Nëndega Ovl-Uqk Pjetërshticë

22/07/2026

NJOFTIM MORTOR

Bashkëluftëtarë, veteranë dhe invalidë të UÇK-së,

Nëndega e OVL-UÇK-së në Pjetërshticë ju njofton se ka ndërruar jetë Naile Gashi,
nëna e veteranëve të UÇK-së Hyvzi, Feim, Besim dhe Lumnie Gashi, nga fshati Pjetërshticë.

Varrimi bëhet sot, e mërkurë, më 22.07.2026, në ora 18:00, në varrezat e fshatit Pjetërshticë.

Nëndega e OVL-UÇK-së në Pjetërshticë i shpreh ngushëllimet më të sinqerta familjes Gashi!

02/07/2026

FTESË / NJOFTIM PËR NGUSHËLLIME

Të nderuar bashkëluftëtarë dhe veteranë,

Me rastin e ndarjes nga jeta të veteranit të Ushtrisë Çlirimtare të Kosovës, Hysen Gashi, i cili që nga ditët e para iu bashkua radhëve të UÇK-së dhe dha një kontribut të çmuar për çlirimin e atdheut, duke luftuar krah për krah me djemtë e tij, Blerimin dhe Burimin, ju njoftojmë se:

Nesër, më 03.07.2026, në ora 17:00, do t’i bashkëngjitemi Shoqatës së Veteranëve të Luftës së UÇK-së – Dega në Shtime, për të shkuar për ngushëllime në familjen e bashkëluftëtarit tonë Blerim Gashi, në fshatin Pjetërshticë.

Prania juaj është shprehje e respektit dhe mirënjohjes për veprën dhe sakrificën e bashkëluftëtarit tonë të ndjerë, si dhe mbështetje për familjen Gashi në këto çaste të vështira.

Lavdi jetës dhe veprës së veteranit Hysen Gashi!
Ngushëllimet më të sinqerta familjes Gashi!

02/07/2026

NJOFTIM MORTOR

Me pikëllim të thellë njoftojmë se ka ndërruar jetë veterani i luftës së Ushtrisë Çlirimtare të Kosovës, Hysen Isuf Gashi nga fshati Pjetërshticë.

I ndjeri u angazhua që nga ditët e para në radhët e Ushtrisë Çlirimtare të Kosovës, në Batalionin e Dytë “Ruzhdi Salihu” në Pjetërshticë, duke qëndruar në shërbim të atdheut deri në përfundim të luftës.

Kontributi, përkushtimi dhe sakrifica e tij për lirinë e Kosovës do të mbeten përherë në kujtesën tonë. Të gjithë ata që e njohën veprimtarinë e tij kanë arsye të ndihen krenarë, ndërsa ne do ta kujtojmë gjithmonë me respekt e mirënjohje.

Varrimi bëhet sot, më 02.07.2026, në fshatin Pjetërshticë, te varrezat e Gashëve.

Ngushëllimet më të sinqerta për djemtë e tij, Beli dhe Burim H. Gashi, për të gjithë familjarët, miqtë dhe bashkëluftëtarët.

U prehtë në paqe! Lavdi e përjetshme! 🇦🇱

13/05/2026

Fjalimi i Komandant Luanit në Dibër, në nder të ditëlindjes së heroit tonë kombëtar Gjergj Kastrioti – Skënderbeu, ishte një mesazh krenarie, respekti dhe përkushtimi ndaj historisë sonë kombëtare. Me fjalët e tij u nderua figura e Skënderbeut dhe u përcoll mesazhi i unitetit, atdhedashurisë dhe respektit për vlerat kombëtare. 🇦🇱🫡

13/05/2026

Komandant Luani, së bashku me disa ushtarë të Batalionit të 2-të “Ruzhdi Salihu”, realizuan një vizitë në Shqipëri për të marrë pjesë në festimin e ditëlindjes së heroit tonë kombëtar, Gjergj Kastrioti – Skënderbeu, në Dibër. Një vizitë me vlerë të veçantë, në nderim të historisë, kombit dhe figurës së lavdishme të Skënderbeut. 🇦🇱🫡

Transmetohet me dt 13.06.2026 në emisionin "Pusho Shqiptarçe" të Tv1 Channel - Shkodër

04/05/2026

5 Maji – Dita e kazermës ushtarake të UÇK-së në Pjetërshticë
Batalioni i Dytë “Ruzhdi Salihu”

Me rastin e 5 Majit, nesër (e martë) në ora 11:00, do të bëhet vizitë në shtëpinë-muze.

Ftohen të gjithë bashkëluftarët e fshatit dhe të Batalionit të Dytë “Ruzhdi Salihu” që të bashkohemi, për të nderuar vlerat e UÇK-së!

05/04/2026

Gjatë qëndrimit në odën e Batalionit të Dytë “Ruzhdi Salihu” në Pjetërshticë, patëm kënaqësinë dhe nderin të ndajmë momente të veçanta me delegacionin e 🇦🇱 Shoqatës së Shkollës Ushtarake “Skënderbej”.

Biseda vëllazërore, kujtimet dhe respekti i ndërsjellë rikujtuan sakrificën dhe rrugëtimin e përbashkët për atdheun. Një atmosferë e ngrohtë që forcon lidhjet tona kombëtare dhe trashëgon vlerat tek brezat që vijnë 🇦🇱🤝

05/04/2026

Mirë se erdhët në Pjetërshticë 🇦🇱🤝

Ishte nder dhe krenari të presim delegacionin e Shoqatës së Shkollës Ushtarake “Skënderbej” nga Shqipëria. Një pritje vëllazërore nga Komandant Luani dhe pjesëtarët e Batalionit të Dytë “Ruzhdi Salihu”, që dëshmon për lidhjen e fortë, respektin dhe historinë e përbashkët që na bashkon.

Këto takime janë dëshmi se sakrifica dhe idealet për atdheun mbeten të gjalla ndër breza 🇦🇱🫡

05/04/2026

Momente të veçanta nga vizita e delegacionit të Shoqatës së Shkollës Ushtarake “Skënderbej” nga Shqipëria 🇦🇱 në fshatin Pjetërshticë

Një takim i mbushur me respekt, krenari dhe vlera të përbashkëta kombëtare. Kjo vizitë na rikujton sakrificën, përkushtimin dhe rrugëtimin e përbashkët për liri e atdhe.

Mirënjohje për këtë vizitë domethënëse dhe për frymën e bashkëpunimit që na bashkon gjithmonë. 🇦🇱