Raadsheer Johan Allers - VF Plus Oudtshoorn, Greater Oudtshoon Municipality, Oudtshoorn (2026)

02/09/2026

𝟭𝟬𝟴 𝗘𝗣𝗪𝗣-𝗮𝗮𝗻𝘀𝘁𝗲𝗹𝗹𝗶𝗻𝗴𝘀, 𝗺𝗮𝗮𝗿 𝗴𝗲𝗲𝗻 𝗵𝗲𝗹𝗽𝗲𝗻𝗱𝗲 𝗵𝗮𝗻𝗱 𝘃𝗶𝗿 𝗢𝘂𝗱𝘁𝘀𝗵𝗼𝗼𝗿𝗻 𝘀𝗲 𝗱𝗶𝗲𝗿𝗲𝘀𝗸𝘂𝘁 𝗻𝗶𝗲?

Die ontplooiing van werkers wat onlangs deur die Uitgebreide Openbare Werke-program (EPWP) aangestel is, laat ernstige vrae ontstaan terwyl die Oudtshoorn Munisipale Diereskut volgens beskikbare inligting met ’n groot werkslas en beperkte personeel moet klaarkom.

Hetta Pretorius, VF Plus-kandidaat vir Wyk 3 in Oudtshoorn, sê volgens inligting wat aan die party verskaf is, is 108 persone onlangs deur die EPWP aangestel.

Volgens haar word daar egter tans geen EPWP-personeel by die munisipale diereskut ontplooi nie, waar na bewering slegs twee persone die daaglikse werksaamhede én take in die gemeenskap moet hanteer. “As 108 EPWP-werksgeleenthede geskep kon word, waarom kan ’n paar geskikte persone nie ontplooi word om broodnodige ondersteuning by die diereskut te bied nie?” vra Pretorius.

Sy sê die diereskut is nie ’n luukse nie, maar ’n noodsaaklike munisipale diens wat onder meer met verlore, verlate en rondloperdiere werk. Die Oudtshoorn Munisipaliteit se aannemingsproses vereis ook dat personeel huis- en erfinspeksies doen voordat sekere aannemings goedgekeur word. Volgens Pretorius plaas dié verantwoordelikhede ’n aansienlike werkslas op ’n reeds beperkte personeelkorps.

Sy beklemtoon dat EPWP-deelnemers nie gekwalifiseerde skutpersoneel kan vervang of take behoort te verrig waarvoor spesialisvaardighede of bepaalde wetlike bevoegdhede nodig is nie. “Behoorlik gekeurde en opgeleide EPWP-deelnemers kan egter, waar die program se reëls dit toelaat, met ondersteuningswerk soos skoonmaak, algemene instandhouding, voorbereiding van voer en ander nie-gespesialiseerde take help.”

Pretorius wys daarop dat die nasionale EPWP-werwingsriglyne bepaal dat werwing billik, deursigtig en verantwoordbaar moet geskied en gelyke geleenthede aan die teikengemeenskap moet bied. Volgens haar het die VF Plus ook klagtes ontvang dat sommige persone herhaaldelik EPWP-geleenthede kry, terwyl ander geregistreerde werklose inwoners nie ’n geleentheid kry nie.

Pretorius sê sy sal daarom daarop aandring dat die Oudtshoorn Munisipaliteit bekend maak hoe die 108 EPWP-deelnemers gekies is, waar hulle ontplooi is en hoeveel van hulle reeds voorheen EPWP-geleenthede ontvang het. Sy wil ook hê die munisipaliteit moet dringend ondersoek instel na die moontlike ontplooiing van geskikte EPWP-ondersteuningspersoneel by die diereskut. “Dit gaan oor twee dinge: billike werksgeleenthede én beter dienslewering.

“Ons diere verdien behoorlike sorg, die personeel by die diereskut verdien ondersteuning en werklose inwoners verdien ’n EPWP-stelsel waarin almal ’n billike kans kry. EPWP moet geleenthede skep waar daar ’n werklike behoefte bestaan – en nie ’n geslote deur vir dieselfde name word nie,” sê Pretorius.

