Sistemi Prokurorial

Sistemi Prokurorial Mirë se vini në faqen zyrtare të Sistemit Prokurorial të Republikës së Kosovës!

14/06/2026

Pamje nga operacioni, gjatë të cilit u arrestuan pesë persona të dyshuar për krime lufte.

@ Pamjet: PROKURORIA SPECIALE, POLICIA E KOSOVËS

14/06/2026

Konferencë për media: Prokuroria Speciale dhe Policia e Kosovës japin detaje për operacion, gjatë të cilit u arrestuan pesë persona të dyshuar për krime lufte

📢Komunikatë për media Operacioni në kuadër të hetimeve për krime lufte, arrestohen pesë persona Prishtinë, 17 qershor 20...
14/06/2026

📢Komunikatë për media

Operacioni në kuadër të hetimeve për krime lufte, arrestohen pesë persona

Prishtinë, 17 qershor 2026 - Operacioni policor, në kuadër të hetimeve që Prokuroria Speciale e Republikës së Kosovës, është duke i zhvilluar në rastin e njohur si “Reçaku II”, së bashku me Policinë e Kosovës, ka rezultuar me pesë persona të arrestuar.

Gjatë operacionit janë ekzekutuar urdhër - kontrolle në disa lokacione.

Prokuroria Speciale e Republikës së Kosovës dhe Policia e Kosovës do të mbajnë një konferencë për media, gjatë së cilës do të ofrohen informacione shtesë lidhur me këtë operacion.

🗣️ Detajet e konferencës për media:
Vendi: Prokuroria Speciale e Republikës së Kosovës, kati VI
Ora: 13:00

https://prokuroria-rks.org/artikulli/13967

Zyra për Mbrojtje dhe Ndihmë të Viktimave ka trajtuar 58 raste për periudhën 05-12.06.2026 Prishtinë, 12 qershor 2026 – ...
12/06/2026

Zyra për Mbrojtje dhe Ndihmë të Viktimave ka trajtuar 58 raste për periudhën 05-12.06.2026

Prishtinë, 12 qershor 2026 – Gjatë periudhës së punës 05-12.06.2026, në Zyrën për Mbrojtje dhe Ndihmë Viktimave, mbrojtësit e viktimave në nivel të Kosovës kanë trajtuar gjithsej 58 raste të reja. Prej tyre:
• 51 raste, Dhunë në familje
• 02 rast, Dhunim
• 01 rast, Kanosje
• 04 rast, Shkelje e UM
• 01 Kërkesa për Urdhër mbrojtje (K*M) të parashtruara në Gjykatë
• 10 Kërkesa për Urdhër mbrojtje Emergjente (K*ME)
• 01 Kërkesa për ndryshim te UM
• 01 Kërkesa për ndërprerje te UM
• 03 Parashtresa
• 12 Aktvendime të aprovuara
• 57 Seanca gjyqësore
• 13 Seanca në prokurori
• 64 Këshilla juridike
• 15 Aktgjykime dënuese
• 03 Aktgjykim refuzues
• 01 Referim i rastit në Polici
• 02 Referim i rastit në ANJF
• 01 Referim i rastit në CLARD
• 05 Referim i rastit në QPS

Kryeprokurori i Prokurorisë së Apelit zhvillon takim konsultativ me përfaqësuesit e Bashkimit Evropian, EULEX-it dhe OSB...
12/06/2026

Kryeprokurori i Prokurorisë së Apelit zhvillon takim konsultativ me përfaqësuesit e Bashkimit Evropian, EULEX-it dhe OSBE-së për monitorimin e proceseve gjyqësore

Prishtinë, 12 qershor 2026 - Në ambientet e Prokurorisë së Apelit u mbajt një takim konsultativ i përfaqësuesve të Prokurorisë së Apelit me përfaqësues të Bashkimit Evropian, EULEX-it dhe Misionit të OSBE-së në Kosovë.

Takimi kishte në fokus monitorimin e proceseve gjyqësore dhe çështjeve që lidhen me efikasitetin dhe cilësinë e procedurave penale.

Nga Prokuroria e Apelit në takim morën pjesë Kryeprokurori Agron Bajrami, si dhe prokurorët e kësaj prokurorie, znj. Ikramije Bojaxhiu dhe z. Naim Beka.

Në takim morën pjesë edhe z. Nicola Scaramuzzo, Udhëheqës i Ekipit për Sundimin e Ligjit dhe të Drejtat Themelore në Zyrën e Bashkimit Evropian në Kosovë, Giovanni Galzignato Udhëheqës i Komponentit të Drejtësisë dhe Njësisë Korrektuese në EULEX, z. Kahramon Sanginov, Udhëheqës i Projekteve në kuadër të Misionit të OSBE-së në Kosovë, si dhe znj. Pascale Langlais, Shefe e Seksionit për Ligj dhe Drejtësi në OSBE.

