17/09/2026
NJOFTIM PUBLIK
Të nderuar qytetarë të Ferizajit
Grupi i Asamblistëve të Lëvizjes VETËVENDOSJE! ju njofton se seanca e jashtëzakonshme e Kuvendit Komunal, e cila u inicua dhe u thirr me nismën tonë, nuk do të mbahet.
Kjo nismë ishte ndërmarrë me qëllim të trajtimit të çështjeve tejet me rëndësi për qytetarët dhe komunën tonë e sidomos pas gjetjeve të fundit nga ZKA. Megjithatë, pas zhvillimeve të fundit dhe vendimit të Gjykatës Speciale në raport me krerët e UÇK-së Hashim Thaçi, Kadri Veseli, Jakup Krasniqi dhe Rexhep Selimi, kemi vlerësuar se ky nuk është momenti i përshtatshëm për mbajtjen e kësaj seance.
Në një kohë kur familjet e të akuzuarve po përballen me një moment veçanërisht të vështirë, ndërsa i gjithë populli ynë po i përcjell këto zhvillime me shqetësim dhe ndjeshmëri, konsiderojmë se solidariteti dhe respekti njerëzor duhet të jenë në plan të parë.
Prandaj, edhe pse seanca ishte iniciuar nga ne, kemi vendosur që ta shtyejmë atë, duke u solidarizuar me familjet dhe të gjithë qytetarët e Kosovës në këtë moment të ndjeshëm. Seanca do të mbahet me datën 22 shtator ora 10:00.
Për çështjet që prekin interesin e qytetarëve dhe funksionimin e komunës, do të vazhdojmë të angazhohemi me përgjegjësi dhe në kohën e duhur.
Në momente të tilla, solidariteti është më i rëndësishëm se çdo agjendë tjetër.
Grupi i Asamblistëve
Lëvizja VETËVENDOSJE!
