SAPS Moorreesburg

19/03/2026

🚨 OPENBARE KENNISGEWING VAN SAPD OOR BEAMPTES WAT WEIER OM SAKE TE OPEN 🚨
In die lig van toenemende klagtes dat dit soms moeilik is om sake by polisiestasies te registreer, moet alle burgers bewus wees van die volgende Nasionale Instruksie van die SAPD rakende die opening en registrasie van strafsake.
Weiering deur SAPD-lede om klaers te help om ’n strafsaak te open, is ’n oortreding van Nasionale Instruksie 3 van 2011.
Ken jou regte as ’n klaer.
Daar is berig dat beamptes by verskeie polisiestasies weier om sake oop te maak, veral in gevalle wat vroue en kinders raak, om redes soos:
Die klaer kan nie die verdagte by naam identifiseer nie.
Die klaer het nie die verdagte na die polisiestasie gebring nie.
Die misdaad het nie binne daardie polisiestasie se gebied plaasgevind nie.
Die beampte glo nie die saak is ernstig genoeg nie.
Klaers word aangesê om die saak self met die verdagte uit te sorteer.
❗ DIT IS ONAAANVAARBAAR.
Wat sê Nasionale Instruksie 3 van 2011?
1. ’n SAPD-lid wat ’n klagte ontvang, moet die klaer ondervra om vas te stel of die klagte aan die vereistes van die spesifieke misdaad voldoen.
2. Klaers mag nooit na ’n ander polisiestasie verwys word nie, selfs al het die misdaad in ’n ander stasie se gebied plaasgevind.
Die Gemeenskapsdienssentrum (CSC) moet verseker dat:
• Klaers of persone wat misdaad rapporteer hoflik behandel word.
• ’n Volledige beëdigde verklaring van die klaer geneem word.
• Klaers nie na ’n ander stasie gestuur word om ’n saak aan te meld nie.
• Alle klagtes onmiddellik aandag kry.
Dissiplinêre optrede
Cluster- en Stasiebevelvoerders moet verseker dat enige lid wat nie aan Nasionale Instruksie 3 van 2011 voldoen nie, aan dissiplinêre stappe onderwerp word.
📢 Lede van die publiek: Rapporteer dit indien ’n SAPD-lid weier om jou saak oop te maak.
☎ SAPD Nasionale Klagtesentrum:
0800 333 177
0860 264 487
Ken jou regte. Moenie wegstap sonder dat jou saak geregistreer word nie.

15/03/2026

23/02/2026

My newest medals

04/12/2025