05/08/2026
📢 CERTVU Toksave Blong Pablik – BADBOX 2.0
⚠️ Samfala Smart TV Box long Vanuatu oli kasem virus
CERTVU i faenem se sam Android TV Box (TV streaming box) we oli stap yusum long haos mo olketa bisnis long Vanuatu oli g*t malicious software (virus) we olketa man blong cyber crime long overseas oli stap yusum, mo plante owner oli no save.
📺 Plante long olketa device ia oli:
• Kam finis wetem virus taem oli kamaot long factory.
• O kasem virus taem man i install app long website o app store we i no Google Play Store.
Sipos yu plugum device ia long internet, cyber criminal i save yusum internet blong yu blong haedem ol illegal activity blong hem. Hemia i minim se ol cyber crime i save luk olsem se oli kam long haos o ofis blong yu, nating se yu no save.
🌍 Problem ia i wan pat blong wan bigfala cyber criminal network we oli kolem BADBOX 2.0, we i g*t milion device raon long wol. FBI finis i bin givim warning long pablik, mo naoia CERTVU i save konfem se sam device long Vanuatu tu oli kasem virus, long taon mo long aelan.
✅ Samfala Advaes blong Stap Seif
• Baem Android TV Box nomo long trusted seller.
• Install app nomo long Google Play Store.
• No install app sipos wan website i talem yu blong download long narafala ples.
• Sapos device blong yu i stap mekem samting we i no normal, stop yusum mo askem help.
CERTVU i askem evri man blong lukaot gud long olketa smart device blong olgeta blong protektem haos, bisnis mo internet blong Vanuatu.
https://cert.gov.vu/index.php/advisories/195-advisory-182
