Komuna e Vushtrrisë

Komuna e Vushtrrisë Faqja Zyrtare e Komunës së Vushtrrisë Tel: 080042000 (pa pagesë për thirrjet brenda Kosovës)

DKA nënshkruan memorandum mirëkuptimi për implementimin e Projektit PEDAKOS IIDrejtoria për Arsim ka nënshkruar memorand...
07/09/2026

DKA nënshkruan memorandum mirëkuptimi për implementimin e Projektit PEDAKOS II

Drejtoria për Arsim ka nënshkruar memorandum mirëkuptimi për implementimin e Projektit PEDAKOS II – Aleanca për Zhvillimin e Arsimit Parashkollor për Kosovën.

Nënshkrimi i marrëveshjes është bërë nga drejtoresha për Arsim, Naile Bekteshi, dhe përfaqësuesja e OJQ-së Volontari nel Mondo RTM, Albina Kolaj.

Qëllimi i këtij memorandumi është krijimi i një kuadri bashkëpunimi dhe koordinimi që synon fuqizimin e shërbimeve të arsimit parashkollor, përmes ngritjes së kapaciteteve, inovacionit pedagogjik dhe promovimit të praktikave arsimore gjithëpërfshirëse dhe me fëmijën në qendër.

Arritja e kësaj marrëveshje u konsiderua një hap i rëndësishëm drejt fuqizimit të arsimit parashkollor dhe krijimit të mundësive më të mira për fëmijët tanë.

Mbahet mbledhja e Këshillit Komunal për Siguri në BashkësiSot është mbajtur mbledhja e Këshillit Komunal për Siguri në B...
07/09/2026

Mbahet mbledhja e Këshillit Komunal për Siguri në Bashkësi

Sot është mbajtur mbledhja e Këshillit Komunal për Siguri në Bashkësi (KKSB), ku u diskutuan disa çështje që kanë të bëjnë me sigurinë në Vushtrri.

Mbledhja u kryesua nga kryetari i Komunës së Vushtrrisë, Ferit Idrizi, i cili i falënderoi qytetarët dhe institucionet e sigurisë për bashkëpunimin.

Në këtë takim u bë vlerësimi i përgjithshëm i gjendjes së sigurisë në territorin e Komunës së Vushtrrisë, për çka u tha se situata është e qetë dhe stabile.

Vendoset gurthemeli për ndërtimin e lapidarit në nderim të nëntë anëtarëve të familjes UjkaniNë fshatin Reznik, sot, kry...
07/09/2026

Vendoset gurthemeli për ndërtimin e lapidarit në nderim të nëntë anëtarëve të familjes Ujkani

Në fshatin Reznik, sot, kryetari i Komunës së Vushtrrisë, Ferit Idrizi, së bashku me familjarët dhe deputeten e Kuvendit të Kosovës, Fjolla Ujkani, vendosën gurthemelin për ndërtimin e lapidarit në nderim të nëntë anëtarëve të familjes Ujkani, të vrarë mizorisht nga forcat serbe.

Me këtë rast, kryetari Idrizi tha se ky lapidar do të jetë një vend kujtese dhe nderimi për viktimat e familjes Ujkani, por edhe një dëshmi e përhershme e krimit të kryer ndaj tyre.

“Ky lapidar do të jetë një vend kujtese dhe nderimi për viktimat e familjes Ujkani, por edhe një dëshmi e përhershme e krimit të kryer ndaj tyre. Masakra ndaj familjes Ujkani mbetet një nga plagët më të rënda në kujtesën tonë kolektive dhe një dëshmi e sakrificës së popullit tonë për lirinë që e gëzojmë sot. Lavdi e përjetshme martirëve të familjes Ujkani”, deklaroi kryetari Idrizi.

TELEGRAM NGUSHËLLIMI I KRYETARIT Z. FERIT IDRIZI PËR FAMILJEN KLINAKUMe pikëllim të thellë mora lajmin për ndarjen nga j...
02/09/2026

TELEGRAM NGUSHËLLIMI I KRYETARIT Z. FERIT IDRIZI PËR FAMILJEN KLINAKU

Me pikëllim të thellë mora lajmin për ndarjen nga jeta të veteranit të Ushtrisë Çlirimtare të Kosovës, Hajdar Klinaku, nga fshati Bivolak, i cili ishte pjesëtar i Brigadës 142 të Zonës Operative të Shalës.

Në emrin tim personal dhe në emër të Komunës së Vushtrrisë, i shpreh ngushëllimet e mia familjes Klinaku, bashkëluftëtarëve të tij dhe gjithë qytetarëve. Hajdar Klinaku do të kujtohet gjithmonë për kontributin e tij të çmuar në luftën për liri dhe për angazhimin e tij në shërbim të atdheut.

Në këto momente të rënda, ju shpreh ngushëllimet e mia më të thella dhe bashkëndjej dhimbjen me ju. Qoftë i përjetshëm kujtimi për të!

Ferit Idrizi
Kryetar i Komunës së Vushtrrisë

Kryetari Idrizi uron fillimin e vitit të ri shkollor📚Me rastin e fillimit të vitit të ri shkollor, kryetari i Komunës së...
01/09/2026

Kryetari Idrizi uron fillimin e vitit të ri shkollor📚

Me rastin e fillimit të vitit të ri shkollor, kryetari i Komunës së Vushtrrisë, Ferit Idrizi, ka uruar nxënësit, mësimdhënësit dhe prindërit, duke u dëshiruar një vit të mbarë dhe të suksesshëm.