01/09/2026

𝗩𝗙 𝗣𝗹𝘂𝘀-𝘀𝗸𝗿𝘆𝘄𝗲 𝗹𝗲𝗶 𝘁𝗼𝘁 𝗮𝗺𝗽𝘁𝗲𝗹𝗶𝗸𝗲 𝗮𝗻𝘁𝘄𝗼𝗼𝗿𝗱 𝗼𝗼𝗿 𝗹𝗮𝗮𝗴𝘄𝗮𝘁𝗲𝗿𝗯𝗿𝘂̂𝗲

👇 𝗦𝗰𝗿𝗼𝗹𝗹 𝗱𝗼𝘄𝗻 𝗳𝗼𝗿 𝗘𝗻𝗴𝗹𝗶𝘀𝗵 👇

Die VF Plus Oudtshoorn se wyk 2-kandidaat, André Barnard, se dringende skrywe oor die langdurige sluiting van die laagwaterbrûe in Van der Rietstraat en Kerkstraat het nou ’n amptelike reaksie van die Oudtshoorn-munisipaliteit ontlok.

Barnard het die munisipale bestuurder, Mkhululi Yekani, en uitvoerende burgemeester, Jan van der Ross, versoek om duidelikheid te verskaf oor die stand van herstelwerk, die redes vir die voortgesette sluiting en wanneer inwoners realisties kan verwag dat die brûe weer oopgestel sal word.

Volgens die munisipaliteit word daar tans aan die Van der Rietstraat-brug se betonoppervlak gewerk, wat tydens die Mei-oorstromings beskadig is. Herstelwerk is reeds aan die gang en die munisipaliteit verwag dat die brug teen die einde van September 2026 heropen kan word, onderhewig aan die bevredigende voltooiing van die nodige herstelwerk.

Die munisipaliteit waarsku egter dat die brug nie voortydig vir verkeer oopgestel kan word nie, aangesien voldoende uithardingstyd nodig is om te verseker dat die nuwe betonoppervlak en die duursaamheid van die herstelwerk nie benadeel word nie.

Wat die Kerkstraat-laagwaterbrug betref, is die situasie meer kompleks. Die munisipaliteit sê dié brug het tydens die oorstromings aansienlik meer skade opgedoen en dat verdere herstelwerk nodig is voordat dit veilig heropen kan word.

Daar moet volgens die munisipaliteit eers ’n formele verkrygingsproses deur die Voorsieningskanaalbestuursafdeling gevolg word, asook die nodige omgewings- en ander regulatoriese vereistes. Die brug sal daarom vir ’n langer tydperk gesluit bly, hoewel die munisipaliteit onderneem om verdere opdaterings oor die herstelproses te kommunikeer.

Die munisipaliteit erken ook die ongerief wat die sluiting van beide brûe vir inwoners veroorsaak, maar beklemtoon dat openbare veiligheid eerste gestel moet word en dat brûe nie heropen kan word voordat dit veilig is nie.

Die VF Plus Oudtshoorn verwelkom die terugvoer en veral die duidelikheid oor die verwagte heropening van die Van der Rietstraat-brug. Deursigtige kommunikasie en duidelike tydlyne is belangrik vir inwoners wat reeds maande lank met die gevolge van die sluitings moet saamleef.

Die VF Plus sal die vordering met die herstelwerk en die verdere kommunikasie oor albei brûe dophou.

____________________________

𝗩𝗙 𝗣𝗹𝘂𝘀 𝗹𝗲𝘁𝘁𝗲𝗿 𝗹𝗲𝗮𝗱𝘀 𝘁𝗼 𝗼𝗳𝗳𝗶𝗰𝗶𝗮𝗹 𝗿𝗲𝘀𝗽𝗼𝗻𝘀𝗲 𝗼𝗻 𝗰𝗹𝗼𝘀𝗲𝗱 𝗹𝗼𝘄-𝘄𝗮𝘁𝗲𝗿 𝗯𝗿𝗶𝗱𝗴𝗲𝘀

The VF Plus Oudtshoorn Ward 2 candidate, André Barnard, has received an official response from the Oudtshoorn Municipality following his urgent correspondence regarding the prolonged closure of the low-water bridges in Van der Riet Street and Church Street.

Barnard requested clarity from Municipal Manager Mkhululi Yekani and Executive Mayor Jan van der Ross on the progress of repairs, the reasons for the continued closures and when residents could realistically expect the bridges to reopen.

According to the municipality, work is currently underway on the Van der Riet Street bridge, including repairs to the concrete surface damaged during the May floods. The municipality currently expects the bridge to reopen by the end of September 2026, subject to the satisfactory completion of the necessary repairs.

The municipality says the bridge cannot be reopened prematurely because sufficient curing time is required to ensure that the new concrete surface and the durability of the repairs are not compromised.

The Church Street bridge, however, suffered significantly more extensive flood damage and will remain closed for longer. The municipality says a formal procurement process, as well as the necessary environmental and other regulatory requirements, must first be completed before the required remedial work can proceed.

