Komuna e Kaçanikut

Komuna e Kaçanikut Contact information, map and directions, contact form, opening hours, services, ratings, photos, videos and announcements from Komuna e Kaçanikut, Government Organization, Kacanik.

Faqja e Kaçanikut do të jetë një dritare e re, ku qytetarët dhe vizitorët do të informohen për aktivitetet komunale, njoftimet zyrtare dhe ngjarjet kryesore, duke rritur transparencën dhe komunikimin me qytetarët.

Takim me drejtorët e shkollave – gjithçka gati për nesër për fillimin e vitit të ri shkollorDrejtori i Arsimit në Komunë...
31/08/2026

Takim me drejtorët e shkollave – gjithçka gati për nesër për fillimin e vitit të ri shkollor

Drejtori i Arsimit në Komunën e Kaçanikut Gazmend Bunjaku, zhvilloi takimin e rregullt me drejtorët e të gjitha shkollave të Komunës së Kaçanikut, në kuadër të përgatitjeve për fillimin e vitit të ri shkollor 2026/2027.

Gjatë takimit u diskutua për organizimin e procesit mësimor, plotësimin e normave të mësimdhënësve, gatishmërinë e objekteve shkollore, shpërndarjen e teksteve dhe mjeteve didaktike, si dhe koordinimin institucional për një fillim sa më të mbarë, cilësor dhe të sigurt të procesit mësimor.

Me këtë rast, Drejtori Bunjaku falënderoi të gjithë drejtorët për bashkëpunimin dhe angazhimin e tyre, ndërsa theksoi se nesër më 1 shtator, fillon viti i ri shkollor.

„Uroj që viti i ri shkollor 2026/2027 të jetë i suksesshëm, i mbarë dhe plot rezultate për të gjithë nxënësit, mësimdhënësit dhe prindërit. Ju uroj një fillim të mbarë dhe shumë suksese gjatë këtij viti shkollor“, u shpreh Drejtori Bunjaku.

NJOFTIMNjoftohen qytetarët se, më datë 29.08.2026, pas orëve të mesnatës, do të bëhet pastrimi dhe larja me ujë e rrugëv...
28/08/2026

NJOFTIM

Njoftohen qytetarët se, më datë 29.08.2026, pas orëve të mesnatës, do të bëhet pastrimi dhe larja me ujë e rrugëve në qytet, përkatësisht: Bulevardi “Ismail Raka”, Rruga “Qamil Ilazi” etj.

Luten qytetarët dhe banorët që, për të mundësuar zhvillimin e punimeve dhe realizimin e një pastrimi sa më cilësor, t’i largojnë automjetet e parkuara përgjatë këtyre rrugëve.

Ju falënderojmë për mirëkuptimin dhe bashkëpunimin tuaj!

Komuna e Kaçanikut zhvillon takim me përfaqësuesit e Institutit INVESKryetari i Komunës së Kaçanikut Sabedin Vishi, prit...
27/08/2026

Komuna e Kaçanikut zhvillon takim me përfaqësuesit e Institutit INVES

Kryetari i Komunës së Kaçanikut Sabedin Vishi, priti sot në takim përfaqësuesit e Institutit INVES, përfaqësuar nga Labinot Azemi, ku u diskutuan mundësitë e bashkëpunimit dhe realizimit të iniciativave të përbashkëta në shërbim të komunitetit.

Në takim morën pjesë edhe Nënkryetari i Komunës Xhelal Dema, Drejtori i Arsimit Gazmend Bunjaku dhe Shefja e Kabinetit Dardana Dauti.

Gjatë takimit u diskutua për mundësitë e bashkëpunimit ndërmjet Institutit INVES dhe Komunës së Kaçanikut, me synim konkretizimin e projekteve dhe iniciativave që sjellin përfitime për qytetarët.

Kryetari Vishi falënderoi përfaqësuesit e Institutit INVES për vizitën dhe shprehu gatishmërinë e Komunës për bashkëpunim institucional në iniciativa me interes për qytetarët tanë.

Mbahet mbledhja e IV-të e KKSB-së në Komunën e KaçanikutU mbajt mbledhja e IV-të e Këshillit Komunal për Siguri në Bashk...
20/08/2026

Mbahet mbledhja e IV-të e KKSB-së në Komunën e Kaçanikut

U mbajt mbledhja e IV-të e Këshillit Komunal për Siguri në Bashkësi (KKSB) të Komunës së Kaçanikut, e kryesuar nga Kryetari i Komunës Sabedin Vishi.

Për situatën e sigurisë në periudhën ndërmjet dy takimeve raportoi përfaqësuesi i Stacionit Policor në Kaçanik, toger Vahid Hyseni, i cili theksoi se situata e sigurisë gjatë kësaj periudhe ka qenë e qetë dhe stabile, me përjashtim të disa rasteve të izoluara, të cilat janë menaxhuar nga institucionet përgjegjëse.

Temë kryesore e diskutimit ishte “Siguria për personat me aftësi të kufizuara, të moshuarit dhe gratë – identifikimi i barrierave dhe fuqizimi i grupeve lokale të sigurisë”.

Gjatë diskutimit u theksua rëndësia e identifikimit të barrierave me të cilat përballen këto kategori, si dhe nevoja për forcimin e bashkëpunimit ndërmjet institucioneve, Policisë, komunitetit dhe grupeve lokale të sigurisë, me qëllim të krijimit të një mjedisi më të sigurt, gjithëpërfshirës dhe të barabartë për të gjithë qytetarët.

