Gjimnazi "Eqrem Çabej" Vushtrri

09/09/2026

Sot biblioteka e gjimnazit tonë u pasurua me një titull të veçantë dhe me vlerë të madhe historike. Ish-drejtori i shkollës, z. Xhevat Lahu, dhuroi librin e tij më të ri me titull "Ramadan Shala" drejtori i parë i gjimnazit të Vushtrrisë. Ky libër, me autor vetë z. Lahu, sjell një dokumentim të çmuar të historikut të arsimit në qytetin tonë dhe nderon figurën e drejtorit të parë që vendosi themelet e gjimnazit. E falënderojmë përzemërsisht z. Xhevat Lahu për këtë kontribut të çmuar dhe për përkushtimin e tij të vazhdueshëm ndaj dijes e trashëgimisë arsimore të shkollës sonë.

31/08/2026

Mirëseardhje për Nxënësit e Gjimnazit

​Të dashur nxënës,
​Gjimnazi ynë ju uron mirëseardhje të ngrohtë në fillimin e vitit të ri shkollor! Një përshëndetje e veçantë shkon për nxënësit e klasave të dhjeta, të cilët po nisin një kapitull të ri e me plot mundësi në udhëtimin e tyre arsimor.

​Ndërrimet dhe orari:
• ​Data: 1 Shtator 2026
• ​Ora: 07:10 (Nderrimi paradite; Paralelet: XI 1,2,3,4,5 dhe XII 1,2,3,4,5,6,7,8,9,10, 11)
• ​Ora 13:00 (Nderrimi pasdite;
• X 1,2,3,4,5,6,7,8,9,10,11 dhe XI 6,7,8,9,10, 11
​Ju mirëpresim me përkushtim për të ndërtuar së bashku një vit të suksesshëm, me arritje të larta në mësime e aktivitete të shumta.

26/08/2026

GJIMNAZI ËSHTË GATI

Me dyert e hapura, përkushtim të palëkundur dhe energji të re, Gjimnazi "Eqrem Çabej" është krejtësisht i gatshëm për ta shndërruar këtë vit të ri shkollor në një udhëtim të përbashkët drejt diturisë dhe suksesit.

13/08/2026

Nxënësja e gjimnazit Rita Spahiu përfaqëson Kosovën në Kampin veror frankofon në Moldavi
Në organizim të Ministrisë së arsimit të Moldavisë dhe e përkrahur nga CREFECO ( Qendra regjionale frankofone pë Europën qendrore dhe lindore) dhe nga Organizata ndërkombëtare e Frankofonisë (OIF), në Moldavi është duke u mbajtur Kampi veror regjional frankofon me pjesëmarrjen e të rinjëve nga 9 shtete të Europes qendrore dhe lindore.
Mbrëmë, Kosova u prezentua nga nxënësja e gjimnazit tonë, Rita Spahiu e cila një pjesë të prezentimit ia kushtoi qytetit tonë, Vushtrrisë.
Urime për Ritën, gjimnazin dhe Vushtrrinë.

14/07/2026

SUKSES I PAARRITUR ASNJËHERË MË PARË NË GJUHËN FRËNGE

NXËNËS TË KLASËS SË XI-të (NIVELI A1) KALOJNË ME SUKSESE PROVIMIN E KLASËS SË XII-të (NIVELI A2)
Muajin e kaluar, të organizuara nga Ambasada e Francës në Kosovë, në Institutin Francez në Prishtinë u mbajtën provimet e gjuhës frënge për nxënësit e shkollave të mesme DELF A1 dhe DELF A2 JUNIOR. Si çdo herë, edhe këtë vit, nxënës të shkollës sonë morën pjesë në këto provime dhe suksesi i tyre është i veçantë. Për herë të parë, këta nxënës kishin dëshirën dhe vullnetin që në vend të provimit DELF A1 JUNIOR (i paraparë për klasën e XI-të) të përballeshin me provimin DELF A2 JUNIOR, nivel të cilin do të duhej ta arrinin në përfundim të klasës së XII-të. Dhe, Rita, Anisa, Melika, Vlera, Kanita… na bënë krenar me rezultatet e tyre.
Në fillim të vitit shkollor ato do të pajisen me diploma nga Ministria e Arsimit e Francës në Paris, diploma këto të njohura ndërkombëtarisht.
Qyteti ynë në përgjithësi e Gjimnazi ynë në veçanti, kanë qenë dhe janë shembull i të mësuarit dhe të të kultivuarit të gjuhës, kulturës dhe qytetërimit frëng.
Urime dhe suksese tutje!
Mësimdhënësi: Ma.sc. Naim Bunjaku

