Agjencia për Barazi Gjinore/ Zyra e Kryeministrit

29/09/2026

Dr. Nora Gashi do të jetë një nga ligjërueset kryesore të Konferencës Kombëtare për Ndërgjegjësimin mbi Menopauzën, ku do të jetë pjesë e programit në të dyja ditët e konferencës.

Më 6 dhe 7 tetor 2026, Agjencia për Barazi Gjinore e Zyrës së Kryeministrit (ABGJ), në bashkëpunim me Shoqatën e të Drejtave të Pacientëve në Kosovë (PRAK), organizojnë këtë konferencë me fokus në rritjen e ndërgjegjësimit dhe përmirësimin e kujdesit për gratë gjatë menopauzës.

Dr. Gashi është mjeke e specializuar në Mjekësi Interne dhe e certifikuar nga The Menopause Society si Menopause Practitioner. Ajo ka mbi 15 vite përvojë në mjekësi spitalore dhe kujdesin parësor dhe aktualisht punon në New Jersey, SHBA, me fokus në shëndetin e grave dhe menopauzën.

Dita e parë, 6 tetor, në Hotel Marriott, i kushtohet grave dhe komunitetit, me fokus në menopauzën, simptomat, ndryshimet hormonale, menaxhimin dhe ndikimin e saj në shëndetin dhe cilësinë e jetës.

Dita e dytë, 7 tetor, në Hotel Emerald, i kushtohet profesionistëve shëndetësorë dhe fokusohet në diagnostikimin, trajtimin, terapinë hormonale dhe jo-hormonale, sigurinë dhe kujdesin parandalues.

Dr. Gashi do të ligjërojë në të dyja ditët, duke sjellë përvojën e saj klinike dhe ekspertizën në fushën e menopauzës.

Për arsye organizative, ngjarja nuk është e hapur për publikun dhe është e organizuar me ftesa individuale.

28/09/2026

Gjatë këtij vikendi, Agjencia për Barazi Gjinore ka zhvilluar një takim për rishikimin e aktiviteteve të parapara në kuadër të Programit të Kosovës për Barazi Gjinore (PKBGJ) 2025–2035.

Takimi u fokusua në shqyrtimin e aktiviteteve dhe përshtatjen e tyre në kuadër të tri shtyllave kryesore: Fuqizimi Ekonomik dhe Mirëqenia; Zhvillimi Njerëzor, Media dhe Marrëdhëniet Gjinore; dhe Rezoluta 1325 - Gratë, Paqja dhe Siguria.

Gjatë punës u diskutuan prioritetet dhe masat e planifikuara, me qëllim të avancimit të mëtejshëm të veprimeve konkrete për barazi gjinore dhe forcimit të zbatimit të politikave në këtë fushë.

Ky proces synon të sigurojë që aktivitetet e planifikuara të jenë të qarta, të zbatueshme dhe të orientuara drejt rezultateve konkrete, duke kontribuar në forcimin e politikave dhe mekanizmave institucionalë për barazi gjinore.

15/09/2026

Agjencia për Barazi Gjinore shpreh ngushëllimet më të sinqerta familjes, të afërmve, miqve dhe bashkëpunëtorëve të Dr. Flora Brovinës, me rastin e ndarjes së saj nga jeta.
Dr. Flora Brovina ishte një aktiviste e përkushtuar për barazinë gjinore, të drejtat e njeriut si dhe një nga figurat e rëndësishme që i dha kontribut të çmuar çështjes së Kosovës.
Përgjatë jetës së saj, Dr. Brovina ishte një zë i fuqishëm në mbrojtje të të drejtave të grave dhe fëmijëve, duke u angazhuar për një shoqëri më të drejtë, më të barabartë dhe pa diskriminim. Veprimtaria e saj qytetare dhe publike u karakterizua nga guximi, qëndrueshmëria dhe përkushtimi ndaj të drejtave dhe lirive themelore të njeriut.
Kontributi i saj shtrihet përtej angazhimit për barazi gjinore. Flora Brovina ishte një nga gratë që, me veprimtarinë dhe qëndrueshmërinë e saj, kontribuoi në çështjet e Kosovës dhe në përpjekjet për liri, drejtësi dhe dinjitet. Ajo mbetet pjesë e historisë së grave të Kosovës që kanë dhënë kontribut të çmuar në momente të rëndësishme për vendin.
Agjencia për Barazi Gjinore vlerëson lart trashëgiminë e saj dhe kontributin në avancimin e të drejtave të grave, të drejtave të njeriut dhe në jetën shoqërore e publike të Kosovës.
Kujtimi për veprën, guximin dhe kontributin e Dr. Flora Brovinës për gratë, të drejtat e njeriut dhe Kosovën do të mbetet i përhershëm.