The municipality has acknowledged the inconvenience caused to residents but stressed that public safety must remain the priority and that the bridges can only be reopened once they are considered safe.

The VF Plus Oudtshoorn welcomes the official response and, in particular, the clarity regarding the expected reopening of the Van der Riet Street bridge. Clear communication and realistic timeframes are important for residents who have been affected by these closures for months.

The VF Plus will continue to monitor progress on the repairs and further updates regarding both bridges.

31/08/2026

𝗩𝗙 𝗣𝗹𝘂𝘀 𝗢𝘂𝗱𝘁𝘀𝗵𝗼𝗼𝗿𝗻 𝘃𝗿𝗮 𝗱𝘂𝗶𝗱𝗲𝗹𝗶𝗸𝗵𝗲𝗶𝗱 𝗼𝗼𝗿 𝗹𝗮𝗻𝗴𝗱𝘂𝗿𝗶𝗴𝗲 𝘀𝗹𝘂𝗶𝘁𝗶𝗻𝗴 𝘃𝗮𝗻 𝗹𝗮𝗮𝗴𝘄𝗮𝘁𝗲𝗿𝗯𝗿𝘂̂𝗲

👇 𝗦𝗰𝗿𝗼𝗹𝗹 𝗱𝗼𝘄𝗻 𝗳𝗼𝗿 𝗘𝗻𝗴𝗹𝗶𝘀𝗵 👇

Die VF Plus Oudtshoorn het in ’n skrywe deur sy wyk 2-kandidaat, André Barnard, namens bekommerde inwoners, ’n dringende beroep op die burgemeester, Jan van der Ross, en munisipale bestuurder, Mkhululi Yekani, gedoen om duidelikheid te verskaf oor die langdurige sluiting van die laagwaterbrûe in Van der Rietstraat en Kerkstraat.

Die twee brûe is sedert die begin van Mei 2026, ná die oorstromings, gesluit. Hoewel die VF Plus begrip het vir die noodsaaklikheid om openbare veiligheid te prioritiseer, plaas die voortgesette sluiting van die brûe volgens Barnard ’n toenemende las op inwoners en ondernemings.

Inwoners word gedwing om lang ompadroetes te gebruik om by die dorp se sakekern, skole, werkplekke en noodsaaklike dienste uit te kom. Dit lei tot bykomende brandstofkoste, tydverlies en daaglikse ongerief. Plaaslike ondernemings word ook deur die verminderde toeganklikheid geraak.

Barnard het verder sy kommer uitgespreek oor motoriste wat die afsluiting by Van der Rietstraat ignoreer en ondanks die versperrings steeds oor die brug ry. Dit skep ’n ernstige veiligheidsrisiko en dui moontlik op groeiende frustrasie onder inwoners oor die gebrek aan vordering en kommunikasie.

Die VF Plus versoek die munisipaliteit om die gemeenskap dringend in te lig oor die huidige toestand van albei brûe, watter herstelwerk of assesserings nog uitstaande is, waarom die heropening so lank vertraag word en wanneer inwoners realisties kan verwag dat die brûe weer vir verkeer oopgestel sal word.

“Inwoners was geduldig en het begrip getoon vir die uitdagings ná die oorstromings, maar daar is nou ’n behoefte aan deursigtige kommunikasie en beslissende optrede,” lui die skrywe.

Die VF Plus meen dié brûe is belangrike skakels binne Oudtshoorn en dat die langdurige sluiting ’n wesenlike impak op die daaglikse lewe van inwoners en die plaaslike ekonomie het. Die party doen daarom ’n beroep op die munisipaliteit om die aangeleentheid met die nodige dringendheid te hanteer en die gemeenskap spoedig van ’n volledige antwoord en realistiese tydlyn te voorsien.

𝗙𝗼𝘁𝗼
Die VF Plus Oudtshoorn se wyk 2-kandidaat, André Barnard.

__________________

𝗩𝗙 𝗣𝗹𝘂𝘀 𝗢𝘂𝗱𝘁𝘀𝗵𝗼𝗼𝗿𝗻 𝗰𝗮𝗹𝗹𝘀 𝗳𝗼𝗿 𝗮𝗻𝘀𝘄𝗲𝗿𝘀 𝗼𝘃𝗲𝗿 𝗽𝗿𝗼𝗹𝗼𝗻𝗴𝗲𝗱 𝗰𝗹𝗼𝘀𝘂𝗿𝗲 𝗼𝗳 𝗹𝗼𝘄-𝘄𝗮𝘁𝗲𝗿 𝗯𝗿𝗶𝗱𝗴𝗲𝘀

The VF Plus Oudtshoorn, in a letter by its Ward 2 candidate, André Barnard, on behalf of concerned residents, has called on Executive Mayor Jan van der Ross and Municipal Manager Mkhululi Yekani to provide urgent clarity on the prolonged closure of the low-water bridges in Van der Riet Street and Church Street.