Kryetari Idrizi ka uruar që viti i ri shkollor të jetë i mbushur me dije, suksese dhe arritje për të gjithë nxënësit e Vushtrrisë, ndërsa ka përcjellë urimet e tij edhe për mësimdhënësit dhe prindërit.

“1 Shtatori shënon një fillim të ri për të gjithë nxënësit, e veçanërisht për vogëlushët që sot, për herë të parë, ulen në bankat shkollore dhe nisin një rrugëtim të ri drejt dijes.🎒📚 Për të gjithë nxënësit e Vushtrrisë, uroj që ky vit shkollor të jetë i mbushur me dije dhe shumë suksese. Mësimdhënësve u uroj punë të mbarë në misionin e tyre fisnik, ndërsa prindërve uroj t’u shtohen arsyet për të qenë krenarë me fëmijët e tyre. Urime 1 Shtatori dhe një vit të mbarë për nxënësit, mësimdhënësit dhe prindërit!✨”, deklaroi kryetari Idrizi.

Shënohet Dita e Dëshmorëve të Komunës së VushtrrisëËshtë shënuar sot Dita e Dëshmorëve të Komunës së Vushtrrisë, ku u nd...
01/09/2026

Shënohet Dita e Dëshmorëve të Komunës së Vushtrrisë

Është shënuar sot Dita e Dëshmorëve të Komunës së Vushtrrisë, ku u nderuan ata që me sakrificën dhe gjakun e tyre bënë të mundur lirinë e Kosovës.

Kryetari i Komunës së Vushtrrisë, Ferit Idrizi, bashkë me kabinetin qeveritar, përfaqësuesit e Shoqatave të dala nga lufta e UÇK-së, familjarë të dëshmorëve, invalidë, veteranë, përfaqësues të institucioneve dhe qytetarë të shumtë, bënë homazhe dhe vendosën kurora me lule në Varrezat e Dëshmorëve në Bletaj, për të nderuar veprën sublime të dëshmorëve tanë.

Po ashtu, në nderim të kujtimit të dëshmorëve, u mbajt edhe Akademi Përkujtimore, ku u kujtua lufta e drejtë e Ushtrisë Çlirimtare të Kosovës për lirinë e vendit.

Me këtë rast, kryetari Idrizi tha se dëshmorët e UÇK-së janë pjesë e përjetshme e kujtesës dhe historisë sonë.

“Sot, në Ditën e Dëshmorëve të Komunës së Vushtrrisë, nderuam ata që me sakrificën dhe gjakun e tyre bënë të mundur lirinë e Kosovës. Dëshmorët e UÇK-së janë pjesë e përjetshme e kujtesës dhe historisë sonë. Lavdi e përjetshme dëshmorëve të Vushtrrisë! Lavdi të gjithë dëshmorëve të Ushtrisë Çlirimtare të Kosovës”, deklaroi kryetari Idrizi.

Në 28-vjetorin e rënies përkujtohet dëshmori Rexhep MusaNë 28-vjetorin e rënies heroike, sot është përkujtuar dëshmori i...
30/08/2026

Në 28-vjetorin e rënies përkujtohet dëshmori Rexhep Musa

Në 28-vjetorin e rënies heroike, sot është përkujtuar dëshmori i Ushtrisë Çlirimtare të Kosovës, Rexhep Musa.

Kryetari i Komunës së Vushtrrisë, Ferit Idrizi, bashkë me kabinetin qeveritar, deputetin e Kuvendit të Kosovës, gjeneral Rrahman Rama, përfaqësuesit e shoqatave të dala nga lufta e UÇK-së, bashkëluftëtarë dhe familjarë, bënë homazhe te varri i dëshmorit në Varrezat e Dëshmorëve në Bletaj, si dhe te lapidari në vendin e rënies së tij në Ceceli.

“Lavdi e përjetshme dëshmorit Rexhep Musa dhe të gjithë dëshmorëve të lirisë”, deklaroi kryetari Idrizi.

Dëshmori Rexhep Musa ishte pjesë e Brigadës 141 të Zonës Operative të Shalës.

FTESËMë 1 shtator, në Ditën e Dëshmorëve të Komunës së Vushtrrisë, ju ftojmë të merrni pjesë në Akademinë Përkujtimore, ...
28/08/2026

FTESË

Më 1 shtator, në Ditën e Dëshmorëve të Komunës së Vushtrrisë, ju ftojmë të merrni pjesë në Akademinë Përkujtimore, në nderim të dëshmorëve tanë.

Akademia organizohet nën patronazhin e kryetarit të Komunës së Vushtrrisë, Ferit Idrizi, në bashkëpunim me Shoqatat e dala nga Lufta e UÇK-së dhe do të mbahet në orën 09:00, në Varrezat e Dëshmorëve në Bletaj.

Lavdi e përjetshme të gjithë dëshmorëve të Kombit! 🇦🇱

Barnatoret kujdestare gjatë natës për muajin shtator 2026
28/08/2026

Barnatoret kujdestare gjatë natës për muajin shtator 2026

25/08/2026

Ju keni fuqinë ta ndaloni fruthin.

Vaksinoni fëmijët për jetë më të shëndetëshme.

Instituti Kombëtar i Shëndetësisë Publike të Kosovës

Address

Sheshi "Ahmet Krasniqi" Nr. 10
Vushtrri
42000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Komuna e Vushtrrisë posts news and promotions. Your email address will not be used for any other purpose, and you can unsubscribe at any time.

Shortcuts

Share

Category