District Information Office Kottayam

05/09/2026

*ടെണ്ടർ ക്ഷണിച്ചു*

മാടപ്പള്ളി ഐസിഡിഎസ് പ്രൊജക്ട് ഓഫീസിനു കീഴിലുള്ള മാടപ്പള്ളി, തൃക്കൊടിത്താനം, വാകത്താനം ഗ്രാമപഞ്ചായത്തുകളിലെ 34 വീതം അങ്കണവാടികളിൽ പോഷകബാല്യം പദ്ധതി പ്രകാരം ആഴ്ചയിൽ മൂന്നു ദിവസം മുട്ട വിതരണം നടത്തുന്നതിന് ടെണ്ടര്‍ ക്ഷണിച്ചു. സെപ്റ്റംബർ 15ന് ഉച്ചകഴിഞ്ഞു രണ്ടുവരെ അതത് പഞ്ചായത്ത് /സെക്ടർ തല ഐ സിഡിഎസ് സൂപ്പർവൈസർമാർക്കു നൽകാം. ഫോൺ: 9446097244

05/09/2026

സയൻറിഫിക് അപ്രൻറീസ്
മലിനീകരണ നിയന്ത്രണ ബോർഡിൻറെ കോട്ടയം ജില്ലാ ഓഫീസിൽ പോസ്റ്റ് ഗ്രാജുവേറ്റ് സയൻറിഫിക് അപ്രൻറീസ് നിയമനത്തിനുള്ള വാക്-ഇൻ-ഇൻറർവ്യൂ സെപ്റ്റംബർ എട്ടിനു രാവിലെ 10.30ന് നടക്കും.

വിദ്യാഭ്യാസ യോഗ്യത: കെമിസ്ട്രി/ മൈക്രോബയോളജി/എൻവയോൺമെൻറൽ സയൻസിൽ 50 ശതമാനം മാർക്കോടെ ബിരുദാനന്തരബിരുദം. പ്രായപരിധി: 32 വയസ്. സർട്ടിഫിക്കറ്റുകൾ, മാർക്ക്ലിസ്റ്റുകൾ എന്നിവയുടെ അസലും, സ്വയം സാക്ഷ്യപ്പെടുത്തിയ പകർപ്പും, പ്രവൃത്തിപരിചയ രേഖകളും (ഉണ്ടെങ്കിൽ) സഹിതം കോട്ടയം ശ്രീനിവാസ അയ്യർ റോഡിലുള്ള മലിനീകരണ നിയന്ത്രണ ബോർഡിൻറെ ജില്ലാ ഓഫീസിൽ എത്തണം. ഫോൺ:. 0481-2302445; വെബ്സൈറ്റ്:

Official Website of Kerala State Pollution Control Board, കേരള സംസ്ഥാന മലിനീകരണ നിയന്ത്രണ ബോർഡ്

05/09/2026

ഗതാഗത നിയന്ത്രണം

കോടിമത പുതിയ പാലത്തിന്റെ ഇരുവശങ്ങൾ, അപ്രോച്ച് റോഡ്, കോടിമത മാർക്കറ്റ് റോഡ് ജംഗ്ഷൻ, കോടിമത ചിറ റോഡ് എന്നിവിടങ്ങളിൽ ടാറിംഗ് നടക്കുന്നതിനാൽ സെപ്റ്റംബർ ഏഴിന് രാവിലെ ഏഴു മുതൽ ഒൻപതിനു രാത്രി രാത്രി 12 വരെ ഈ റോഡുകളിൽ വാഹന ഗതാഗതത്തിന് നിയന്ത്രണം ഏർപ്പെടുത്തിയതായി കോട്ടയം പൊതുമരാമത്ത് അസിസ്റ്റന്റ് എൻജിനീയർ അറിയിച്ചു.