The two bridges have been closed since the beginning of May 2026 following the floods. While the VF Plus understands the need to prioritise public safety, the continued closure has placed an increasing burden on residents and local businesses.

Residents are being forced to use lengthy detours to reach the town’s business centres, schools, workplaces and essential services. This results in additional fuel costs, lost time and unnecessary daily inconvenience. Local businesses are also being affected by reduced accessibility.

Barnard also raised concern about motorists who are ignoring the closure at Van der Riet Street and crossing the bridge despite the barricades. This creates a serious safety risk and may reflect growing frustration among residents over the lack of progress and communication.

The VF Plus is requesting that the municipality urgently provide the community with an update on the current condition of both bridges, details of any outstanding assessments or repairs, an explanation for the delay in reopening the crossings, and a realistic timeline for when they will once again be open to the public.

“Residents have been patient and understanding of the challenges following the floods, but there is now a need for transparent communication and decisive action,” the letter states.

The VF Plus believes that these bridges are important links within Oudtshoorn and that their prolonged closure is having a significant impact on residents’ daily lives and the local economy. The party therefore calls on the municipality to treat the matter with the urgency it deserves and to provide the community with a comprehensive response and realistic timeline without further delay.

𝗣𝗵𝗼𝘁𝗼
The VF Plus Oudtshoorn Ward 2 candidate, André Barnard.

29/08/2026

𝗠𝗶𝗱𝗱𝗲𝗹𝗽𝗹𝗮𝗮𝘀 𝗸𝗼𝗿𝘁 𝘄𝗮𝘁𝗲𝗿, 𝗻𝗶𝗲 𝗻𝗼𝗴 𝗽𝗼𝗹𝗶𝘁𝗶𝗲𝗸𝗲 𝗺𝗼𝗱𝗱𝗲𝗿 𝗻𝗶𝗲

"𝑅𝑎𝑎𝑑𝑠𝑙𝑖𝑑 𝐶𝑎𝑚𝑝ℎ𝑒𝑟 𝑖𝑠 𝑖𝑚𝑚𝑒𝑟𝑠 ’𝑛 𝑟𝑎𝑎𝑑𝑠𝑙𝑖𝑑 𝑣𝑎𝑛 𝐷𝑦𝑠𝑠𝑒𝑙𝑠𝑑𝑜𝑟𝑝 – ’𝑛 𝑔𝑒𝑚𝑒𝑒𝑛𝑠𝑘𝑎𝑝 𝑤𝑎𝑎𝑟 𝑤𝑎𝑡𝑒𝑟𝑖𝑛𝑓𝑟𝑎𝑠𝑡𝑟𝑢𝑘𝑡𝑢𝑢𝑟 𝑒𝑛 𝑑𝑖𝑒𝑛𝑠𝑙𝑒𝑤𝑒𝑟𝑖𝑛𝑔 𝑛𝑖𝑒 𝑏𝑒ℎ𝑜𝑜𝑟𝑙𝑖𝑘 𝑏𝑒𝑠𝑡𝑢𝑢𝑟 𝑤𝑜𝑟𝑑 𝑛𝑖𝑒."

Dit is blykbaar nou nodig om ’n opvolg te doen op die VF Plus se mediaverklaring van vroeër die week oor die Middelplaas-waterrkwessie – omdat die waarheid oor die werklike probleem klaarblyklik vir sommige mense so ongemaklik geraak het dat dit makliker is om die boodskapper aan te val as om die probleem aan te spreek.

Raadslid Leon Campher van Advieskantoor maak op sosiale media allerhande bewerings dat raadsheer Johan Allers oor die waterkwessie sou lieg.

Interessant.

Laat ons dan maar by die feite bly.

Niemand betwyfel dat die Oudtshoorn-munisipaliteit teen baie hoë koste water met trokke na Middelplaas aanry nie. Die water word boonop gratis in tenks beskikbaar gestel. Dit beteken die munisipaliteit dra nie net die koste van die water en vervoer nie, maar verloor ook inkomste wat normaalweg deur gemeterde water gegenereer sou word.

