What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Termokos

Home
Kosovo
Pristina
Termokos

Call Directions Website Contact the organization

“Termokos” është kompani e ngrohjes qendrore e cila nga qershori i vitit 2008 është nën mbikëqyrjen e Komunës së Prishtinës. Numri i kujdestarise: 044/ 555-680

“Termokos” është themeluar në vitin 1970, si kompani e ngrohjes qendrore. Më 1974 “Termokos” iu bashkua Ndërrmarjes Publike Banesore në Prishtinë. Më 1978 ajo u nda nga Ndërrmarrja (BVI) banesore dhe ka filluar operimin si kompani e pavarur e ngrohjes, por nën mbikëqyrjen e Komunës së Prishtinës. Para Nëntorit 2001, Departamenti i Shërbimeve Publike të UNMIK-ut ka qenë i ngarkuar me mbikëqyrjen e “Termokosit”. Më vonë është themeluar Agjensioni Kosovar i Mirëbesimit (AKM) brenda autorizimeve të rezervuara të UNMIKU-ut, në kuadër të cilit ka vepruar Departamenti për mbikëqyrjen e ndërrmarjeve publike, në mesin e të cilave bënte pjesë edhe “Termokosi”. Përveç detyrave tjera, AKM ka pasur mbikëqyrjen komplete mbi veprimtarinë e “Termokosit” duke përfshirë edhe procedurat e prokurimit për furnizimin e lëndës djegëse si dhe donacionet. Nga viti 2006 është korporatizuar dhe nga atëherë vepron si kompani publike në N.P. “Termokos” Sh.A. Nga qershori i vitit 2008 është nën mbikëqyrjen e Komunës së Prishtinës.

“Termokos” was established in 1970 as a district heating company. In 1974 “Termokos” joined the Housing Enterprise of Pristina. In 1978 it separated from the Housing Enterprise and started operating as an independent heating distribution company, but under the supervision of the Municipality of Pristina. Before November 2006, “Termokos” was under the supervision of UNMIK’s Department of Public Services. Then, the Kosovo Trust Agency (KTA) was established within UNMIK’s reserved authorizations. The Department for Supervision of Public Enterprises operated under its authority and “Termokos” was part of it. Beside other responsibilities, KTA supervised all “Termokos” activities, including procurement procedures on fuel supply and donations. Since 2006 it has been incorporated and operates as a public company in D.H. Termokos j.s.c. Since June 2008 it is under the Municipality of Pristina supervision.

16/10/2026

Ecuri e mbarë e furnizimit me ngrohje

16.10.2026, Prishtinë
Kryeshefi Ekzekutiv i NP “Termokos” SH.A., z.Bersant Beka në vizitën, që sot Kryetari i Komunës së Prishtinës z.Përparim Rama ka realizuar në ndërmarrje, e ka njoftuar atë për ecurinë e furnizimit me ngrohje.
Gjatë takimit, ku ishin të pranishëm aksionarët dhe anëtarët e Bordit të Drejtorëve të ndërmarrjes, Kryeshefi Beka foli për fillimin e mbarë të sezonit ngrohës dhe bëri të ditur se kapaciteti i furnizimit po rritet gradualisht.
Kryetari Rama, përgëzoi kryeshefin e ri për marrjen e detyrës dhe e falenderoi për angazhimin në përgatitjen dhe fillimin me kohë të sezonit ngrohës.
NP “Termokos” mbetet në gatishmëri për menaxhimin efikas të furnizimit me ngrohje deri në stabilizimin e plotë të furnizimit për gjithë konsumatorët.

15/10/2026

Fillon sezoni ngrohës 2026/2027

15.10.2026, Prishtinë
NP “Termokos” SH.A., ashtu siç edhe ka paralajmëruar ka filluar gjatë ditës së djeshme të marrë sasitë e para të avullit nga KEK-u për prodhimin e ngrohjes dhe furnizimin me ngrohje në nisje të sezonit ngrohës 2026/2027.
Por, me qëllim të ruajtjes së sigurisë së operimit të pajisjeve dhe funksionimin e qëndrueshëm të sistemit, furnizimi ka filluar me kapacitet të kufizuar, duke u rritur gradualisht. Procesi i marrjes së avullit, prodhimit të energjisë ngrohëse dhe shpërndarjes në rrjetin e kogjenerimit është realizuar me sukses të plotë.
NP “Termokos” do të vazhdojë të angazhohet dhe do të jetë në gjendje gatishmërie të plotë, që edhe këtë sezon ngrohës të ofrojë furnizim të qëndrueshëm dhe cilësor me ngrohje për gjithë konsumatorët.
I gjithë procesi si gjithmonë deri më tani është koordinuar dhe ka rezultuar me sukses, duke iu falenderuar bashkëpunimit të shkëlqyer, që kemi me ndërmarrjet tjera, si: KEK, KEDS dhe KRU “Prishtina”.