06/07/2026

REGJISTRIMI I NXËNËSVE NË KLASËN E 10-të

​Të nderuar prindër dhe të dashur nxënës,
​Ju njoftojmë se ka filluar procesi i regjistrimit të nxënësve në klasët e 10-ta për vitin e ri shkollor 2026/2027. Të gjithë të interesuarit ftohen të paraqesin aplikimin e tyre pranë ambientet e shkollës sonë brenda afateve të përcaktuara.
​
Dokumentet e nevojshme për aplikim:
​Për të kryer aplikimin me sukses, nxënësi duhet të ketë me vete dokumentacionin e mëposhtëm:

• ​Dëftesën origjinale të përfundimit të klasës së 9-të.
• ​Çertifikatën e lindjes (ekstraktin e lindjes).
• ​Flet-aplikacionin, të cilin e merrni dhe e plotësoni fizikisht në shkollën ku konkurroni.
• ​Një fasikëll (mjet mbajtës) për vendosjen dhe dorëzimin e të gjitha dokumenteve.

​ Këtij njoftimi i bashkëngjitet edhe konkursi zyrtar i shpallur nga Komuna, ku mund të gjeni detajet mbi numrin e vendeve të lira, drejtimet e disponueshme, kriteret e pikëve dhe afatet e sakta të dorëzimit:

02/07/2026

REZULTATE TË LARTA NË TESTIN E MATURËS

​Kemi kënaqësinë e veçantë të ndajmë me ju një lajm të mirë që kurorëzon punën, përkushtimin dhe disiplinën e treguar përgjatë viteve!
Gjimnazi ynë ka shënuar një rezultat mbresëlënës në Testin e Maturës Shtetërore, me një shkallë kalueshmërie prej 91%.

​Ky sukses i lartë është dëshmi e qartë e bashkëpunimit të shkëlqyer mes mësimdhënësve tanë të palodhur dhe maturantëve tanë të mrekullueshëm, të cilët treguan pjekuri dhe nivel të lartë akademik. Ju falënderojmë që lartësoni emrin e shkollës sonë në nivel gjithëkombëtar!

​Maturantëve tanë u urojmë rrugëtim të mbarë dhe shumë suksese në studimet universitare. Ne besojmë fuqishëm se e ardhmja juaj do të jetë e ndritur!

23/06/2026

DIPLOMIMI I MATURANTËVE

Ceremonia zyrtare e diplomimit të maturantëve të gjimnazit „Eqrem Çabej“ në Vushtrri mblodhi nxënës, prindër dhe mësimdhënës në një ngjarje tejet festive dhe plot emocione.
Drejtori i shkollës, Galip Avdiu, hapi ceremoninë duke përgëzuar maturantët për pjekurinë akademike dhe duke vlerësuar punën e palodhur të stafit pedagogjik.Fjalën e mori edhe drejtoresha e arsimit, Naile Bekteshi, e cila i inkurajoi të rinjtë që të ndjekin me ngulm rrugën e dijes, duke theksuar se arsimimi i tyre është shtylla kryesore e zhvillimit të ardhshëm të qytetit dhe më gjerë.
​Mes duartrokitjeve të shumta, kryetari i komunës, Ferit Idrizi, mbajti një fjalim frymëzues ku uroi maturantët për këtë arritje të madhe, duke u premtuar mbështetjen e vazhdueshme të pushtetit lokal në rrugëtimin e tyre të ri akademik. Pas mesazheve përshëndetëse dhe vlerësuese, nisi procesi solemn i dhënies së diplomave për secilin nxënës, si dëshmi e përfundimit me sukses të shkollës së mesme. Ceremonia u përmbyll me çastin më spektakolar dhe tradicional: numërimin mbrapsht dhe hedhjen e kapelave të diplomimit lart në qiell, çka shënoi zyrtarisht nisjen e një kapitulli të ri dhe plot shpresë për jetën e këtyre të rinjve.

22/06/2026