Die probleem is dus nie dat daar geen water is nie. Die probleem is dat die bestaande infrastruktuur ná die vloede nie behoorlik en volhoubaar herstel kan word nie. Met ander woorde: die probleem is die vakmanskap om die pypleiding behoorlik te herstel – nie een of ander denkbeeldige politieke komplot nie.

Om dan te beweer dat raadsheer Allers “lieg” oor die waterkwessie, is eenvoudig absolute bog. Maar miskien is dit makliker om iemand van leuens te beskuldig as om die werklike tegniese probleem te probeer verstaan. Veral wanneer tegniese waterinfrastruktuur nie juis jou sterk punt is nie.

Raadslid Campher is immers ’n raadslid van Dysselsdorp – ’n gemeenskap waar waterinfrastruktuur en dienslewering nie behoorlik bestuur word nie.

In Dysselsdorp loop reservoirs kort-kort leeg en ontstaan daar telkens watertekorte. En wanneer die gemeenskap hulp nodig het, is dit juis raadsheer Allers wat inspring om inwoners by te staan en seker te maak dat hulle nie aan hul eie lot oorgelaat word nie.

Miskien behoort die fokus dus minder op Facebook-bewerings en meer op die werklike toestand van waterinfrastruktuur te wees. Want wanneer pype herhaaldelik uitskiet en reservoirs leegloop, is dit waarskynlik nie ’n slegte idee om na die gehalte van infrastruktuurbestuur, instandhouding en vakmanskap te kyk nie. Maar dit verg natuurlik ’n mens om die tegniese besonderhede van waterstelsels te verstaan.

En, soos ons nou geleer het, is dit klaarblyklik baie makliker om ’n politieke verklaring op sosiale media te maak as om ’n pyp reg te maak. Die inwoners van Middelplaas verdien beter as politieke moddergooiery. Hulle verdien betroubare drinkwater.

En hulle verdien ’n munisipaliteit wat ’n pypleiding behoorlik kan herstel – sonder dat inwoners vir maande op waterkarre moet staatmaak terwyl die rekening vir die belastingbetaler aanhou groei.

27/08/2026

𝗗𝗿𝗶𝗻𝗴𝗲𝗻𝗱𝗲 𝗶𝗻𝗴𝗿𝘆𝗽𝗶𝗻𝗴 𝗻𝗼𝗱𝗶𝗴 𝗼𝗺 𝘀𝘄𝗮𝗮𝗿 𝘃𝗼𝗲𝗿𝘁𝘂𝗶𝗲 𝘂𝗶𝘁 𝗦𝘄𝗮𝗿𝘁𝗯𝗲𝗿𝗴𝗽𝗮𝘀 𝘁𝗲 𝗵𝗼𝘂

Raadsheer Johan Allers, leier van die VF Plus Oudtshoorn, spreek sy ernstige kommer uit oor die toenemende aantal voorvalle waar bestuurders van swaar voertuie waarskuwings en duidelike padtekens ignoreer en steeds die Swartbergpas aandurf.

Vanoggend se voorval, waartydens die Swartbergpas weer gesluit moes word nadat ’n swaarvoertuigbestuurder die waarskuwings geïgnoreer en die pas aangedurf het, beklemtoon die dringendheid van raadsheer Allers se herhaalde beroep dat ’n fisiese hoogtebeperker of oorhoofse versperring by beide kante van die toegangspaaie na die Swartbergpas aangebring word. Só ’n versperring moet verseker dat swaar voertuie wat nie aan die voorgeskrewe beperkings voldoen nie, fisies verhinder word om toegang tot die pas te verkry.

Die Swartbergpas is tans van groter strategiese belang as ooit tevore, aangesien die Meiringspoort steeds gesluit is ná die verwoestende vloedskade van Mei. Die Wes-Kaapse regering het reeds aangedui dat Meiringspoort ’n kritieke ekonomiese en mobiliteitsverbinding is, terwyl die Swartbergpas se belangrikheid aansienlik toegeneem het omdat dit tans ’n belangrike alternatiewe roete tussen die Klein- en Groot-Karoo is.

Raadsheer Allers het reeds verskeie versoeke aan die Tuinroete-distriksmunisipaliteit, die Wes-Kaapse minister van infrastruktuur, Tertuis Simmers, en ander verantwoordelike rolspelers gerig om ’n permanente en praktiese oplossing vir hierdie probleem te vind. Minister Simmers se portefeulje is inderdaad infrastruktuur.