14/10/2026

Janë përmbushur kushtet për fillimin e sezonit ngrohës 2026/2027

14.10.2026, Prishtinë
Pas vlerësimit të përgatitjeve për fillimin e sezonit ngrohës 2026/2027, Kryeshefi Ekzekutiv i NP “Termokos” SH.A., z. Bersant Beka, në bashkëpunimin me menaxhmentin e ndërmarrjes, ka konstatuar se janë përmbushur të gjitha kushtet e nevojshme për fillimin e sezonit të ri ngrohës.
Në bazë të këtij vlerësimi, në përputhje me legjislacionin në fuqi dhe kushtet klimatike, sezoni ngrohës 2026/2027 fillon zyrtarisht më 15 tetor për mbi 25 mijë konsumatorë të kyçur në rrjetin e ngrohjes së kryeqytetit.
Falë angazhimit intenziv të Kryeshefit Beka dhe bashkëpunimit të ngushtë me stafin e ndërmarrjes, gjatë ditëve të fundit janë finalizuar përgatitjet e nevojshme për fillimin e sezonit të ri ngrohës. Në kuadër të këtyre angazhimeve është nënshkruar edhe Marrëveshja për furnizim me energji me KEK-un.
Njëkohësisht, në koordinim të ngushtë me Komunën e Prishtinës dhe organet drejtuese të ndërmarrjes, është vlerësuar se janë përmbushur të gjitha kushtet për fillimin e sezonit ngrohës 2026/2027.
Për të garantuar sigurinë e pajisjeve dhe funksionoimin e qëndrueshëm të sistemit, furnizimi me ngrohje do të nisë me kapacitet të kufizuar dhe do të rritet gradualisht, deri në stabilizimin e plotë të furnizimit për të gjithë konsumatorët.

12/10/2026

Kryeshefi Beka u njoftua me ecurinë e përgatitjeve për fillimin e sezonit ngrohës

12.10.2026, Prishtinë
Kryeshefi Ekzekutiv i NP “Termokos” SH.A., z. Bersant Beka ka mbajtur sot takimin e parë me menaxhmentin e ndërmarrjes, ku në fokus ishte ecuria e përgatitjeve për sezonin ngrohës 2026/2027.
Gjatë takimit, Kryeshefi Beka është njoftuar në detaje me aktivitet e zhvilluara deri më tani. Ai ka kërkuar nga menaxhmenti i ndërmarrjes intensifikimin e mëtejmë të përgatitjeve, me qëllim të sigurimit të kushteve të nevojshme për fillimin me kohë të furnizimit me ngrohje.
Menaxhmenti i ndërmarrjes ka rikonfirmuar përkushtimin për përmbylljen me sukses të të gjitha aktiviteteve përgatitore, në mënyrë që sistemi i ngrohjes të jetë plotësisht gatshëm për nisjen e sezonit të ri ngrohës.
NP “Termokos” mbetet e angazhuar, që përgatitjet të zhvillohen sipas planifikimeve, me synimin për të siguruar furnizim të qëndrueshëm për të gjithë konsumatorët.

02/10/2026

Përgatitjet për fillimin e sezonit ngrohës 2026/2027 drejt finalizimit

02.10.2026, Prishtinë

U.d. i Kryeshefit Ekzekutiv të NP “Termokos” SH.A., z. Fidan Rekaliu, ka mbajtur sot një takim me menaxhmentin e ndërmarrjes, gjatë të cilit është diskutuar për ecurinë e përgatitjeve për fillimin e sezonit të ri ngrohës 2026/2027.

Me këtë rast, Kryeshefi Rekaliu ka kërkuar nga menaxhmenti angazhim dhe përkushtim maksimal për përmbylljen me kohë dhe sukses të të gjitha aktiviteteve të planifikuara, në mënyrë që ndërmarrja të jetë plotësisht e gatshme për fillimin e sezonit të ri ngrohës.

