Seed of Life NPC Cullinan

31/08/2026

Ons staan nou op 26%!🙏🏻

Ons het reeds R5 285 van ons R20 000-teiken ingesamel.

Vandag wil ons spesiaal dankie sê aan ons anonieme skenker van R500.❤️

Jou vrygewigheid beteken vir ons meer as wat woorde kan sê.

Suzi is nie net 'n motor nie. Sy help ons om mense in nood te bereik, skenkings te gaan haal en hoop te vervoer.🌱

Ons het nog R14 715 nodig om haar weer op die pad te kry.

Kan jy help? 'n Klein bydrae van R50, R100 of R200 mag dalk vir jou klein voel, maar wanneer baie hande saam gee, gebeur groot dinge.

🙏🏻Help ons om Suzi weer te laat ry, sodat ons kan aanhou om hoop te bring waar dit die nodigste is.

Dankie Here vir elke hand wat gee. Ons vertrou U vir die res.❤️

🌱Saam plant ons die saad van hoop.

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

29/08/2026

🌱’N SAADJIE VAN HOOP!🌱

Vandag was Michael Joubert en Vicki by die Pretoria Boeremark, waar ek heelwat saailinge aangeskaf het vir ons nuwe groentetuine by Seed of Life NPC Cullinan.🥬🌿

Ons plant nie net groente nie, ons plant hoop en nuwe beginne. 🙏🏻❤️

“...maar God het laat groei.” – 1 Korintiërs 3:6

Alle eer aan God!🙏🏻🌱

22/08/2026

🌱HELP ONS OM ONS NUWE SAAILINGTUIN TE BOU!🌱

By Seed of Life Huis Cullinan droom ons nie net van herstel en ’n nuwe begin nie , ons wil dit kweek.🌱❤️

Ons is tans besig om ons nuwe saailingtuin en klein besigheid op die been te bring. Hierdie projek sal ons help om vaardighede aan te leer, verantwoordelikheid te ontwikkel en met ons eie hande iets volhoubaar te bou.

Ons benodig enige skenkings van die volgende:

🌿Tuinbenodigdhede:
* Kompos
* Perdemis
* Beesmis
* Hoendermis
* Boombas
* Tuinslange en toebehore
* Skopgrawe
* Spitgrawe
* Staalharke
* Grasharke
* Handvurke
* Handgrawe
* Kruiwaens
* Spitvurke
* Plastiekpotte
* Spuitbottels
* Gieters
* P*k
* Grasbesem
* Plaveisel Besem
* Emmers

🌱Plante & Saailinge:
* Plante
* Saailinge
* Saadjies
* Saailingbakke

🏡Infrastruktuur & Boumateriaal:
* Stepping stones
* Crusher stone
* Sement
* PVA-verf
* Verfrollers
* Verfkwaste
* Verfbakke
* Skadunet en ankerpale
* Palette of hout
* Skroewe en Spykers

🙏Elke bydrae, groot of klein, sal ’n direkte verskil maak. Wat vir een persoon dalk net ’n sak kompos, ’n paar potte of ’n pakkie saadjies is, kan vir ons die begin van ’n nuwe toekoms wees.

Ons glo dat ’n saadjie wat vandag geplant word, môre ’n oes kan word.🌱

Help ons asseblief om hierdie droom te laat groei. Saam plant ons hoop, bou ons waardigheid en skep ons nuwe geleenthede.

❤️ Seed of Life NPC Cullinan

Waar herstel begin, hoop groei en nuwe lewens wortel skiet.🙏🏻🌱

16/08/2026

Baie dankie oom Jan vir die R500 donasie. So is ons nog 'n stappie nader aan ons R20 000 om Suzi weer op die pad te kry.

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

09/08/2026

🌸 Gelukkige Vrouedag! 🇿🇦❤️

Vandag vier en eer ons al die ongelooflike vroue wat Seed of Life Collective en Seed of Life NPC Cullinan elke dag ondersteun.