05/09/2026

സൗജന്യ തൊഴിൽ പരിശീലനം

ചിൽഡ്രൻസ് ലൈബ്രറിയിൽ പ്രവർത്തിക്കുന്ന എസ്.ബി.ഐ. ഗ്രാമീണ സ്വയം തൊഴിൽ പരിശീലന കേന്ദ്രത്തിൽ കേക്ക് മേക്കിംഗ് കോഴ്സിൽ സൗജന്യ പരിശീലനം നൽകുന്നു. 18 മുതൽ 49 വരെ പ്രായമുള്ളവർക്ക് അപേക്ഷിക്കാം. ഫോൺ- 0481-2303307, 2303306 ,9744208652. ഇമെയിൽ- [email protected]

05/09/2026

പ്രൊജക്ട് കോ-ഓർഡിനേറ്റർ

വനിതാ വികസന കോർപറേഷൻ എറണാകുളം മേഖലാ ഓഫീസിൽ പ്രൊജക്ട് കോ-ഓർഡിനേറ്ററെ ഇൻറേൺഷിപ്പ് വ്യവസ്ഥയിൽ തെരഞ്ഞെടുക്കുന്നതിന് സെപ്റ്റംബർ ഒൻപതിന് രാവിലെ 10.30ന് ഇന്റർവ്യൂ നടത്തും. പ്രായം 25 വയസ് കവിയരുത്. യോഗ്യത: ഒന്നാം ക്ലാസോടെ എം.ബി.എ / എം.എസ്.ഡബ്ല്യൂ/ എൽ.എൽ.ബി. പാസ്പോർട്ട് സൈസ് ഫോട്ടോ, അസ്സൽ രേഖകൾ, പകർപ്പ് എന്നിവ സഹിതം ഹാജരാകണം. ഫോൺ:9496015008,9496015011

05/09/2026

തേക്കിൻ തൈ
സാമൂഹിക വനവത്കരണ വിഭാഗം പത്തനംതിട്ട ഡിവിഷൻ റാന്നി റെയ്ഞ്ചിനു കീഴിലെ പത്തനംതിട്ട ഓമല്ലൂർ മുറിപ്പാറ നഴ്സറിയിൽ മികച്ചയിനം തേക്കിൻ തൈകൾ വിൽപനയ്ക്ക് ലഭിക്കും. തൈ ഒന്നിന് 23 രൂപ. ഫോൺ: 9495104624, 8547603707, 9778508278

05/09/2026

ധനസഹായത്തിന് അപേക്ഷിക്കാം

പിന്നാക്ക വിഭാഗ വികസന വകുപ്പ് മൺപാത്ര നിർമാണ തൊഴിലാളികൾക്കു നൽകുന്ന ധനസഹായം, പരമ്പരാഗത കരകൗശല വിദഗ്ധർ ,കൈപ്പണിക്കാർ, പൂർണ വൈദഗ്ധ്യമില്ലാത്ത തൊഴിലാളികൾ എന്നിവർക്ക് പണിയായുധങ്ങൾ ലഭ്യമാക്കുന്നതിനുള്ള ധനസഹായം, ബാർബർഷോപ്പ് നവീകരണ ധനസഹായം എന്നിവയ്ക്ക് സെപ്റ്റബർ 20 വരെ ഓൺലൈനിൽ അപേക്ഷിക്കാം. വാർഷിക വരുമാനം 2.5 ലക്ഷം രൂപയിൽ കവിയാത്ത 60 വയസ് വരെയുള്ളവരെയാണ് പരിഗണിക്കുന്നത്.പോർട്ടൽ: www.bwin.kerala.gov.in. ഫോൺ -0484-2983130

05/09/2026

അഭിഭാഷക ധനസഹായ പദ്ധതി

പിന്നാക്ക വിഭാഗ വികസന വകുപ്പിന്റെ അഭിഭാഷക ധനസഹായ പദ്ധതിക്ക് സെപ്റ്റംബർ 20 വരെ ഓൺലൈനിൽ അപേക്ഷിക്കാം. പോർട്ടൽ: www.hwin.kerala.gov.in. ഫോൺ - 0484-2983130

05/09/2026

സന്നദ്ധ സംഘടനകളുടെ രജിസ്ട്രി

വികസന,ക്ഷേമപ്രവർത്തനങ്ങളിൽ ഏർപ്പെട്ടിരിക്കുന്ന സന്നദ്ധസംഘടനകളുടെ ജില്ലാതല രജിസ്ട്രി തയ്യാറാക്കുന്നു. ഇത്തരം സംഘടനകളുടെ വിശദവിവരങ്ങൾ കഴിഞ്ഞ വർഷത്തെ പ്രവർത്തന റിപ്പോർട്ട് സഹിതം സെപ്റ്റംബർ പത്തിനകം ജില്ലാ പ്ലാനിംഗ് ഓഫീസിൽ നൽകണം. ഇമെയിൽ - [email protected] ഫോൺ: 0481-2561638.

