Hoërskool Bonnievale

08/06/2026

02/06/2026

Safari by die skool🐯🐆🦒🐘🌱
Die Graad 2-leerders het geleer oor wilde diere. Die kinders het baie pret gehad terwyl hulle interessante feite oor diere ontdek het. Hulle het geleer waar wilde diere woon, wat hulle eet en hoe hulle in die natuur oorleef.
Die Gr.2's het ’n opwindende safari by die skool gehou. Prente van wilde diere is oral op die skoolterrein versteek. Die leerders moes soos regte safari-verkenners na die diere soek met hul handgemaakte verkykers. Wanneer hulle ’n dier gekry het, het hulle saam gelees en meer oor die dier geleer.
Die leerders het baie entoesiasme gewys en lekker saamgewerk. Die safari het leer en speel op ’n prettige manier gekombineer. Dit was vir almal ’n baie spesiale en leersame dag!!

01/06/2026

LANDLOOP: ✨️🏆💛
INTER-DISTRIK KOMPETISIE @ Stellenbosch

Saterdag het Christiaan le Roux, Else-Mari en Wian Fourie die roetes van Stellenbosch aangepak.

Van die eerste tree tot by die eindstreep het hulle drie deurgedruk, heuwels getem en hul grense getoets. Elke asemteug, elke tree was 'n bewys van deursettingsvermoë en karakter.

Dit gaan nie net oor plekke nie, maar oor moed, dissipline en die wil om aan te hou - selfs wanneer dit moeilik raak. En dit is presies wat hul drie gewys het!

Met meer as 1300 deelnemers, het julle harde werk, oefeninge en toewyding duidelik gewys. Hoërskool Bonnievale is baie trots dat julle ons skool verteenwoordig het.

27/05/2026

NETBAL:
Baie geluk aan Anronette Basjan wat verkies is vir die o.18 Cape Winelands Inter-District span!!
Dit is ń uitstekende prestasie en verg harde werk!
Ons is trots op jou!!
💛🏆✨️

26/05/2026

RUGBY:🏉✨️🏆💛

26/05/2026

REDENAARS: ✨️💛🏆🗣
Ons wens Else-Mari Fourie (Graad 5) bale geluk met haar ultstekende prestasies tydens die onlangse redenaarskompetisies. Else-Mari het aan die Oppie Tong Af-kompetisie deelgeneem en 'n pragtige A+-simbool (86.5%) behaal. Sy het ook aan die Kansvatter-redenaarskompetisie deelgeneem, waar sy deurgedring het na die semi-finale rondte Ons is baie trots op Else-Mari se harde werk en wens haar bale sterkte toe met die volgende uitdunne

22/05/2026

RUGBY: 🏉💛🏆
Die o.13 rugbyspan van HSB is baie opgewonde oor hul nuwe opwarmingshempies.
Op die foto oorhandig oom Jacques Theodore van Goodness Sportswear ‘n hempie aan die kaptein, Luan du Toit. Saam net hulle is Mikhail Arnolds, hul onder-kaptein en hul afrigter meneer Darius van Loggerenberg.

18/05/2026

Ons stel met trots ons gasbeoordelaar vir die Mnr. en Mej. HSB-aand bekend:

✨Anke Coetzer✨

Anke Coetzer is ’n passievolle en doelgerigte jong professionele persoon wat reeds indrukwekkende hoogtes bereik het in beide haar loopbaan en persoonlike prestasies. Sy het haar graad in Aptekerswese aan die Noordwes-Universiteit voltooi en dien tans as apteker by Robertson Hospitaal Apteek.

Benewens haar passie vir gesondheidsorg, het Anke ook haar merk gemaak in die wêreld van skoonheidskompetisies en vermaak. In 2023 was sy ’n Top 7-finalis in Miss South Africa 2023, en in 2024 het sy by Universal Music aangesluit waar sy haar liefde vir musiek verder uitleef.

Anke is ook ’n sportentoesias wat vir die NWU se landloopspan deelgeneem het en onlangs die Twee Oseane Halfmarathon van 2025 aangepak het. Haar stokperdjies sluit klavierspeel, hardloop en sing in – ’n weerspieëling van haar kreatiewe en energieke persoonlikheid.

Met haar ervaring, professionaliteit en inspirerende teenwoordigheid is Anke ’n uitstekende toevoeging tot ons beoordelaarspan. Ons sien uit daarna om haar deel van die Mnr. en Mej. HSB-aand te hê waar sy jongmense sal inspireer om met selfvertroue hul drome na te jaag! 🌟

15/05/2026

Ons stel met trots nog een van ons beoordelaars vir die Mnr. en Mej. HSB-aand bekend:

✨Irene Steyn✨

Irene se passie vir kompetisies en die verhoog het reeds op ’n baie jong ouderdom begin. In 2001 het sy haar heel eerste kompetisie gewen toe sy as baba die Robertson Lenteskou se baba-kompetisie gewen het.

Van 2012 tot 2016 is Irene elke jaar genomineer vir Mej. RHS, en in 2014 het sy ook modelskool bygewoon. Dieselfde jaar het sy die titel van Eerste Prinses by die Robertson Lenteskou verower. Ná die beëindiging van die plaaslike skoue het Irene steeds haar liefde vir die bedryf uitgeleef deur oor die jare talle fotograwe te help om hul portefeuljes op te bou.

In 2025 het die Robertson Lenteskou weer vir die eerste keer ’n skoukoningin aangewys – en Irene het die kroon as Skoukoningin gewen 👑

Vandag is Irene nie net ’n mamma nie, maar ook ’n entrepreneur met haar eie bakkery, MeelBlom, wat pragtige en heerlike koeke, koekies, cupcakes, cakesicles en cakepops vir enige geleentheid maak. 🍰✨

Met haar ervaring, selfvertroue en kreatiwiteit is Irene ’n inspirerende toevoeging tot ons beoordelaarspan, en ons is opgewonde om haar deel van die Mnr. en Mej. HSB-aand te hê! 🌟

15/05/2026

Ons stel met trots een van ons beoordelaars vir die Mnr. en Mej. HSB-aand bekend:

✨Mitchell Balelo✨

Mitchell, gebore en getoë in Swellendam, is ’n passievolle jong leier wat ’n groot verskil maak in jeugontwikkeling en netbal in die Overberg. Ná matriek in 2015 het hy aan die Noordwes-Universiteit in Potchefstroom studeer, waar hy in 2019 ’n graad in Bemarkingsbestuur en Internasionale Handel verwerf het.

Met sy terugkeer na Swellendam het Mitchell homself toegewy aan die ontwikkeling van jong sporttalent en gemeenskapsopbou. Hy is afrigter van die Swellenroses Netball Club, mentor die o/12-span van VRT Pitt Primêr, dien as sekretaris op distriksvlak en is ook ’n addisionele lid van die Wes-Kaapse Netbalfederasie. Daarby is hy ’n gekwalifiseerde netbalbeoordelaar wat professionaliteit en regverdigheid op die baan bevorder.

In Februarie 2026 het Mitchell sy eie Netbal Akademie gestig – ’n inspirerende mylpaal wat sy visie weerspieël om jong spelers te ontwikkel, geleenthede te skep en die volgende generasie te motiveer.

Mitchell se passie vir sport, opvoeding en gemeenskapsontwikkeling maak hom ’n uitstekende toevoeging tot ons beoordelaarspan. Ons sien uit daarna om hom deel van die Mnr. en Mej. HSB-aand te hê, waar hy jongmense sal aanmoedig om met selfvertroue te skitter! 🌟