Julle gebede, liefde, krag, omgee, deernis en onwrikbare ondersteuning help ons om voort te gaan om saadjies van hoop te plant.🌱

Aan elke vrou van Suid-Afrika: julle word waardeer, raakgesien en maak ’n verskil. ❤️

Met liefde en dankbaarheid,
Michael & die Seed of Life Familie🌱💚

06/08/2026

ONS STAAN TANS OP 16%

Baie dankie vir die R500 anonieme donasie en die mooi woorde:

Anoniem 6 Aug '26
"Mag julle geseën word met genoeg om Suzi weer op die pad te kom. Ek weet hoeveel jy elke dag insit om ander te help en jy sal altyd jou laaste sent gee vir ander. Ek wens ek kon meer gegee het."

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

05/08/2026

🎉 Ons bekers loop oor! 🙌

Met ongelooflike dankbaarheid deel ons dat ons nóg 'n skenking van R1 000 ontvang het!

Ons veldtog om Suzi weer op die pad te kry staan nou op 14% van ons teiken. Elke bydrae, elke gebed en elke deel van ons veldtog herinner ons daaraan dat ons nie alleen hierdie pad stap nie.

Aan elkeen wat reeds gegee het om ons geliefde Suzi weer op die pad te kry: Baie, baie dankie! Julle maak dit moontlik vir ons om aan te hou om mans, vroue en kinders in nood te dien en hoop te bring waar dit die nodigste is.

"U berei die tafel voor my.......U salf my hoof met olie; my beker loop oor." – Psalm 23:5

Ons glo die Here is besig om groot dinge te doen, en ons sien Sy voorsiening elke dag.

Dankie dat julle saam met ons die saad van hoop plant.❤️

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

04/08/2026

🎉 Wat 'n wonderlike dag van seëninge!

Vandag het ons 3 skenkings vir Suzi se nuwe enjin ontvang!

Ons wil uit die diepte van ons harte baie dankie sê aan elke persoon wat reeds bygedra het. Julle ondersteuning beteken ongelooflik baie vir ons en vir elke lewe wat deur Seed of Life Huis Cullinan geraak word.

🚗 Ons staan nou op 8,4% van ons R20 000-teiken!

Elke bydrae, groot of klein, bring ons nader daaraan om Suzi weer op die pad te kry sodat ons kan voortgaan mense in nood te vervoer, skenkings af te haal en hoop na mense te bring.

As jy nog nie die geleentheid gehad het om te help nie, deel asseblief hierdie veldtog of oorweeg 'n bydrae. Saam kan ons hierdie doel bereik.

Dankie dat julle saam met ons die saad van hoop plant. ❤️

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

03/08/2026

🚗 Ons het jul hulp nodig!

Ons getroue voertuig, Suzi, het 'n nuwe enjin nodig om weer die pad aan te durf. Die koste beloop R20 000.

Suzi is nie net 'n motor nie – sy help ons om mense in nood te vervoer, kos en skenkings af te haal en hoop na mense te bring.

As jy kan help, al is dit met 'n klein bydrae, sal dit 'n groot verskil maak.

❤️ Elke rand bring ons nader daaraan om Suzi weer op die pad te kry.

BackaBuddy-veldtog: https://www.backabuddy.co.za/campaign/help-ons-om-suzi-weer-op-die-pad-te-kry

Baie dankie dat jy saam met ons die saad van hoop plant.

Groete,

Michael Joubert
063 905 4665

Help ons om Suzi weer op die pad te kry By Seed of Life Huis Cullinan is ons voertuig, Suzi , soveel meer as net 'n motor. Sy is die voertuig wa...

31/07/2026

💡 'n Dag wat ons nooit sal vergeet nie...💡

Dit was die dag toe ons met groot opgewondenheid ons solar sekuriteitsligte ontvang het van Susan en die Cullinan Buurtwag.

Ons was in ekstase! Ná alles waardeur ons gegaan het, het hierdie geskenk vir ons soveel meer as net lig beteken. Dit het veiligheid, gemoedsrus en hoop gebring.

Van daardie dag af kon ons terrein snags helder verlig wees met solar-aangedrewe sekuriteitsligte, wat 'n groot verskil aan die veiligheid van ons inwoners en ons huis gemaak het.

Baie dankie, Susan en die Cullinan Buurtwag, dat julle deel geword het van ons storie.

Julle vrygewigheid en omgee het 'n blywende impak gemaak, en ons sal dit nooit vergeet nie.

"Die Here is my lig en my heil; vir wie sou ek vrees?" – Psalm 27:1