Me këtë rast, Kryeprokurori Bajrami falënderoi përfaqësuesit e Bashkimit Evropian, EULEX-it dhe OSBE-së për organizimin e takimit, si dhe për interesimin dhe mbështetjen e vazhdueshme që këto institucione japin për sistemin prokurorial në Kosovë në përgjithësi dhe për Prokurorinë e Apelit në veçanti. Po ashtu, ai i njoftoi pjesëmarrësit lidhur me mandatin dhe kompetencat e Prokurorisë së Apelit, të arriturat e institucionit gjatë periudhës së fundit, si dhe sfidat me të cilat përballet në ushtrimin e funksioneve të saj.

Gjatë takimit u diskutuan gjetjet dhe rekomandimet e dala nga raportet e monitorimit të proceseve gjyqësore të përgatitura nga OSBE dhe EULEX. Diskutimet u përqendruan në produktivitetin e seancave gjyqësore, rigjykimet në rastet komplekse, shqiptimin e dënimeve plotësuese, cilësinë dhe strukturën e aktakuzave, si dhe zbatimin e udhëzimeve për matjen e dënimit.

Përfaqësuesit e Prokurorisë së Apelit paraqitën përvojat dhe sfidat praktike në trajtimin e lëndëve në shkallën e dytë, veçanërisht në rastet komplekse të krimit te organizuar dhe korrupsionit. Po ashtu, u diskutua për mundësitë e avancimit të cilësisë së procedurave penale, forcimit të bashkëpunimit ndërinstitucional dhe rritjes së efikasitetit në punën e institucioneve të drejtësisë.

Takimi u zhvillua në frymë bashkëpunimi dhe dialogu profesional, me shkëmbim mendimesh dhe përvojash për çështje me interes të përbashkët për sistemin e drejtësisë në Kosovë.


Kryeprokurori i Prizrenit priti në takim përfaqësues të OSBE-sëPrizren, 12 Qershor 2026 – Kryeprokurori i Prokurorisë Th...
12/06/2026

Kryeprokurori i Prizrenit priti në takim përfaqësues të OSBE-së

Prizren, 12 Qershor 2026 – Kryeprokurori i Prokurorisë Themelore në Prizren, Petrit Kryeziu, ka pritur në një takim pune Dr. Eoin B. Healy, konsulent vlerësues i Misionit të OSBE-së në Kosovë, si dhe Arita Gërxhaliu Rama, Zyrtare Kombëtare për Monitorim në Projektin kundër Krimit të Organizuar dhe Korrupsionit pranë Misionit të OSBE-së në Kosovë.

Gjatë këtij takimi u diskutua për çështje të rëndësishme që lidhen me luftimin e krimit të organizuar dhe korrupsionit, me theks të veçantë në trajtimin e rasteve të korrupsionit, rritjen e transparencës institucionale dhe forcimin e llogaridhënies.

Bashkëbiseduesit diskutuan gjithashtu për zbatimin e Projektit Rajonal për Monitorimin e Gjykimeve në fushën e Krimit të Organizuar dhe Korrupsionit, ndikimin e këtij projekti në forcimin e sundimit të ligjit, si dhe për raportin dhe rekomandimet e hartuara në kuadër të këtij projekti.

Me këtë rast, u vlerësua rëndësia e monitorimit të proceseve gjyqësore si një mekanizëm që kontribuon në rritjen e besimit të publikut në sistemin e drejtësisë, avancimin e transparencës dhe identifikimin e praktikave më të mira në trajtimin e rasteve komplekse të krimit të organizuar dhe korrupsionit.

Kryeprokurori Kryeziu falenderoi përfaqësuesit e OSBE-së për bashkëpunimin e vazhdueshëm dhe mbështetjen e ofruar ndaj institucioneve të drejtësisë, duke ritheksuar përkushtimin e Prokurorisë Themelore në Prizren për forcimin e sundimit të ligjit, luftimin efektiv të krimit të organizuar dhe korrupsionit, si dhe zbatimin e standardeve më të larta profesionale në ushtrimin e funksioneve të saj.

Takimi përfundoi me dakordim për vazhdimin e koordinimit dhe intensifikimin e bashkëpunimit në fusha me interes të përbashkët.

Prokuroria Themelore në Prishtinë, në periudhën dyjavore, përfundon 548 lëndëPrishtinë, 12 qershor 2026- Prokuroria Them...
12/06/2026

Prokuroria Themelore në Prishtinë, në periudhën dyjavore, përfundon 548 lëndë

Prishtinë, 12 qershor 2026- Prokuroria Themelore në Prishtinë, gjatë periudhës dyjavore nga data 01 qershor 2026 deri më datë 12 qershor 2026, ka realizuar një angazhim të vazhdueshëm në trajtimin dhe zgjidhjen e lëndëve penale, duke dëshmuar efikasitet dhe përkushtim në ushtrimin e funksioneve ligjore.