05/09/2026

ഖരമാലിന്യ ചടങ്ങൾ നടപ്പാക്കുന്നതിനായി പഞ്ചായത്ത് അംഗങ്ങൾക്കുള്ള പരിശീലനം ഏഴു മുതൽ

ഖരമാലിന്യ സംസ്‌കരണ ചട്ടങ്ങൾ നടപ്പാക്കുന്നതിന്റെ ഭാഗമായി ഗ്രാമപഞ്ചായത്തുകളിലെ ജനപ്രതിനിധികൾക്കുള്ള പരിശീലന പരിപാടി കോട്ടയം ജില്ലയിൽ സെപ്റ്റംബർ ഏഴു മുതൽ 14 വരെ ബ്ലോക്ക് തലത്തിൽ നടക്കും.

പള്ളം ബ്ലോക്ക് പഞ്ചായത്ത് ഹാളിൽ ഏഴിന് രാവിലെ 10.30ന് നടക്കുന്ന ചടങ്ങിൽ ജില്ലാ പഞ്ചായത്ത് പ്രസിഡൻറ് ജോഷി ഫിലിപ്പ് ജില്ലാതല ഉദ്ഘാടനം നിർവഹിക്കും. ജില്ലാ കളക്ടർ ചേതൻകുമാർ മീണ മുഖ്യ പ്രഭാഷണം നടത്തും.

ഖരമാലിന്യ സംസ്‌കരണ ചട്ടങ്ങൾ നടപ്പാകുന്നതിനുള്ള പ്രവർത്തനങ്ങളിൽ സ്വന്തം വാർഡിലെ എല്ലാ ജനങ്ങളെയും പങ്കാളികളാക്കുന്നത് തദ്ദേശ ഭരണ സ്ഥാപനങ്ങളിലെ ജനപ്രധിനിധികളുടെ നിയമപരമായ കടമയാണെന്ന സുപ്രീം കോടതി നിരീക്ഷണത്തിന്റെ അടിസ്ഥാനത്തിലാണ് കിലയുടെ നേതൃത്വത്തിൽ സമഗ്രമായ പരിശീലന-ബോധവത്കരണ പരിപാടികൾ സംഘടിപ്പിക്കുന്നത്. തദ്ദേശ വകുപ്പും സംസ്ഥാന ശുചിത്വമിഷനും പരിശീലന പരിപാടിയിൽ പങ്കാളികളാണ്.

കിലയിൽ പരിശീലനം നേടിയ റിസോഴ്‌സ് പേഴ്‌സൺസൺമാർ ബ്ലോക്കുതലത്തിലുള്ള പരിശീലനത്തിന് നേതൃത്വം നല്കും.

തദ്ദേശ വകുപ്പ് ജോയിന്റ് ഡയറക്ടർ ട്രീസ ജോസിന്റെ അധ്യക്ഷതയിൽ ചേർന്ന യോഗം പരിശീലന പരിപാടികളുടെ ക്രമീകരണങ്ങൾ വിലയിരുത്തി. ശുചിത്വ മിഷൻ ജില്ലാ കോർഡിസ്റ്റർ ലക്ഷ്മി പ്രസാദ്, കില ജില്ലാ ഫെസിലിറ്റേറ്റർ റ്റി.വി. ഉദയഭാനു, ബ്ലോക്ക് പഞ്ചായത്തു സെക്രട്ടറിമാർ, റിസോഴ്‌സ് പേഴസൺമാർ എന്നിവർ പങ്കെടുത്തു .