Gjykata Themelore Gjilan

01/06/2026

Gjilan, 1 qershor 2026 – Kryetari i Gjykatës Themelore në Gjilan z. Venhar Salihu ka pritur në takim gjyqtarin z. Dardan Maloku i cili nga sot ka filluar punën në Gjykatën Themelore në Gjilan, ndërsa për tre vite ka punuar në Gjykatën Themelore në Ferizaj.

Në këtë takim, kryetari Salihu i uroj mirëseardhje gjyqtarit dhe i dëshiroi suksese në ushtrimin e detyrës, duke shprehur gatishmërinë për bashkëpunim dhe mbështetje, në funksion të efikasitetit më të lartë të trajtimit të lëndëve në gjykatë.

Ndërkohë, gjyqtarja znj. Besarta Sejdiu nga Gjykata Themelore në Gjilan është transferuar në Gjykatën Themelore në Ferizaj. Me këtë rast, kryetari i gjykatës e ka falënderuar për punën e deritanishme, duke i dëshiruar suksese në ushtrimin e funksionit të saj si gjyqtare në Gjykatën Themelore në Ferizaj.

22/05/2026

20/05/2026

Kryetari Salihu ka pritur në takim gjyqtarët e ri

Kryetari i Gjykatës Themelore në Gjilan, z. Venhar Salihu, ka pritur në takim gjyqtarët e dekretuar Asdren Selmani dhe Gentrit Kuqani, njëherët iu ka dëshiruar suksese në ushtrimin e funksionit të gjyqtarit, me integritet profesional dhe një rrugëtim të suksesshëm në shërbim të drejtësisë dhe sundimit të ligjit.

Me datë 06.05.2026 janë dekretuar nga ushtruesja e detyrës së Presidentes së Republikës së Kosovës znj. Albulena Haxhiu dhe gjyqtarët e caktuar do të shërbejnë në Gjykatën Themelore në Gjilan – Dega Novobërdë.

28/04/2026

Nënkryetari i Gjykatës Rilind Sermaxhaj priti në takim përfaqësuesit e OSCE-së

Gjilan, 28 prill 2026 - Nënkryetari i Gjykatës Themelore në Gjilan, z. Rilind Sermaxhaj të martën ka pritur në takim Menaxherin e Projektit Kundër Krimit të Organizuar dhe Korrupsionit nga OSCE, z. Kahramon Sanginov si dhe Zyrtaren për Monitorimin e Proceseve Gjyqësore znj. Etleva Kelmendi - Shabani.

Nënkryetari Sermaxhaj, shprehu falënderimin për mbështetjen e vazhdueshëm të OSCE-së në sistemin e drejtësisë, me qëllim të rritjes së transparencës dhe llogaridhënies.

Gjatë këtij takimi u diskutua për çështje të rëndësishme që lidhen me luftimin e krimit të organizuar dhe korrupsionit, me theks të veçantë në trajtimin e rasteve të korrupsionit, rritjen e transparencës institucionale dhe forcimin e llogaridhënies.

Bashkëbiseduesit theksuan rëndësinë e bashkëpunimit të vazhdueshëm ndërinstitucional dhe mbështetjen që OSCE-ja ofron në ngritjen e kapaciteteve profesionale, monitorimin dhe avancimin e sundimit të ligjit në Kosovë.

15/04/2026

Kryetari Salihu ka pritur në takim Ministren e Drejtësisë Gërvalla-Schwarz

Gjilan, 15 prill 2026 – Kryetari i Gjykatës Themelore në Gjilan, Venhar Salihu, ka pritur sot në takim Zëvendëskryeministren dhe Ministren e Drejtësisë, Donika Gërvalla-Schwarz, së bashku bashkëpunëtorët e saj.

Gjatë takimit, Kryetari Salihu informoi Ministren Gërvalla-Schwarz për çështje me rëndësi për gjykatën, të arriturat dhe ngritjen e efikasitetit, llogaridhënien, transparencën dhe sfidat e institucionit.

Ministrja e Drejtësisë theksoi përkushtimin e institucionit që ajo përfaqëson për të mbështetur gjykatat në përmbushjen e mandatit të tyre dhe për të avancuar reformat në drejtësi, në funksion të rritjes së besimit të qytetarëve në sistemin gjyqësor.

Ndër të tjera, Kryetari theksoi se pavarësia e gjyqësorit dhe mbështetja institucionale janë dy shtylla që duhen të ecin paralelisht, gjithashtu edhe rëndësia e forcimit të bashkëpunimit ndërinstitucional, veçanërisht në drejtim të forcimit të sistemit gjyqësor dhe sundimit të ligjit.

10/04/2026

📣 Gjyqtari Behar Ymeri, ka arritur moshën e pensionimit

🔴 Gjilan, 10 prill 2026 – Behar Ymeri, ka qenë gjyqtar në Gjykatën Themelore në Gjilan, në Departamentin e Përgjithshëm – Divizioni Penal.

