Shmu-2

Shmu-2 Shkollë e Mesme e Ulët

Me shumë ngrohtësi dhe entuziazëm, sot u mirëpritën nxënësit e klasave të gjashta, të cilët po hedhin hapat e parë në nj...
01/09/2026

Me shumë ngrohtësi dhe entuziazëm, sot u mirëpritën nxënësit e klasave të gjashta, të cilët po hedhin hapat e parë në një etapë të re dhe të rëndësishme të rrugëtimit të tyre shkollor.

Nxënësit e dashur u pritën me ngrohtësi nga drejtoresha e shkollës Shqipe Dubovci, e cila u përcolli urimet më të mira për një vit të suksesshëm, plot mësime të reja, miqësi, zhvillim dhe momente të bukura.

Një falënderim i veçantë shkon për psikologen e shkollës Ardiana Mernica, pedagogun Selver Bajgora, këshilltaren e karrierës Nora Haxhaj dhe arsimtarin e artit muzikor Bujar Surdulli, për përkushtimin, bashkëpunimin dhe angazhimin e tyre në realizimin e këtij aktiviteti dhe në krijimin e një atmosfere të ngrohtë e pozitive për nxënësit tanë.

Mirë se erdhët në familjen tonë shkollore, të dashur nxënës të klasave të gjashta! 🎓✨

Komunikimi Jo i Dhunshëm – investim në një shkollë më të mirëNë kuadër të zhvillimit profesional, tre mësimdhënës të shk...
25/08/2026

Komunikimi Jo i Dhunshëm – investim në një shkollë më të mirë

Në kuadër të zhvillimit profesional, tre mësimdhënës të shkollës sonë: Ujeza Plakolli, Ardiana Tahiri dhe Jeton Sallahu, morën pjesë në trajnimin dyditor “Komunikimi Jo i Dhunshëm”, të organizuar dhe zhvilluar nga KEC – Qendra për Arsim e Kosovës
Trajnimi u fokusua në zhvillimin e shkathtësive të komunikimit me mirëkuptim dhe empati, në menaxhimin paqësor të konflikteve dhe në ndërtimin e marrëdhënieve të shëndosha ndërmjet mësimdhënësve, nxënësve dhe komunitetit shkollor.
Një komunikim i mirë nuk është vetëm mënyrë e të shprehurit; ai është themeli i një klime të sigurt, respektuese dhe bashkëpunuese në shkollë.
Falënderojmë mësimdhënësit tanë për përkushtimin ndaj zhvillimit të vazhdueshëm profesional dhe për gatishmërinë për t’i sjellë njohuritë e fituara në praktikën e përditshme shkollore.

21/08/2026

Njoftim për prindërit e nxënësve të klasave të gjashta

Të nderuar prindër,

Ju njoftojmë se pranimi dhe sistemimi i nxënësve të klasave të gjashta për vitin shkollor 2026/2027 është bërë në bashkëpunim me dy shkollat e rajonit tonë, nga të cilat nxënësit kalojnë në klasën e gjashtë.
Për këtë vit, procesi i pranimit është realizuar pa praninë fizike të prindërve, përmes marrjes së formularëve me të dhënat e nxënësve nga shkollat përkatëse dhe ndarjes së tyre në paralele.
Prindërit nuk kanë nevojë të paraqiten paraprakisht në shkollë për regjistrim.
Dokumentacioni i nevojshëm i nxënësve do të dorëzohet ditën e parë të shkollës, kur prindërit i sjellin fëmijët në shkollë.
Nxënësit janë pranuar dhe janë sistemuar në paralelet përkatëse.

Ju falënderojmë për mirëkuptim!

Mirë se vini në familjen e SHMU-2!

Njoftim për prindërit dhe nxënësitTë nderuar prindër, ju njoftojmë se për vitin shkollor 2026/2027 është përzgjedhur lis...
19/08/2026

Njoftim për prindërit dhe nxënësit

Të nderuar prindër, ju njoftojmë se për vitin shkollor 2026/2027 është përzgjedhur lista e teksteve shkollore për klasat VI, VII VIII dhe IX, në kuadër të aktiveve profesionale të shkollës.
Lista e teksteve dhe shtëpitë botuese përkatëse gjenden në fotografitë e bashkëngjitura.
Ju falënderojmë për bashkëpunimin dhe ju dëshirojmë një fillim të mbarë të vitit të ri shkollor!

