Ulug‘bek tumani MMTB
Matbuot xizmati
