09/10/2026
🔵MBAHET MBLEDHJA E KATËRT E RREGULLT E KKSB-SË PËR VITIN 2026
Sot, më 9 tetor 2026, u mbajt mbledhja e katërt e rregullt e Këshillit Komunal për Siguri në Bashkësi (KKSB), nën kryesimin e Kryetarit të Komunës z. Smajl Latifi.
Të pranishëm ishin: zëvendësministri i parë i Ministrisë së Punëve të Brendhsme z. Enver Dugolli, anëtarët e KKSB-së, përfaqësuesit e KFOR-it, si dhe drejtorët e drejtorive komunale.
Në fjalën e tij hyrëse, kryetari Latifi përshëndeti të pranishmit dhe theksoi se, bazuar në të dhënat dhe raportet zyrtare, situata e përgjithshme e sigurisë në komunën e Rahovecit është stabile dhe e qetë, pa ndryshime të theksuara krahasuar me periudhën nga mbledhja e fundit e KKSB-së.
Enver Dugolli: “Na gëzon faktin që komuna e Rahovecit sa i përket sigurisë ne bashkësi është një ndër vendet më të qeta dhe me siguri më stabile në Kosovë. Në këtë çështje, në të ardhmen e afërt, bashkërisht, do të kemi mundësi t’i adresojmë të gjitha problemet komunale me kohë dhe t’i fusim në strategjitë e vendit”.
Në këtë mbledhje u diskutua për:👇🏼
✅Vlerësimi i përgjithshëm i gjendjes së sigurisë në territorin e Komunës së Rahovecit;
- Siguria në trafik;
- Raportimi dhe parandalimi i dhunës në familje;
✅Organizimi i fushatave vetëdijesuse përmes aktiviteteve rekreative dhe kulturore për përmirësimin e komunikimit ndëretnik dhe ndërfetar;
✅Informatë nga Drejtoria për Shërbimeve publike lidhur me mirëmbajtjen e rrugëve dhe të trotuareve për sezonin e dimrit;
✅Mbrojtja e ambientit në komunën e Rahovecit;
✅Siguria dhe kontrolli i produkteve ushqimore;
Komandanti i Stacionit Policor në Rahovec, z. Fazli Morina, prezantoi raportin me statistika të detajuara për gjendjen e sigurisë në territorin e komunës, të dhëna këto, të cilat mund t’i lexoni në procesverbalin zyrtar të mbledhjes.
Në përfundim, kryetari falënderoi zv.ministrin Dugolli për angazhimin dhe bashkëpunimin. Falënderoi të gjithë anëtarët e KKSB-së me mirënjohje të veçantë për policinë dhe për pjesëtarët e FSK-së, për kontributin e tyre në ruajtjen e sigurisë dhe stabilitetit në vend.
