23/07/2026
Kryetari i Lidhjes Demokratike të Kosovës, Dega në Istog, njëherit Sekretari i Përgjithshëm i LDK-së, Ilir Ferati, ka përkujtuar intelektualin, avokatin dhe veprimtarin e shquar të çështjes kombëtare, Shaban Manaj, në 26-vjetorin e vrasjes së tij.
“Ditën që u vra Shaban Manaj, Kosova humbi një njeri që kishte zgjedhur t’i shërbente drejtësisë dhe shoqërisë. Humbi një avokat të zotin, një veprimtar të përkushtuar dhe një qytetar që besonte në vlerat që ai vetë përfaqësonte për shtetin.
Lidhja Demokratike e Kosovës humbi njeriun e urtë e të afërt të Presidentit historik dr. Ibrahim Rugova, të palodhur dhe me të vërtetë të rëndësishëm në kontributin e tij për çështjet kombëtare dhe për parimet e LDK-së.
Istogu dhe familja e tij mbetën me dhimbjen që nuk zëvendësohet kurrë. Por, bashkë me të mbeti edhe përgjegjësia për ta ruajtur të gjallë kujtimin e tij.
26 vite shënojnë padrejtësinë më të madhe ndaj një personi si Shaban Manaj, i cili është krenari e vendit tonë dhe e familjes sonë politike.
Lavdi jetës dhe veprës së tij!”