11/09/2026

03/09/2026

Agjencia për Barazi Gjinore në kuadër të mandatit të saj për promovimin, mbrojtjen dhe zbatimin e legjislacionit për barazi gjinore, ka ndërmarrë një iniciativë për realizimin e një analize që synon identifikimin e sfidave dhe mangësive ekzistuese në sistemin e mbështetjes së grave dhe fëmijëve gjatë proceseve të divorcit.
Në kuadër të këtij procesi, ABGJ ka organizuar fokus grupin e dyte me radhë me profesionistë të shërbimeve sociale, si dhe zyrtarë/e dhe profesionistë/e të asistencës sociale, me qëllim të informimit dhe marrjes së perspektivave nga profesionistët që ofrojnë shërbime dhe mbështetje për familjet dhe fëmijët. Kontributi i tyre është i rëndësishëm për identifikimin e sfidave që paraqiten në praktikë, barrierave institucionale dhe nevojave për ndërhyrje më efektive.
Në praktikë janë evidentuar një sërë sfidash me të cilat përballen gratë, veçanërisht nënat, gjatë proceseve të divorcit, duke përfshirë zvarritjen e procedurave gjyqësore dhe vonesat në caktimin dhe ekzekutimin e pagesave të alimentacionit për fëmijët. Përtej ndikimit në mirëqenien dhe sigurinë ekonomike të grave, këto vonesa mund të cenojnë të drejtat dhe interesin më të mirë të fëmijëve.
Përmes kësaj iniciative, ABGJ synon të analizojë në mënyrë gjithëpërfshirëse këto sfida dhe të identifikojë barrierat që pengojnë ofrimin e mbështetjes adekuate për gratë dhe fëmijët në proceset e divorcit, si dhe të përcaktojë intervenimet e nevojshme institucionale dhe ligjore.
Kjo iniciativë mbështetet nga UNMIK dhe UNDP, përmes angazhimit të ekspertes znj. Blerinda Idrizi, e cila do të zhvillojë analizën me fokus në identifikimin e barrierave dhe rekomandimin e intervenimeve të nevojshme për përmirësimin e sistemit të mbështetjes.

31/08/2026

Sot ka nisur Shkolla Verore mbi Gjininë, Ekonominë dhe Politikat, e organizuar nga Instituti Kombëtar Demokratik (NDI) ne bashkëpunim me Agjencinë për Barazi Gjinore/ZKM dhe me mbështetjen e Agjencisë Zvicerane për Zhvillim dhe Bashkëpunim

Shkolla Verore, e cila ka filluar sot, bashkon 35 studentë, të diplomuar, të moshës 18–29 vjeç, nga komunitete dhe fusha të ndryshme akademike.
Programi synon të lidhë njohuritë akademike me praktikën e politikëbërjes, duke trajtuar ndikimin e gjinisë në ekonomi, tregun e punës, financat publike, institucionet dhe pjesëmarrjen demokratike.
Në ditën e parë të Shkollës Verore u zhvillua sesioni “Bisedë e hapur: Gjinia, politika ekonomike dhe pjesëmarrja demokratike”, i cili solli një bashkëbisedim të drejtpërdrejtë dhe interaktiv ndërmjet Kryeministrit në detyrë të Republikës së Kosovës, Albin Kurti, dhe pjesëmarrësve të Shkollës Verore.
Bashkëbisedimin e moderoi Drejtoresha Ekzekutive e Agjencisë për Barazi Gjinore, Edi Gusia, duke krijuar një hapësirë të hapur për diskutim dhe shkëmbim të drejtpërdrejtë të ideve ndërmjet Kryeministrit në detyrë zt.Kurti dhe të rinjve.
Diskutimi u fokusua në lidhjen ndërmjet barazisë gjinore, zhvillimit ekonomik dhe pjesëmarrjes demokratike, me theks të veçantë në mënyrën se si prioritetet qeveritare shndërrohen në politika publike, buxhete dhe rezultate konkrete.
Studentët patën mundësi të parashtrojnë pyetje dhe të diskutojnë drejtpërdrejt me Kryeministrin në detyrë mbi çështje me rëndësi për të ardhmen e tyre dhe të shoqërisë, përfshirë punësimin, ekonominë e kujdesit, sipërmarrjen, përfaqësimin politik dhe llogaridhënien institucionale.

Shkolla Verore do të vazhdojë deri më 4 shtator me ligjërata, diskutime dhe sesione interaktive mbi gjininë, ekonominë dhe politikat publike, duke synuar fuqizimin e të rinjve për një pjesëmarrje më aktive në proceset demokratike dhe në ndërtimin e politikave më gjithëpërfshirëse.

26/08/2026

A New Cultural Home for Prishtina — Be a Founding Supporter… Blerza Krasniqi needs your support for A New Cultural Home for Prishtina — Be a Founding Supporter

02/08/2026

The European Institute for Gender Equality1 (E