Human Rights Victims' Claims Board

03/03/2019

Extension of availability of funds for victims of martial law during Marcos regime was APPROVED but the checks issued expired on Augudt 10, 2018. These checks were for claims approved by the Human Rights Victims Claims Board (HRVCB) before it closed on May 12, 2018.

The funds for the reparation of victims who suffered under the Marcos regime, as provided by RA10368, come from funds returned by Switzerland to the Philippine government adjudged by the Philippine Supreme Court as MARCOS' ILL-GOTTEN WEALTH.

The Commission on Human Rights will prepare the distribution of the unreleased cheques and replacement of the expired cheques. While the Landbank will also take steps to facilitate the encashment of the cheques, including those in the name of deceased payees provided the Landbank requirements are fulfilled.

The Congress resolution extends the maintenance, availability, and release of the funds for victims of Marcos Martial Law human rights violations until December 31, 2019

14/09/2018

Ang Human Rights Victims' Claims Board ay sarado na mula pa noong Mayo 12, 2018. Hindi na po ito maaring tumanggap ng panibagong aplikasyon. Hindi na rin ito maaring tumanggap ng apela o magproseso ng kahit na ano pang dokumento. Higit sa lahat, walang awtorisadong grupo ng mga tao o indibidwal na maaring tumanggap ng kahit anong halaga para muling maproseso ang aplikasyon o apela.

Maraming salamat.

The Commission on Human Rights and the Human Rights Victims' Claims Board say that they are no longer accepting new applications amid reports that a group is soliciting money to process reparation claims from victims of Martial Law

10/09/2018

PAUNAWA para sa mga nagtatanong:

Bakit po DENIED ang claim?
-Madami pong dahilan kung bakit nadeny ang inyong claims e.g. kakulangan ng ebidensya, etc. Pakibasa po ang resolution, nandoon po ang explanation.

May matatanggap po ba ang DENIED?
-Wala po. Ang mga APPROVED/GRANTED claims lamang po ang makakatanggap ng monetary compensation.

Bakit po wala pa kaming natatanggap na Notice of Resolution?
-Naipadala na po lahat ng Notice of Resolution maari pong nadelay lamang ang pagdadala sa inyo dahil sa maling address, etc.

Ngayon lang po kami nakakuha ng resolution, pwede pa po ba mag-apela?
-Hindi na po. Nagpost po ang Board ng listahan ng denied claims noong April upang bigyan ng pagkakataon na mag-appeal ang mga Claimants na hindi pa nakakatanggap ng resolution.

Ano po ang status ng appeal namin?
-Tapos na po ang appeals. Pakitingnan po ang status ng inyong appeal/s sa listahan na pinost ng Human Rights Victims’ Claims Board sa kanilang page.

10/09/2018

PAUNAWA para sa mga nagtatanong:

Kailan po ulit magbubukas ang Human Rights Victims' Claims Board (HRVCB)?
-Hindi na po magbubukas ang Board. Nagsara na po ito noong 12 May 2018 batay sa batas.

Pwede pa po ba magfile ng application?
-Hindi na po. Tapos na po ang pagtanggap ng applikasyon noong 2014-2015.

Hwag pong maniwala sa mga ikinakalat na maling impormasyon na pwede uling tumanggap ng applikasyon ang HRVCB.

12/08/2018

MAHALAGANG PAUNAWA:

Wala na pong pamamahagi ng tseke para sa mga biktima ng paglabag ng karapatang pantao noong panahon ng Batas Militar, sa ilalim ng RA 10368, dahil nag-expire na ang bisa ng tseke mula ika-10 ng Agosto 2018.

Ngunit, may mga panukala para palawigin ang bisa ng tseke sa Malacañan at Kongreso. Ang mga panukalang ito ay nangangailangan ng panahon bago maaprubahan. Ito ay nangangahulugan na kailangan munang maghintay ang mga claimants o ang kanilang mga representatives hangga’t hindi napagtitibay ang mga panukalang ito ng Malacañan o Kongreso.

Maraming salamat po.

07/08/2018

MAHALAGANG PAUNAWA mula sa LandBank
Para sa mga Claimants na may Tseke na Nakapangalan sa PATAY

Ito ang mga dokumento na kailangang dalhin sa Landbank para ma encash ang tseke ng patay, base sa LandBank memorandum na inilabas ngayong araw (August 7, 2018):

1. Extrajudicial settlement ng tseke ng mga heirs/ tagapagmana ng biktima, Original or Certified true copy ng death certificate ng biktima, marriage contract ng asawa ng biktima, birth certificate ng mga anak ng biktima;
2. Tatlong beses (3×) na paglalathala (publication) ng extrajudicial settlement sa dyaryo;
3. Publisher's Affidavit of Publication;
4. Government-issued IDs nung magpaencash ng tseke.
5. Lahat ng tagapagmana ay kailangang pumunta sa Landbank branch para maencash ang cheke.

03/08/2018

MAHALAGANG PAUNAWA
Para sa mga Claimants na may Tseke na Nakapangalan sa PATAY

Base sa pag-uusap sa LandBank representative, ito ang mga dokumento na kailangang dalhin sa Landbank para ma encash ang tseke ng patay:

1. Extrajudicial settlement ng tseke ng mga heirs/ tagapagmana ng biktima pati death certificate ng biktima, marriage contract ng asawa ng biktima at birth certificate ng mga anak ng biktima;
2. Tatlong beses (3×) na paglalathala (publication) ng extrajudicial settlement sa dyaryo;
3. Acknowlegement Receipt o Kopya ng resolusyon;
5. Special Power of Attorney (SPA) at 2 government-issued IDs nung magpaencash ng tseke.
6. Estate tax

Kung ang nakapangalan sa tseke ay namatay ngayong taon (2018), sa Landbank na babayaran ang estate tax.

Para sa mga nakapangalan sa tseke na namatay bago 2018, kailangang pumunta sa BIR para doon magbayad ng estate tax at saka magbibigay ng tax clearance ang BIR. Ang tax clearance ay kailangang dalhin sa landbank.

Ang LandBank ay inaasahang maglabas ng pormal na Memorandum sa Lunes (August 6,2018). Samantala, ihanda na ang mga nabanggit na dokumento para sa mabilis na pagproseso ng encashment.

08/06/2018

MAHALAGANG PAUNAWA

Magpapatuloy po ang pamamahagi ng tseke sa susunod na linggo sa mga araw ng Lunes, Miyerkules at Huwebes lamang (June 11,13 at 14, 2018).

Maraming salamat po!

06/06/2018

MAHALAGANG PAUNAWA

Magpapatuloy po ang pamamahagi ng tseke sa araw ng Huwebes at Biyernes (June 7-8, 2018). Pinapayuhan ang mga eligible claimants na hindi pa nakapagclaim ng kanilang mga tseke na magtungo na sa CHR main office sa mga araw na nabanggit dahil, sa ngayon, hanggang Biyernes na lamang ang schedule ng pamamahagi ng tseke.
Maraming salamat po!