Gjykata Themelore Pejë

02/09/2026

📈Publikim i raportit të Punës për Gjyqtarët e Gjykatës Themelore në Pejë me degët Istog, Klinë dhe Deçan – Gusht 2026

Pejë, 02 Shtator 2026 – Gjykata Themelore në Pejë publikon raportin e punës për muajin Gusht 2026, i cili përfshin raportet individuale mbi punën dhe angazhimin e secilit gjyqtar të kësaj gjykate, përfshirë edhe degët Istog, Klinë dhe Deçan.

Publikimi i këtij raporti synon të ofrojë një pasqyrë të qartë dhe të plotë të aktivitetit gjyqësor gjatë kësaj periudhe, duke kontribuar në rritjen e transparencës dhe llogaridhënies institucionale, si dhe në forcimin e besimit të qytetarëve në sistemin e drejtësisë.

18/08/2026

Departamenti për Krime të Rënda ka caktuar masën e paraburgimit ndaj të pandehurit V.H.

Pejë, 16 Gusht 2026 – Gjykata Themelore në Pejë, Departamenti për Krime të Rënda, ka vendosur lidhur me kërkesën e Prokurorisë Themelore në Pejë – Departamenti për Krime të Rënda, për caktimin e masës së paraburgimit ndaj të pandehurit V.H., për shkak të dyshimit të bazuar se ka kryer veprat penale “Vrasje e mbetur në tentativë” nga neni 172, lidhur me nenin 28 të KPRK-së, “Mbajtja në pronësi, kontroll ose posedim të paautorizuar të armëve” nga neni 366, paragrafi 1, dhe “Kanosje” nga neni 181, paragrafët 2 dhe 3, lidhur me paragrafin 1, të KPRK-së.

Gjyqtari i Procedurës Paraprake ka aprovuar kërkesën e Prokurorisë dhe ndaj të pandehurit V.H. ka caktuar masën e paraburgimit në kohëzgjatje prej 30 (tridhjetë) ditësh, e cila llogaritet nga data 15.08.2026, deri më 13.09.2026.

Pas mbajtjes së seancës dëgjimore më 16.08.2026, Gjykata ka vlerësuar se ekziston rreziku i arratisjes, rreziku i pengimit të rrjedhës së procedurës penale, si dhe rreziku i përsëritjes së veprës penale, në kuptim të nenit 184, paragrafi 1, nënparagrafët 1.2.1, 1.2.2 dhe 1.2.3 të KPPRK-së.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Pejë.

10/08/2026

📈Publikim i raportit të Punës për Gjyqtarët e Gjykatës Themelore në Pejë me degët Istog, Klinë dhe Deçan – Korrik 2026

Pejë, 10 Gusht 2026 – Gjykata Themelore në Pejë publikon raportin e punës për muajin Korrik 2026, i cili përfshin raportet individuale mbi punën dhe angazhimin e secilit gjyqtar të kësaj gjykate, përfshirë edhe degët Istog, Klinë dhe Deçan.

Publikimi i këtij raporti synon të ofrojë një pasqyrë të qartë dhe të plotë të aktivitetit gjyqësor gjatë kësaj periudhe, duke kontribuar në rritjen e transparencës dhe llogaridhënies institucionale, si dhe në forcimin e besimit të qytetarëve në sistemin e drejtësisë.

10/08/2026

📊RAPORTI STATISTIKOR PËR SEANCAT GJYQËSOR- Korrik 2026
Gjykata Themelore Pejë dhe degët Istog, Klinë dhe Deçan

27/07/2026

Caktohet masa e paraburgimit ndaj të pandehurit E.H., për shkak të veprës penale Vrasje nga pakujdesia nga neni 175 i KPRK-së, si dhe veprës penale Mbajtja në pronësi, kontroll ose posedim të paautorizuar të armëve nga neni 366 paragrafi 1 i KPRK-së.

Pejë, 25.07.2026- Gjykata Themelore në Pejë, Departamenti i Përgjithshëm-Divizioni Penal, ka vendosur lidhur me kërkesën e Prokurorisë Themelore në Pejë, Departamenti i Përgjithshëm, për caktimin e masës së paraburgimit në çështjen penale Vrasje nga pakujdesia nga neni 175 i KPRK-së, si dhe veprës penale Mbajtja në pronësi, kontroll ose posedim të paautorizuar të armëve nga neni 366 paragrafi 1 i KPRK-së.

Gjyqtarja e procedurës paraprake ka aprovuar kërkesën e Prokurorisë Themelore në Pejë-Divizioni Penal të datës 24.07.2026, për caktimin e masës së paraburgimit ndaj të pandehurit E.H., ashtu që të njëjtit i është caktuar masa e paraburgimit në kohëzgjatje prej 1 (një) muaj.

