Banna ba naga

18/04/2024

SETATAMENTE SA BANNA BA NAGA MABAPI LE BOŠULA/BOKGOPO BJA MAPERETE METSENG YA SETHISHI LE GAMABILU.

18/04/2024
Garatouw 282KT

Re le Banna ba naga re tshwela ka mare bokgopo le bošula bjowe bo dirilego ke maphodisa ao a tsejago ka maperete goba SAPS TRT LIMPOPO. Maphodisa ao a šomišitše maatla a bona bošaedi ka go tsena metseng e tshelela kua Sethiši le gaMabilu ntle le mangwalo a semolao a phuruphutšo goba a go golega[warrant of search nor arrest]. Gomme gothwe ba be ba nyakana le DITHUNYA tšeo di sa tsebjego, di lego ka dikgopolo/ditorong tša boramaaka bao ba tlwaelegilego ba mo gaMpuru.

Go kwagala gabotse gore maphodisa ao a rometšwe mono Tubatse go tlo lwešana le taba ya go epja ga koromo mowe go sego molaong, gomme bona maperete ao a dirile segwera sa boloi le batho ba itšego. Lehutšo le kaaka legonono gore maperere a a lefelwa tšhelete ya ditšhila gore ba tle ba hloriše banna ba naga tumelong ya bona ya go lwela gore go be le moepo wa maakgonthe [SUSTAINABLE MINE PROJECT] mo gaRatau esego mantlwane ao rea bonago a Zijin.

PULO YA MOLATO GO IPID

Rele banna ba naga re re thekga sepheto sa bao ba hlokofaditšwego le go senyetšwa thoto ka magaeng ge ba kgonne go bula molato kgahlanong le maitshwaro a maperete ao gore Lekala la go Ikema la go nyakišiša maitshwaro le bokgopo bja maphodisa le tsene fase ka dinyakišišo. Gomme re re lekgotla le la boloi [unholy alliance] la maparete le bona boramaaka le tlo tšwelela pepeneneng gomme letsogo la molao la tšea karolo. Kgato ye e tla netefatša gore go seke gwa ba le tiragalo enngwe ya mohuta wo le gore setšhaba se seke sa sa itšeela molao matsogong ka se befetšwe boka tau ya hlatša marega.

SEBATAKGOMO SA SETŠHABA

Re leboga le setšhaba kamoka, kudu sa Sethiši,Legohlong, Makhwae le gaMabilu ge ba ile ba hlaba mokgoši gomme ba bothana go tloga ka 3am go fihla ka 7am ge ba netefatša gore bahlokofatšwa ba sa bolokegile. Re re ge nkabe e se ka matsapa le gona go hlahla mesela phokeng ga lena nkabe ba bangwe ba golofaditšwe goba gona go bolawa diatleng tša maperete ao.

Re re re leboga le maitapišo kamoka a go beakanya dinamelwa le pese gore re namele re ye moroke go lokolla mongkarena yowe a bego swaretšwe lefela. Re bone gore ga senke a pharwa ka molato goba gona go gatišwa menwanwa.

Re re le ka moso ge go eba le basenyi goba babolayi ba leka go tsena ka motseng dirang bjalo ka mehleng le thibeng difate kamoka tša go tsena le go tšwa ka motseng gore madira a dikologwe gomme ba tle ba tsebe gore naga ye ga se bobapalelo.

GORENG GO NEPILWE BANNA BA NAGA

Boramaka ba ba nepa banna ba naga morago ga go ahlolwa ga molato kua Pitori gore seo banna ba naga le Community Trust bego ba se bolela gore Machaina a dirile boradia kua moše go la Bermuda. Kahlolo e dumelelane le efangedi ya nnete ya banna ba naga gore Machaina ga ba sa na layesense ebile ga ba ikemišetša go bula moepo wa maakgonthe. Rea bona ka mahlo gore seo bego se swanetše go ba moepo se fetogile sorokisi ya go thwala kgwedi tše tharo e thwalolla.

Re ya kua pele.

Ends.

Issued by BBN COMMUNICATIONS OFFICE.
FOR any enquiry: DM

29/02/2024

"MOŠATE" VS COMMUNITY TRUST.

Taba ye e hlwele e le kua Polokwane High court ka di 27 Feb 2024.

Se re se topago ke gore File ya molato wo e sale tafoleng ya Moahlodi gomme kahlolo e ka lokollwa mo matšatšing a mararo.

Molato wo o nale mararankodi a wona elego gore a nyaka 🦒 view gore o kgone go a bona.

Ka go realo a ka seke a naba kudu mo go yona taba ye go fihlela Moahlodi a phetha.

Seo re se topago fa ke gore boramolao ba ba Mošate ba adinngwe ke Zijin gore ba kitimišane le Trust. Leina la bona ke bo ENS Africa [Edward Nathan Sonenberg]. Bona bo ramolao ba ke bao ba hlotšwego ke molato wa Genorah wa Section 11(MPRDA) kua Kgorokgolotshekelo ya Pitori ka di 31 Jan 2024.