“Ons kan eenvoudig nie bekostig dat die Swartbergpas telkens gesluit word omdat bestuurders doelbewus waarskuwings en voertuigbeperkings ignoreer nie. Dit plaas ’n enorme las op die gemeenskap, toerisme, landbou en plaaslike ekonomie, en skep terselfdertyd ’n ernstige veiligheidsrisiko,” sê Allers.

Die Swartbergpas is ’n belangrike ekonomiese en toerisme-aar vir Oudtshoorn en die breër Klein Karoo. Die Wes-Kaapse regering het self bevestig dat die pas se belangrikheid aansienlik toegeneem het ná die sluiting van Meiringspoort en dat dit tans aansienlik meer verkeer dra.

“Hierdie is nie bloot ’n kwessie van ongerief nie. Wanneer ’n swaar voertuig op die pas vassit of ’n ongeluk veroorsaak, word die hele roete ontwrig en word inwoners, toeriste, besighede, landbouers en nooddienspersoneel geraak. Dit kan ook ’n direkte gevaar vir menselewens inhou.”

As voorsitter van SALGA Wes-Kaap se rampbestuurportefeulje, sowel as plaaslike raadslid, beklemtoon raadsheer Allers dat voorkomende maatreëls ingestel moet word voordat nóg ’n ernstige voorval plaasvind.

Die VF Plus verbind hom daartoe om hierdie probleem daadwerklik aan te spreek en druk te bly plaas vir ’n werkbare oplossing. Dit is onaanvaarbaar dat die herhaalde ekonomiese en veiligheidsimpak van hierdie voorvalle bloot aanvaar word, terwyl die gemeenskap, belastingbetalers, toerismebedryf, sakelui en landbouers toenemend die gevolge dra.

“Die boodskap is eenvoudig: waarskuwings moet nie net daar wees nie – dit moet afgedwing word. ’n Fisiese versperring wat ontoelaatbare swaar voertuie keer voordat hulle die pas bereik, kan voorkom dat dieselfde probleem oor en oor herhaal word.”

Die VF Plus sal voortgaan om druk te plaas vir ’n oplossing wat die veiligheid van alle padgebruikers beskerm, die Swartbergpas se beskikbaarheid verseker en die ekonomiese belange van Oudtshoorn en die Klein Karoo beskerm.

𝗙𝗼𝘁𝗼 𝘃𝗲𝗿𝘀𝗸𝗮𝗳

27/08/2026

𝗠𝗲𝗱𝗲𝗹𝘆𝗲 𝗺𝗲𝘁 𝗿𝗮𝗮𝗱𝘀𝗹𝗶𝗱 𝗕𝗮𝗿𝗯𝗮𝗿𝗮 𝗢𝘄𝗲𝗻 𝗺𝗲𝘁 𝗮𝗳𝘀𝘁𝗲𝗿𝘄𝗲 𝘃𝗮𝗻 𝗵𝗮𝗮𝗿 𝗲𝗴𝗴𝗲𝗻𝗼𝗼𝘁, 𝗽𝗮𝘀𝘁𝗼𝗼𝗿 𝗦𝗼𝗹𝗹𝘆 𝗢𝘄𝗲𝗻

Raadsheer Johan Allers, leier van die VF Plus Oudtshoorn, sy bestuur en kandidate spreek hul innige simpatie uit teenoor raadslid Barbara Owen met die afsterwe van haar geliefde eggenoot, pastoor Solly Owen.

Ons d**k in hierdie hartseer tyd aan Barbara, haar kinders, familie, kollegas en vriende. Mag die Here hulle styf in Sy arms hou, aan hulle krag en vertroosting gee en hulle deur hierdie moeilike tyd van rou dra.

Mag die Here se vrede en genade vir hulle ’n bron van hoop en troos wees.

Ons innige meegevoel aan die Owen-familie. 🕊️🙏

27/08/2026

𝗞𝗿𝗮𝗴𝗼𝗻𝗱𝗲𝗿𝗯𝗿𝗲𝗸𝗶𝗻𝗴 𝗶𝗻 𝗪𝗲𝘀𝗯𝗮𝗻𝗸

Die Oudtshoorn-munisipaliteit het by navraag bevestig dat die kragtoevoer tans in Wesbank, spesifiek in die omgewing van Hoopstraat, Victoriastraat, Jan van Riebeeckweg en die direkte omliggende gebiede, onderbreek is.

Volgens die munisipaliteit is herstelwerk reeds aan die gang om die kragtoevoer so spoedig moontlik te herstel. Die verwagte tydsduur van die onderbreking is egter op hierdie stadium onbekend.

