Gjimnazi Remzi Ademaj - Prizren

31/08/2026

Të dashur nxënës!
Të nderuar prindër!
Të nderuar mësimdhënës!

Viti i ri shkollor 2026/2027 fillon nesër, më 1 shtator 2026.

Në ndërrimin e paraditës, procesin mësimor e ndjekin klasat:
Kl. XII 1–10 dhe kl. XI 1–4, ndërsa në ndërrimin e pasdites janë:
Kl. XI 5–9 dhe kl. X 1–8.

Për ndërrimin e paraditës, mësimi fillon në ora 08:00,
ndërsa për ndërrimin e pasdites, mësimi fillon në ora 13:30.

Duke u bazuar në Udhëzimin Administrativ nr. 06/2014, neni 2, pika 10, ku thuhet se nxënësi obligohet: “Ta mbajë uniformën e shkollës gjatë procesit mësimor ...” kërkohet nga secili nxënës që ta respektojë këtë rregull, nga dita e parë deri në përfundim të vitit shkollor.

Suksese!
Me respekt,
Drejtori i shkollës
Ma.Sc. Sali Ademaj

26/08/2026

Sot u mbajt mbledhje me Këshillin e Mësimdhënësve. Mbledhjen e udhëhoqi drejtori i shkollës z. Sali Ademaj, i cili referoi rreth përgatitjeve të bëra për fillimin e vitit të ri shkollor 2026/2027. Njëkohësisht u bë edhe ndarja e orëve nga aktivet profesionale.

16/08/2026

14/08/2026

Drejtoria Komunale e Arsimit në Prizren shpall Konkurs Plotësues për regjistrimin e nxënësve në klasën e dhjetë (X), për vitin shkollor 2026/2027.
Dorëzimi i dokumenteve: 17, 18 dhe 19 gusht 2026, duke filluar nga ora: 08:00–16:00
Dokumentet e nevojshme për aplikim:
• Fletëparaqitja, e cila merret në shkollën ku nxënësi konkurron;
• Dëftesa origjinale për përfundimin e arsimit të mesëm të ulët (klasat VI–IX);
• Certifikata e lindjes.
Rezultatet e pranimit të nxënësve do të shpallen më 20.08.2026.
Suksese!
Me respekt,
Drejtori
Ma.sc. Sali Ademaj

10/07/2026

Rezultatet e nxënësve që kanë aplikuar për regjistrim në klasën e 10-të.

06/07/2026

NJOFTIM PËR REGJISTRIMIN E NXËNËSVE NË KLASËN E DHJETË (X)

Duke u bazuar në konkursin e shpallur nga Drejtoria Komunale e Arsimit në Prizren, Gjimnazi "Remzi Ademaj" fton të gjithë nxënësit e interesuar të aplikojnë për regjistrim në klasën e dhjetë (X) për vitin shkollor 2026/2027.

Afati për dorëzimin e dokumenteve: 7, 8 dhe 9 korrik 2026 duke filluar nga ora 08:00 deri në ora 16:00

Dokumentet e nevojshme për aplikim:

• Fletëparaqitja (merret në shkollë);
• Dëftesa origjinale për përfundimin e shkollës së mesme të ulët (klasat VI–IX);
• Certifikata e lindjes.

Shpallja e rezultateve: 10 korrik 2026
Tërheqja e dokumenteve për kandidatët që nuk janë pranuar bëhet më 11 dhe 13 korrik 2026
Ju urojmë suksese të gjithë nxënësve!

04/07/2026

Gjimnazi “Remzi Ademaj” - zëri i nxënësve, rruga drejt së ardhmes së sigurt

24/06/2026

https://www.youtube.com/watch?v=PcnnTgOCGiM

✔️ Did you subscribe to ATV's Official channel? 👇🏼 ► https://www....

09/06/2026

Sot u mbajt mbledhja e Këshillit të Klasave X dhe XI.
Gjatë takimit u bë analiza e përgjithshme e suksesit të nxënësve dhe u shqyrtuan rezultatet e arritura gjatë gjysmëvjetorit të dytë. Po ashtu, u diskutuan çështjet që lidhen me mungesat, disiplinën dhe aspekte të tjera të rëndësishme.

08/06/2026

Sot, nxënësit Olti Leku dhe Elmir Alushaj, së bashku me nënkryetaren Valentina Sopaj, prezantuan web-faqen e shkollës sonë.

Në këtë prezantim morën pjesë edhe drejtori i shkollës Sali Ademaj si dhe koordinatori i cilësisë, Sami Gashi, të cilët vlerësuan angazhimin dhe punën e nxënësve në realizimin e këtij projekti.

Web-faqja është përgatitur nga nxënësi ynë Olti Leku, me mbështetjen dhe mentorimin e trajnerit Adrian Zenuni nga Qendra për Arsim e Kosovës (KEC).

Ky projekt është zhvilluar në kuadër të programit TechStitution, i financuar nga Agjencia Austriake për Zhvillim (ADA) në partneritet me UNICEF në Kosovë dhe i zbatuar nga Qendra për Arsim e Kosovës (KEC).

Përmes këtij projekti synohet fuqizimi i të rinjve përmes teknologjisë dhe inovacionit, duke kontribuar në digjitalizimin dhe promovimin e aktiviteteve të shkollës sonë.