Drejtoria e Shëndetësisë dhe Mirëqenies Sociale - Pejë

Home
Kosovo
Pejë
Drejtoria e Shëndetësisë dhe Mirëqenies Sociale - Pejë

Drejtoria e Shëndetësisë - Pejë

Duke u mbështetur në Ligjin mbi vetëqeverisjen e komunave të Kosovës, statusin e komunës së Pejës ,ligjin për Shëndetësi si dhe dispozitat tjera ligjore të MSHP dhe MEF , aktivitetet e DSH-së janë të koncentruar në këto shërbime:

- SHËRBIMI I KUJDESIT PARËSOR SHËNDETËSOR
- SHËRBIMI I SHËNDETIT PUBLIK
- SHËRBIMET TJERA

20/08/2026

https://drive.google.com/file/d/1wSxAkg63uBn5gkpvo0CvNzxsgQ62v9s-/view?pli=1

07/08/2026

Në kuadër të Javës Botërore të Ushqyerjes me Qumësht Gjiri, në QKMF janë zhvilluar aktivitete sensibilizuese dhe sesione informuese për rëndësinë e ushqyerjes me qumësht gjiri, të dedikuara për nënat gjidhënëse dhe gratë shtatzëna.

Aktivitetet janë realizuar nga Vlora Gjikolli, Koordinatore e Vizitave në Shtëpi, dhe Violeta Gorani, Koordinatore për Prindërim.

Sesionet informuese janë mbajtur në Klasën për Nëna në QKMF, si dhe në komunitetin Rom, Ashkali dhe Egjiptian, duke ofruar këshillim dhe mbështetje për nënat dhe familjet.

Informimi është zhvilluar në formë individuale dhe grupore, me fokus në përfitimet e shumta të ushqyerjes me qumësht gjiri për shëndetin e foshnjës dhe të nënës, rëndësinë e fillimit të hershëm të gjidhënies, ushqyerjen ekskluzive gjatë gjashtë muajve të parë të jetës dhe vazhdimin e gjidhënies sipas rekomandimeve.

Përmes këtyre aktiviteteve synohet rritja e ndërgjegjësimit dhe mbështetja e nënave për të zgjedhur dhe vazhduar ushqyerjen me qumësht gjiri si mënyra më e mirë për një fillim të shëndetshëm të jetës së fëmijës.

29/07/2026

Nga sot, Qendra Kryesore e Vaksinimit në Pejë do të ofrojë shërbimet e saj në objektin e renovuar dhe te destinuar tashme për këtë Qendër të Imuniizimit

Tashmë, dy qendrat kryesore – Qendra Stomatologjike dhe Qendra e Vaksinimit – do t’i ofrojnë shërbimet e tyre në një objekt modern, me kushte bashkëkohore, duke garantuar kujdes më cilësor, më efikas dhe më të qasshëm për të gjithë qytetarët.
Objekti ndodhet në rr Nena Tereze afër me shkollen e Mjekësisë në Pejë.
Në Qendrën Kryesore kryhet vaksinimi për:
Treboviq
Qungur
Nabergjan
Ruhot
Trestenik
Lutogllave
Dardania 3
Loxhë
Leshan
Kliqinë
Bllagajë
Rosujë
Gllaviqice
Sferkë
Graboc
Jabllanicë e Leshanit
Llozhan
Doberdol dhe te gjitha fshatrat e
Rugoves..
Drejtoria e Shëndetësisë – Komuna e Pejës mbetet e përkushtuar në përmirësimin e vazhdueshëm të infrastrukturës dhe cilësisë së shërbimeve shëndetësore.

20/07/2026

🏥 Sot, në ora 19:00, hapet zyrtarisht Aneksi i QMF 5 – Fidanishte

Pas përfundimit të renovimit të objektit, i cili gjatë pandemisë COVID-19 shërbeu si qendër për trajtimin e pacientëve me COVID, ky aneks rikthehet në funksion me një mision të ri – ofrimin e shërbimeve shëndetësore për qytetarët.

Nga sonte, Aneksi i QMF 5 – Fidanishte do të jetë në shërbim të pacientëve 7 ditë në javë, me orar nga 19:00 deri në 24:00, duke zgjeruar qasjen në kujdesin shëndetësor dhe duke ofruar shërbime cilësore edhe në orët e mbrëmjes.

10/07/2026

Sesion edukativ-informues mbi rëndësinë e vaksinimit

Me kërkesë të organizatës Balkan Sunflowers, sot në Klasën për Prindërim në QKMF Pejë u mbajt një sesion edukativ-informues për rëndësinë e vaksinimit, i dedikuar për komunitetin rom, ashkali dhe egjiptian.