Masa e paraburgimit është caktuar konform nenit 184 par.1, nënpar.1.1 dhe pika 1.2, pika 1.2.1 të KPPRK-së.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Pejë.

13/07/2026

📊RAPORTI STATISTIKOR PËR SEANCAT GJYQËSOR- Prill, Maj, Qershor 2026
Gjykata Themelore Pejë dhe degët Istog, Klinë dhe Deçan

13/07/2026

📈Publikim i raportit të Punës për Gjyqtarët e Gjykatës Themelore në Pejë me degët Istog, Klinë dhe Deçan – Prill, Maj, Qershor 2026

Pejë, 13 Korrik 2026 – Gjykata Themelore në Pejë publikon raportin e punës për muajt Prill, Maj dhe Qershor 2026, i cili përfshin raportet individuale mbi punën dhe angazhimin e secilit gjyqtar të kësaj gjykate, përfshirë edhe degët Istog, Klinë dhe Deçan.

Publikimi i këtij raporti synon të ofrojë një pasqyrë të qartë dhe të plotë të aktivitetit gjyqësor gjatë kësaj periudhe, duke kontribuar në rritjen e transparencës dhe llogaridhënies institucionale, si dhe në forcimin e besimit të qytetarëve në sistemin e drejtësisë.

06/07/2026

KOMUNIKATË PËR MEDIA
Pejë, 06 Korrik 2026
2 vite e 3 muaj burgim ndaj të pandehurës A.P. për veprën penale “sulm”
Pejë, 06 Korrik 2026- Gjykata Themelore në Pejë – Departamenti i përgjithshëm- Divizioni Penal, me gjyqtarin e vetëm gjykues Alan Taranis, ka shpallur aktgjykim dënues ndaj të pandehurës A.P. për veprën penale “sulm” nga neni 184 par. 3 nën par. 3.1 të KPRK-së, si dhe dënim plotësues – Ndalimi i ushtrimit të profesionit, veprimtarisë ose detyrës, ashtu që të pandehurës A.P. i ndalohet ushtrimi i profesionit të infermieres në kohëzgjatje prej 5 (pesë) vitesh, duke llogaritur nga dita kur aktgjykimi merr formën e prerë, ndërsa koha e kaluar në burg nuk i llogaritet në kohëzgjatjen e këtij dënimi plotësues. E pandehura A.P. obligohet që të paguaj shpenzimet e procedurës penale dhe atë në emër të paushallit gjyqësor shumen prej 70 (shtatëdhjetë) euro si dhe taksen për Programin për Kompensimin e Viktimave të Krimit në shumën prej 20 (njëzetë) euro, të gjitha këto ne afat prej 15 ditësh nga dita e plotfuqishmërisë se aktgjykimit. Ndërsa palën e dëmtuar për realizimin e kërkesës pasurore juridike gjykata e ka udhëzuar në kontest të rregullt juridiko civil.
Ndërsa e pandehura A. R. për veprën penale “sulm” nga neni 184 par. 3 nën par. 3.1 e lidhur me nenin 31 të KPRK-së, është liruar sepse nuk është provuar se e pandehura A.R. e ka kryer veprën penale për të cilën është akuzuar, dhe për të pandehurën R. K. , për veprën penale “sulm” nga neni 184 par. 3 nën par. 3.1 e lidhur me nenin 31 të KPRK-së, gjykata ka refuzuar akuzën për shkak se Prokurori i shtetit është tërhequr nga akuza.
Sa i përket shpenzimeve te procedurës penale për të pandehurat A.R. dhe R.K. bien në barrë të gjykatës. Pala e dëmtuar /përfaqësuesi i palës se dëmtuar, për realizimin e kërkesës pasurore juridike, gjykata e ka udhëzuar në kontest të rregullt juridiko civil.
Kundër këtij Aktgjykimi, palët kanë të drejtë ankese në afat prej 30 (tridhjete) ditësh, përmes kësaj gjykate, pranë Gjykatës së Apelit në Prishtinë.

29/06/2026

Kryetari i Gjykatës Themelore në Pejë, z. Shemsedin Haxhiaj, priti sot në takim gjyqtaren e kësaj gjykate respektivisht të gjykatës- Dega në Istog: znj. Lirika Sylaj nga Departamenti i Përgjithshëm – Civil.

Me këtë rast, kryetari Haxhiaj shprehu mirënjohjen e tij për bashkëpunimin dhe kontributin e çmuar të saj gjatë periudhës sa ishte pjesë e Gjykatës Themelore në Pejë. Ai gjithashtu i uroi suksese në angazhimet e saja të reja profesionale.

Gjyqtarja Lirika Sylaj do të vazhdojë detyrën në Gjykaten Administrative Prishtine.

Gjykata Themelore në Pejë i dëshiron gjyqtares Lirika suksese në rrugëtimin e saj të mëtejmë profesional!

18/06/2026