Die VF Plus se kandidate in Wyk 2, André Barnard, en Wyk 1, Jaco Vorster, het inwoners versoek om alle noodsaaklike voorsorgmaatreëls te tref en waar moontlik elektriese toestelle afgeskakel te hou totdat die kragtoevoer herstel is.

26/08/2026

𝗠𝗶𝗱𝗱𝗲𝗹𝗽𝗹𝗮𝗮𝘀 𝘀𝘁𝗲𝗲𝗱𝘀 𝘀𝗼𝗻𝗱𝗲𝗿 𝗱𝗿𝗶𝗻𝗸𝘄𝗮𝘁𝗲𝗿 𝗻𝗮́ 𝗺𝗲𝗲𝗿 𝗮𝘀 𝟭𝟬𝟬 𝗱𝗮𝗲

Mediaverklaring uitgereik deur:
Johan Allers
VF Plus-raadslid: Oudtshoorn-munisipaliteit
26 Augustus 2026

Meer as 100 dae ná die verwoestende vloede van Mei sit inwoners van Middelplaas in die De Rust-omgewing steeds sonder betroubare drinkwater.

Dit is onaanvaarbaar dat ’n basiese noodsaaklikheid soos water so lank nie herstel is nie.

Munisipale amptenare van die Oudtshoorn-munisipaliteit en ’n kontrakteur is weekliks op die terrein, maar die herstelwerk bring geen volhoubare oplossing nie.

Dieselfde probleme duik keer op keer op, wat dui op swak vakmanskap en ’n gebrek aan aanspreeklikheid. Intussen stapel kostes op sonder dat inwoners die diens kry waarop hulle geregtig is.

Die VF Plus wil beklemtoon dat water nie ’n luukse is nie, maar ’n basiese reg. Inwoners van Middelplaas word gestraf deur ’n stelsel wat nie sy plig nakom nie. Die munisipaliteit moet dringend ’n deeglike ondersoek doen, aanspreeklikheid bepaal en ’n volhoubare oplossing in werking stel.

Die mense van Middelplaas het lank genoeg gewag. Elke dag sonder drinkwater is ’n skending van hul regte en ’n bewys van ’n munisipaliteit wat faal in sy basiese verantwoordelikheid.

Navrae: 082 572 9133

25/08/2026

’𝗻 𝗕𝗼𝗼𝗱𝘀𝗸𝗮𝗽 𝗮𝗮𝗻 𝗮𝗹 𝗼𝗻𝘀 𝗺𝗮𝘁𝗿𝗶𝗲𝗸𝘀 𝗺𝗲𝘁 𝗱𝗶𝗲 𝗮𝗮𝗻𝘃𝗮𝗻𝗴 𝘃𝗮𝗻 𝗱𝗶𝗲 𝗿𝗲𝗸𝗼𝗿𝗱𝗲𝗸𝘀𝗮𝗺𝗲𝗻

Aan al die matrieks van Oudtshoorn wat nou met julle rekordeksamen begin: ek glo in julle en wens elkeen van julle sterkte en sukses toe!

Hierdie eksamen is ’n belangrike geleentheid om julle kennis te toets, julle voorbereiding te evalueer en met groter selfvertroue na die finale matriekeksamen te beweeg.

Julle is die toekoms van ons gemeenskap en ons land. Die harde werk, keuses en drome van vandag lê die grondslag vir die geleenthede van môre. Glo in julleself, werk hard en moenie moed verloor wanneer iets moeilik raak nie.

’n Opregte woord van dank aan al ons onderwysers vir julle toewyding, geduld en die ekstra ure wat julle belê om ons kinders voor te berei. Aan ouers en voogde: dankie vir julle ondersteuning, aanmoediging en opoffering langs die pad. Julle rol in hierdie jongmense se sukses kan nie onderskat word nie.

Aan elke matriekleerder: doen julle beste, bly gefokus en onthou dat een eksamen nie julle waarde of potensiaal bepaal nie.

Mag julle harde werk beloon word en mag julle met trots terugkyk op hierdie belangrike hoofstuk van julle lewe.

Sterkte, matrieks! Ons staan agter julle.