12/08/2026

Të nderuar prindër dhe kujdestarë ligjorë,

Ju njoftojmë se afati për aplikim për subvencionimin e teksteve mësimore dhe materialeve shkollore është shtyrë deri të premten, më 14 gusht 2026.

U bëjmë thirrje të gjithë prindërve dhe kujdestarëve ligjorë që ende nuk kanë aplikuar në platformën eKosova për subvencionimin e teksteve mësimore dhe materialeve shkollore për nxënësit nga klasa e parë deri në klasën e nëntë, që ta bëjnë aplikimin sa më parë.

Aplikimi me kohë i mundëson Ministrisë së Arsimit që të realizojë sa më shpejt transferimin e mjeteve financiare në llogaritë bankare të prindërve dhe kujdestarëve ligjorë, në mënyrë që secili nxënës ta fillojë vitin e ri shkollor i pajisur me tekstet mësimore dhe materialet e nevojshme shkollore.

Për çdo paqartësi apo vështirësi gjatë procesit të aplikimit, ju lutemi t’i drejtoheni Ministrisë së Arsimit në adresën elektronike: [email protected]; [email protected]

Sot, një grup nxënësish të klasave të teta, së bashku me arsimtarë të shkollës sonë, morën pjesë në trajnimin bazik për ...
10/07/2026

Sot, një grup nxënësish të klasave të teta, së bashku me arsimtarë të shkollës sonë, morën pjesë në trajnimin bazik për Dhënien e Ndihmës së Parë dhe certifikimin përkatës.
Ky aktivitet u organizua nga Kryqi i Kuq – Dega Vushtrri, në koordinim me Drejtorinë e Arsimit në Vushtrri, në kuadër të projektit "Të Rinjtë për Jetë, Siguri dhe Solidaritet", i financuar nga Bashkimi Evropian dhe i zbatuar nga UNDP në partneritet me Komunën e Vushtrrisë.
Trajnimi synon ngritjen e njohurive dhe aftësive praktike të të rinjve dhe stafit arsimor për reagim të shpejtë dhe të duhur në rastet emergjente, duke promovuar kulturën e sigurisë, solidaritetit dhe përgjegjësisë qytetare.
Falënderojmë organizatorët për këtë mundësi të vlefshme dhe urojmë që njohuritë e fituara të shërbejnë për të mirën e komunitetit tonë.

Javën e kaluar, shkolla jonë pati kënaqësinë të mirëpriste përfaqësuesit e UNICEF-it në kuadër të procesit të Vlerësimit...
09/07/2026

Javën e kaluar, shkolla jonë pati kënaqësinë të mirëpriste përfaqësuesit e UNICEF-it në kuadër të procesit të Vlerësimit të Mjedisit Ushqimor në Shkolla dhe Ushqyerjes në Kosovë.
Gjatë takimit u diskutua rreth ushqyeshmërisë , u shkëmbyen komente dhe sugjerime të vlefshme, si dhe u trajtuan mundësitë për përmirësimin e mjedisit ushqimor në institucionet arsimore. Ky bashkëpunim synon të forcojë bazën e dëshmive që do të mbështesë hartimin e politikave dhe ndërmarrjen e veprimeve konkrete për krijimin e mjediseve më të shëndetshme ushqimore për nxënësit në Kosovë.
Falënderojmë përfaqësuesit e UNICEF-it për vizitën dhe bashkëpunimin e tyre në mbështetje të mirëqenies dhe shëndetit të fëmijëve. Si shkollë, mbetemi të përkushtuar për të kontribuar në nisma që promovojnë një stil jetese të shëndetshëm dhe një mjedis të sigurt e mbështetës për çdo nxënës.

