ACVV Noorder-Paarl

09/04/2026

17/03/2026

BAIE DANKIE Praylene du Plessis en Aneen Louw vir julle onbaatsugtige dienste wat julle as UITSTEKENDE MAATSKAPLIKE WERKERS lewer in ons gemeenskap! Julle is SUPERHERO'S in my oë!! Laat julle liggies helder skyn in ons gemeenskap. GELUKKIGE MAATSKAPLIKE WERKERSDAG!!!

16/03/2026

Op Vrydag, 13 Maart het SANCA in samewerking met Mej Aneen Louw 'n dwelm en alkohol praatjie gaan lewer. Dit was 'n baie insiggewende sessie en nou verstaan almal ook beter wat hierdie nare verslawings aan 'n mens kan doen. 'n Groot dankie aan SANCA wat soveel moeite gedoen het en die liefde wat julle uitstraal aan almal rondom julle.

23/02/2026

Saterdagoggend was daar ‘n inligtingsessie vir Pleegouers gehou by die Toringkerksaal. Die spreker was Mev. Frances Nefdt (self ‘n oud pleegouer) en haar boodskap het diep getref. Almal kon hulleself vereenselwig met haar woorde. Grepe uit haar praatjie…”Love fills the gap what family needs” ; “You choose to celebrate the small things!” ; “Honor the emotional weight you carry! God is with you!”.
Na Mev Nefdt se praatjie het Mev du Plessis ‘n inligtingsessie aan die pleegouers gebied. Na die afsluiting was almal dit eens dat dit regtig ‘n suksesvolle Saterdagoggend was en almal het daar weggegaan met ‘n ligter hart in dié wete dat hulle nie alleen die pad stap nie.

05/02/2026

Wees 'n Held! Meld mishandeling aan!

08/01/2026

DANKIE PAARL MALL EN GEMEENSKAP!
'n Groot dankie aan Paarl Mall se "Wish Tree" projek wat gesorg het dat ons 'n hele klompie kinders in ons area se harte kon bly maak vandag!
Baie dankie aan die gemeenskap van Paarl en omgewing wie se harte en beursies so oop is vir hierdie pragtige projek en dit elke jaar met soveel ywer ondersteun!
Ons voel regtig so bevoorreg om deel van hierdie projek te mag wees en dit is met groot dankbaarheid dat ons vanoggend hierdie kinders se ogies kon laat blink!
BAIE DANKIE!
Baie dankie ook aan ons maatskaplike werkers, Praylene en Aneen, asook die tannies wie gehelp het om die name en wense bymekaar te maak!
SAAM gee ons HOOP aan soveel kinderharte!

05/01/2026

Sê NEE vir alkohol en dwelms!

05/01/2026

GESKENKE TOEDRAAI PROJEK
'n GROOT GROOT GROOOTTTT DANKIE aan Mokkie en Lona Liebenberg wat hierdie groot projek elke jaar aanpak by Paarl Mall vir ons! Dit is altyd groot pret vir almal wie bereidwillig is om te help tydens hierdie lang dae van toedraai, maar ons weet ook dat hier baie ure se beplanning , organisering en opoffering ingaan!

Mokkie en Lona, julle is 'n span duisend!!!

Ons kan nie vir julle GENOEG dankie sê vir hierdie onbaatsugtige liefdesdiens wat julle vir ons doen nie. 'n Groot dankie ook aan elke persoon wie kom help toedraai in hierdie tyd! Ons waardeer elkeen van julle!

09/12/2025

16 Days of Activism against gender violence - Baie dankie aan elke maatskaplike werker wat deel was hiervan, opgedaag het, deelgeneem het, bewusmaking gedoen het en soveel liefde en vreugde uitgedeel het! Julle is sterre! Baie dankie aan Lauren vir die pragtige video wat jy gedeel het met soveel omgee en liefde asook ons eie maatskaplike werkers, Praylene en Aneen vir julle deelname, bydraes, tyd en liefde! Ons sien dit raak en waardeer julle meer as wat julle ooit kan besef!

27/11/2025

Paarl SAPD het vanoggend 'n optog gehou om die 16 Dae van Aktivisme teen geslagsgebaseerde geweld onder die publiek se aandag te bring. Ons maatskaplike werkers was daar om hulle te ondersteun en saam te stap. Baie dankie Aneen Louw vir die pragtige foto's!

19/11/2025

Mev Praylene du Plessis het verlede Vrydagaand in samewerking met haar kerk (St Augustines Paarl Katolieke kerk) die haweloses wie sy genooi het toegespreek oor menseregte. Die jeug van die kerk het vir elkeen toebroodjies gemaak en daar is ook klere uitgesit vir die haweloses om te kon vat. 'n Groot dankie aan Praylene wat haar tyd onbaatsugtig gebruik om ook hierdie mense in ons gemeenskap meer menswaardig te laat voel en vir hulle ook 'n bietjie hoop te bring in die vorm van Ubuntu bottels wat deur ACVV Noorder Paarl ook aan hulle uitgedeel was. Dit was 'n baie geseënde aand vir almal gewees.