Gjatë kësaj periudhe, kjo Prokurori ka pranuar gjithsej 481 lëndë të reja, ndërsa ka përfunduar gjithsej 548 lëndë, duke përfshirë të gjitha natyrat e çështjeve në përputhje me legjislacionin në fuqi.

Në kuadër të numrit të përgjithshëm të lëndëve të zgjidhura, Prokuroria Themelore në Prishtinë për këtë periudhë kohore ka ngritur 116 aktakuza kundër 144 personave, si rezultat i punës intensive dhe hetimeve të zhvilluara me efikasitet nga prokurorët e shtetit, në bashkëpunim të ngushtë me organet e tjera relevante.

Prokuroria Themelore në Prishtinë mbetet e përkushtuar në zbatimin e ligjit, trajtimin efikas të rasteve dhe forcimin e sundimit të ligjit në shërbim të qytetarëve.

Përfaqësuesit e sistemit prokurorial, pjesëmarrës në Forumin Rajonal të Ndërmjetësimit në TiranëTiranë, 12 qershor 2026 ...
12/06/2026

Përfaqësuesit e sistemit prokurorial, pjesëmarrës në Forumin Rajonal të Ndërmjetësimit në Tiranë

Tiranë, 12 qershor 2026 – Anëtari i Këshillit Prokurorial të Kosovës, Visar Krasniqi, mori pjesë në Forumin Rajonal të Ndërmjetësimit dhe në ceremoninë e lansimit të projektit “Ndërmjetësimi SEE – Forcimi i Sistemit të Ndërmjetësimit të Evropës Juglindore”, të mbajtur në Tiranë. Projekti synon avancimin e ndërmjetësimit si një mekanizëm efikas për zgjidhjen e rasteve në përputhje me kornizën ligjore në fuqi.

Në këtë aktivitet morën pjesë edhe Ushtruesi i Detyrës së Kryeprokurorit të Shtetit, Agron Qalaj, si dhe prokurori i Zyrës së Kryeprokurorit të Shtetit, Besim Kelmendi.

Ky forum organizohet nga Qendra e Berlinit CSSP për Ndërmjetësim Integrues, në bashkëpunim me Dhomat e Ndërmjetësimit të Shqipërisë, Kosovës dhe Maqedonisë së Veriut, me mbështetjen e Agjencisë Austriake të Zhvillimit.

Për më shumë informata gjeni liniun: https://prokuroria-rks.org/artikulli/13955

Raporti 24 orësh i Prokurorit të Shtetit12 Qershor 2026 – Prokurori i Shtetit, ju njofton se gjatë 24 orëve të fundit, n...
12/06/2026

Raporti 24 orësh i Prokurorit të Shtetit

12 Qershor 2026 – Prokurori i Shtetit, ju njofton se gjatë 24 orëve të fundit, nga prokuroritë themelore janë ngritur njëzet e një (21) aktakuza kundër tridhjetë (30) personave, për kryerjen e veprave të ndryshme penale. Po ashtu, me urdhër të Prokurorit të Shtetit janë ndaluar njëmbëdhjetë (11) persona, si dhe janë parashtruar dhjetë (10) kërkesa për caktim të masës së paraburgimit ndaj dymbëdhjetë (12) personave, të dyshuar për kryerje të veprave penale.

Për më shumë, shih linkun:
⤵
https://app-prokuroria.cmdsoftwares.com/report/13954

KOMUNIKATË PËR MEDIAGjakovë 11 qershor 2026 - Prokuroria Themelore në Gjakovë, Departamenti për Krime të Rënda, njofton ...
11/06/2026

KOMUNIKATË PËR MEDIA

Gjakovë 11 qershor 2026 - Prokuroria Themelore në Gjakovë, Departamenti për Krime të Rënda, njofton opinionin publik se është arrestuar një (1) person i dyshuar me inicialet S.M., lidhur me rastin e ndodhur sot më datë 11 qershor 2026 në fshatin Pagarushë, Komuna e Malishevës.

Me vendim të Prokurorit të Shtetit, personi i dyshuar me inicialet S.M., është ndaluar për 48 orë, për shkak të dyshimit të bazuar se ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve” sipas Kodit Penal të Republikës së Kosovës.

Prokurori i Shtetit, brenda afatit ligjor, do të paraqesë në gjykatën kompetente kërkesën për caktimin e masës së paraburgimit ndaj të dyshuarit.

Prokurori i Shtetit në bashkëpunim të ngushtë me Policinë e Kosovës, është duke i ndërmarrë të gjitha veprimet e nevojshme hetimore dhe duke mbledhur provat relevante lidhur me këtë rast.

Address

Rr. "Luan Haradinaj", Nr. 100
Pristina
10000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Sistemi Prokurorial posts news and promotions. Your email address will not be used for any other purpose, and you can unsubscribe at any time.

Shortcuts

Share

Category