Bazuar në ecurinë e deritanishme të aktiviteteve, është vlerësuar se përgatitjet po shkojnë drejt përmbylljes dhe se po krijohen të gjitha parakushtet për një fillim të mbarë dhe të suksesshëm të sezonit ngrohës.

NP “Termokos” SH.A. aktualisht furnizon me ngrohje mbi 25 mijë konsumatorë. Krahas përgatitjeve për sezonin e ri, ndërmarrja është në proces realizimi të projekteve kapitale me rëndësi strategjike, si “Solar 4Kosovo” dhe Projektit për dyfishimin e kapaciteteve, të cilat do të mundësojnë zgjerimin e mëtejmë të rrjetit të ngrohjes dhe rritjen e numrit të konsumatorëve.

21/09/2026

NP “Termokos” organizoi aksion për dhurimin vullnetar të gjakut

21.09.2026, Prishtinë
Punonjësit e NP “Termokos” SH.A. iu përgjigjën sot pozitivisht aksionit për dhurimin vullnetar të gjakut, të organizuar nga ndërmarrja në bashkëpunim me Qendrën Kombëtare të Transfuzionit të Gjakut (QKTGJ).
Interesimi dhe gatishmëria e të punësuarëve për t’iu bashkuar këtij aktiviteti humanitar ishte i lartë. Pas kontrolleve dhe verifikimeve paraprake shëndetësore, 25 punonjës plotësuan kriteret për të dhuruar gjak.
U.d. i Kryeshefit të NP “Termokos”, z.Fidan Rekaliu, përgëzoi punonjësit për gatishmërinë dhe solidaritetin e treguar, ndërsa QKTGJ-në e falenderoi për bashkëpunmimin dhe mbështetjen në realizimin e këtij aksioni.
NP “Termokos” ka aktualisht 15 dhurues të rregullt dhe të shumëfishtë, të cilët ndër vite kanë dhuruar gjak dhjetëra herë.
Ky është aksioni i parë i organizuar për dhurimin vullnetar të gjakut në kuadër të NP “Termokos”. Përmes këtij aktiviteti, ndërmarrja synon, që promovimin e solidaritetit dhe humanizmit ta shndërrojë në një praktikë të rregullt institucionale.

07/09/2026

Njoftim

07.09.2026, Prishtinë
Me pikëllim të thellë njoftojmë se pas një sëmundje të shkurtër, dje u nda nga jeta punëtori ynë, Bekim Canolli (1974).
I ndjeri ishte pjesë e kolektivit të NP “Termokos” për 17 vite me radhë, duke shërbyer me përkushtim si axhustator.
Ndarja e tij e hershme nga jeta është humbje e madhe për ndërmarrjen dhe gjithë kolektivin tonë.
Menaxhmenti dhe gjithë stafi i NP “Termokos” u shprehin ngushëllimet më të sinqerta familjes së të ndjerit, të afërmve, miqve dhe të gjithë atyre, që e njohën, e deshën dhe nderuan Bekimin.
Bekimi do të kujtohet gjithmonë si një punëtor i urtë, i përkushtuar dhe koleg i respektuar.

U prehtë në paqe!

15/07/2026

Pas 17 vitesh angazhim në ndërmarrje, pensionohet Miran Rexhepi

15.07.2026, Prishtinë
Menaxhmenti dhe punonjësit e ndërmarrjes, me një ceremoni rasti të organizuar sot me rastin e pensionimit të kolegut, z.Miran Rexhepi, kanë nderuar atë për kontributin e dhënë në ndërmarrje.
U.d. i Kryeshefit Ekzekutiv të NP “Termokos” Sh.A., z. Raif Vitija, falenderoi z. Rexhepi për përkushtimin dhe profesionalizmin e treguar, që nga viti 2009, duke theksuar se ai ka ushtruar një nga profesionet më të vështira teknike në ndërmarrje, atë të salduesit.
Pasi i ka uruar atij gjithë të mirat për ditëlindjen dhe pensionimin, i ka ndarë një mirënjohje për kontributin e palodhshëm për plot 17 vite. Kryeshefi Vitija në emër të ndërmarrjes i dhuroi z.Rexhepi edhe një orë dore.
Me një dhuratë z.Rexhepi e ka nderuar edhe Sindikata e punëtorëve të ndërmarrjes.
Z. Miran Rexhepi ka falenderuar gjithë kolektivin për përkrahjen dhe bashkëpunimin ndër vite. Ai vlerësoi, veçanërisht, faktin se shumë prej kolegëve ishin kthyer nga pushimet për të marrë pjesë në këtë ceremoni.
Që nga fillimi i angazhimit të tij në vitin 2009, z. Miran Rexhepi ka kryer për 17 vjet punën e salduesit, e cila konsiderohet si një nga punët më të komplikuara, që kërkon profesionalizëm dhe përpikëri të lartë.

