Drejtoria për Kulturë, Rini dhe Sport - Gjakovë

17/08/2026

Komuna e Gjakovës dhe drejtoria për Kulturë, Rini dhe Sport shprehin dhimbjen e thellë për ndarjen nga jeta të Zenun Brovinës, një prej figurave më të mëdha të futbollit kosovar dhe krenari e qytetit tonë.
Zenun Brovina, i lindur në Gjakovë, nisi karrierën e tij te Vëllaznimi dhe u bë i pari shqiptar që veshi fanellën e Partizanit të Beogradit. Ai la gjurmë të pashlyeshme edhe te Prishtina si dhe te reprezentacioni i Kosovës duke u shndërruar në kapiten dhe lider të gjeneratës së tij.
Me lojën, karakterin dhe përkushtimin e tij, Brovina u bë simbol i sportit dhe i qytetit të Gjakovës, një emër që do të kujtohet gjithmonë me respekt e krenari.
Në këto çaste të dhimbshme, shprehim ngushëllimet më të sinqerta familjes Brovina, miqve dhe gjithë komunitetit sportiv.
Qoftë i përjetshëm kujtimi për Zenun Brovinën.

12/08/2026

Një kapitull i suksesshëm mbyllet, një rrugëtim i ri nis në Drejtorinë për Kulturë, Rini dhe Sport.

Me emocione të veçanta është zhvilluar ceremonia e pranim-dorëzimit të detyrës në Drejtorinë për Kulturë, Rini dhe Sport, ku ish-drejtoresha Adea Roka Pylla ia dorëzoi detyrën drejtoreshës së re, Nita Efendija Brovina.

Gjatë kësaj ceremonie, Roka Pylla shprehu mirënjohjen dhe krenarinë për rrugëtimin e saj në krye të kësaj drejtorie, duke theksuar se çdo arritje është rezultat i punës, përkushtimit dhe bashkëpunimit të një ekipi të tërë.

Ajo falënderoi me zemër të gjithë bashkëpunëtorët dhe stafin e DKRS-së për përkushtimin, korrektësinë dhe mbështetjen e vazhdueshme gjatë kësaj periudhe. Së bashku, tha ajo, kanë kaluar sfida të shumta, por kanë përjetuar edhe momente të bukura dhe kanë shënuar suksese të rëndësishme në shërbim të qytetarëve, veçanërisht të rinjve.

Në këtë moment të veçantë, Roka Pylla i uroi drejtoreshës së re, Nita Efendija Brovina, shumë suksese në detyrën e saj të re, me dëshirën që projektet e nisura të vazhdojnë dhe të marrin jetë edhe ide e iniciativa të reja në fushën e kulturës, rinisë dhe sportit.

Ndërkaq, ekipi i DKRS-së shprehu mirënjohjen për bashkëpunimin dhe kontributin e Adea Roka Pyllës gjatë kohës në drejtim të kësaj drejtorie, ndërsa drejtoreshës së re, Nita Efendija Brovina, i uroi mirëseardhje, punë të mbarë dhe shumë suksese në rrugëtimin e saj të ri.

10/08/2026

26/07/2026

26/07/2026

24/07/2026

Streetball 3×3 - Gjakova
26 korrik 2026, ora: 16.00
📍 Parku i Madh i Qytetit


Ejani të bëheni pjesë e një dite të mbushur me energji, emocion dhe Basketboll.🏀

Ky aktivitet mbështetet nga Drejtoria për Kulturë, Rini dhe Sport.

Mos mungoni !