Në këtë takim, Drejtori i Arsimit Gazmend Bunjaku, i informoi të pranishmit lidhur me përgatitjet për fillimin e vitit të ri shkollor. Ai bëri të ditur se përgatitjet janë në fazën përfundimtare dhe se procesi mësimor do të fillojë më 1 shtator.

KKSB-ja vazhdon të jetë një mekanizëm i rëndësishëm për bashkëpunimin dhe koordinimin ndërmjet institucioneve dhe komunitetit, në funksion të ruajtjes dhe avancimit të sigurisë në Komunën e Kaçanikut.

KFOR-i dhuron pajisje për Zjarrfikësit e Kaçanikut 🚒Zjarrfikësit e Kaçanikut janë pajisur me pajisje të reja të dhuruara...
19/08/2026

KFOR-i dhuron pajisje për Zjarrfikësit e Kaçanikut 🚒

Zjarrfikësit e Kaçanikut janë pajisur me pajisje të reja të dhuruara nga KFOR-i, në kuadër të bashkëpunimit dhe përkrahjes së vazhdueshme për institucionet lokale.

Në takimin ku u realizua dorëzimi i pajisjeve ishte i pranishëm edhe Nënkryetari i Komunës së Kaçanikut, Xhelal Dema, i cili shprehu mirënjohje për KFOR-in për besimin, përkrahjen dhe gatishmërinë për të qenë pranë Komunës së Kaçanikut dhe qytetarëve të saj.

Kjo përkrahje kontribuon drejtpërdrejt në forcimin e kapaciteteve të Zjarrfikësve të Kaçanikut dhe në rritjen e sigurisë së qytetarëve.

NJOFTIMNjoftohen qytetarët se Komuna e Kaçanikut ka ndërprerë kontratën me kompaninë e angazhuar për menaxhimin e parkin...
18/08/2026

NJOFTIM

Njoftohen qytetarët se Komuna e Kaçanikut ka ndërprerë kontratën me kompaninë e angazhuar për menaxhimin e parkingut në Bulevardin “Ismail Raka”, për shkak të papërgjegjësisë dhe mospërmbushjes së obligimeve kontraktuale, përkatësisht moskryerjes së pagesave për shfrytëzimin dhe menaxhimin e kësaj hapësire publike.

Deri në njoftimin e radhës, parkingu do të jetë pa pagesë.

Për çdo ndryshim eventual, qytetarët do të njoftohen me kohë.

Kryetari Vishi priti në takim përfaqësuesit e Institutit të Kosovës për DrejtësiKryetari i Komunës së Kaçanikut Sabedin...
18/08/2026

Kryetari Vishi priti në takim përfaqësuesit e Institutit të Kosovës për Drejtësi

Kryetari i Komunës së Kaçanikut Sabedin Vishi, priti sot në takim përfaqësuesit e Institutit të Kosovës për Drejtësi (IKD), me të cilët diskutoi për një nismë legjislative që synon ndryshimin dhe plotësimin e Kodit Penal të Republikës së Kosovës.

Në takim prezantoi edhe drejtoresha e Administratës së Përgjithshme Urata Sopa.

Përfaqësuesit e IKD-së prezantuan qëllimet dhe përmbajtjen e nismës, ndërsa diskutimi u fokusua në rëndësinë e forcimit të integritetit të proceseve zgjedhore, respektimit të ligjit dhe parandalimit të keqpërdorimeve. Më konkretisht moszbatimi i qëllimshëm i vendimeve të Gjykatës Kushtetuese dhe keqpërdorimi i parasë publike për përfitime elektorale gjatë periudhave zgjedhore dhe para-zgjedhore.

Kryetari Vishi falënderoi përfaqësuesit e IKD-së për vizitën dhe angazhimin, duke shprehur gatishmërinë për bashkëpunim dhe për të kontribuar në diskutimet që lidhen me përmirësimin e legjislacionit dhe forcimin e sundimit të ligjit.

NJOFTIM Për rritjen e sigurisë në komunikacion, është marrë vendim nga Drejtoria e Shërbimeve Publike dhe Emergjencave p...
13/08/2026

NJOFTIM

Për rritjen e sigurisë në komunikacion, është marrë vendim nga Drejtoria e Shërbimeve Publike dhe Emergjencave për kufizimin e qarkullimit të mjeteve me masë totale mbi 12 ton në segmentin e parë të rrugës së fshatit Gajre- Rruga “Brigada 162 Agim Bajrami” , nga kyçja me magjistralen N2, në gjatësi prej 440 metrash.

Ky vendim është marrë në bazë të vlerësimit profesional të gjendjes së rrugës, kërkesave, ankesave të shumta dhe peticionit të banorëve të fshatrave Gajre, Ivajë Strazhë dhe Bob me qëllim të rritjes së sigurisë së pjesëmarrësve në komunikacion dhe mbrojtjes së infrastrukturës rrugore.

Vendimi hyn në fuqi nga data 20.08.2026!

Faleminderit për mirëkuptimin dhe bashkëpunimin!

Address

Kacanik
71000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38329080005

Website

Alerts

Be the first to know and let us send you an email when Komuna e Kaçanikut posts news and promotions. Your email address will not be used for any other purpose, and you can unsubscribe at any time.

Shortcuts

Share

Category