, kolegët gjyqtarë dhe stafi administrativ, z. Behar Ymeri, i urojnë shëndet dhe mbarësi, duke e falënderuar për kontributin e dhënë në drejtësi.

Biografia e gjyqtarit:

Behar Ymeri gjyqtar i Departamenti i Përgjithshëm – Divizioni Penal në Gjykatës Themelore Gjilan. Diplomoi në vitin 1984 në Fakultetin Juridik të Universitetit të Prishtinës, kurse provimin e Jurisprudencës e kreu në Beograd në vitin 1997. Nga 01.08.2012 deri në 31.12.2012 ka qenë gjyqtar i Gjykatës Komunale në Gjilan, ndërsa nga data 01.01.2013 mori detyrën e gjyqtarit në Departamentin e Përgjithshëm të Gjykatës Themelore në Gjilan të cilën e ka mbajtur deri më sot. Përveç punës në gjyqësor Ymeri, nga viti 2001 e deri në vitin 2003 ka mbajtur pozitën Shef i Shërbimit të përgjithshëm në Korporatën Energjetike të Kosovës (KEK). Nga maji i vitit 2003 deri në vitin 2008 ka punuar si Udhëheqës i Sektorit për Kujdes të Konsumatorëve në KEK, Divizioni i Rrjetit në Gjilan. Nga viti 2008 deri në 2012 ai punoi si zyrtar i lartë për përfaqësime, për konteste penale-civile të KEK-ut në Gjilan.

02/04/2026

31/03/2026

Kryetari i Gjykatës Themelore të Gjilanit, Venhar Salihu së bashku me Administratorin Shkëlqim Dushica, kanë pritur të martën praktikantët – vullnetarë, të cilët kanë përfunduar praktikën një vjeçare.

Me këtë rast, Kryetari ka falënderuar praktikantët për vullnetin dhe punën e palodhshme që kanë treguar gjatë një viti, duke i uruar që njohuritë dhe eksperiencën e fituar t’iu shërbej në ndërtimin e karrierës në fushën e drejtësisë.

Edhe Administratori ka falënderuar të gjithë praktikantët për angazhimin dhe ndihmën e tyre, pasi që kontributi i tyre ishte pjesë e suksesit të punës së gjykatës përgjatë vitit 2025.

27/03/2026

📣 Gjyqtari Naser Maliqi, ka arritur moshën e pensionimit

🔴 Gjilan, 27 mars 2026 – Naser Maliqi, ka qenë gjyqtar në Gjykatën Themelore në Gjilan, në Departamentin e Krimeve të Rënda.

, kolegët gjyqtarë dhe stafi administrativ, z. Naser Maliqi, i urojnë shëndet dhe mbarësi, duke e falënderuar për kontributin e dhënë në drejtësi.

Biografia e gjyqtarit:

Naser Maliqi është gjyqtar në Departamentin e Krimeve të Rënda të Gjykatës Themelore në Gjilan. Diplomoi në Fakultetin Juridik të Universitetit të Prishtinës në vitin 1983, ndërsa provimin e Jurisprudencës e përfundoi në vitin 2000. Punën si gjyqtar e filloi në vitin 2002 në Gjykatën Komunale për Kundërvajtje në Viti, kurse dy vite më pas vazhdoi si gjyqtar në Gjykatën Komunale në Viti deri në vitin 2010. Nga viti 2010 deri në 2012 ka qenë gjyqtar në Gjykatën Komunale në Gjilan. Maliqi u emërua gjyqtar në Departamentin e Përgjithshëm – Divizioni Civil në Gjykatën Themelore në Gjilan me datë 01.01.2013, ndërsa nga nëntori i vitit 2015 kalon si gjyqtar në Departamentin e Krimeve të Rënda. Përveç punës në sistemin gjyqësor, gjyqtari Maliqi në periudhën 1997-1999 ka kryer detyrën e drejtorit të Kooperativës së taksave ,,Manifaktura,, në Viti.

17/03/2026

Kryetari Salihu priti në takim gjyqtaren mbikëqyrëse të Gjykatës Themelore në Gjilan, dega në Viti

Gjilan – 17 mars 2026, - Kryetari i Gjykatës Themelore në Gjilan, z. Venhar Salihu, priti sot në takim gjyqtaren mbikëqyrëse të Gjykatës Themelore në Gjilan, dega në Viti, Blerina Jakupi-Ramadani.

Gjatë këtij takimi u diskutuan çështje të rëndësishme që lidhen me funksionimin efikas të degës në Viti, përmirësimin e efikasitetit në trajtimin e lëndëve dhe forcimin e bashkëpunimit institucional.

Të dy palët theksuan rëndësinë e transparencës, profesionalizmit dhe angazhimit të vazhdueshëm në shërbim të drejtësisë dhe qytetarëve.