Sot përcollëm me krenari një gjeneratë të re të nxënësve tanë të klasave të nënta, të cilët u pajisën me dëftesat e përf...
07/07/2026

Sot përcollëm me krenari një gjeneratë të re të nxënësve tanë të klasave të nënta, të cilët u pajisën me dëftesat e përfundimit të arsimit të mesëm të ulët dhe nisën një etapë të re të rrugëtimit të tyre arsimor.
Të dashur nxënës, ju falënderoj për përkushtimin, punën dhe angazhimin që treguat gjatë këtyre katër viteve. Me sukseset, arritjet dhe përfaqësimin dinjitoz në aktivitete të ndryshme, ju e nderuat shkollën tonë dhe na bëtë krenarë. Ju uroj që me të njëjtin vullnet, përgjegjësi dhe besim në vetvete të vazhdoni edhe në shkollat ku do të regjistroheni.
Mirënjohje të veçantë për të gjithë mësimdhënësit, të cilët me profesionalizëm, përkushtim dhe punë të palodhshme kontribuan në edukimin dhe formimin e kësaj gjenerate. Faleminderit edhe prindërve për bashkëpunimin dhe mbështetjen e vazhdueshme.
Ju uroj të gjithëve shëndet, mbarësi dhe shumë suksese në çdo hap të së ardhmes. Dyert e shkollës sonë do të mbeten gjithmonë të hapura për ju.

Sot u mbajt mbledhja përmbyllëse e Këshillit të Arsimtarëve, ku u bë një vlerësim i përgjithshëm i punës së realizuar gj...
23/06/2026

Sot u mbajt mbledhja përmbyllëse e Këshillit të Arsimtarëve, ku u bë një vlerësim i përgjithshëm i punës së realizuar gjatë vitit shkollor 2025/2026.
Gjatë mbledhjes u diskutua për rezultatet e arritura, sfidat me të cilat jemi përballur dhe mësimet që kemi nxjerrë për të përmirësuar më tej punën tonë. Ky ishte një vit që kërkoi angazhim, përgjegjësi dhe bashkëpunim të vazhdueshëm nga i gjithë stafi i shkollës.
Falënderojmë arsimtarët për përkushtimin e treguar gjatë gjithë vitit, si dhe nxënësit e prindërit për bashkëpunimin dhe mbështetjen e tyre.
Me përmbylljen e këtij viti shkollor, urojmë që pushimet verore të jenë të mbara dhe të shërbejnë si kohë pushimi e ripërtëritjeje për të gjithë.

Me kënaqësi po përcjellim ecurinë e projektit “Zhvillimi i shkathtësive personale dhe profesionale”, i cili po realizohe...
12/06/2026

Me kënaqësi po përcjellim ecurinë e projektit “Zhvillimi i shkathtësive personale dhe profesionale”, i cili po realizohet nga Qendra Rinore “Hareja” në kuadër të programit ReLOaD 3.
Në shkollën tonë deri më tani janë zhvilluar me sukses dy module trajnimi, me pjesëmarrjen e 50 nxënësve, të cilët kanë pasur mundësinë të avancojnë njohuritë dhe shkathtësitë e tyre personale e profesionale. Gjatë gjithë procesit, nxënësit janë shoqëruar dhe mbështetur nga arsimtari Jeton Sallahu.
Falënderojmë sinqerisht Qendrën Rinore “Hareja” për bashkëpunimin e shkëlqyer, përkushtimin dhe mundësitë që po u ofron të rinjve tanë për zhvillim, fuqizim dhe përgatitje më të mirë për sfidat e së ardhmes.
Presim me interes vazhdimin e aktiviteteve dhe rezultate të reja të suksesshme nga ky projekt i rëndësishëm për nxënësit tanë.
# Vushtrri

Address

Vushtrri
42000

Opening Hours

Monday 07:30 - 18:10
Tuesday 07:30 - 18:10
Wednesday 07:30 - 18:10
Thursday 07:30 - 18:10
Friday 07:30 - 18:10

Website

Alerts

Be the first to know and let us send you an email when Shmu-2 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Shmu-2:

Shortcuts

Share

Category