𝑹𝒂𝒂𝒅𝒔𝒉𝒆𝒆𝒓 𝑱𝒐𝒉𝒂𝒏 𝑨𝒍𝒍𝒆𝒓𝒔
𝑳𝒆𝒊𝒆𝒓: 𝑽𝑭 𝑷𝒍𝒖𝒔 𝑶𝒖𝒅𝒕𝒔𝒉𝒐𝒐𝒓𝒏

20/08/2026

𝗗𝗿𝗶𝗻𝗴𝗲𝗻𝗱𝗲 𝗼𝗽𝘁𝗿𝗲𝗱𝗲 𝗻𝗼𝗱𝗶𝗴 𝗼𝗺 𝗹𝗲𝗲𝗿𝗱𝗲𝗿𝘀 𝘃𝗮𝗻 𝗕𝗿𝗶𝗱𝗴𝘁𝗼𝗻 𝗦𝗲𝗸𝗼𝗻𝗱𝗲̂𝗿𝗲 𝗦𝗸𝗼𝗼𝗹 𝘁𝗲 𝗯𝗲𝘀𝗸𝗲𝗿𝗺

👇 𝗦𝗰𝗿𝗼𝗹𝗹 𝗱𝗼𝘄𝗻 𝗳𝗼𝗿 𝗘𝗻𝗴𝗹𝗶𝘀𝗵 👇

Mediaverklaring uitgereik deur:
Danie Acker
VF Plus-provinsiale voorsitter: Wes-Kaap
20 Augustus 2026

Die VF Plus neem met groot kommer kennis van dreigemente wat op sosiale media versprei word waarin bendelede leerders van die Bridgton Sekondêre Skool op Oudtshoorn glo met die dood dreig.

Die Oudtshoorn Gemeenskapspolisiëringsforum (GPF) het bevestig dat die polisie van die boodskappe bewus is en dat ’n ondersoek aan die gang is.

Die VF Plus doen ’n dringende beroep op die polisie om alle nodige veiligheidsmaatreëls te tref om leerders, onderwysers en personeel te beskerm.

Die verspreiding van sulke dreigemente is uiters ontstellend en skep vrees en onsekerheid onder kinders, ouers en onderwysers. Geen kind behoort bang te wees om skool toe te gaan nie.

Die VF Plus versoek dat die polisie sigbare en toepaslike sekuriteitsmaatreëls handhaaf totdat die ondersoek afgehandel is.

Ouers en gemeenskapslede word terselfdertyd aangemoedig om kalm te bly en nie onbevestigde inligting verder te versprei nie. Enige geloofwaardige inligting moet onmiddellik aan die polisie gerapporteer word.

Die veiligheid van kinders in skole en ander leeromgewings moet ’n ononderhandelbare prioriteit wees.

Die VF Plus sal aanhou druk uitoefen totdat die nodige beskerming gewaarborg is.

Navrae: 082 572 9133

_________________________

𝗨𝗿𝗴𝗲𝗻𝘁 𝗮𝗰𝘁𝗶𝗼𝗻 𝗻𝗲𝗲𝗱𝗲𝗱 𝘁𝗼 𝗽𝗿𝗼𝘁𝗲𝗰𝘁 𝗹𝗲𝗮𝗿𝗻𝗲𝗿𝘀 𝗮𝘁 𝗕𝗿𝗶𝗱𝗴𝘁𝗼𝗻 𝗦𝗲𝗰𝗼𝗻𝗱𝗮𝗿𝘆 𝗦𝗰𝗵𝗼𝗼𝗹

Media release issued by:

Danie Acker
VF Plus Provincial Chairperson: Western Cape
20 August 2026

The VF Plus takes with great concern the threats circulating on social media in which gang members are allegedly threatening learners at Bridgton Secondary School in Oudtshoorn with death.

The Oudtshoorn Community Policing Forum (CPF) has confirmed that the police are aware of the messages and that an investigation is under way.

The VF Plus urgently calls on the police to implement all necessary security measures to protect learners, teachers and staff.

The circulation of such threats is deeply disturbing and creates fear and uncertainty among children, parents and teachers. No child should be afraid to go to school.

The VF Plus calls for visible and appropriate security measures to remain in place until the investigation has been concluded.

Parents and community members are also urged to remain calm and not to circulate unverified information. Any credible information should be reported to the police immediately.

The safety of children at schools and other learning environments must be an absolute priority.

The VF Plus will continue to apply pressure until the necessary protection is guaranteed.

Enquiries: 082 572 9133

Raadsheer Johan Allers - VF Plus Oudtshoorn

02/09/2026

01/09/2026

31/08/2026

29/08/2026

27/08/2026

27/08/2026

27/08/2026

26/08/2026

25/08/2026

20/08/2026

Address

Website

Alerts

Shortcuts

Share

Category

Listing takedown request