05/06/2026

Realizohen ndërhyrje në rrjetin e ngrohjes së QKUK-së

05.06.2026, Prishtinë
NP “Termokos” SH.A. në vazhdimësi e ka trajtuar Qendrën Klinike Universitare të Kosovës (QKUK) si konsumator me prioritet të veçantë. Duke pasur parasysh rëndësinë dhe specifikat e këtij institucioni, për nevojat e QKUK-së është krijuar një njësi e veçantë operative, që është në gjendje gatishmërie të vazhdueshme për të adresuar çdo nevojë, që paraqitet në sistemin e ngrohjes.
U.d. i Kryeshefit Ekzekutiv të NP “Termokos” Sh.A., z. Raif Vitija në koordinim të ngushtë me drejtorin e Departamentit të distribuimit, z.Valdrin Krasniqi, ka autorizuar fillimin e punimeve në rrjetin e ngrohjes së kësaj qendre mjekësore.
Në kuadër të aktiviteteve të parapara me Planin aksional veror, Departamenti i distribuimit ka planifikuar realizimin e disa ndërhyrjeve në rrjetin e ngrohjes në afërsi të Klinikës emergjente.
Punimet përfshijnë saldime teknike, ndërrim të gypave dhe zëvendësimin e valvolave, me qëllim të rritjes së sigurisë së sistemit si dhe përgatitjes sa më të mirë për sezonin e ardhshëm ngrohës. Këto ndërhyrje sigurojnë ofrimin e shërbimeve cilësore dhe të pandërprera të ngrohjes për stafin dhe pacientët e QKUK-së.
Aktivitetet e realizuara janë pjesë e angazhimeve të shumta, që NP “Termokos” do të zhvillojë gjatë Planit aksional veror, në kuadër të përgatitjeve për sezonin ngrohës 2026/2027.

19/05/2026

Aktivitete intensive parapërgatitore për sezonin e ardhshëm ngrohës

19.05.2026, Prishtinë
Në kuadër të Planit aksional veror, Departamenti i prodhim/kogjenerimit është duke realizuar një sërë aktivitetesh përgatitore, me qëllim që sistemi i ngrohjes dhe pajisjet përcjellëse të jenë plotësisht funksionale dhe të gatshme për sezonin e ardhshëm ngrohës.
U.d. i Kryeshefit Ekzekutiv të NP “Termokos” Sh.A., z. Raif Vitija, u njoftua nga drejtori i Departamentit të prodhimit, z.Florent Hoxha, lidhur me ecurinë dhe detajet e realizimit të Planit aksional veror.
Me këtë rast, z.Vitija shprehu mbështetjen e plotë për zbatimin me përpikëri të planit, duke theksuar se realizimi i suksesshmëm i aktiviteteve përgatitore është garanci për një sezon sa më efikas dhe cilësor të ngrohjes.
Aktualisht, ekipet e Departamentit të prodhim/kogjenerimit janë duke realizuar pastrimin e filtrave në nënstacionin e ngrohjes për lagjen “Bregu i Diellit”. Mbeturinat e grumbulluara gjatë procesit të shpërndarjes së ngrohjes mund të pengojnë qarkullimin optimal të ngrohjes në rrjet. Prandaj, pastrimi i tyre është pjesë rutinore dhe e rëndësishme e Planit aksional veror.
Këto aktivitete realizohen çdo vit, menjëherë pas përfundimit të sezonit ngrohës dhe kanë për qëllim sigurimin e funksionimit të qëndrueshëm dhe ofrimin e shërbimeve cilësore për konsumatorët e kyçur në rrjetin e ngrohjes.

Address

Pristina
10000

Opening Hours

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00

Telephone

+38338543210

Website

http://www.termokos.org/

Alerts

Be the first to know and let us send you an email when Termokos posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Termokos:

Want your organization to be the top-listed government service in Pristina?