Gjatë sesionit u diskutua për rolin e vaksinave në mbrojtjen e shëndetit të fëmijëve dhe të gjithë komunitetit, me theks të veçantë te vaksina MMR, e cila mbron nga fruthi, shytat dhe rubeola. Po ashtu, u sqaruan pyetjet dhe dilemat më të shpeshta rreth vaksinimit, duke ofruar informacione të bazuara në fakte shkencore.

Falënderojmë të gjithë pjesëmarrësit për interesimin dhe bashkëpunimin. Së bashku kontribuojmë për një komunitet më të shëndetshëm, duke promovuar vaksinimin si një nga mënyrat më të sigurta dhe më efektive për parandalimin e sëmundjeve ngjitëse.

26/06/2026

NJOFTIM MORTOR

Me pikëllim të thellë njoftojmë ndarjen nga jeta të koleges sonë të dashur,
Myvedet MULLA
Imfermiere shumëvjeçare në Qendrën Kryesore të Mjekësisë Familjare në Pejë.
Me përkushtimin, profesionalizmin dhe humanizmin e saj, ajo la gjurmë të pashlyeshme në kujdesin ndaj pacientëve .
Qoftë i përhershëm kujtimi për të!

05/06/2026

Muaji i Prindërimit në QKMF

Në kuadër të aktiviteteve të Muajit të Prindërimit, sot u mbajt sesioni i parë grupor me prindër dhe fëmijë, ku përveç nënave morën pjesë edhe baballarë, duke dëshmuar rëndësinë e përfshirjes së të dy prindërve në rritjen dhe zhvillimin e fëmijës.

Sesionet janë të organizuara për fëmijët e grupmoshës 1 deri në 17 muaj dhe kanë për qëllim ofrimin e njohurive dhe këshillave praktike për kujdesin, zhvillimin dhe mirëqenien e fëmijëve.

Sesioni u udhëhoq nga koordinatorja Violeta Gorani, së bashku me infermieret Xhenifere Dresha dhe Pranvera Dakaj, të cilat ndanë informacione dhe udhëzime të vlefshme me prindërit pjesëmarrës.

Falënderojmë të gjithë prindërit për pjesëmarrjen aktive dhe interesimin e treguar. Këto sesione do të vazhdojnë edhe në javët në vijim, me qëllim të mbështetjes së prindërve dhe promovimit të zhvillimit të shëndetshëm të fëmijëve.

04/06/2026

Komuna e Pejës,, përmes shërbimeve teknike të saj ka filluar renovimin e QMF-së “Fidanishte”, duke përfshirë edhe aneksin e objektit që gjatë pandemisë ka shërbyer si qendër për trajtimin e pacientëve me COVID-19.

Këto punime kanë për qëllim përmirësimin e kushteve të punës për personelin shëndetësor dhe ofrimin e shërbimeve më cilësore për qytetarët.

Pas përfundimit të punimeve, QMF “Fidanishte” do të ofrojë shërbime shëndetësore me orar të zgjatur, nga ora 19:00 deri në 00:00, duke rritur qasjen e qytetarëve në kujdes shëndetësor.

01/06/2026

Sot, në kuadër të shënimit të Ditës Botërore kundër Pirjes së Duhanit, në Shkollën “Dardania” u organizua aktivitet sensibilizues me nxënësit, me qëllim ngritjen e vetëdijes për pasojat e dëmshme të duhanit dhe promovimin e stileve të shëndetshme të jetesës.

18/05/2026

📍 Shënohet 17 Maji si Dita Botërore e Hipertensionit në Pejë

Drejtoria për Shëndetësi në bashkëpunim me Qendrën Kryesore të Mjekësisë Familjare organizoi sot një aktivitet vetëdijesues në sheshin e qytetit me rastin e 17 Majit – Ditës Botërore të Hipertensionit.

Gjatë aktivitetit, qytetarëve iu ofruan m***e falas të tensionit arterial si dhe këshilla profesionale nga stafi shëndetësor për parandalimin dhe menaxhimin e hipertensionit.

Ky aktivitet synon të rrisë ndërgjegjësimin për rëndësinë e kontrollit të rregullt të tensionit arterial, pasi hipertensioni mbetet një nga faktorët kryesorë të rrezikut për sëmundjet kardiovaskulare.

Address

Pejë
30000

Telephone

+38344473448

Website

https://kk.rks-gov.net/peje/shendetesi

Alerts

Be the first to know and let us send you an email when Drejtoria e Shëndetësisë dhe Mirëqenies Sociale - Pejë posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Pejë?