In short the Judgement in the above matter is reserved and will be handed down in 3 days time.

21/02/2024

Setatamente sa Banna ba naga mabapi le kopano yeo ebego e biditše ke DRIEKOP SAPS.

Re le Banna ba naga re leboga boetapele le maitapišo a Sephodisa sa Driekop ge ba kgonne go tsena taba ya go thibelwa ga diprotšeke tša gaMpuru go tšwela pele. Sephodisa ka tlase ga boetapele bja Kolonele wa maphodisa Mme Mashabela le ba mphato wa gagwe ba eteletše pele maitekelo a gore tšia e lale nageng ya gaMpuru gomme banna ba mpa ba tlogele go hlolana ka diolo.

Bao bego ba menngwe kopanong ke lefapa la bao ba thibago tsela le bao ba thibollago gore diprotšeke di tšwele pele, di Director tša rena tša Section21, Borakonteraka le ba Mošate wa gaMpuru.

Driekop FM e bile gona fao re ilego ra bona ba lephakga la go thiba tsela ba nyaka gore Seteišene se sa Boikgantšho bja setšhaba se seke sa tla go hlatsetša tiragalo ye. Gomme banna ba naga ba ile ba dumelela Driekop fm gore e tle e hlatsetše gammogo le go kwa lehlakori la Banna na naga.

Bao ba lephakga la go thiba tsela ba ile ba botšišwa dipotšišo tše thatana gore naa ngongorego ya bona keng. Ba ile ba lla ka gore ga ba fiwe menyetla ya di subcontract. Gomme Mme Mashabela a botšiša gore naa e kaba borakonteraka ga ba bapatše menyetla ye ya disub? Borakonteraka ba ile ba tšweletša bohlatse bja gore disubcontract kamoka di bapaditšwe ebile di sa tlo bapatšwa. Gomme go ile gwa ba molaleng gore bao ba thibago tsela ba dira seo e le ge ba nyaka go tšhošetša borakonteraka gore ba banerle disubcontract ka dikgoka.

Kolonele Mashabela o ile a rema taba yeo ka selepe gore borakonteraka ba bowe mmowetšana ka Labohlano gore ba tle ba mmotšhe gore e ka ba ba obamela molaeana wa 25% Local Participation? Gomme KOLONELE MASHABELA O LAETŠE GORE MOŠKMO WA BORAKONTERAKA O TŠWELE PELE, GOMME GE GO KA BA LE YOO A BA THIBELAGO SEPHODISA LE SESOLE BA TLA IKGAŠA GAMPURU GO KGALEMA LENYATŠO LE BOGONGWANA.

Re le banna ba naga re thabela sephetho seo sa sephodisa gomme re re rena re batho ba go hlompha molao neng kapa neng. Yeo a nyatšago molao a lahlelwe ntlwanaswiswi ka gore molao wa Afrika Borwa ke wona gomang ka nna.

Issued by

14/11/2023

[Tša sehlenghleng] Bjale ka ge Moahlodi wa motšwaoswere Van Bogert a teile kgopelo ya Nkwe platinun ka ntahle ka di 27/11/2023, go hlakile gabotse gore mahlale a ja mong.

Rena re le Banna ba naga le Genorah re ile ra laela boramolao ba rena gore nke ba ye go mongwaledi wa Moahlodi Mokose Seleme gore a hlatholle gore naa a ka lokolla kahlolo ya gagwe neng. Molato e sale o sekwa ka January gomme lehono ke kgwedi yabo lesome re letile kahlolo.

Gomme phetolo eo re e hwetšago ke gore kahlolo eo e ka tšwa nak'e kgolo le e nnyane.

Ka gare ga dipampiri tša kgoro ya tsheko Genorah le Banna ba naga ba setšhaba ba kgopela Moahlodi gore a hlakole leina la Nkwe platinum godimo ga Mining Right/license gomme a laele DMRE gore 74% yeo e fiwe ditšhaba le Genorah.

Taba ye e mabapi le gore Nkwe platinum e tshetše karolo ya 11 ya molao wa go laola dimenerale le dibešeletši wa MPRDA.

Re kwele gore kua barego ke Zijin Mine ngwana ga a le anye ka gore bahlankedi ba yona ba ba golo ba a itšhatšharela. Baeletši ba yona Zijin elego Chwene,Seleka le lekula la bona Dhanooklaal ba fetogile dimpse ge e fatela hlogo ka santa.

Rena re le re ingwaya ka lekomane ka magetleng ebile re re lehutšo le kaaka legonono. Boramaka le bokeatseba bona lehono ga ba tsebe pele le morago ba ikgonere ba phetha seema sa moswana ge a re :"go nya ke eme ka maoto ke lahlile".

07/02/2023

Mothekgi yo mogolo wa mašeleng wa Mining Indaba ya ngwaga o ke Zijin. Ebile bare setšhaba se kgotsofetše ka dilo kamoka.thobela

One of the world’s leading mining companies, the Zijin Mining Group, is sponsoring the Cape Town-hosted Investing in African Mining Indaba for the first time this year.